<div class="version vid893 iso6393sus" data-vid="893" data-iso6393="sus">
   <div class="book bkROM">
      <div class="chapter chINTRO1" data-usfm="ROM.INTRO1">
         <div class="imt"><span class="content">Masenyi nde yi Kitaabui xa fe ra</span></div><div class="ip"><span class="content">Isa xa fe f&#596;l&#596; Isirayila b&#596;xi n&#603;, k&#596;n&#596; a mu bu na xibaaru fa rayensen yire makuye. Mixi naxee kawandi m&#603;xi Isa xa fe ra Darisalamu, e naxa siga yire birin na masenyi ra. Mixi gbegbe naxa danxaniya Isa ma na mixi m&#596;&#596;lie saabui ra. Annabi P&#596;lu fan nu biyaasi raminima alako a xa kawandi ti, si birin xa Isa xa fe kolon. A xa wali nu bara s&#596;&#596;n&#603;ya ki fanyi ra, han Isayankae nu toma b&#596;xi birin ma naxee nu na R&#596;ma xa mang&#603;ya bun ma. A xa biyaasi saxan nde kui, a naxa bataax&#603; s&#603;b&#603; Isayankae ma naxee nu na R&#596;ma mangataa. A nu wama sigafe e x&#603;&#603;bude, e fan xa a mali a xa kawandi ti yire makuye.</span></div><div class="ip"><span class="content">Na bataax&#603; findixi yi Kitaabui nan na. P&#596;lu nu wama Ala xa kisi xa masenyi xaranfe R&#596;makae ra yi s&#603;b&#603;li saabui ra. A bara na kisi xa fe tagi raba a fanyi ra, a xa fiix&#603; mixie b&#603; naxee nu Yuwifie xa diin&#603; kolon, a nun mixi naxee mu g&#603;xi a kolonde. Na masenyi f&#596;l&#596;ma yunubi xa fe xaranyi nan ma. Beenun mixi xa kisi kolon, fo a xa a kolon a findixi yunubit&#596;&#603; nan na naxan lanma a xa &#626;axankata yahannama a xa yunubie xa fe ra. Diin&#603;la yo, diin&#603;tare yo, e birin na yunubi xa n&#596;&#603; nan bun ma.</span></div><div class="ip"><span class="content">Na nan a toxi, P&#596;lu a masenma won b&#603; a a lanma won xa won xaxili ti Ala ra alako won xa kisi s&#596;t&#596;. Mixi mu n&#596;ma a y&#603;t&#603; rakiside a xa yunubie ma. A hayi na Marakisima ma naxan n&#596;ma na rabade a b&#603;. Yi Kitaabui na tagi rabama a fanyi ra. A nax&#603; a Isa xa s&#603;r&#603;x&#603; nan gbansan n&#596;ma findide adamadie xunsare ra, e xa yunubie xa xafari. A lanma mixie xa na fe kolon, e xa la a ra.</span></div><div class="ip"><span class="content">Na dangi xanbi, P&#596;lu masenyi gb&#603;t&#603; tima naxan danxaniyat&#596;&#603; &#626;&#603;r&#603; ki tagi rabama. Mixi na danxaniya Isa ma, Alatala a Xaxili S&#603;niy&#603;nxi ragoroma n&#603; a b&#596;&#626;&#603; ma, a fa bira Alatala wax&#596;nfe f&#596;x&#596; ra. Na kanyi gbilenma n&#603; fe &#626;aaxi f&#596;x&#596; ra, a ti kira fanyi x&#596;n, a findi misaali ra birin b&#603;. Ala na f&#596;l&#596; Isirayila b&#596;ns&#596;&#603; n&#603;, k&#596;n&#596; a wama si birin fan xa so a xa niini bun ma.</span></div><div class="ip"><span class="content">Ala xa won mali yi Kitaabui saabui ra alako won fan xa yigiyade s&#596;t&#596; Alatala x&#596;nyi. Amina.</span></div><div class="imte"><span class="content">Ala xa masenyi</span></div><div class="imte"><span class="content">Annabi P&#596;lu naxan s&#603;b&#603;</span></div><div class="imte"><span class="content">R&#596;ma danxaniyat&#596;&#603; &#626;ama ma</span></div><div class="cl"><span class="heading">Sora</span></div>
      </div>
   </div>
</div>

Masenyi nde yi Kitaabui xa fe ra
Isa xa fe fɔlɔ Isirayila bɔxi nɛ, kɔnɔ a mu bu na xibaaru fa rayensen yire makuye. Mixi naxee kawandi mɛxi Isa xa fe ra Darisalamu, e naxa siga yire birin na masenyi ra. Mixi gbegbe naxa danxaniya Isa ma na mixi mɔɔlie saabui ra. Annabi Pɔlu fan nu biyaasi raminima alako a xa kawandi ti, si birin xa Isa xa fe kolon. A xa wali nu bara sɔɔnɛya ki fanyi ra, han Isayankae nu toma bɔxi birin ma naxee nu na Rɔma xa mangɛya bun ma. A xa biyaasi saxan nde kui, a naxa bataaxɛ sɛbɛ Isayankae ma naxee nu na Rɔma mangataa. A nu wama sigafe e xɛɛbude, e fan xa a mali a xa kawandi ti yire makuye.
Na bataaxɛ findixi yi Kitaabui nan na. Pɔlu nu wama Ala xa kisi xa masenyi xaranfe Rɔmakae ra yi sɛbɛli saabui ra. A bara na kisi xa fe tagi raba a fanyi ra, a xa fiixɛ mixie bɛ naxee nu Yuwifie xa diinɛ kolon, a nun mixi naxee mu gɛxi a kolonde. Na masenyi fɔlɔma yunubi xa fe xaranyi nan ma. Beenun mixi xa kisi kolon, fo a xa a kolon a findixi yunubitɔɛ nan na naxan lanma a xa ɲaxankata yahannama a xa yunubie xa fe ra. Diinɛla yo, diinɛtare yo, e birin na yunubi xa nɔɛ nan bun ma.
Na nan a toxi, Pɔlu a masenma won bɛ a a lanma won xa won xaxili ti Ala ra alako won xa kisi sɔtɔ. Mixi mu nɔma a yɛtɛ rakiside a xa yunubie ma. A hayi na Marakisima ma naxan nɔma na rabade a bɛ. Yi Kitaabui na tagi rabama a fanyi ra. A naxɛ a Isa xa sɛrɛxɛ nan gbansan nɔma findide adamadie xunsare ra, e xa yunubie xa xafari. A lanma mixie xa na fe kolon, e xa la a ra.
Na dangi xanbi, Pɔlu masenyi gbɛtɛ tima naxan danxaniyatɔɛ ɲɛrɛ ki tagi rabama. Mixi na danxaniya Isa ma, Alatala a Xaxili Sɛniyɛnxi ragoroma nɛ a bɔɲɛ ma, a fa bira Alatala waxɔnfe fɔxɔ ra. Na kanyi gbilenma nɛ fe ɲaaxi fɔxɔ ra, a ti kira fanyi xɔn, a findi misaali ra birin bɛ. Ala na fɔlɔ Isirayila bɔnsɔɛ nɛ, kɔnɔ a wama si birin fan xa so a xa niini bun ma.
Ala xa won mali yi Kitaabui saabui ra alako won fan xa yigiyade sɔtɔ Alatala xɔnyi. Amina.
Ala xa masenyi
Annabi Pɔlu naxan sɛbɛ
Rɔma danxaniyatɔɛ ɲama ma

聆听 Romans Masenyi nde yi Kitaabui xa fe ra