Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Njofa&#429;ar ne no kiin</div><div class="p"> 1Ye wiin we a siwiidaa took lanq ke, boo a ndimaa xa &#421;iy xa tew,#Yob 1:6; 2:1 2xa &#421;iy xa koor axe Roog a nga&#8217;a yee xa &#421;iy xa tew axe no wiin we a mosa lool, a ndalfooxa o njil na xa &#421;iy xa tew axeene rew, a ngilig a den. 3Maaga, o Yaal oxe a laya yee: &#171;Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qar&#595;een &#429;ik.&#187; 4Na jamaane faaga, wiin fodu ne sabab a ndee&#429;a took lanq ke. Ye xa &#421;iy xa koor axe Roog#6:4 xa &#421;iy xa koor axe Roog Leng-leng kaa nqalaataa yee weene malaaka kaa mbedi&#8217;na a ndee&#429;u, njeg&#8217;ina nen rew xa caa&#392; xa tew. Jegee a cangin alaa farna no keene kam Biibal fee. Lakas we a nqalaataa yee xa &#421;iy axe Roog kaa ndee&#429;u gimu waa rew den a ndefna xa &#421;iy xa tew no wiin we ngimeerna. O kimu xe waree dolnir fo o kimeer ne Biibal fee a jangnituuna. 1Kor 7:39; 2Kor 6:14-16. a ngiligna xa &#421;iy xa tew axe no wiin we boo a ndim fa den xa &#421;iy, weene ndee&#429;u a salma-koor ake yaa fa yaaga.#Lim 13:33</div><div class="p"> 5O Yaal oxe a ga&#8217;a yee coxod ne no wiin we a magna lool took lanq ke, too &#241;aal nuu refna a qalaat den paaxeer rek a yuu&#595;aa na qee&#241; den.#Mace 24:37; Lik 17:26; 1Piy 3:20 6O Yaal oxe a ricooxa ke taxna ta fi o kiin took lanq ke, soo xee&#241; um a gooy. 7O Yaal oxe a laya yee: &#171;Xam moocand took lanq ke o kiin oxe sakuuma, ke xotitna no wiin we boo no cegel ke fo &#421;ood ke fo tii&#429; ke na asamaan, yaam ricooxaam tigi ke taxna um fi a den!&#187; 8Kaa koy, Nowe a daawa yirmande fee no Yaal oxe.</div><div class="s1">Roog a hebooxa o wuus a Nowe</div><div class="p"> 9Keeke refu a kon ake na xa taan axe Nowe. Nowe kaa ree&#429;u o kiin o cofu o cegee &#331;a&#241;el na jamaane um, too a &#241;aa&#436;ooga fa Roog.#2Piy 2:5 10Nowe a rima xa &#421;iy xa tadaq, da ndef: Seem fa Xaam fa Yafet.</div><div class="p"> 11Wiin we kaa laawoox&#8217;u mbaambir Roog, lanq ke a may fo a pi a yednu. 12Roog a ga&#8217;a yee wiin we kaa yaqoox, a laawoox, o kiin oo kiin#6:12 o kiin oo kiin na hebre kaa bindel &#171;njer nuu refna&#187;. a xot a &#429;at a paaxeer um took lanq ke. 13Maaga, Roog a laya a Nowe yee: &#171;Kaam heboox o moocand fop ke na &#241;oowaa#6:13 fop ke na &#241;oowaa na hebre kaa bindel ee: &#171;njer nuu refna&#187;.. Lanq ke kaa may fo ngiin fo&#8217;oy yaam den. Xam moocand a den boog fo lanq ke. 14Daa&#436;oodi a kaal#6:14 a kaal ale kaa ref itam o anddiloor olaa na yegnitaa a kar ale Kiristaa, ndax ta sing xeet fee ten na hate fee. &#394;eeti Heb 11:7; 1Piy 3:20-22. fo a patax gofeer. Fat o fi&#8217;anin fo ndok fo ndok, laarin kam oo tafil oo, boo foofi waagkee rok teen. 15O cigdel ole na kaal ale xan a ref xa noonoong teemeed tadik, o yaajel ole a ref xa noonoong qar&#595;een &#421;etik, soo geel um a ref xa noonoong qar&#595;een tadik. 16Fat o bombin, xa&#436;anin o woo&#421; olaa fi&#8217;na o noonoong ndeer bomb le fo a kiig ale na xa saax axe. Fat o fi&#8217;anin o don-maax olaa garitna no saax o leng. Fat o fi&#8217;anin taax-took &#429;ikandeer fo ndadkandeer. 17Mi o mat, xam &#595;isiid o ja&#595; o maak ole took lanq ke ndax um sa&#331;ik fop ke jegna njer too a &#241;oowaa &#599;uga asamaan fee. Fop ke refna took lanq ke xan a mooc. 18Kaa koy, xam dalin fa wo ngi&#595;oor. Fat o rok na kaal ale, wo fo xa &#421;eef fo o teef fo rew den. 19Fat o rokin kam a kaal ale itam muumeen &#429;ik no xos oluu na &#241;oowaa, ngoor fo ndew, ndax da muc fa wo. 20Ngoor fo ndew no xos oluu refna: Tii&#429; ke, muumeen ke fo &#421;ood ke no lanq ke, xan a ngar me wo, ndax o mucil a den. 21Wo o mat, waa&#429;i no fop ke waageena o &#241;aam, yaxandooxeen paam of ndax keene a ref &#241;aamel of, wo fa den.&#187; 22Nowe a fi&#8217;ta fop ne Roog a heblit&#8217;uuna o ten.#Heb 11:7</div>
 </div>
 </div>
</div>

Ye wiin we a siwiidaa took lanq ke, boo a ndimaa xa ƥiy xa tew, xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den. Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.» Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.
O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den. O Yaal oxe a ricooxa ke taxna ta fi o kiin took lanq ke, soo xeeñ um a gooy. O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!» Kaa koy, Nowe a daawa yirmande fee no Yaal oxe.

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog. Nowe a rima xa ƥiy xa tadaq, da ndef: Seem fa Xaam fa Yafet.
Wiin we kaa laawoox’u mbaambir Roog, lanq ke a may fo a pi a yednu. Roog a ga’a yee wiin we kaa yaqoox, a laawoox, o kiin oo kiin a xot a ƭat a paaxeer um took lanq ke. Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke. Daaƴoodi a kaal fo a patax gofeer. Fat o fi’anin fo ndok fo ndok, laarin kam oo tafil oo, boo foofi waagkee rok teen. O cigdel ole na kaal ale xan a ref xa noonoong teemeed tadik, o yaajel ole a ref xa noonoong qarɓeen ƥetik, soo geel um a ref xa noonoong qarɓeen tadik. Fat o bombin, xaƴanin o wooƥ olaa fi’na o noonoong ndeer bomb le fo a kiig ale na xa saax axe. Fat o fi’anin o don-maax olaa garitna no saax o leng. Fat o fi’anin taax-took ƭikandeer fo ndadkandeer. Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc. Kaa koy, xam dalin fa wo ngiɓoor. Fat o rok na kaal ale, wo fo xa ƥeef fo o teef fo rew den. Fat o rokin kam a kaal ale itam muumeen ƭik no xos oluu na ñoowaa, ngoor fo ndew, ndax da muc fa wo. Ngoor fo ndew no xos oluu refna: Tiiƭ ke, muumeen ke fo ƥood ke no lanq ke, xan a ngar me wo, ndax o mucil a den. Wo o mat, waaƭi no fop ke waageena o ñaam, yaxandooxeen paam of ndax keene a ref ñaamel of, wo fa den.» Nowe a fi’ta fop ne Roog a heblit’uuna o ten.

聆听 Mberaand 6