Zapoteco de Mixtepec - 1998 Edition (Non-Drama - NT)

<div class="version vid745 iso6393zpm" data-vid="745" data-iso6393="zpm">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">&#191;Cho nonraa?</div><div class="r">(Mr.&#8239;9:33&#8209;37, 42&#8209;48; Lc.&#8239;9:46&#8209;48; 15:3&#8209;7; 17:1&#8209;3)</div><div class="p"> 1Le&#7753; dze co bnabdiidz xp&#235;&#235;dscuel Jes&#250;s lo me, die&#7753; cho tib zho gac zha ne mazdraa gacnon lo gr&#235; zha ne no xn&#235;z Dios.</div><div class="p"> 2Dzigo bredz me tib m&#235;&#235;dbgui win, bzo me win glowtaa lo zho, 3r&#235;b me:</div><div class="p">&#8213;Gneli naa lo to ga&#7753;le, te&#7739;ne csaande to xquie&#7739;ntseeb to, te&#7739;ne gacnguudzladzde to, gac to zig m&#235;&#235;dwin rii, per ni xn&#235;z Dios grieelod s&#235;&#235;b to. 4Zha ne racladz gac zho zha non, none gac zho tib miech ndooladz, none gac zho zig tib m&#235;&#235;dlas. 5Miech ne gacnie zha ne sca nac, zha ne rleynie naa, rrieequia naale ga racnie zho.</div><div class="p"> 6&#8217;Per miech ne yquiil zho gu&#7753;ctal zho xto&#7739; zho, &#161;probsaxe zha co! Mazd zhi guie&#7739;n&#235;w lo zho ygadoo tib quie molin zhobxtil ya&#7753; zho tsiero&#7753; zho zho nisdoo. 7&#161;Nac lo guidzliu rii, ru&#7753;falte guie&#7739;ntseeb low! Ru&#7753;falte ncuaa&#7753;e gu&#7753;ctal xto&#7739; miech, &#161;per probsaxe zha ne yquiil zha ne nole xn&#235;z naa, gu&#7753;ctal zho xto&#7739; zho!</div><div class="p"> 8&#8217;Go&#7739;guie&#7753; te&#7739;ne tib nia to, tib nigaa to rquiaqui ru&#7753;ctal to xto&#7739; to, go&#7739;tichegazha. Peet nacda maase tibaque ni to, tibaque nia to zob totsaque ygaa to guie&#7739;mban ndzon ne gdzi&#7753;d dze lozh, l&#235;dle zob gropa ni laa to guey gabi&#7739;, lo beldox ne gdzi&#7753;d dze guiuu. 9Scaque bziaalo to, mi&#7753;e rquiaqui ru&#7753;ctal to xto&#7739; to, go&#7739;tichegazha, peet nacd maase tibaque lo to zob totsaque ygaa to guie&#7739;mban ndzon ne gdzi&#7753;d dze lozh, l&#235;dle zob gropa ni laa to guey lo beldox ne nac gabi&#7739;.</div><div class="p"> 10&#8217;Ib gu&#7753;de to csa&#7753;win to gr&#235;raa zha ne no xn&#235;z naa, zha ne nac zha mban, sac go&#7753; non zho lo Dios, anjl ne quianap zho, tibaque zo me lo Pxoz naa me&#7753; ne zob gbaa.</div><div class="p"> 11&#8217;Nziuu miech lo Dios, te&#7739; naa ne nac naa Mgui ne pxee&#7739; me, ib laa naa zia&#7739; zia&#7739;silaa naa gr&#235; zha ne zonziaab lo me.</div><div class="p"> 12&#8217;Rzac Dios miech zig tib me&#7753; ne rquian&#235; zdoo xp&#235;cwxiil. Te&#7739;ne quianie zho tib gayoo ma, ni gziaab tib ma, led z&#235;&#235;b l&#235;&#235; rsa&#7753; zho stapga&#7739; tsiimtap ma ne zo lo zho, rbire zho rieguib zho ma ne bziaab ga. 13Zee&#7753;e rdziel ma lo zho, rlozhd gleynie zho ma, l&#235;&#235; ma rac guie&#7739;bley que gr&#235;raa xcompa&#241;er ma. 14Scadaa nago&#7753; rzac Pxoz naa miech, gr&#235; zha ne nole xn&#235;z me, ib racladzd me gziaab zho.</div><div class="p"> 15&#8217;Go&#7739;guie&#7753; sca, tib tib to zee&#7753;e cho tib zha ne nacgr&#235; to gu&#7753; pe tib falt lo to, go&#7739;tsie go&#7739;tsienee lo zho; gropse to go&#7739;zodiidz pe nac mi&#7753;e pxi&#7753; zho. Te&#7739;ne siguie&#7739; zho guiaa&#7753; to mpas, laa to bee&#7753;le gan ga gneewen to stib. 16Laa te&#7739;ne n&#235;d zho, dzigo go&#7739;guib tib zha ne s&#235;, chopgaa zha ne s&#235; ga&#7753; ga&#7753;le zha rac zho. 17Te&#7739; niicle scaw n&#235;daque zho guiaa&#7753; to mpas, dzigo mazd go&#7739;guiab lo gr&#235;se zha ne nacgr&#235; to gnee zho lo zho. Te&#7739;ne niicle xtiidz zha co n&#235;d zho gon zho, dzigotaa mazd go&#7739;saan zho, sacdraa to bets to ga, go&#7739;cuee zho lad to, go&#7739;sac zho zig rzac miech gr&#235; zha ne ziena&#7739; guie&#7739;ntseeb.</div><div class="p"> 18&#8217;Gneli naa lo to ga&#7753;le, gr&#235;se zha ne gon xtiidz to zee&#7753;e rnee to lo zho gac-wen zho, scagaa Dios scaania me zho; per zha ne gonda, ycaaniad me zho.</div><div class="p"> 19&#8217;Ni racladz naa gacna&#7753; to ga&#7753;le, gr&#235; zha ne no xn&#235;z naa, niicle tib n&#235;zaque zho, per te&#7739;ne tipse rac zho, ncuaa&#7753;e gnabtaa zho lo Pxoz naa me&#7753; ne zob gbaa, zdeed mew. 20Sac zee&#7753;e rcaalsa zho roo&#7739;nie zho naa, ga zo naa lo zho; niicle maase chopaque, tso&#7753;aque zho.</div><div class="p"> 21Dzigo wbig Pedr r&#235;b Pedr lo me:</div><div class="p">&#8213;Zha ne sca dzigo gu&#7753; falt lo naa, &#191;blataa vuelt no gu&#7753; naa zho perdon? &#191;Gadztaaw l&#235;&#235;?</div><div class="p"> 22Pquiab me r&#235;b me:</div><div class="p">&#8213;L&#235;da go&#7753; Pedr, led loxaque gadzdse vuelta. Te&#7739; blataa vuelt gu&#7753; zho falt lo luu, none gu&#7753; luu zho perdon.</div><div class="s">Zha ne bee&#7753;d perdon</div><div class="p"> 23&#8217;Gr&#235; zha ne no xn&#235;z Dios, ib none gu&#7753; zho perdon samiech zho.</div><div class="p">&#8217;Tib rey name, tib dzew bredz me gr&#235; zha ne rquia dziin lo me, par die&#7753; zha quiayu&#7753; zho dziin. 24Loxaque psilo me, zee&#7753;e laa xcuent tib zha co blozh briee, nroob brieequia zho lo me; 25par quizh zhow, peet nzhe&#7753;d zho. Dzigo bnabey me to zho grop tsieel zho, xp&#235;&#235;d zho ne, ni gr&#235;se ncuaa&#7753;e rap zho, parne grieelo gazh xquie&#7739;qui zho. 26Zee&#7753;e go&#7753; zho sca r&#235;b me, pquiitsgzhib zho lo me, r&#235;b zho: &#8220;&#161;Bee&#7753; guie&#7739;nzaac, gop tib paciens, na die&#7753; zha gu&#7753; naa quizh naa xquie&#7739;qui naa lo luu!&#8221; 27Go&#7753; me zha rac zho, pquia zdoo me zho, psilaa me zho, bee&#7753;quizhdaque me zho xquie&#7739;qui zho.</div><div class="p"> 28&#8217;Loxaque briee zho ga, bdzieel zho tib zha ne nz&#235;&#235;b palal yee&#7753; dimi lo zho, tib zha ne rquiaque xtsii&#7753; rey cow. Zigne go&#7753; zho zha co, zolin&#235;z wbig zho bdie zho ya&#7753; zho, rnab zho gagazh quizh zho xtimi zho. 29Dzigo pquiitsgzhib zha co lo zho, rnab zho siguie&#7739; zho gap zho paciens, die&#7753; zha gaclo dimi co quizh zhow. 30Pe nquiaadiag zho ga, bnab zho bio zha co ladzguiib, haxta bdiizh zho dimi ne z&#235;&#235;b zho ga. 31Gr&#235;raa zha ne rquia dziin lo rey co, zee&#7753; gocna&#7753; zhow, bdeedn&#235; zho, g&#252;ey zho g&#252;eyzodiidz zhow lo me. 32Zee&#7753;e bin mew, bnabey me gocredz zho, goctox me lo zho r&#235;b me: &#8220;&#161;Pe clas miech nac luu! Pe rsoladzd luu zha rac luu bnab luu pquia zdoo naa luu, haxta bee&#7753;quizhd naa luu guie&#7739;quidox ne z&#235;&#235;b luu ga. 33&#191;Pe nacne pquiad zdoo luu zha co, zigne pquia zdoo naa luu?&#8221; 34Bl&#235;&#235; me go&#7753; me sca bee&#7753; zho, bnabey me bio zho ladzguiib, haxta blozh bdiizh zho gr&#235;se xquie&#7739;qui zho.</div><div class="p"> 35&#8217;Scadaa nago&#7753; gu&#7753; Pxoz naa to, te&#7739;ne gu&#7753;de to samiech to perdon, te&#7739; pe nac falt ne gu&#7753; zho lo to.</div>
 </div>
 </div>
</div>

Leṉ dze co bnabdiidz xpëëdscuel Jesús lo me, dieṉ cho tib zho gac zha ne mazdraa gacnon lo grë zha ne no xnëz Dios.
Dzigo bredz me tib mëëdbgui win, bzo me win glowtaa lo zho, rëb me:
―Gneli naa lo to gaṉle, teḻne csaande to xquieḻntseeb to, teḻne gacnguudzladzde to, gac to zig mëëdwin rii, per ni xnëz Dios grieelod sëëb to. Zha ne racladz gac zho zha non, none gac zho tib miech ndooladz, none gac zho zig tib mëëdlas. Miech ne gacnie zha ne sca nac, zha ne rleynie naa, rrieequia naale ga racnie zho.
’Per miech ne yquiil zho guṉctal zho xtoḻ zho, ¡probsaxe zha co! Mazd zhi guieḻnëw lo zho ygadoo tib quie molin zhobxtil yaṉ zho tsieroṉ zho zho nisdoo. ¡Nac lo guidzliu rii, ruṉfalte guieḻntseeb low! Ruṉfalte ncuaaṉe guṉctal xtoḻ miech, ¡per probsaxe zha ne yquiil zha ne nole xnëz naa, guṉctal zho xtoḻ zho!
’Goḻguieṉ teḻne tib nia to, tib nigaa to rquiaqui ruṉctal to xtoḻ to, goḻtichegazha. Peet nacda maase tibaque ni to, tibaque nia to zob totsaque ygaa to guieḻmban ndzon ne gdziṉd dze lozh, lëdle zob gropa ni laa to guey gabiḻ, lo beldox ne gdziṉd dze guiuu. Scaque bziaalo to, miṉe rquiaqui ruṉctal to xtoḻ to, goḻtichegazha, peet nacd maase tibaque lo to zob totsaque ygaa to guieḻmban ndzon ne gdziṉd dze lozh, lëdle zob gropa ni laa to guey lo beldox ne nac gabiḻ.
’Ib guṉde to csaṉwin to grëraa zha ne no xnëz naa, zha ne nac zha mban, sac goṉ non zho lo Dios, anjl ne quianap zho, tibaque zo me lo Pxoz naa meṉ ne zob gbaa.
’Nziuu miech lo Dios, teḻ naa ne nac naa Mgui ne pxeeḻ me, ib laa naa ziaḻ ziaḻsilaa naa grë zha ne zonziaab lo me.
’Rzac Dios miech zig tib meṉ ne rquianë zdoo xpëcwxiil. Teḻne quianie zho tib gayoo ma, ni gziaab tib ma, led zëëb lëë rsaṉ zho stapgaḻ tsiimtap ma ne zo lo zho, rbire zho rieguib zho ma ne bziaab ga. Zeeṉe rdziel ma lo zho, rlozhd gleynie zho ma, lëë ma rac guieḻbley que grëraa xcompañer ma. Scadaa nagoṉ rzac Pxoz naa miech, grë zha ne nole xnëz me, ib racladzd me gziaab zho.
’Goḻguieṉ sca, tib tib to zeeṉe cho tib zha ne nacgrë to guṉ pe tib falt lo to, goḻtsie goḻtsienee lo zho; gropse to goḻzodiidz pe nac miṉe pxiṉ zho. Teḻne siguieḻ zho guiaaṉ to mpas, laa to beeṉle gan ga gneewen to stib. Laa teḻne nëd zho, dzigo goḻguib tib zha ne së, chopgaa zha ne së gaṉ gaṉle zha rac zho. Teḻ niicle scaw nëdaque zho guiaaṉ to mpas, dzigo mazd goḻguiab lo grëse zha ne nacgrë to gnee zho lo zho. Teḻne niicle xtiidz zha co nëd zho gon zho, dzigotaa mazd goḻsaan zho, sacdraa to bets to ga, goḻcuee zho lad to, goḻsac zho zig rzac miech grë zha ne zienaḻ guieḻntseeb.
’Gneli naa lo to gaṉle, grëse zha ne gon xtiidz to zeeṉe rnee to lo zho gac-wen zho, scagaa Dios scaania me zho; per zha ne gonda, ycaaniad me zho.
’Ni racladz naa gacnaṉ to gaṉle, grë zha ne no xnëz naa, niicle tib nëzaque zho, per teḻne tipse rac zho, ncuaaṉe gnabtaa zho lo Pxoz naa meṉ ne zob gbaa, zdeed mew. Sac zeeṉe rcaalsa zho rooḻnie zho naa, ga zo naa lo zho; niicle maase chopaque, tsoṉaque zho.
Dzigo wbig Pedr rëb Pedr lo me:
―Zha ne sca dzigo guṉ falt lo naa, ¿blataa vuelt no guṉ naa zho perdon? ¿Gadztaaw lëë?
Pquiab me rëb me:
―Lëda goṉ Pedr, led loxaque gadzdse vuelta. Teḻ blataa vuelt guṉ zho falt lo luu, none guṉ luu zho perdon.

’Grë zha ne no xnëz Dios, ib none guṉ zho perdon samiech zho.
’Tib rey name, tib dzew bredz me grë zha ne rquia dziin lo me, par dieṉ zha quiayuṉ zho dziin. Loxaque psilo me, zeeṉe laa xcuent tib zha co blozh briee, nroob brieequia zho lo me; par quizh zhow, peet nzheṉd zho. Dzigo bnabey me to zho grop tsieel zho, xpëëd zho ne, ni grëse ncuaaṉe rap zho, parne grieelo gazh xquieḻqui zho. Zeeṉe goṉ zho sca rëb me, pquiitsgzhib zho lo me, rëb zho: “¡Beeṉ guieḻnzaac, gop tib paciens, na dieṉ zha guṉ naa quizh naa xquieḻqui naa lo luu!” Goṉ me zha rac zho, pquia zdoo me zho, psilaa me zho, beeṉquizhdaque me zho xquieḻqui zho.
’Loxaque briee zho ga, bdzieel zho tib zha ne nzëëb palal yeeṉ dimi lo zho, tib zha ne rquiaque xtsiiṉ rey cow. Zigne goṉ zho zha co, zolinëz wbig zho bdie zho yaṉ zho, rnab zho gagazh quizh zho xtimi zho. Dzigo pquiitsgzhib zha co lo zho, rnab zho siguieḻ zho gap zho paciens, dieṉ zha gaclo dimi co quizh zhow. Pe nquiaadiag zho ga, bnab zho bio zha co ladzguiib, haxta bdiizh zho dimi ne zëëb zho ga. Grëraa zha ne rquia dziin lo rey co, zeeṉ gocnaṉ zhow, bdeednë zho, güey zho güeyzodiidz zhow lo me. Zeeṉe bin mew, bnabey me gocredz zho, goctox me lo zho rëb me: “¡Pe clas miech nac luu! Pe rsoladzd luu zha rac luu bnab luu pquia zdoo naa luu, haxta beeṉquizhd naa luu guieḻquidox ne zëëb luu ga. ¿Pe nacne pquiad zdoo luu zha co, zigne pquia zdoo naa luu?” Blëë me goṉ me sca beeṉ zho, bnabey me bio zho ladzguiib, haxta blozh bdiizh zho grëse xquieḻqui zho.
’Scadaa nagoṉ guṉ Pxoz naa to, teḻne guṉde to samiech to perdon, teḻ pe nac falt ne guṉ zho lo to.

聆听 MATEO 18