Roma 16 的热门经文

分享

Ka̱shile ka na ka̱ tsu tuka̱ m ma̱ta̱na̱, wi ta̱ a kuminjarangu MalyaꞋi ɗaka vu ene a̱ ɗa̱ babu megeshe. N vasa ta̱ adama a na kasingai ka Vuzagbayin vu tsu Yesu u yongo n a̱ɗa̱.

Uma a̱ va̱, n folono ɗa̱ ta̱ ka̱ta̱ i zuka n aza a na a̱ tsu tuka̱ m mepecemgbenei ka̱ta̱ a zuwa uma a̱ ta̱ɗa̱tsa̱ a̱ ubuta̱ wu uneki u ka̱ɗu u le, ka̱ta̱ kpamu o yotsongusu ili i yoku kau n i na yi isai ɗe. YaꞋin daꞋin n ele.

Aza a na a ci yaꞋan nannai Kishi Vuzagbayin vu tsu ɗa i a kuyaꞋanka tsugbashi ba, amma i ta̱ kuyaꞋan ili i na i yokpoi le koci. A tsu dansa ta̱ n uma n una̱ u singai n kuyaꞋan kucikpa ka aꞋuwa kpamu, nannai a̱ ci ya̱nsa̱ ta̱ aza a na a̱ kpa̱ɗa̱i kuyeve ukuna wi ili i kavama i nam pa.

YaꞋan ci neke Ka̱shile tsugbayin! Wi ta̱ a kufuɗa wa zuwa ɗa̱ i shamgba n utsura a̱ ubuta̱ wu uneki u ka̱ɗu u ɗa̱, uteku u na Arabali a Singai a danai. Ɗaɗa akaka adama e Yesu Kirisiti Kishi n kusheshe ku ni ku na Ka̱shile ko sokongi ali m mani-mani va ɗe. Amma gogo na iɗani i eneki i zuwa le ta̱ e yeve mayun e keteshe. Ka̱shile kpamu, vuza na u tsu kuwa̱ ba, u dana ta̱ a zuwa akaka a nam pa a yaꞋan uyevi ra̱ka̱ a iɗika adama a na e neke a̱ɗu ka̱ta̱ kpamu o tono yi. Ka̱sa̱kpa̱ Ka̱shile, vuza vu ugboji endeꞋen, wi isa tsugbayin a̱ ubuta̱ u Yesu Kirisiti Kishi ko wanai. Ta nannai.