Juan 5 的热门经文

分享

Eropa arĩtuha õpa arĩ werenemomi: —Diaye mʉare arĩgʉ iiaa. Yʉ wereniguirire peerã yʉre obeodigʉre umupeorã ʉmʉri nʉcʉ ʉmarogue eropa árĩniguicãrãcoma. Eropigʉ erãre dipuwaja moasome yʉhʉ. Eropirã erã peamegue wabonirã tarirãcoma.

Ero ĩgʉ oyacʉ̃ ĩagʉ ĩgʉ eropa yoari boje ĩgʉ dorecʉcʉ̃ masimi Jesu ĩgʉre. Eropa masigʉ ĩgʉre serẽpimi: —¿Õari dʉpʉ dore marigʉ árĩdiari mʉhʉ? arĩmi Jesu ĩgʉre.

Goãmʉ yare erã gojarapũre mʉa õaro buhea. Eropa buherã “Gʉa ipũre buherã ʉmʉri nʉcʉ Goãmʉ mera eropa árĩniguirãca,” arãa mʉa. Iripũ ta yʉre werea. Iripũ yʉre werequerecʉ̃ ta mʉapʉ yʉre gamebeaa. Ʉmʉri nʉcʉ Goãmʉ mera mʉa árĩniguiburire yʉhʉ ogʉ árĩquerecʉ̃ yʉre gamebiribʉ mʉa, arĩ weremi Jesu erãre.

—Wahgãnʉgajaque. Mʉ omasiariñere aĩ, mʉ guburi mera cʉhrapi wahgã waque, arĩmi Jesu ĩgʉre. Ĩgʉ eroparĩcʉ̃ ta dorecʉgʉpʉ wahgãnʉgaja ĩgʉ omasiariñere aĩ waha wami. Irinʉ Sabado gʉa judio masa soorinʉ árĩbʉ.

Eropi Jesu erãre weremi: —Diaye mʉare arĩgʉ iiaa. Yʉhʉ Goãmʉ magʉ yʉ gamero iigʉ iibeaa. Yʉ Pagʉ ĩgʉ iirare ĩagʉ irire iiaa.