If you have would like a copy of this version please contact info@davarpartners.org

Quechua Huallaga Huánuco Old Testament

<div class="version vid1088 iso6393qub" data-vid="1088" data-iso6393="qub">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s1">Abrahamta Tayta Dios watucushan</div><div class="p"> 1Mamrepa chacran encina y&#246;racuna caycaj &#241;aupancho Abraham tiyaycaran. Chaych&#246;mi inti pullan junaj fiyupa shanaptin Abrahamga toldun puncucho jamaraycaran. Chay &#246;rami Tayta Dios yuriparan.</div><div class="p"> 2Abrahamga ric&#228;rishancho ricaran quimsaj runacuna ichirpaycajta. Ric&#228;rerga apur&#228; jatariran jamachinanpaj.#Heb. 13.2 Rispitashpan urcunpis pampaman t&#246;panancama &#241;aupanman gongurpacur 3cayno niran: &#171;Jamall&#228;shun taytacuna. Ama aywacuyr&#228;chu ari. 4Yacuta aparaycachimushaj gamcuna chaquiquita mayllacunayquipaj. Nircur jamap&#228;rinqui y&#246;ra chaquin llantullacho. 5Ima allishi chayaycamunqui uywayniquita watucamaj. Tantatapis aparaycamushaj manaraj p&#228;sacur micup&#228;rinayquipaj.&#187;</div><div class="p">Chayno niptin paycuna niran: &#171;Allimi callanga.&#187;</div><div class="p"> 6Chaura Abrahamga toldun rurinman yaycuriycur Sarata niran: &#171;Juclla ishcay chunca (20) qu&#239;lu alli caj jarinata chapuriycur tantata ruray.&#187;</div><div class="p"> 7Chaypita Abrahamga c&#246;rriylla aywaran w&#228;cancuna caycashan cajman. Nircur werannin caj bes&#235;rata acraran. Chaytana uywayninta entregaran. Chay runana pishtariycur apur&#228; micuyta ruraran gorpan micunanpaj. 8Chay bes&#235;ra aychata garashpanmi apaparan l&#235;chita, qu&#235;suta, tantatapis. Apapashancunata paycuna micuran y&#246;ra chaquincho. Chayno micupacuptin Abrahamga shuyaraycaran imatapis munashan cajta apap&#228;nanpaj.</div><div class="p"> 9Micuyta usharc&#228;rir Abrahamta tapuran: &#171;&#191;Maych&#246;taj caycan warmiqui Sara?&#187; nir.</div><div class="p">Chaura Abraham niran: &#171;Chay told&#246; rurich&#246;mi.&#187;</div><div class="p"> 10Chayno niptin juc niran: &#171;Watan yapay cutimupt&#235; warmiqui Saraga wawayojnami caycangapaj.&#187;#Rom. 9.9</div><div class="p">Abraham runacunawan parlashanta Saraga toldun puncu yaycurinacho wiyaparaycaran. 11Abrahamwan Saraga ishcanpis caran auquin chacwanna. Chacwanna captinmi Sarataga manana charejnachu quilla gueshyanpis. 12Chayno parlajta wiyar Saraga pacayllapa asicur cayno niran: &#171;Ima alliraj caycunman waw&#228; captin. Ichanga chacwannaga &#191;iman&#246;panataj wawayoj cashaj run&#228;pis auquinna caycaptenga?&#187;#1Ped. 3.6 nir.</div><div class="p"> 13Chaymi Abrahamta Tayta Dios niran: &#171;&#191;Imanirtaj asicusha Saraga &#8249;Chacwanna caycarga &#191;rasunpachuraj wawata tarishaj?&#8250; nir? 14&#191;Imallaga Tayta Diospaj sasa canchuraj? Watan cananno wichan rajacoj cutimupt&#235; Saraga ollgu wawayojmi caycanga.&#187;#Jer. 32.16, 27; Luc. 1.37; Rom. 9.9</div><div class="p"> 15Saraga fiyupa manchac&#228;cur &#171;Nogaga manami asishc&#228;chu&#187; niran.</div><div class="p">Niptin Dios niran: &#171;Noga musyayc&#228;mi asicushayquita.&#187;</div><div class="s1">Tayta Diosta Sodomapaj Abraham ruwacushan</div><div class="p"> 16Chaypitana gorpan jatarc&#228;rir aywayta gallayc&#228;riran Sodoma siud&#228;-l&#228;man. Abrahamga despachashpan carucama iwal aywaran. 17Aywarcaycashancho Tayta Dios yarpachacuran cayno nir: &#171;Imata ruran&#228;paj cashantapis Abrahamtaga &#191;manachuraj willayc&#246;man? 18Abrahampita mirajcunaga munayniyoj jatun nasyun cananp&#228;mi nishc&#228;pis. Paytaga nishc&#228; mundu int&#235;rucho caj nasyuncunata pay-raycu bindisyunta gon&#228;p&#228;mi. 19Paytaga noga acrashc&#228; wiyacam&#228;nanpaj wamrancunata, llapan famillyancunata yachachinanp&#228;mi, alli cajllata rasun cajllata rurananp&#228;mi. Abraham chayno ruraptenga contr&#228;tu rurash&#228;ta noga cumlish&#228;mi.&#187;</div><div class="p"> 20Chayno yarpachacurirmi Abrahamtaga Tayta Dios niran: &#171;Gomorracho Sodomacho tiyaj runacunap&#228;ga fiyupami quijacamasha. Chaycho tiyaj runacuna mana awantayp&#228;nami juchata rurasha. 21Chaymi canan aywayc&#228; quijacamar willamashanno rasunpa juchancuna cashanta musyan&#228;paj. Imano captinpis chayar-r&#228;mi musyashaj.&#187;</div><div class="p"> 22Ishcay caj gorpanga aywacuranna Sodomaman. Abrahammi Tayta Dioswan qu&#235;dacuran. 23&#209;aupanman witiycushpan Abrahamga niran: &#171;Juchayojcunataga &#191;juchaynajcunatawan iwalchuraj usharinquiman? 24Juchaynaj runacunaga capaschari caycan pichga chuncapis (50) chay jatun siud&#228;ch&#246;ga. &#191;Chay pichga chunca (50) runacuna-raycu manachu cuyapanquiman chay siud&#228;cho tiyajcunataga? 25&#191;Juchaynaj runacunatawan juchasapa runacunata tallucashata wa&#241;uchinquimanchuraj? Juchaynajcunataga juchayojcunatano manami wa&#241;uchinquimanchu. Chaytaga ruraycunquimanr&#228;chu. Mundu int&#235;rucho llapanpa juchaynaj jueznin caycarga &#191;manachu alli arriglanquiman?&#187; nir.</div><div class="p"> 26Chaura Tayta Dios niran: &#171;Juchaynaj runacunata pichga chuncata (50) Sodoma siud&#228;cho tarerga paycuna-raycu chay siud&#228;ta manami illg&#228;chish&#228;chu.&#187;</div><div class="p"> 27Chauraga yapay Abraham niran: &#171;Yapay tapupt&#235; ama rabyacuycuychu ari Tayta. Gamga canqui Tayta Diosmi. Nogaga c&#228; runallami. 28Juchaynaj runacunaga capaschari pichgallapis pichga chuncap&#228;ga (50) pishin. Chaypis &#191;illg&#228;chinquichuraj chay siud&#228;cho tiyaj llapan runacunata?&#187;</div><div class="p">Niptin Dios niran: &#171;Juchaynaj runacunata chuscu chunca pichganta (45) tarir manami illg&#228;chish&#228;chu.&#187;</div><div class="p"> 29Yapay Abraham niran: &#171;Chaych&#246;ga capaschari caycan chuscu chuncallapis (40) juchaynaj runacunaga.&#187;</div><div class="p">Niptin Dios niran: &#171;Chuscu chunca (40) juchaynaj runacuna-raycu manami illg&#228;chish&#228;chu.&#187;</div><div class="p"> 30Yapay Abraham ruwacuran: &#171;Tayta, yaparir-yaparir tapupt&#235; ama rabyacuycuychu ari. Capaschari quimsa chuncallatapis (30) tarinquiman.&#187;</div><div class="p">Chaura Dios niran: &#171;Juchaynaj runacunata quimsa chuncallata (30) tarirpis manami illg&#228;chish&#228;chu.&#187;</div><div class="p"> 31Abraham yapay niran: &#171;Manami l&#239;su caypitachu tap&#246;, Tayta. Juchaynaj runacunata ishcay chuncallata (20) tarishpayquega &#191;imataraj ruranqui?&#187;</div><div class="p">Chaura Tayta Dios niran: &#171;Ishcay chunca (20) juchaynaj runacuna-raycupis manami illg&#228;chish&#228;chu.&#187;</div><div class="p"> 32Abrahamga yapaypis niranraj: &#171;Yaparir-yaparir tapupt&#235; ama rabyacuycuychu ari Tayta. Cananllanami ruwacushayqui. Chuncalla juchaynaj captenga &#191;imataraj ruranqui?&#187;</div><div class="p">Niptin Tayta Dios niran: &#171;Chay chunca juchaynaj runacuna-raycu chay siud&#228;ta manami illg&#228;chish&#228;chu.&#187;</div><div class="p"> 33Chayno Abrahamwan parlarcur Tayta Diosga aywacuran. Abrahampis tiyashan cajman cuticuran.</div>
 </div>
 </div>
</div>

Mamrepa chacran encina yöracuna caycaj ñaupancho Abraham tiyaycaran. Chaychömi inti pullan junaj fiyupa shanaptin Abrahamga toldun puncucho jamaraycaran. Chay örami TAYTA DIOS yuriparan.
Abrahamga ricärishancho ricaran quimsaj runacuna ichirpaycajta. Ricärerga apurä jatariran jamachinanpaj. Rispitashpan urcunpis pampaman töpanancama ñaupanman gongurpacur cayno niran: «Jamalläshun taytacuna. Ama aywacuyrächu ari. Yacuta aparaycachimushaj gamcuna chaquiquita mayllacunayquipaj. Nircur jamapärinqui yöra chaquin llantullacho. Ima allishi chayaycamunqui uywayniquita watucamaj. Tantatapis aparaycamushaj manaraj päsacur micupärinayquipaj.»
Chayno niptin paycuna niran: «Allimi callanga.»
Chaura Abrahamga toldun rurinman yaycuriycur Sarata niran: «Juclla ishcay chunca (20) quïlu alli caj jarinata chapuriycur tantata ruray.»
Chaypita Abrahamga cörriylla aywaran wäcancuna caycashan cajman. Nircur werannin caj besërata acraran. Chaytana uywayninta entregaran. Chay runana pishtariycur apurä micuyta ruraran gorpan micunanpaj. Chay besëra aychata garashpanmi apaparan lëchita, quësuta, tantatapis. Apapashancunata paycuna micuran yöra chaquincho. Chayno micupacuptin Abrahamga shuyaraycaran imatapis munashan cajta apapänanpaj.
Micuyta usharcärir Abrahamta tapuran: «¿Maychötaj caycan warmiqui Sara?» nir.
Chaura Abraham niran: «Chay toldö rurichömi.»
Chayno niptin juc niran: «Watan yapay cutimuptë warmiqui Saraga wawayojnami caycangapaj.»
Abraham runacunawan parlashanta Saraga toldun puncu yaycurinacho wiyaparaycaran. Abrahamwan Saraga ishcanpis caran auquin chacwanna. Chacwanna captinmi Sarataga manana charejnachu quilla gueshyanpis. Chayno parlajta wiyar Saraga pacayllapa asicur cayno niran: «Ima alliraj caycunman wawä captin. Ichanga chacwannaga ¿imanöpanataj wawayoj cashaj runäpis auquinna caycaptenga?» nir.
Chaymi Abrahamta TAYTA DIOS niran: «¿Imanirtaj asicusha Saraga ‹Chacwanna caycarga ¿rasunpachuraj wawata tarishaj?› nir? ¿Imallaga TAYTA DIOSPAJ sasa canchuraj? Watan cananno wichan rajacoj cutimuptë Saraga ollgu wawayojmi caycanga.»
Saraga fiyupa manchacäcur «Nogaga manami asishcächu» niran.
Niptin Dios niran: «Noga musyaycämi asicushayquita.»

Chaypitana gorpan jatarcärir aywayta gallaycäriran Sodoma siudä-läman. Abrahamga despachashpan carucama iwal aywaran. Aywarcaycashancho TAYTA DIOS yarpachacuran cayno nir: «Imata ruranäpaj cashantapis Abrahamtaga ¿manachuraj willaycöman? Abrahampita mirajcunaga munayniyoj jatun nasyun cananpämi nishcäpis. Paytaga nishcä mundu intërucho caj nasyuncunata pay-raycu bindisyunta gonäpämi. Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»
Chayno yarpachacurirmi Abrahamtaga TAYTA DIOS niran: «Gomorracho Sodomacho tiyaj runacunapäga fiyupami quijacamasha. Chaycho tiyaj runacuna mana awantaypänami juchata rurasha. Chaymi canan aywaycä quijacamar willamashanno rasunpa juchancuna cashanta musyanäpaj. Imano captinpis chayar-rämi musyashaj.»
Ishcay caj gorpanga aywacuranna Sodomaman. Abrahammi TAYTA DIOSWAN quëdacuran. Ñaupanman witiycushpan Abrahamga niran: «Juchayojcunataga ¿juchaynajcunatawan iwalchuraj usharinquiman? Juchaynaj runacunaga capaschari caycan pichga chuncapis (50) chay jatun siudächöga. ¿Chay pichga chunca (50) runacuna-raycu manachu cuyapanquiman chay siudächo tiyajcunataga? ¿Juchaynaj runacunatawan juchasapa runacunata tallucashata wañuchinquimanchuraj? Juchaynajcunataga juchayojcunatano manami wañuchinquimanchu. Chaytaga ruraycunquimanrächu. Mundu intërucho llapanpa juchaynaj jueznin caycarga ¿manachu alli arriglanquiman?» nir.
Chaura TAYTA DIOS niran: «Juchaynaj runacunata pichga chuncata (50) Sodoma siudächo tarerga paycuna-raycu chay siudäta manami illgächishächu.»
Chauraga yapay Abraham niran: «Yapay tapuptë ama rabyacuycuychu ari Tayta. Gamga canqui Tayta Diosmi. Nogaga cä runallami. Juchaynaj runacunaga capaschari pichgallapis pichga chuncapäga (50) pishin. Chaypis ¿illgächinquichuraj chay siudächo tiyaj llapan runacunata?»
Niptin Dios niran: «Juchaynaj runacunata chuscu chunca pichganta (45) tarir manami illgächishächu.»
Yapay Abraham niran: «Chaychöga capaschari caycan chuscu chuncallapis (40) juchaynaj runacunaga.»
Niptin Dios niran: «Chuscu chunca (40) juchaynaj runacuna-raycu manami illgächishächu.»
Yapay Abraham ruwacuran: «Tayta, yaparir-yaparir tapuptë ama rabyacuycuychu ari. Capaschari quimsa chuncallatapis (30) tarinquiman.»
Chaura Dios niran: «Juchaynaj runacunata quimsa chuncallata (30) tarirpis manami illgächishächu.»
Abraham yapay niran: «Manami lïsu caypitachu tapö, Tayta. Juchaynaj runacunata ishcay chuncallata (20) tarishpayquega ¿imataraj ruranqui?»
Chaura TAYTA DIOS niran: «Ishcay chunca (20) juchaynaj runacuna-raycupis manami illgächishächu.»
Abrahamga yapaypis niranraj: «Yaparir-yaparir tapuptë ama rabyacuycuychu ari Tayta. Cananllanami ruwacushayqui. Chuncalla juchaynaj captenga ¿imataraj ruranqui?»
Niptin TAYTA DIOS niran: «Chay chunca juchaynaj runacuna-raycu chay siudäta manami illgächishächu.»
Chayno Abrahamwan parlarcur TAYTA DIOSGA aywacuran. Abrahampis tiyashan cajman cuticuran.

聆听 Génesis 18