If you have would like a copy of this version please contact info@davaraudiobibles.org

Kambera Old Testament

<div class="version vid2908 iso6393xbr" data-vid="2908" data-iso6393="xbr">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">I &#192;mbar&#224;mu ba natula-nya i L&#242;tu</div><div class="p"> 1Da hanganji tau mapatu nu: i &#192;murapilu welingu la Mbambilunia, i Ariuku welingu la Elah&#224;ru, i Kendurulaomiru welingu la El&#224;mu d&#224;ngu i Tandialu welingu la Nggoyimu 2da-pabera d&#224;nja da lima hanganji hawiangu, nu i Mbera welingu la Hondumu, i Mbiruhia welingu la Nggomora, i Hin&#224;pu welingu la &#192;tama, i Hamembiru welingu la Hamboimu, d&#224;ngu na hanganji welingu la Mbela la Huaw&#224;ru ba w&#224;da-mbunya. 3Nuda ba dalima da hanganji da-pakuhingu hi da-pauhi-nja da tanatara-da la Lolangu Hindimu, n&#224;hu Tehiku Meti ba w&#224;danya. 4Mb&#224;da hakambulu d&#224;mbu ndaudaka ba na-kuaha-ha para&#239;na Hanganji Kendurulaomiru, t&#224;ka la ndaungu pa-hakambulu tailu w&#224;na, patula ngganggangu-danyaka la palawa-nya nyuna. 5La ndaungu pa-hakambulu patu w&#224;na, i Kendurulaomiru d&#224;ngu da angu pa-kuhingu-na mai kariangu-danyaka tanatara, hi da-pak&#224;ku-ha da tau Repayimu la &#192;hiterutu-K&#224;rana&#239;mu da tau Huhimu la H&#224;mu, da tau Emimu la Hawi-Kiruyata&#239;mu, 6da tau Hori la palindi Endumu, h&#224;la hi dayaulu-ha lundu la Eli-Par&#224;ngu la halinggi mar&#224;da telangu. 7H&#224;laka nu nyuda da ma-payaulu punjilungu-danyaka hi dabeli la Eni-Mihip&#224;tu, n&#224;hu la Kandihu ba w&#224;danya. Nyuda da-pany&#224;ku h&#224;laya na nggubulu tana Amaliku lupa datalu-ya na tau Amori na ma-ngiangu la Hahihungu-Tam&#224;ru.</div><div class="p"> 8Tunaka nu da hanganji welingu la Hondumu, Nggomora, &#192;tama, Hamboimu d&#224;ngu Mbela wandalu-dahaka da juru tanatara-da la Lolangu Hindimu hi da-pabera 9dalawa-nja da hanganji welingu la El&#224;mu, la Nggoyimu, la Mbambilunia, d&#224;ngu Elah&#224;ru; jia ba tuna da hanganji tau malima dalawa-nja da hanganji tau mapatu. 10Na lolangu nuna nambinu w&#224;ngu humuru &#224;palu, m&#224;la ka tapalai welingu la ngia pa-pabera ba w&#224;daka da hanganji welingu la Hondumu d&#224;ngu Nggomora, ka hanjubulu-danyaka la humuru nuda. Da hanganji matailu peku tam&#224;hiku-da nyuda hi dapalai la ma-palindingu. 11Da hanganji tau mapatu da matalu daw&#224;hi nd&#224;baha da maninja la Hondumu d&#224;ngu la Nggomora, hamanai da pangangu, hi damangu palaku. 12I L&#242;tu ana angu dedina i &#192;mbar&#224;mu na-ngiangu lai nu la Hondumu, jia-duyaka da-tanawa-mbunya para&#239; muhu hamanai da banda da malanja-na.</div><div class="p"> 13T&#224;ka na ha&#224;tu na tau na ma-tam&#224;hiku, laku-nanyaka pa-w&#224;lahu nd&#224;baya na matumbu lai &#192;mbar&#224;mu, na tau Imbarani. Nyuna i &#192;mbar&#224;mu na-ngiangu la lihida da pingi ai h&#224;ri ngia pa-lumungu manguna i M&#224;murei, tau Amori. Nyuna i M&#224;murei d&#224;ngu da anguna paluhu, nu i Ehik&#242;lu d&#224;ngu i Aniru anguna pa-pakuhingu i &#192;mbar&#224;mu-ha. 14Ba narongu-ka i &#192;mbar&#224;mu rukuna na ana angu dedina ba na-tanawangu, pauhi h&#224;la-nanjaka da tau la ngia pa-pama&#252;ngu-na, nu da mapingu pa-pabera, tau 318-ha danguda, hi dayaulu-ha da hanganji mapatu, lupa t&#224;ka la paraingu Nd&#224;ngu. 15Lai nu nyuna i &#192;mbar&#224;mu na-pabiwa-nja da tauna ba pira juruda, hi hand&#224;ka tar&#224;njaku-da pa-n&#224;haku-ha da muhu nu la rudungu, hi datalu-ha. Dayaulu-ha lupa t&#224;ka la Homba, la mbara diana na paraingu Ndam&#224;hiku. 16I &#192;mbar&#224;mu na-ngalangu paw&#224;hi beliha da malanja paramba-da, i L&#242;tumbu d&#224;ngu mbuu nd&#224;bada da banda da malanja-na, d&#224;ngu da kawini hamanai da tanawangu hawiangu.</div><div class="s">I Melikuhendiku ba na-pakanyuru-nya i &#192;mbar&#224;mu</div><div class="p"> 17Ba natalu-yaka na Hanganji Kendurulaomiru d&#224;ngu da hanganji angu pa-kuhingu-na, beli-nanyaka i &#192;mbar&#224;mu. T&#224;ka na hanganji Hondumu hi nalua pa-h&#224;mburu-ya la lolangu Hawi, na Lolangu Hanganji ba w&#224;da-mbunya. 18I Melikuhendiku, na hanganji Halimu, na ma-katangu-mbu Ratuna i Ala Mahupu-jangga, nang&#224;ndi roti d&#224;ngu angguru ndumana i &#192;mbar&#224;mu, 19ka pa-kanyuru-nanyaka i &#192;mbar&#224;mu, &#8220;M&#224;la &#224;ru i Ala Mahupu-jangga, na mamb&#224;da padika-nya na awangu d&#224;ngu na tana, ka na-pakanyuru-nya i &#192;mbar&#224;mu! 20Pa-wotungu-ya i Ala Mahupu-jangga, na mamb&#224;da wuanggau talu man&#224;ra la muhumu,&#8221; w&#224;nanya. H&#224;laka nu i &#192;mbar&#224;mu nawua-nya i Melikuhendiku hangia la hakambulu welingu la mbuu nd&#224;bada da malanja pa-rambangu da pang&#224;ndi belina. 21H&#224;la panii-nanyaka na hanganji Hondumu lai &#192;mbar&#224;mu, &#8220;Piti-hawa da malanja pa-rambangu, na nyuna mili &#224;ru kau pabeli-nja lai nyungga mbuu nd&#224;bada da taunggu,&#8221; w&#224;nanya.</div><div class="p"> 22T&#224;ka nanapa-ya i &#192;mbar&#224;mu, &#8220;Nyungga ku-harangu la hanggana i Miri Ala Mahupu-jangga, Ma-padikangu awangu d&#224;ngu tana, 23ba nda jia piti-anggu duku ngga - ngg&#224;ra welingu la mangumu, jiapa ka ana haw&#224;la lulu kamba j&#224;ka ndia hakadipu liku halapa-amu ndiambu duku. Na matuna nu m&#224;ta ka &#224;mbu upanii w&#224;ngu, &#8216;Nyungga-a hi kiri wuluna i &#192;mbar&#224;mu,&#8217; ka &#224;mbu w&#224;mu w&#224;ngu. 24Nda kabihu-a nyungga papiti ngga - ngg&#224;ra tunggu wikinggu. Na nyuna ku-mbuhangu payema-ha j&#224;ka ngg&#224;raha da pamb&#224;da pakida da taunggu. Ba tuna da angunggu pa-pakuhingu, nu i Aniru, i Ehik&#242;lu d&#224;ngu i M&#224;murei, m&#224;ta ka dapiti kangeha-da,&#8221; w&#224;na.</div>
 </div>
 </div>
</div>

@LAI 1995 Indonesian Bible Society (Lembaga Alkitab Indonesia)

Da hanganji tau mapatu nu: i Àmurapilu welingu la Mbambilunia, i Ariuku welingu la Elahàru, i Kendurulaomiru welingu la Elàmu dàngu i Tandialu welingu la Nggoyimu da-pabera dànja da lima hanganji hawiangu, nu i Mbera welingu la Hondumu, i Mbiruhia welingu la Nggomora, i Hinàpu welingu la Àtama, i Hamembiru welingu la Hamboimu, dàngu na hanganji welingu la Mbela la Huawàru ba wàda-mbunya. Nuda ba dalima da hanganji da-pakuhingu hi da-pauhi-nja da tanatara-da la Lolangu Hindimu, nàhu Tehiku Meti ba wàdanya. Mbàda hakambulu dàmbu ndaudaka ba na-kuaha-ha paraïna Hanganji Kendurulaomiru, tàka la ndaungu pa-hakambulu tailu wàna, patula ngganggangu-danyaka la palawa-nya nyuna. La ndaungu pa-hakambulu patu wàna, i Kendurulaomiru dàngu da angu pa-kuhingu-na mai kariangu-danyaka tanatara, hi da-pakàku-ha da tau Repayimu la Àhiterutu-Kàranaïmu da tau Huhimu la Hàmu, da tau Emimu la Hawi-Kiruyataïmu, da tau Hori la palindi Endumu, hàla hi dayaulu-ha lundu la Eli-Paràngu la halinggi maràda telangu. Hàlaka nu nyuda da ma-payaulu punjilungu-danyaka hi dabeli la Eni-Mihipàtu, nàhu la Kandihu ba wàdanya. Nyuda da-panyàku hàlaya na nggubulu tana Amaliku lupa datalu-ya na tau Amori na ma-ngiangu la Hahihungu-Tamàru.
Tunaka nu da hanganji welingu la Hondumu, Nggomora, Àtama, Hamboimu dàngu Mbela wandalu-dahaka da juru tanatara-da la Lolangu Hindimu hi da-pabera dalawa-nja da hanganji welingu la Elàmu, la Nggoyimu, la Mbambilunia, dàngu Elahàru; jia ba tuna da hanganji tau malima dalawa-nja da hanganji tau mapatu. Na lolangu nuna nambinu wàngu humuru àpalu, màla ka tapalai welingu la ngia pa-pabera ba wàdaka da hanganji welingu la Hondumu dàngu Nggomora, ka hanjubulu-danyaka la humuru nuda. Da hanganji matailu peku tamàhiku-da nyuda hi dapalai la ma-palindingu. Da hanganji tau mapatu da matalu dawàhi ndàbaha da maninja la Hondumu dàngu la Nggomora, hamanai da pangangu, hi damangu palaku. I Lòtu ana angu dedina i Àmbaràmu na-ngiangu lai nu la Hondumu, jia-duyaka da-tanawa-mbunya paraï muhu hamanai da banda da malanja-na.
Tàka na haàtu na tau na ma-tamàhiku, laku-nanyaka pa-wàlahu ndàbaya na matumbu lai Àmbaràmu, na tau Imbarani. Nyuna i Àmbaràmu na-ngiangu la lihida da pingi ai hàri ngia pa-lumungu manguna i Màmurei, tau Amori. Nyuna i Màmurei dàngu da anguna paluhu, nu i Ehikòlu dàngu i Aniru anguna pa-pakuhingu i Àmbaràmu-ha. Ba narongu-ka i Àmbaràmu rukuna na ana angu dedina ba na-tanawangu, pauhi hàla-nanjaka da tau la ngia pa-pamaüngu-na, nu da mapingu pa-pabera, tau 318-ha danguda, hi dayaulu-ha da hanganji mapatu, lupa tàka la paraingu Ndàngu. Lai nu nyuna i Àmbaràmu na-pabiwa-nja da tauna ba pira juruda, hi handàka tarànjaku-da pa-nàhaku-ha da muhu nu la rudungu, hi datalu-ha. Dayaulu-ha lupa tàka la Homba, la mbara diana na paraingu Ndamàhiku. I Àmbaràmu na-ngalangu pawàhi beliha da malanja paramba-da, i Lòtumbu dàngu mbuu ndàbada da banda da malanja-na, dàngu da kawini hamanai da tanawangu hawiangu.

Ba natalu-yaka na Hanganji Kendurulaomiru dàngu da hanganji angu pa-kuhingu-na, beli-nanyaka i Àmbaràmu. Tàka na hanganji Hondumu hi nalua pa-hàmburu-ya la lolangu Hawi, na Lolangu Hanganji ba wàda-mbunya. I Melikuhendiku, na hanganji Halimu, na ma-katangu-mbu Ratuna i Ala Mahupu-jangga, nangàndi roti dàngu angguru ndumana i Àmbaràmu, ka pa-kanyuru-nanyaka i Àmbaràmu, “Màla àru i Ala Mahupu-jangga, na mambàda padika-nya na awangu dàngu na tana, ka na-pakanyuru-nya i Àmbaràmu! Pa-wotungu-ya i Ala Mahupu-jangga, na mambàda wuanggau talu manàra la muhumu,” wànanya. Hàlaka nu i Àmbaràmu nawua-nya i Melikuhendiku hangia la hakambulu welingu la mbuu ndàbada da malanja pa-rambangu da pangàndi belina. Hàla panii-nanyaka na hanganji Hondumu lai Àmbaràmu, “Piti-hawa da malanja pa-rambangu, na nyuna mili àru kau pabeli-nja lai nyungga mbuu ndàbada da taunggu,” wànanya.
Tàka nanapa-ya i Àmbaràmu, “Nyungga ku-harangu la hanggana i Miri Ala Mahupu-jangga, Ma-padikangu awangu dàngu tana, ba nda jia piti-anggu duku ngga - nggàra welingu la mangumu, jiapa ka ana hawàla lulu kamba jàka ndia hakadipu liku halapa-amu ndiambu duku. Na matuna nu màta ka àmbu upanii wàngu, ‘Nyungga-a hi kiri wuluna i Àmbaràmu,’ ka àmbu wàmu wàngu. Nda kabihu-a nyungga papiti ngga - nggàra tunggu wikinggu. Na nyuna ku-mbuhangu payema-ha jàka nggàraha da pambàda pakida da taunggu. Ba tuna da angunggu pa-pakuhingu, nu i Aniru, i Ehikòlu dàngu i Màmurei, màta ka dapiti kangeha-da,” wàna.

聆听 DEDI 14