Y-Yôel 2 的热门经文

分享

“Ƀiădah wăt ară anei,” Yêhôwa lač, “Lŏ wĭt bĕ kơ Kâo hŏng jih ai tiê diih, hŏng klei kăm ƀơ̆ng huă, hŏng klei hia, leh anăn klei kơŭ kyăm.

“Êdei tinăn Kâo srăng tuh Mngăt Myang Kâo ti jih jang kđeh; phung anak êkei leh anăn phung anak mniê diih srăng hưn êlâo, phung êkei mduôn diih srăng êpei, leh anăn phung êkei hlăk ai diih srăng mâo lu klei bi ƀuh.

Leh anăn hiêk bĕ ai tiê diih, amâo djŏ čhiăm ao diih ôh. Lŏ wĭt bĕ kơ Yêhôwa, Aê Diê diih, kyuadah Ñu jing Pô jăk leh anăn thâo pap, amâo djăl ăl, leh anăn bŏ hŏng klei jăk, leh anăn Ñu bi mlih klei Ñu ngă jhat.

Leh anăn klei anei srăng truh, jih jang hlei pô iêô wah lač kơ anăn Yêhôwa srăng tlaih; kyuadah hlăm čư̆ Siôn leh anăn Ƀuôn Yêrusalem srăng mâo phung tlaih leh, tui si Yêhôwa lač leh, hlăm phung adôk hdĭp ăt srăng mâo phung Yêhôwa iêô.

Yang hruê srăng mbliư̆ jing mmăt, leh anăn mlan jing êrah, êlâo truh hruê prŏng leh anăn bi huĭ mơ̆ng Yêhôwa.”