Zĩn 1 的热门经文

分享

Tó Lua Nisĩna dìɛ́, á gbãa'e, íɔ dɛ ma seeladeɔ ũ Yelusalɛũ ń Yude busuo gupiiu ń Samali busuo e à gɛ pɛò dũnialɛwa.

A wèmá à mɛ̀: Á a zɛ́ vĩ àɔ a gɔɔ ge zaa pɔ ma Mae dìlɛ ń azĩa ikoo dɔ̃o.

Kɛ́ aa kãaaa, ɔ̃ a ònɛ́: Ásu bɔlɛ Yelusalɛũo. Àɔ lɛ́ pɔ ma Mae gbɛ̃̀ɛ́ dã́ lá ma a yã'òɛ́wa. Asa Zãa gbɛ̃́ɔ da'ilɛkɛ̀ ń íoɛ, ãma gɔɔplanaɛa má á da'ilɛkɛ ń Lua Nisĩnaoɛ.

Asa aà gaa gbɛa à azĩa ɔlɔ̀nɛ́, ɔ̃ aa dɔ̃̀ seasai a bɛ̃́ɛ. À azĩa ɔlɔ̀nɛ́ e gɔɔ bla, à kpala pɔ Lua kpà yã'ònɛ́.

Yãpi oa gbɛa Lua aà sɛ̀ ń wáa e à gɛ̀ sã̀alɛ ń wɛ́wa lounaau.

Aà taa guu, lá an wɛ́ pɛ́ musuwa, gbɛ̃ɔn plaeɔ bɔ̀, aa mɔ̀ zɛ̀ ń saɛ, aa pɔkasa puaɔ daa. Aa mɛ̀: Galile busudeɔ, akɛa á zɛa álɛ musu gwai? Yesu pɔ Lua aà bɔ̀ á guu à tàò a kĩipi, a ɛa mɔ́, lá á è àlɛ tá weɛwa.