Kɔlɔsèn anmàn-bɔ̀ 3 的热门经文

分享

Nyɛ́n bɔ́sɔ ny'edomɛ̀n; kɩ ke dú kɛ ny'ɛmɛ̀n lɔ ɔwrɔn tɔ̀n ke tro le nɛ́n nyran hán nɛ̀n eci gbàngbàn, nyɛ́n bɩ ce ny'edomɛ̀n, hán ɔmu le Ɛẅɛnwrɔn ke bɩ́ ce nyɛ̀n nɔn hɔ́.

Ɛci hɔ̀n léyi dú ɛwú nɔn, y'ankà kè dú ny'ankà shishi, tɛ́n ke bɩ́ dú yɔ hɔ̀n léyi dú ɛnu ɛnhi nɔn.

Ɔkɔ̀hɔ̀n totɔtɔ̀n léyi dú nyɛ tɛn nɔn, nyɛ́n hán nɛ̀n ɛnbɔrɛ anvrɛnvrɛn mɛ̀n kè dù kɛ̀ hán Ɛẅɛnwrɔn tɛn hɔ́, tɛ́n ke bɩ́ dú kɛ hán anwrɔnẅì tɛn.

Nyɛ́n dú Ɔwɔ-fɛcüè mɛ̀n mɛ̀n-bɔ̀; Ɔwɔ mrɛ́n nyɛ̀n nbɩ kɩ nɛ cüɛn nyɛ̀n. Hɩ le kruhú de ke ji le ɛnbɔrɛ-wɔ̀, ɛcüɛn-bɔrɛ, edomɛ̀n-ɛnhi-sɩ́, anwɔwɔ mán ɛnbɔrɛ-ẅɛ̀n-hɛ́n kè dú ny'edòmɛ̀n-ẅɛn-ci.

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ. Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.

Kɩ eci lɔ fɛn wú, nyɛ́n bɩ́ ɛcüɛ̀n nyɛ́n hɛ́n, ɛhɛ́ ndɔ léyi kɛ lɛ tán nyɛ̀n ɔbɔ̀sɔ kɔrɛ̀levri kokroho nɔn.

Nyɛ́n mán Krisì mɛhi nyɛ́n dú owú-bɔ̀ mɛ̀n nyɛ́n vá ɔkɔrɛ-bɔ̀ mɛ̀n. Zɛtɛn, nyɛ́n ji ɛci hɔ̀n léyi dú anhobɩ́ ci, ɛyri léyi Krisì yɛ́ Ɔwɔ ezì-kɔrɛ̀a nɔn.

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

Ɔmuhi nyɛ́n wù kɩ ny'ɛwúvà lɔ mán Krisì mɛhi bán dú Ɔwɔ mɛ̀n.

Tɛ́n zɛtɛ̀ lɔ, nyɛ́n kɔ́n eci ndɔ lɔ fɛn nyɛ́n cüe: ɛmɛ̀nhyì, ɛmɛ̀nhyì-wá mán anbɔrɛ-ci. Ke sɩ́ ji le ɔwra mán ankà-dɔ̀ gbàngbàn zriɛmɛ́n kè dú ny'ɔmùan lɔ mɛ̀n kɛ̀ srɔ ɛntrɛ.

Nyɛ́n bɩ́ ẅɛn ɛyɔ̀n nyɛ́n tán ny'edomɛ̀n, ɔmuhi nyɛ́n teze ny'edùci gbànvri mán n'ɛci-hán hɔ̀n, kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

Wúcɔ̀, nyɛ́n cüɛn nyɛ́n hi hɔ̀n, ô nyɛ́n bɩ́ yé yɔ ezì gbàngbàn.

Ɛẅì hɔ̀n, eci lɔ fɛn mɛ̀n, nyɛ́n wá nyɛ́n zi hɔ̀n mán nyɛ́n muan hɔ̀n, ɔmuhi nyàn eci léyi Ɛẅɛnwrɔn kɛ cüɛ̀n nɔn.

Wúyɔ̀ nyɛ́n sɩ́ ny'edomɛ̀n ɛnhi nyɛ́n tán nyɛ́n cüì hɔ̀n, hán ɔmu le ke ji le nyɛ́n hán Ɛẅɛnwrɔn zìwú nɔn.