Rɔmɛ̀n-anmàn-bɔ̀ 3 的热门经文

分享

yɔ lɔ fɛn yɔ hán ɛgbàn kɩ yɔ lɔ fɛn yɔ sɩ́ kán Ɔwɔ ci-zrɔ lɔ. Tɛ́n Ɔwɔ, n'ɛzrɔ lɔ mɛ̀n, kɛ hán yɔ, yɔ srɔ ɛnyrɔnnan-bɔ̀ n'ezìwú, ankora, Zhezü Krisì léyi kɛ mrɛ́n yɔ ɛgbàn mɛ̀n sɔhɔ́ nɔn n'ɛkruhú.

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn

Ɔwɔ bɩ́ nɛ̀n ce eci, ô n'owù lɔ mɛ̀n, Krisì kɛ̀ cɔ́ ɛgbàn-bɩ̀-ce kè dú anwrɔn hɔ̀n léyi ẅɛn ankaẅì-bùtan n'ɛwú nɔn tɛn. Ɔmu lɔ de Ɔwɔ yé ɛnvra lɔ fɛn le, nɛ̀n dú ɛnyrɔnnan-wrɔn: nɛ́n gɔ̀ dú ɛnyrɔnnan-wrɔn ɛnbìɛhɛ́n, ɛnvra léyi anwrɔnẅì dú ɛgbàn mɛ̀n, hɩ nɛ̀n sɩ̀ bɩ̀ ɛmɛ̀nhyì nɛ̀n teze yɔ, yɔ dú ɛgbàn-hán mɛ̀n; nɛ̀n dú ɔmu zri lɔ zɛtɛ̀ lɔ, ɔmuhi ne ji ɛnvra zri lɔ mɛ̀n nɛ̀n dú ɛnyrɔnnan-wrɔn, ô anwrɔn hɔ̀n léyi ẅɛn ankaẅì-bùtan Zhezü mɛ̀n nɔn, nɛ̀n srɔ yɔ ɛnyrɔnnan-bɔ̀.

Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.

Owrú kɛ dɔ́ ankà lɔ: “Ɛnyrɔnnan-wrɔn zriɛmɛ́n bàdà, hɩ ká dú ɛnzri mán, ɔwrɔnẅì zriɛmɛ́n bàdà hɩ ká dú ankà-yá-wrɔn, ɔwrɔnẅì zriɛmɛ́n bàdà hɩ ká dú Ɔwɔ jiemɛ̀n nɔn. Yɔ lɔ fɛn yɔ cɔhɔ́ ɛnlevri ankrankran wú, ɔmùan-krɔn mɛ̀n yɔ dú ɛzrɛ́n mɛ̀n. Anvrɛn-hán-wrɔn zriɛmɛ́n bàdà, hɩ ká dú ɛnzri mán.

Bɔ́ tro le, annanwɔrɛ mɛ̀n lɔ, ɔwrɔnẅì kɛ srɔ ɛnyrɔnnan-wrɔn Ɔwɔ zìwú n'ankaẅì-bùtan-ẅɛ̀n kruhú, kɩ kè sɩ̀ dù ɛnyànmàn léyi nɛ wá nɔn hɩ kruhú.

Annànwɔrɛ mɛ̀n lɔ, hɔ̂, kè sɩ̀ dù ɔmu lɔ! Ɛmɛ̀n fi cehɛ́n le, Ɔwɔ kɛ hán eci annanwɔrɛ mɛ̀n, kɩ ke dú kɛ ɔwrɔn totɔtɔ̀n kɛ hán ɛyɔ̀n-ci mán, hán ɔmu le Owrú Prɔnprɔn ndɔ̀ nɔn: “Ke ji le è dú ɛnyrɔnnan mɛ̀n v'ankà-dɔ́ mɛ̀n, ô è dú ɔkɔ̀nká-wrɔn ke dú kɛ ye sɩ́ mɛ́n ɛmrɛ̀nciemɛ̀n.”