1 Kauleethaus 11 的热门经文

分享

Thaus noj mo taag Nwg muab ib lub khob lug ua ib yaam nkaus le ntawd hab, Nwg has tas, “Lub khob nuav yog Vaajtswv tej lug cogtseg tshab kws muab Kuv cov ntshaav ua lub cim nas rua. Thaus twg mej haus lub khob nuav, mej haus ua kev ncu txug Kuv.” Ruaqhov txhua zag kws mej noj lub ncuav nuav hab haus lub khob nuav, yog mej qha tug Tswv txuj kev tuag moog txug nub kws Nwg rovqaab lug.

Tej lug qha kws kuv tau txais ntawm tug Tswv lug, kuv muab qha rua mej: mo kws luas ntxeevsab rua tug Tswv Yexus, Nwg muab ib lub ncuav lug, ua Vaajtswv tsaug, muab ndlais hab has tas, “Nuav yog Kuv lub cev, kws yog muab rua mej. Mej ua le nuav, ua kev ncu txug Kuv.”

Txhua tug nyag yuavtsum sojntsuam nyag tugkheej tsaiv, maamle noj lub ncuav hab haus lub khob. Ruaqhov tug kws cale noj lub ncuav hab haus lub khob tabsis tsi paub meej-meej txug tug Tswv lub cev, tes yog nwg noj hab haus txuj kev txavtxim lug rua nwg tugkheej.

Yogle ntawd, tug kws laam cale noj tug Tswv lub ncuav lossis haus tug Tswv lub khob yaam tsi tsimnyog, tug ntawd muaj txim, vim nwg ua txhum tug Tswv lub cev hab tug Tswv cov ntshaav.

Mej xyum ua lawvle kuv tug yaamntxwv, ib yaam le kuv xyum ua lawvle Khetos tug yaamntxwv.