1 ᑲᕒᐃᑎᔭᓇᒃ 6 的热门经文

分享

ᑳᐐᓐ ᐃᓇ ᑭᑭᑫᑕᓰᒻ ᑭᐐᔭᐎᐙᓐ ᐁᐅᑕᓇᒥᐁᐎᑲᒥᑯᒥᓂᒡ ᑭᔐᒪᓂᑑ ᐅᑕᒑᑾᓐ ᑳᑭᑭᔥᑲᐎᓀᒃ, ᑭᔐᒪᓂᑑ ᑳᒦᓂᓀᒃ? ᑳᐐᓐ ᑮᓇᐙ ᑎᐱᓇᐌ ᑭᑎᐯᓂᑎᓱᓰᒻ᙮ ᐋᓃᔥ ᑭᑮᑎᐸᐅᑯᐙ ᑭᔐᒪᓂᑑ, ᐐᓐ ᐁᑮᐊᑑᒡ ᑎᐸᐃᑫᐎᓐ᙮ ᒦ ᐃᐌ ᐃᓈᐸᒋᑖᐙᒃ ᑭᐐᔭᐎᐙᓐ ᒋᐅᒋ ᑭᒋ ᐃᓀᑖᑯᐁᒃ ᑭᔐᒪᓂᑑ᙮

ᑫᒋᓈᒡ ᑭᑖ ᑭᑫᑖᒻ: ᐃᑭ ᑳᒪᒋ ᐃᔑᐌᐱᓯᐙᒡ ᑳᐐᓐ ᑕᐊᔮᓰᐗᒃ ᐃᐃᒫ ᐁᑕᔑᑎᐯᒋᑫᓂᒡ ᑭᔐᒪᓂᑑᓐ᙮ ᑫᑯ ᑫᑰᓐ ᑭᑲᐗᓂᔑᒥᑯᓰᒻ: ᑳᐐᓐ ᐅᑯ ᑕᒦᓈᓰᐗᒃ ᑭᔐᒪᓂᑑᓐ ᐅᑎᐯᒋᑫᐎᓂᓂ: ᐃᑭ ᑳᐱᔑᒀᑎᓯᐙᒡ, ᑲᔦ ᑳᒪᓂᑑᑫᐙᒡ, ᑲᔦ ᐊᐎᔭ ᑳᑮᒨᒋᐐᒌᐙᒡ ᐸᑳᓐ ᐊᐎᔭᓐ ᐅᐐᑎᑫᒫᑲᓂᓂ, ᑲᔦ ᐃᓂᓂᐗᒃ ᑳᐃᑴᔑᑑᐙᒡ, ᑲᔦ ᑳᐐᒋᐱᔑᒀᒋᑯᑖᑎᐙᒡ ᐃᑭ ᐃᓂᓂᐗᒃ, ᔑᑾ ᑳᑭᒨᑎᔥᑭᐙᒡ, ᑳᐅᓵᒥᓯᐙᒡ, ᑳᓂᑖ ᒥᓂᑴᐙᒡ, ᑳᑕᔑᒥᐌᐙᒡ, ᑳᐗᓂᒋᑫᐃᐌᐙᒡ ᑲᔦ᙮ ᑲᑭᓇ ᐅᑯ ᑎᓄ ᑳᐐᓐ ᑕᒦᓈᓰᐗᒃ ᑭᔐᒪᓂᑑᓐ ᐅᑎᐯᒋᑫᐎᓂᓂ᙮

ᒨᔕᒃ ᒫᒌᐸᐃᐙᑕᒧᒃ ᐱᔑᒀᑎᓯᐎᓐ᙮ ᑲᑭᓇ ᓴ ᑯ ᐃᐌ ᒪᒋᑑᑕᒧᐎᓐ ᑳᑑᑕᕽ ᐊᐎᔭ, ᒦ ᓴ ᐃᐌ ᓵᑭᒋ ᓇᑫ ᐐᔭᐎᕽ ᑳᐃᓀᑖᑾᒃ᙮ ᐊᐊᐌᔥ ᐱᔑᒀᑎᓯᐎᓐ ᑳᑑᑕᕽ ᐅᐗᓂᑑᑖᓐ ᑎᐱᓇᐌ ᐅᐐᔭᐤ᙮

ᐅᐅᐌ ᒫᐐᓐ ᐊᐎᔭ ᑕᐃᑭᑐ: ᑲᑭᓇ ᑫᑰᓐ ᓂᑕᐎᓇᒫᑰ ᒋᑑᑕᒫᓐ᙮ ᐁᐊᐞ, ᑳᐐᓐ ᐃᑕᔥ ᑲᑭᓇ ᑭᑲᒥᓄᔥᑳᑯᓰᓐ ᐁᑑᑕᒪᓐ᙮ ᑲᔦ ᓃᓐ ᓂᑖᑮᐃᑭᑦ ᑲᑭᓇ ᑫᑰᓐ ᐁᑕᐎᓇᒫᑰᔮᓐ ᒋᑑᑕᒫᓐ᙮ ᑳᐐᓐ ᐃᑕᔥ ᑫᑰᓐ ᓂᑖ ᐸᑭᑎᓇᒪᐙᑕᓰᓐ ᒋᑎᐯᓂᒥᑯᔮᐹᓐ᙮

ᑲᔦ ᑭᔐᒪᓂᑑ ᐅᑮᑮᐌᐱᒫᑎᓰᐋᓐ ᐃᓂ ᑳᑎᐯᒋᑫᓂᒡ ᑳᑮᓂᐳᓂᒡ᙮ ᑲᔦ ᑮᓇᐎᓐᑦ ᑎᐱᓇᐌ ᐅᒪᔥᑲᐎᓰᐎᓂᕽ ᑭᑲᐅᒋ ᑮᐌᐱᒫᑎᓰᐃᑯᓈᓐ᙮