Penan, Eastern for Malaysia 2011 MAS; Non-Drama (NT)

© 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia. Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia ℗ 2018 Hosanna; 

Penan, Eastern for Malaysia 2011 MAS; Drama (NT)

<div class="version vid134 iso6393pez" data-vid="134" data-iso6393="pez">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Tong jah kelunan paket jebila' ojoo'</div><div class="r">(Mat. 12:9-14, Luk. 6:6-11)</div><div class="p"> 1Y&#233;sus lakau tai lamin sebayang kep&#233;h la', pu'un jah kelunan sinah &#233;h paket jebila' ojoo'. 2La'ah pu'un kuraa' kelunan sinah &#233;h juk pesala' Y&#233;sus, kenat p&#233;h irah kepuh Y&#233;sus ke' r&#233;h omok jam hun n&#233;h pu'un peka'o kelunan sioo' Dau Posot nah. 3Ha' Y&#233;sus ngan kelunan paket ojoo' nah, Bet&#233;&#233;' ke' jian ke' tuai neked&#233;ng siteu', ha' N&#233;h ngan n&#233;h. 4La'ah ha' Y&#233;sus ngan kelunan &#233;h pinaa' sinah, Akeu' juk neteng ngan ka'ah, Ineu' omok neu' lu' tong Dau Posot? Kineu' ha' lem tebaraa' &#233;h kenivu lu' iteu', pu'un &#233;h nyohoo' lu' masi kelunan? Kineu' &#233;h, kelu' ngesa'at kelunan kunah n&#233;h? Kineu sohoo' n&#233;h ngan lu', kelu' purip kelunan nah? Kineu lah lu' da', kelu' mematai kelunan nah? Kineu' ha' tebaraa' tong Dau Posot lu' iteu' n&#233;h kunah ka'ah, ha' Y&#233;sus neteng r&#233;h.</div><div class="p">Bang b&#233;' r&#233;h mipa &#233;h. 5Ngejuwak Y&#233;sus na'at r&#233;h, merek &#201;h ngan r&#233;h bang Iah pika r&#233;h kep&#233;h uban r&#233;h mah&#233;ng kenin b&#233;' jam seruh. La'ah ka' ha' N&#233;h ngan kelunan paket ojoo' nah kep&#233;h, Jian ke' pejat ojoo' ko', ha' N&#233;h. Tioo kelunan inah pejat ojoo' n&#233;h, tioo jian lah ojoo' n&#233;h. 6Musit lah kelunan Parisi tioo tai tavin kelunan &#233;h kivu irah &#233;h pemung ngan Herodis ke' r&#233;h pakat pitah jalan omok mematai Y&#233;sus.</div><div class="s">Tong kelunan d&#233;h&#233;&#233; baa' banget</div><div class="p"> 7Lakau Y&#233;sus ngan irah &#233;h bak&#233;h n&#233;h tai baa' Banget Galilia, pinaa' mu'un kelunan kivu r&#233;h tai. Jelua' r&#233;h pu'un jin tana' Galilia, jelua' jin tana' Yudea, 8jelua' kep&#233;h jin leboo' Y&#233;rusalem ngan jelua' jin tana' Idumia. Pu'un &#233;h kep&#233;h jin dipa baa' Yordan, ngan jin tana' &#233;h d&#233;h&#233;&#233;' Tirus ngan Sidon, pinaa' mu'un r&#233;h tai tavin Y&#233;sus uban r&#233;h men&#233;ng rengah tong kekat penganeu' N&#233;h &#233;h ja'au nah. 9Uban r&#233;h pinaa' mu'un kenat, Iah nyohoo' irah &#233;h bak&#233;h n&#233;h petenup jah alut ngan N&#233;h, dai kelunan pinaa' nah nyikeu' &#233;h. 10#Mrk. 4:1, Luk. 5:13 Pu'un pinaa' ten&#233;h kelunan peka'o n&#233;h jin kesakit r&#233;h, na' p&#233;h &#233;h kenat irah &#233;h sakit keto nah pu'un r&#233;h nyikeu' &#201;h ngan ngamit &#201;h ke' r&#233;h omok ma'o jin kesakit r&#233;h. 11Hun irah &#233;h nasek sah&#233;&#233;' sa'at nah na'at Y&#233;sus, tioo ngejekuu' lep r&#233;h ngan ngeradau, bara', ka'au' n&#233;h Anak Allah, ha' ngeradau r&#233;h.</div><div class="p"> 12Y&#233;sus meta' r&#233;h pan&#233; kenat, b&#233;' iah buhaa' r&#233;h pekelenaa' Iah.</div><div class="s">Tong Y&#233;sus ngev&#233;l&#233;&#233;' jah poloo' duah bak&#233;h n&#233;h</div><div class="r">(Mat. 9:9-13, Luk. 5:27-32)</div><div class="p"> 13Y&#233;sus lakau tai jah tokong, jin sinah Iah tebai kelunan &#233;h keneloo' n&#233;h, boh irah &#233;h keneloo' N&#233;h nah tavin Iah sinah. 14Hun r&#233;h av&#233;&#233;' lah inah Y&#233;sus ngev&#233;l&#233;&#233;' jah poloo' duah usah jin belah r&#233;h, dokoo' irah &#233;h kev&#233;l&#233;&#233;' N&#233;h nah ngelayau pu'un pemung ngan N&#233;h, kenat p&#233;h ke' r&#233;h omok nebaraa' kelunan 15ngan ke' r&#233;h pu'un penyukat omok bet balei'.</div><div class="p"> 16Iteu' ngaran kekat irah &#233;h kev&#233;l&#233;&#233;' N&#233;h, Simon, pu'un jah ngaran n&#233;h &#233;h nateng Y&#233;sus, P&#233;terus, 17Yakub rawah Yohanes &#233;h anak Sabedeus. Y&#233;sus maneu' ngaran roh Boanerges, sin tong ngaran inah kelunan &#233;h makang barei' ha' lengedo. 18Pu'un kelunan kep&#233;h ngaran r&#233;h Anderias, ngan Pilipus, Bartolomeus, Matius, Tomas, ngan Yakub anak Alpeus, Tadius, Simon kelunan jin Kana'an. 19Yudas Iskariot, inah &#233;h Yudas &#233;h memalo Y&#233;sus rai.</div><div class="s">Tong Y&#233;sus ngan tong balei' Beelsebul</div><div class="r">(Mat. 12:22-32, Luk. 11:14-23, 12:10)</div><div class="p"> 20La'o inah mol&#233;&#233;' Y&#233;sus tai lamin, pelapah tuai kelunan pinaa' nah kep&#233;h la', pah av&#233;&#233;' Y&#233;sus ngan bak&#233;h n&#233;h b&#233;' omok kuman. 21Hun irah panak Y&#233;sus jam &#233;h kenat, tai r&#233;h juk alaa' Iah, uban pu'un kelunan &#233;h bara', Y&#233;sus nah tuleu', ha' r&#233;h.</div><div class="p"> 22 # 
 Mat. 9:34, 10:25 La'ah pu'un kuraa' guru &#233;h nebaraa' tong Surat Musa tuai jin leboo' Y&#233;rusalem bara' Y&#233;sus nasek balei' Beelsebul, ngan Iah bet balei' palaa' kerenget sah&#233;&#233;' sa'at, ha' r&#233;h.</div><div class="p"> 23Neu' ha' r&#233;h pan&#233; kenat, Y&#233;sus tebai irah tuai ke' N&#233;h bara' kuraa' ha' tapan ngan r&#233;h. Ka' ha' N&#233;h, Kineu' jalan Sitan omok bet Sitan. 24Hun pu'un kelunan tong jah tana', pata pekelawan belah nah ke', adang kekat irah leboo' inah matai b&#233;&#233;. 25Kep&#233;h Ne' pu'un kelunan murip lem jah lamin; boh irah pata pekelawan belah irah ke' sinah, adang kekat irah lem lamin inah matai b&#233;&#233;. 26Kenat p&#233;h n&#233;' Sitan pekelawan belah nah ke', adang penyukat n&#233;h b&#233;' omok leb&#233;&#233;' kekat &#233;h lem kamit n&#233;h b&#233;&#233; mu'un.</div><div class="p"> 27B&#233;' pu'un jah kelunan omok masek lem lamin kelunan &#233;h gahang, ke' n&#233;h omok nyayoh livah lem lamin n&#233;h, bang hun kelunan gahang nah pu'un kejeret, la'o inah boh kelunan omok masek tong lamin n&#233;h ngan nyayoh livah lem lamin n&#233;h.</div><div class="p"> 28Jian keh seruh jian-jian, kekat arong kesa'at kelunan omok Tuhan mega' &#233;h, kenat p&#233;h tong ha' an&#233; r&#233;h &#233;h sa'at, 29#Luk. 12:10bang tong kelunan &#233;h pan&#233; ngesa'at Sah&#233;&#233;' Ni'ai, kesa'at inah b&#233;' Tuhan omok mega' &#233;h, uban penyala' inah pu'un &#233;h pelinguh, ha' N&#233;h. 30Y&#233;sus pu'un pan&#233; kenat ngan r&#233;h, uban irah ke' bara' Y&#233;sus nasek balei'.</div><div class="s">Tong tinen ngan pad&#233;&#233;' Y&#233;sus</div><div class="r">(Mat. 12:46-50, Luk. 8:19-21)</div><div class="p"> 31La'o inah tuai tinen ngan pad&#233;&#233;' Y&#233;sus, pu'un r&#233;h mena Y&#233;sus tong usit, boh r&#233;h nyohoo' kelunan &#233;h jah tai tebai &#201;h. 32Pinaa' kelunan menyun keto tutuh Y&#233;sus, ka' ha' r&#233;h ngan N&#233;h, Tinen ko' ngan pad&#233;&#233;' ko' pu'un mena ke' tong usit sinah rit, pu'un r&#233;h tebai ke', ha' r&#233;h.</div><div class="p"> 33Ha' Y&#233;sus mipa r&#233;h, s&#233;&#233;' tinen ngan pad&#233;&#233;' K&#233;' &#233;h kunah keh nah n&#233;h, ha' N&#233;h. 34Iah ngelengit na'at kelunan pinaa' &#233;h menyun tutuh N&#233;h nah, boh Iah bara' ka', Na'at, iteu' n&#233;h tinen K&#233;' ngan pad&#233;&#233;' K&#233;'. 35Kelunan s&#233;&#233;' &#233;h kivu sohoo' Allah, kelunan inah &#233;h pad&#233;&#233;' K&#233;', jian p&#233;h &#233;h lakei', jian p&#233;h &#233;h pad&#233;&#233;' k&#233;' redo, kenat p&#233;h &#233;h tinen K&#233;', ha' N&#233;h ngan r&#233;h.</div>
 </div>
 </div>
</div>

Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia

Yésus lakau tai lamin sebayang kepéh la', pu'un jah kelunan sinah éh paket jebila' ojoo'. La'ah pu'un kuraa' kelunan sinah éh juk pesala' Yésus, kenat péh irah kepuh Yésus ke' réh omok jam hun néh pu'un peka'o kelunan sioo' Dau Posot nah. Ha' Yésus ngan kelunan paket ojoo' nah, Betéé' ke' jian ke' tuai nekedéng siteu', ha' Néh ngan néh. La'ah ha' Yésus ngan kelunan éh pinaa' sinah, Akeu' juk neteng ngan ka'ah, Ineu' omok neu' lu' tong Dau Posot? Kineu' ha' lem tebaraa' éh kenivu lu' iteu', pu'un éh nyohoo' lu' masi kelunan? Kineu' éh, kelu' ngesa'at kelunan kunah néh? Kineu sohoo' néh ngan lu', kelu' purip kelunan nah? Kineu lah lu' da', kelu' mematai kelunan nah? Kineu' ha' tebaraa' tong Dau Posot lu' iteu' néh kunah ka'ah, ha' Yésus neteng réh.
Bang bé' réh mipa éh. Ngejuwak Yésus na'at réh, merek Éh ngan réh bang Iah pika réh kepéh uban réh mahéng kenin bé' jam seruh. La'ah ka' ha' Néh ngan kelunan paket ojoo' nah kepéh, Jian ke' pejat ojoo' ko', ha' Néh. Tioo kelunan inah pejat ojoo' néh, tioo jian lah ojoo' néh. Musit lah kelunan Parisi tioo tai tavin kelunan éh kivu irah éh pemung ngan Herodis ke' réh pakat pitah jalan omok mematai Yésus.

Lakau Yésus ngan irah éh bakéh néh tai baa' Banget Galilia, pinaa' mu'un kelunan kivu réh tai. Jelua' réh pu'un jin tana' Galilia, jelua' jin tana' Yudea, jelua' kepéh jin leboo' Yérusalem ngan jelua' jin tana' Idumia. Pu'un éh kepéh jin dipa baa' Yordan, ngan jin tana' éh déhéé' Tirus ngan Sidon, pinaa' mu'un réh tai tavin Yésus uban réh menéng rengah tong kekat penganeu' Néh éh ja'au nah. Uban réh pinaa' mu'un kenat, Iah nyohoo' irah éh bakéh néh petenup jah alut ngan Néh, dai kelunan pinaa' nah nyikeu' éh. Pu'un pinaa' tenéh kelunan peka'o néh jin kesakit réh, na' péh éh kenat irah éh sakit keto nah pu'un réh nyikeu' Éh ngan ngamit Éh ke' réh omok ma'o jin kesakit réh. Hun irah éh nasek sahéé' sa'at nah na'at Yésus, tioo ngejekuu' lep réh ngan ngeradau, bara', ka'au' néh Anak Allah, ha' ngeradau réh.
Yésus meta' réh pané kenat, bé' iah buhaa' réh pekelenaa' Iah.


Yésus lakau tai jah tokong, jin sinah Iah tebai kelunan éh keneloo' néh, boh irah éh keneloo' Néh nah tavin Iah sinah. Hun réh avéé' lah inah Yésus ngevéléé' jah poloo' duah usah jin belah réh, dokoo' irah éh kevéléé' Néh nah ngelayau pu'un pemung ngan Néh, kenat péh ke' réh omok nebaraa' kelunan ngan ke' réh pu'un penyukat omok bet balei'.
Iteu' ngaran kekat irah éh kevéléé' Néh, Simon, pu'un jah ngaran néh éh nateng Yésus, Péterus, Yakub rawah Yohanes éh anak Sabedeus. Yésus maneu' ngaran roh Boanerges, sin tong ngaran inah kelunan éh makang barei' ha' lengedo. Pu'un kelunan kepéh ngaran réh Anderias, ngan Pilipus, Bartolomeus, Matius, Tomas, ngan Yakub anak Alpeus, Tadius, Simon kelunan jin Kana'an. Yudas Iskariot, inah éh Yudas éh memalo Yésus rai.


La'o inah moléé' Yésus tai lamin, pelapah tuai kelunan pinaa' nah kepéh la', pah avéé' Yésus ngan bakéh néh bé' omok kuman. Hun irah panak Yésus jam éh kenat, tai réh juk alaa' Iah, uban pu'un kelunan éh bara', Yésus nah tuleu', ha' réh.
La'ah pu'un kuraa' guru éh nebaraa' tong Surat Musa tuai jin leboo' Yérusalem bara' Yésus nasek balei' Beelsebul, ngan Iah bet balei' palaa' kerenget sahéé' sa'at, ha' réh.
Neu' ha' réh pané kenat, Yésus tebai irah tuai ke' Néh bara' kuraa' ha' tapan ngan réh. Ka' ha' Néh, Kineu' jalan Sitan omok bet Sitan. Hun pu'un kelunan tong jah tana', pata pekelawan belah nah ke', adang kekat irah leboo' inah matai béé. Kepéh Ne' pu'un kelunan murip lem jah lamin; boh irah pata pekelawan belah irah ke' sinah, adang kekat irah lem lamin inah matai béé. Kenat péh né' Sitan pekelawan belah nah ke', adang penyukat néh bé' omok lebéé' kekat éh lem kamit néh béé mu'un.
Bé' pu'un jah kelunan omok masek lem lamin kelunan éh gahang, ke' néh omok nyayoh livah lem lamin néh, bang hun kelunan gahang nah pu'un kejeret, la'o inah boh kelunan omok masek tong lamin néh ngan nyayoh livah lem lamin néh.
Jian keh seruh jian-jian, kekat arong kesa'at kelunan omok Tuhan mega' éh, kenat péh tong ha' ané réh éh sa'at, bang tong kelunan éh pané ngesa'at Sahéé' Ni'ai, kesa'at inah bé' Tuhan omok mega' éh, uban penyala' inah pu'un éh pelinguh, ha' Néh. Yésus pu'un pané kenat ngan réh, uban irah ke' bara' Yésus nasek balei'.


La'o inah tuai tinen ngan padéé' Yésus, pu'un réh mena Yésus tong usit, boh réh nyohoo' kelunan éh jah tai tebai Éh. Pinaa' kelunan menyun keto tutuh Yésus, ka' ha' réh ngan Néh, Tinen ko' ngan padéé' ko' pu'un mena ke' tong usit sinah rit, pu'un réh tebai ke', ha' réh.
Ha' Yésus mipa réh, séé' tinen ngan padéé' Ké' éh kunah keh nah néh, ha' Néh. Iah ngelengit na'at kelunan pinaa' éh menyun tutuh Néh nah, boh Iah bara' ka', Na'at, iteu' néh tinen Ké' ngan padéé' Ké'. Kelunan séé' éh kivu sohoo' Allah, kelunan inah éh padéé' Ké', jian péh éh lakei', jian péh éh padéé' ké' redo, kenat péh éh tinen Ké', ha' Néh ngan réh.

聆听 MARKUS 3