1 Khaulee 12 的热门经文

分享

Vaajtswv pub Vaaj Ntsuj Plig lug tshwm rua huv txhua tug sub txhad muaj qaabhau rua suavdawg.

Mej yog Kheto lub cev, hab mej txhua tug ib leeg yog ib yaam ntawm lub cev.

Yog lub cev ib qho twg mob, txhua yaam ntawm lub cev kuj mob hab. Yog lub cev ib qho twg tau koob meej, txhua yaam ntawm lub cev kuj zoo sab xyiv faab.

Vaajtswv kuas Vaaj Ntsuj Plig pub ib tug txawj has tej lug muaj tswvyim, hab kuas tuab tug Vaaj Ntsuj Plig pub dua ib tug has tej lug txawj ntse, hab kuas tuab tug Vaaj Ntsuj Plig pub dua ib tug muaj kev ntseeg, hab kuas tuab tug Vaaj Ntsuj Plig pub dua ib tug muaj tswvyim khu tau mob, hab pub dua ib tug ua tau tej txujci phemfwj, hab pub dua ib tug cev Vaajtswv lug hab dua ib tug txawj tshuaj saib tej ntsuj plig, hab pub dua ib tug txawj has lug txawv txawv hab dua ib tug txawj txhais tej lug txawv txawv hov.

Tuab tug Vaaj Ntsuj Plig tu tej nuav huvsw rua nyag muaj nyag lawv le Vaaj Ntsuj Plig lub sab nyam.

sub txhad tsw pub lub cev sws faib, tassws txhua yaam ntawm lub cev ib yaam yuav mob sab rua ib yaam.

Tej tswvyim kws Vaaj Ntsuj Plig pub muaj ntau yaam, tassws muaj tuab tug Vaaj Ntsuj Plig xwb, hab tej num kws ua koom rua tug Tswv muaj ntau yaam, tassws muaj tuab tug Tswv xwb, hab tej daag num muaj ntau yaam, tassws muaj tuab tug Vaajtswv ua kuas txhua tug ua tau txhua yaam num.

Vaajtswv tsaa qee leej rua huv pawg ntseeg, paab ib yog cov tubkhai, paab ob yog cov kws cev Vaajtswv lug, paab peb yog cov xwbfwb qhuab qha, dua le ntawd yog cov kws ua tau txujci phemfwj, hab cov kws Vaajtswv pub tswvyim txawj khu mob, hab cov kws paab lwm tug, cov kws txawj coj hab cov kws has tau ntau yaam lug txawv txawv.

Lub cev tsw yog muaj tuab yaam xwb, tassws muaj ntau yaam.

Tsw yog le ntawd, tassws tej yaam ntawm lub cev kws xaav tas tsw muaj zug tseed yog yaam kws cheem tsum

Yog lub cev huvsw ua qhov muag taag lawm, qhov kws nov tau yuav nyob hovtwg? Yog lub cev huvsw ua qhov ntsej, qhov kws nov ntxhab yuav nyob hovtwg? Tassws Vaajtswv pub txhua yaam rua lub cev nyag nyob nyag chaw lawv le Vaajtswv lub sab nyam. Yog txhua yaam ntawm lub cev ua tuab yaam xwb, lub cev yuav muaj tau le caag?