2 Korɛntɛ̀n anmàn-bɔ̀ 5 的热门经文

分享

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

annanwɔrɛ mɛ̀n lɔ, bɔ́ nán esù ankaẅì-bùtan wú kɩ kè sɩ̀ dù ɛyri-kán mɛ̀n.

Eci ndɔ lɔ fɛn dú Ɔwɔ yri và, nɛ́n léyi nɛ̀n wɔ bɔ́ mán nɛ́n mɛhi angranmɛ̀n Krisì mɛ̀n, kɩ nɛ̀n tán bɔ̀ ɔkɔ̀hɔ̀n ndɔ lɔ, ô bɔ̀ wɔ nɛ́n mán anwrɔn nyàntɛn hɔ̀n mɛhi angranmɛ̀n nɔn. Ɔmuhi, Krisì mɛ̀n de, Ɔwɔ kɛ hán angranmɛ̀n-wɔ-ci kɛ tán nɛ́n mán anwrɔnẅì lɔ fɛn mɛhi, kɩ nɛ́n sɩ́ crɛ-nyan y'ɛgbàn hɔ̀n lɔ. Kɩ nɛ̀n tán bɔ̀, bɔ̀ dɔ́ angranmɛ̀n-wɔ̀ ndɔ lɔ n'ankà.

Zɛtɛn bɔ̀ dú ankà-bɔ̀sɔ-bɔ̀ léyi Krisì wá ɔkɔ̀hɔ̀n, kɩ ndù hán le Ɔwɔ dùku de ke bi nyɛ̀n b'ɔmùan wú nɔn: bɔ́ sɛ́n nyɛ̀n Krisì bɩmɛ̀n, nyɛ́n teze ny'edomɛ̀n Ɔwɔ mɛhi angranmɛ̀n kɛ̀ wɔ nyɛ̀n.

Nɛ̀n wú yɔ lɔ fɛn y'ɛkruhú, ô yɔ léyi yɔ dú ɛwúvà mɛ̀n nɔn, yɔ bɩ́ vru dú ɛwúvà mɛ̀n yɔ tán yɔ mumù, tɛ́n yɔ tán ɔwrɔn léyi wù, kɩ vru vá ɛwúvà-kɔrɛ̀ mɛ̀n y'ɛkruhú nɔn. Nyàn eci le kruhú léyi bɔ́ sɩ́ vru ẅɛn ɔwrɔn zriɛmɛ́n anhyɛyì n'ɔwrɔnẅì antà-dùwrú wú nɔn. Kɩ ke dú kɛ, ɛnbìɛhɛ́n vra lɔ, bɔ̀ bɩ́ Krisì bɔ̀ srɔ ɔwrɔnẅì, zɛtɛ̀ lɔ, bɔ́ sɩ́ vru bɩ́ nɛ̀n bɔ́ hán ɔwrɔnẅìɛ.

Annanwɔrɛ mɛ̀n lɔ, Krisì cüɛ̀n lɔ wi bɔ̀ ɛwú, bɔ́ léyi bɔ́ nyri annanwɔrɛ mɛ̀n le, ɔwrɔn zri wú anwrɔn lɔ fɛn kruhú kɩ, zɛtɛn, yɔ lɔ fɛn yɔ dú n'owù vɔ̀nshɛ́ lɔ mɛ̀n.