Ƀiădah srăng mâo phung tlaih dôk ti čư̆ Siôn,
čư̆ anăn srăng jing doh jăk;
leh anăn sang Yakôp
srăng lŏ mâo čar diñu pô.

Kyuadah hruê Yêhôwa giăm truh leh kơ jih jang găp djuê mnuih.
Arăng srăng ngă kơ ih msĕ si ih ngă leh kơ arăng,
bruă ih ngă leh srăng lŏ wĭt ti dlông boh kŏ ih pô.

Klei mgao ai tiê ih mplư ih leh,
Ơ pô dôk hlăm ƀăng ƀlŭng boh tâo,
pô dôk ti anôk dlông,
pô lač hlăm ai tiê ih pô,
‘Hlei dưi bi mtrŭn kâo truh ti lăn?’

Wăt tơdah ih phiơr ti dlông msĕ si tlang,
wăt tơdah ih ngă hruh ih mbĭt hŏng mtŭ,
mơ̆ng anôk anăn Kâo srăng bi mtrŭn ih kơ gŭ,”
Yêhôwa lač.

Y-Apđia 1 的热门经文分享

Y-Apđia 1 的热门经文