1 Korin 15 的热门经文

分享

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

Arile, taha kadeu wurah kili ta Kindrei. Na le boto-on ta tinan tataha Jises Krais, Kindrei amekes taha abadok, ta adi iri kandriyen ndra-in ta imek marakon kano ki-iu.

Aha sanuhun iri lau rayah awek wendreya aha. Aha ndratanan iri sahou dah: “Buku taha ka-en hamon hawe iri lau ndra-in, idah kameh iri adi kandriyen tataha mwasin iu.”

Arile, Kindrei badeh, mwasin labai! Iy bwidi jo asahan aposel tan, ma jo udu kada-ah, ma tikisiy tan eme tek badeh, bala laleyah bwe. Jo amekes gok boto-on labai udu bwele-en ja tiri aposel tan. Arile, jo le amwenen bamekes iri gok marakon nane doh bwe. Kindrei tikisi jo, iy eme atehei boto-on eme tek ta amekes iri gok marakon nane doh.

“Ya ou, kandriyen ta imek, boto-on tam ta atik iri lau mene, ndraheh?” Nyamu imek ta edeu sisi-in badeh, ta kandriyen ndra-in. Ma boto-on ta kandriyen ndra-in doh, eme ta batanau Kindrei mene atehei ili mine Moses.

Aha mari kanuhun. Jo anya kasehek sahou ari doh, lau banuhun bwena bwe, kewek taha: Idah kameh taha marakon bamak bala lek bwe. Na len Krais eme hamon ja, taha rayah kameh ado ndra loken kahis. Arile taha marakon kameh nyolom tataha i randrah ja, ma taha asahan randrah labai. Idoh kameh asahan suwi labai udu bolo len ta ndrah ari eden in hamon handru. Handru, ndrah nane kameh eden, ma iri lau ndramak ndra bwena, iri marakon kameh amak ame awas ja. Ya iri kameh winiyan bandra-i ja bwe. Ya taha lau ale bamak bwe le, Kindrei kameh tubuni taha ili randrah labai ja.

Sahou dah handru. Tasah, ndramak ari nyaran Adam, iy mene bwidi kandriyen ta imek asahan. Ano ja, ndramak ari, nyaran Krais, eme bwidi kandriyen ta amak eme awas ja badeh, asahan. I buku doh: Iri lau mwan ma badih bwena mene ahis hawe Adam, iri marakon badeh ndramak. I buku le, iri lau mwan ma badih ahis handru hawe Krais, iri kameh amak ame awas ja, ma akohok koha iri mwasin.

Kandriyen tataha ta ndramak imek doh kameh winiya bado ja bwe. Kindrei kameh akahei mara-ei iu; kohan handru ta udu le buku doh kameh akohok ndrahune kandriyen ta imek nane doh.

Tasah, Krais kameh atondrok kon marakon winiyan le Kindrei baratehei iri lau ta ato-ou kaliu barala bahandra katin. Iy asahan nyekelen ta iy amekes bahun hawe iri lau ta ato-ou kaliu, ano kameh iy amekes bahun hawe imek ta akohok iy kano ki-iu ale.