1 Tesalonikɛ̀n anmàn-bɔ̀ 5 的热门经文

分享

Nyɛ́n dú ɛnvra lɔ fɛn pɔpüɛ̀ mɛ̀n, nyɛ́n sɛ́n ɛnvra lɔ fɛn, nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn. Ɔwrɔn léyi ke bi nyɛ̀n nɔn, kɛ lɛ sá eci ndɔ lɔ nmù ɔmuhi nɛ̀n dú ɔmùan-zri-di-wrɔn nɔn.

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

Ɔmu lɔ, nyɛ́n yɩ́ ny'edomɛ̀n edù, ô nyɛ́n tán ny'edomɛ̀n ecüì ankaẅì-bùtan mɛ̀n, hán ɔmu le nyɛ́n gɔ̀ hán nɔn.

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

Nyɛ lɛ fɛn, annanwɔrɛ mɛ̀n lɔ, nyɛ́n dú ɛyri-kàn kɔrɛ̀levriemɛ̀n, nyɛ́n dú ɛcɛ̀n pupu tɛn. Bɔ̀ sɩ̀ dù ɛnnyran mán ɛyri-yɔwɔ kɔrɛ̀levri wú.