1 Kauleethaus 8 的热门经文

分享

los peb tsuas muaj tuabtug Vaajtswv, kws yog Leejtxiv tug kws tsim ibpuas tsaavyaam hab yog tug kws pub txujsa rua peb lug ua neej nyob pub rua Nwg. Tsuas muaj tuabtug Tswv xwb, kws yog Yexus Khetos, txhua yaam yog Nwg tsim hab qhov kws peb muaj sa los puavleej yog lug ntawm Nwg lug.

Zagnua, has txug tej zaub-mov kws luas muab fij rua tej mlom lawm. Peb yeej paub tas “Peb txhua tug puavleej muaj kev txawjntse.” Kev txawjntse ua rua muaj kev khaavtheeb; tabsis kev hlub ua rua muaj kev ruaj-khov tuaj. Tug kws xaav tas nwg paub qeeyaam, tug ntawd yeej tseem tsi tau paub le qhov kws tsimnyog nwg yuavtsum paub.

Yogle ntawd, yog tas tej kws kuv noj ua rua kuv ib tug kwvtij poob kev txhum, tes kuv yuav tsi noj nqaj ntxiv le lawm, sub kuv txhajle yuav tsi ua rua ib tug ntseeg yuamkev moog ua txhum.

Tabsis mej yuavtsum ceevfaaj, tsi xob siv mej txuj kev ywjpheej ua rua cov kws txuj kev ntseeg tseem tsi tau khov yuamkev moog ua txhum.