1 Khaulee 2 的热门经文

分享

Lawv le kws muaj lug sau ca has tas, “Yaam kws qhov muag tsw pum qhov ntsej tsw tau nov, hab tuabneeg lub sab xaav tsw txug, yog yaam kws Vaajtswv npaaj ca rua cov kws hlub Vaajtswv,”

Tassws cov kws tsw muaj Vaaj Ntsuj Plig mas puab tsw txais yuav tej kws yog Vaajtswv tug Ntsuj Plig le tsua qhov puab pum tas yog yaam kws ruag hab puab tsw txawj nkaag sab tsuas yog tug kws muaj Vaaj Ntsuj Plig txhad txawj tshuaj saib.

mas Vaajtswv kuas Vaaj Ntsuj Plig qha yaam hov rua peb, tsua qhov Vaaj Ntsuj Plig tshuaj saib txhua yaam txawm yog nyob tub tub huv Vaajtswv.

Peb tsw yog tau ntsuj plig ntawm nplajteb tassws tau Ntsuj Plig ntawm Vaajtswv sub peb txhad paub txug tej kws Vaajtswv pub dawb dawb rua peb.

Tej lug kws kuv has hab tej kws kuv qha tsw yog swv tej lug txawj lug ntse ntxag mej tassws yog ua kuas mej pum Vaaj Ntsuj Plig tug fwjchim xwb, mej txujkev ntseeg txhad tsw yog vaam khom tuabneeg tug tswvyim tassws vaam khom Vaajtswv tug fwjchim.