Rɔmɛ̀n-anmàn-bɔ̀ 5 的热门经文

分享

Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n, ɛnbɔrɛ-ẅɛ̀n-hɛ́n kɛ tán bìakpa-ẅɛ̀n ɔwɔɛ̀n-nyan mɛ̀n, kɩ bìakpa-ẅɛ̀n kɛ tán esɛ́.

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n. Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn.

N'owù gbànkàn cice lɔ mɛ̀n, zɛtɛ̀ lɔ bɔ̀ srɔ ɛnyrɔnnan-bɔ̀ Ɔwɔ zìwú; annànwɔrɛ mɛ̀n lɔ, ke dú kɛ Ɔwɔ ke bɩ́ ɛmɛ̀nhyì mán, ne le bɩ́ bɔ̀ tɛ̀ nɛ̀n die.

Ɔwrɔn zri fɔndɔ̀n hán anwrɔn bobrebe bore ɛgbàn mɛ̀n; ɔmu zri lɔ de ɔwrɔn zri anhyɛyì léyi ẅɛn Ɔwɔ tɛ̀sɛ̀n nɔn, anwrɔn bobrebe hɔ̀n cɔ́ ɛnyrɔnnan Ɔwɔ zìwú.

Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.