Mar thehr liq 21 的热门经文

分享

Nig hehd yonr che khuhn bon lawg ver, nig hehd kha lawg che awg ceng teq pa haq Ghig sa tea tug yaog,” lehz i hehd haq koz vid che yaog.

Yer suq kawq koz che, “Ngag nig hehd haq awg cehg mag koz ax laq. Nig hehd yonr che ni ma thuhd phuhz nuhg phuhz maq te ver, a kud cehg che ve haq ngag te gha cheaq keh liz nig hehd teq pa vawr kawq te gha nuhr, keh che ve ted dig haq, ‘Jiz kae lehq lad chuhd ghig khuhn gehe lor,’ lehd koz vid ver, koz vid che heh te vehr tug yaog.

Yer suq ghud med awr he lehq kuhr tehx nuhr hez tod che chaw mor nux teq pa kaod kug lehq koz che, “Dar viq ve Yad phu haq Ho sa na phehq vid-oq. Jawd mawd Ghig sa ve awg meh khuhn lag che chaw haq awg bon ir vid-oq. Muhd nuh maq lo chehd che ir jad muh jad che Ghig sa haq liz Ho sa na phehq vid-oq,” lehd koz che yaog.

“‘Ngag ved yehg haq bon lawg kig yehg,’ lehd koz lehq Liq phu khuhn buhq lar liz nig hehd teq pa awr lehr yehg che ve haq chaw khuhd chehd kig yehg yug te vehr che law,” lehz Yer suq i hehd haq koz vid che yaog.

“Yid onr ve med yad teq pa haq che kheh koz vid-oq. ‘Ngawx lor, nig hehd ve Jawd mawd awr lehr, ni ma nud nehg che khuhn pix lar ma he lehq awg yad nehax haq cind lehq nig hehd chehd lo lag chehd che yaog,’” lehd koz lar che yaog.

Yer suq i hehd haq koz vid che, “‘Yehg kawx par teq pa chid bag lar che huhx meh dig vawr, a yed ir jad che, awg cir huh tanr kawx lar che huhx meh dig phehq vehr che yaog. Awg ceng che ve awr lehr, Jawd mawd Ghig sa te lar che kanx te lehq, a nig mehz khuhd suhr and tug awg ceng phehq vehr che yaog,’ lehz Liq phu awg khuhn buhq lar che haq nig hehd maq gha ghawn jaw lehq la.

Kheh te lehq ngag nig hehd haq koz ax laq. Ghig sa ve muhd mig awr lehr nig hehd awg khuhn yug tuhz lehq Ghig sa ve a lor haq te lehq awg sir nuhq che chaw teq pa haq kawq pid tug yaog.