Rɔmɛ̀n-anmàn-bɔ̀ 1 的热门经文

分享

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Annanwɔrɛ mɛ̀n lɔ, ɛnvra léyi Ɔwɔ hán ɛnhibù bukru nɔn, yɛ kán anvrɛnvrɛn mɛ̀n n'ɛkɔrɛ̀-srɔn léyi kè sɩ̀ ẅɛ̀n ɛnkrutrɔ mán n'Ɔwɔ dù léyi nɛ́n dù nɔn, ɛnvra léyi yɛ nyan n'ɛkɔrɛ̀-ci hɔ̀n lɔ fɛn léyi nɛ́n hán nɔn. Anwrɔnẅì ke sɩ́ hán ɛnhyɔ̀bɔ̀-nyri-ci.

Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n.

Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Hɩ le kruhú de Ɔwɔ teze yɔ anvɛvrà-ci-hán mɛ̀n. Yɔ wúyɔ̀ dùku mán kɛ crɔn y'eci-hán-ci wúcɔ̀ dɛ́ tɛ̀sɛ̀n. Ɔmu zri lɔ, wúcɔ̀ ke teze wúyɔ̀ dɛ́ kɩ ke ji yɔ nyran hɔ̀n wúcɔ̀. Wúcɔ̀ hɔ̀n kɛ hán anvɛvrà-ci, yɔ mán yɔ nyran hɔ̀n wúcɔ̀ mɛhi, kɩ ɔmu lɔ de yɔ cɔ́ ɛgbàn-wɔ̀ɛn-dì léyi vɛ́n y'eci-gbangbàn-hán nɔn. Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

Yɔ bú y'edomɛ̀n yɔ hán ankà-nyri-bɔ̀, tɛ́n yɔ dú nmù-hán-bɔ̀: hɩ le yɔ le cüe Ɔwɔ léyi ke sɩ́ wúɛ n'eci-zrɔ lɔ ankɔrɛ̀ ezìwúɛ nɔn, yɔ sɛ́n antɛ̀buri-Wɔ léyi dú ɔwrɔnẅì léyi ke wù nɔn n'ɛkɔrɛ̀-ci, annrɛn hɔ̀n, annan-anzɔ̀-nɔ̀n mán ɛnhibɩ́-wore-nɔ̀n.