Marcos 11 的热门经文

分享

Gani ginasugiran ko kamo nga bisan ano ang inyo pangayuon sa pangamuyo, magtuo kamo nga nabaton na ninyo, kag mabaton gid ninyo.

Ang matuod, kon may pagtuo kamo, sarang kamo makasiling sa sini nga bukid, ‘Maghalin ka kag magsaylo sa dagat,’ kag kon wala kamo nagapangduhaduha sa inyo tagipusuon kundi nagatuo nga ini matabo, matuman ina suno sa inyo ginhambal.

Kag kon nagapangamuyo kamo, patawara ninyo anay ang mga nakahimo sing sala sa inyo, para ang inyo mga sala patawaron man sang inyo Amay nga ara sa langit.

Nagsiling si Jesus sa ila, “Magtuo kamo sa Dios!

Dayon gintudluan niya ang mga tawo didto sa templo. Siling niya, “Indi bala nga nagsiling ang Dios sa Kasulatan, ‘Ang akon balay tawgon nga balay nga palangamuyuan para sa tanan nga nasyon’? Pero ginhimo ninyo nga palanaguan sang mga tulisan.”

Ang nagauna kay Jesus kag ang nagasunod nagasinggit, “Dayawon ta ang Dios!” “Ginapakamaayo sang Ginoo ang iya pinadala!”

“Ginapakamaayo sang Dios ang palaabuton nga ginharian sang aton katigulangan nga si David!” “Dayawon ta ang Dios!”