Dad Fngewe 3 的热门经文

分享

Too ge smalig di Dwata mdà di nawam, na nang ge smalig di ge kaglabat. Kabay di kdee nimoam funam Dwata, na fiten di ge i glut dalan.

Nangam fandam ku too ge fulung, bay toom kanlikò Dwata, na knangam i kdee sasè.

Toom nafè Dwata fagu di kablém kenen i too fye di kdee mdà di ulê tanaam. Na ku ani nimoam, too fnò i folam na landè gusfayu i dademe, na i gufkaham ninumam gal sambél.

Nangam kah kakdom Dwata na kagsaligan ge, na toom fkah ani di fandamam, na di nawam du fye laam glifet.

Tingàgu, nangam knang i kaflayam mdà di Dwata, na nangam tatì fbayà i kngakan ge, du Dwata, nngakan di gusasè i to kandon, gambet i kngak i satu mà di tingaan toon kando.

Tingàgu, nangam nlifet i tdògu ge, bay toom busek di nawam i dad fngewegu ge. Du i tdògu ge, én flawil ge, na mlé di ge kafye kneam.

Nun kafye di to ku nun kfulungan na di to ku nun kaglabatan, du mdatah fa i gweam di kfulung i gweam di salafì, na mabtas fa di ge di blawen. Na i kfulung faldam, mabtas fa di kabtas i dad too fye kas, na landè dademe knayeam gufsalngadam dun du too mdatah.

Ku nun kiboam, galam tnabeng i demem to nun klidù.

Mgimò Dwata klamang tanà mdà di kfulungan, na mdà di bong gnadean tafkahan langit ditù di tah.