Gal 4
4
‑A ‑glɩnɩ Laagɔ 'la 'cuo
1'Lɩka ɩmɩa n gugu 'lɛ na: Daa ‑ajaalinyɔa ‑glɩ ka ka 'lɛ 'cilee na, ɔ 'ta geyu 'kʋzi, ɔmɔa ‑ɔ ‑glɩ 'lɛ lɩɩa ‑tɛtɛa ɩ to na. 2‑Ma ɔla 'klʋlɩnyaa ɩya ɔla 'nanɩa 'la 'klʋlɩnyaa, maa ‑ɔ ‑ka 'lɛ ɔla wɔlɩ ‑aan ɩya clɩɩa ɔ to zʋ 'lɛ na ɩ 'ka ŋeni. 3'Nyɩ ‑anyɩ ‑ma, sɛɛ ‑tɛɛ bhlogbɩɩ, daa ‑a ‑glɩ 'kaa 'lɛ 'cuo ‑ɔ ‑kʋa 'lɛ ‑laagɔzɔan 'la lɩɩa 'la ‑kwleliea ‑zɔn na, ‑a ‑glɩa geye. 4‑Ma daa clɩɩa ‑ɩ ‑zʋɔa 'lɛ, ŋeni 'lɛ na, Laagɔ ya ɔla 'Cʋa ‑ɔ 'wlʋlʋ 'lɛ 'ŋlɔ nɩkplaan 'nyɩ ‑ɔ ‑kʋ 'lɛ ‑jlɩmaa ‑zɔn na, lobhu 5le ɔ 'ka maa ‑ɔ ‑kʋa 'lɛ ‑jlɩmaa ‑zɔn na, 'la ‑ncɩkalɩlɩɛa 'la dlua ‑plʋ ɩya ‑a ka Laagɔ 'la 'cuo 'plɩ. 6Laagɔ 'la 'cuo, a ‑glɩ maa ‑zaagbʋsa: Laagɔ ya ‑ala pɔlɩa nɩkplaan ɔla 'Cʋa 'la 'Wugoa zʋ ‑ʋ ‑gaan 'lɛ 'nyɩ ‑ʋ cla 'lɛ lebhe: Aba, To! 7Na, ‑n 'tanɩ geyu ‑glɩ, ‑ma 'slico. 'Nyɩ saa ‑n ‑glɩnɩ 'lɛ 'slico na, ‑n ‑glɩmʋnɩ ‑ajaalinyɔ: Ɩ ‑glɩ Laagɔ 'la nʋnʋlobholi.
Galasiinyaa 'la geyliincɔlɔpɔɔvʋ bhla Pɔlʋ
8‑Bɛkadaa, daa a 'ta ka kaa 'lɛ Laagɔ cibhlili na, a ‑kʋa laagɔcɩa 'ɩ 'titi 'ta 'lɛ Laagɔ ‑glɩ na, 'la geyliin. 9‑Ma, a ‑cinɩ 'lɛ ‑pɔtɔnʋ Laagɔ na, ka n na n 'ka 'lɛ 'cla lebhe Laagɔ ‑cinɩ 'lɛ anyɩ na, 'nsasa a cɩ 'ka 'lɛ mino ɩya a 'ka ‑awlɛ lɩɩa ‑ɩ 'ta 'lɛ 'tɛtɩ ‑ylɛylɛ ‑ka na, 'ciincɔlɔ ɩya a 'ka 'lɛ wabha lebhe a 'ka ɩla geyliin kʋ bha? 10A falɩ clɩɩa, 'cɩa, lioklia ɩya liowlia pɔlɛ cɩ ‑gbɔɔn! 11A gba 'nyɩ lobholia n nʋnʋ 'lɛ anyɩ kpʋkpʋʋn na, ɩla 'kpɔkpɔplɩlɩɛ 'la pɔɔvʋ bhlaan.
12Bholiecɩnyɩ, n sla anyɩ 'wlu, sa n yanɩ 'lɛ 'plɩ le anyɩ na, a nʋ ‑amʋ 'bhisa. A 'ta ka 'na ‑ngasi bhlogbɩɩ tʋ. 13A ‑ci sɛɛ lebhe 'bhlabhlagu gba 'lɛ 'nyɩ n ya 'lɛ anyɩ ‑bɛkada Dɩnanɩa* ‑sa. 14'Na 'nyɛkɛa 'taa 'mamasa kʋ ‑ma 'bhlɩmɔɔn a 'taan 'gulu. A yaan kla le Laagɔ 'la 'bhlaandlee* 'bhisa, le Zozi Klisi 'bhisa. 15'Ndagbazɩ ala 'dɛ 'la 'bhlɛsʋa 'la pɔlɛkʋmɛnɔa ‑kʋa 'lɛ bha? Sa, n li ‑danʋfʋɛ lebhe ɩ ‑kaa ‑kʋ lebhe a kpɛa ala 'cia ɩya a 'nyɩa ‑amʋa mɩ na, a cɩa sɛɛ nʋ. 16Na, ka n 'plɩnɩ 'lɛ ‑pɔtɔnʋ ala ‑zɔbhɛlɩgbanyɔ, ‑nʋawlɛa n solu 'lɛ anyɩ na, 'la gbʋ bha?
17Mala nwɔviliɛa 'ta ‑nwɔvilie 'titi ‑glɩ. Ɩmɩa ‑tɛɛa ma 'matɩ 'lɛ na, ma 'ka n ‑ya ‑anyɩsɔ cɩsasalɩ ɩya ‑a 'kanɩ mala gbʋ ‑nwɔvi. 18Ɩmɩa ɩ nanɩ 'lɛ na, ɩmɩ ‑glɩ 'lɛ ‑nwɔa nclɔɔ ‑kalɩ 'lɛ wɔɔgugwie 'nanɛ 'nyɩ ɔ vi 'lɛ ɔ 'yʋ 'la pɔlɛcɩfalɩlɩɛ 'la gbʋ clɩɩa 'fɩan na, ‑ma n 'ta le daa n ‑kʋa 'lɛ anyɩ sidiin ‑naanɩa ‑tɛɛ. 19A ‑glɩ 'na 'cicʋa ala valʋ bhlaan 'lɛ, 'nyɩ n cɩ 'ka ‑awlɛ 'lɛ valɩda kʋa ‑aan ɩya Klisi 'ka 'lɛ anyɩ nɩkplaan ‑glɛɛlɩ na. 20N ‑waa ‑gbɔɔn lebhe n 'kaa anyɩ cɩ kʋ ‑pɔtɔnʋ ɩya n 'ka anyɩa solusa cibhlili, sa n 'lɩ 'ta saa 'titia n 'ka 'lɛ anyɩ klaklalɩ na.
Agalɩ ɩya Salaa palalɩ mɛnʋcia ‑mɔsɔa
21Anyɩa ‑ɔ ‑wa 'lɛ lebhe ‑ɔ cɩ ‑jlɩmaa ‑zɔn kʋ na, a solu kakaan, a, 'a 'nu 'ta ɩmɩa ‑jlɩmaa ‑naa bhli 'lɛ 'kʋ na, bha? 22Sa, ɩ ‑zieo lebhe Ablaamʋ ya 'cuo ‑mɔsɔ valɩ, ɔ ya gaaŋlɔa ya bhlo valɩ 'nyɩ ɔ ya ‑ncɩkalɩŋlɔa ya 'lɛ bhlo valɩ. 23‑Ma 'nyɛkɛa 'la 'sasʋʋn ma valɩ 'lɛ gaaŋlɔa 'la 'cʋa 'nyɩ ma ya 'lɛ ‑ncɩkalɩŋlɔa 'la 'cʋa Laagɔ 'la ‑ndanyɩtalɩɛa 'la 'sasʋʋn valɩ. 24Ɩmɩ ‑naa palalɩ wɔlɩ bhlo: 'Ŋwlɛ ‑naa ‑glɩ mɛnʋcɩa ‑mɔsɔa. Bhlo, ɔmɔa ‑ɔ 'wlʋlʋ 'lɛ Sinayii ‑kikea 'wlu na, valɩ geye: Ɔmɔ ‑ɔ ‑glɩ 'lɛ Agalɩ, 25sa Sinayii ‑kikea ‑kʋ Aghlabʋbhlɩa 'kʋ. 'Nyɩ Agalɩ 'la gbɩa palalɩ le ‑pɔtɔnʋ 'la Zolizalɛmʋdua, ‑masa ʋya ʋla 'cuoa ‑glɩ geye na. 26‑Ma ‑laagɔɔn 'la Zolizalɛmʋdua 'ta geyliin ‑kʋ 'nyɩ ʋmʋ ‑ʋ ‑glɩ 'lɛ ‑a 'nɔ. 27Sa ɩ ‑zieo lebhe:
«Nʋ ‑pɔpʋɛ, 'fifiŋlɔ,
‑mɔa ‑ɔ valɩ 'taa 'lɛ na.
‑Gaa nɩkplaan ɩya ‑n nʋ ‑pʋpʋɛ,
‑mɔa ‑ɔ 'ta 'lɛ 'civalʋ 'la kalɔa cibhlili na.
Sa ɔmɔa ŋodi falɩ 'ta 'lɛ pɔlɛ cɩ na,
ɔla 'cuoa ‑zu 'nyɩ ma zi ŋodikalɩŋlɔa 'nʋa 'kʋ.»
28'Nyɩ anyɩ bholiecɩnyɩ, Izakɩ 'bhisa ‑ndanyɩtalɩɛa 'la cuo a ‑glɩ 'lɛ. 29‑Ma, saa ‑tɛɛa ɔmɔa ma valɩa 'lɛ 'nyɛkɛa 'la 'sasʋʋn saa 'lɛ ɔmɔa ma valɩa 'lɛ 'Wugoa 'la 'sasʋʋn gbaylɩ na, sɛɛ ‑tɛɛ bhlogbɩɩ ɩ ‑kʋ ka 'lɛ ‑pɔtɔnʋ. 30'Nyɩ wɔɔsaa Ziziewɔlɩa bhli 'lɛ 'kʋ bha? Ka ɩ cla 'lɛ lebhe: 'Tli gaaŋlɔa ɩya ɔla 'cʋa, sa ɩ 'ta ‑fata lebhe gaaŋlɔa 'la 'cʋa ‑ya ‑ncɩkalɩŋlɔa 'la 'cʋa 'wlalɩ ‑aja 'kʋ. 31Na, bholiecɩnyɩ, ‑n 'ta gaaŋlɔa 'la 'cuo ‑a 'ta 'lɛ ‑glɩ, ‑ma ‑ncɩkalɩŋlɔa 'la 'cuo.
Àwon tá yàn lọ́wọ́lọ́wọ́ báyìí:
Gal 4: NTLD13
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Dida New Testament © Bible Society of Côte d'Ivoire, 2013.
Gal 4
4
‑A ‑glɩnɩ Laagɔ 'la 'cuo
1'Lɩka ɩmɩa n gugu 'lɛ na: Daa ‑ajaalinyɔa ‑glɩ ka ka 'lɛ 'cilee na, ɔ 'ta geyu 'kʋzi, ɔmɔa ‑ɔ ‑glɩ 'lɛ lɩɩa ‑tɛtɛa ɩ to na. 2‑Ma ɔla 'klʋlɩnyaa ɩya ɔla 'nanɩa 'la 'klʋlɩnyaa, maa ‑ɔ ‑ka 'lɛ ɔla wɔlɩ ‑aan ɩya clɩɩa ɔ to zʋ 'lɛ na ɩ 'ka ŋeni. 3'Nyɩ ‑anyɩ ‑ma, sɛɛ ‑tɛɛ bhlogbɩɩ, daa ‑a ‑glɩ 'kaa 'lɛ 'cuo ‑ɔ ‑kʋa 'lɛ ‑laagɔzɔan 'la lɩɩa 'la ‑kwleliea ‑zɔn na, ‑a ‑glɩa geye. 4‑Ma daa clɩɩa ‑ɩ ‑zʋɔa 'lɛ, ŋeni 'lɛ na, Laagɔ ya ɔla 'Cʋa ‑ɔ 'wlʋlʋ 'lɛ 'ŋlɔ nɩkplaan 'nyɩ ‑ɔ ‑kʋ 'lɛ ‑jlɩmaa ‑zɔn na, lobhu 5le ɔ 'ka maa ‑ɔ ‑kʋa 'lɛ ‑jlɩmaa ‑zɔn na, 'la ‑ncɩkalɩlɩɛa 'la dlua ‑plʋ ɩya ‑a ka Laagɔ 'la 'cuo 'plɩ. 6Laagɔ 'la 'cuo, a ‑glɩ maa ‑zaagbʋsa: Laagɔ ya ‑ala pɔlɩa nɩkplaan ɔla 'Cʋa 'la 'Wugoa zʋ ‑ʋ ‑gaan 'lɛ 'nyɩ ‑ʋ cla 'lɛ lebhe: Aba, To! 7Na, ‑n 'tanɩ geyu ‑glɩ, ‑ma 'slico. 'Nyɩ saa ‑n ‑glɩnɩ 'lɛ 'slico na, ‑n ‑glɩmʋnɩ ‑ajaalinyɔ: Ɩ ‑glɩ Laagɔ 'la nʋnʋlobholi.
Galasiinyaa 'la geyliincɔlɔpɔɔvʋ bhla Pɔlʋ
8‑Bɛkadaa, daa a 'ta ka kaa 'lɛ Laagɔ cibhlili na, a ‑kʋa laagɔcɩa 'ɩ 'titi 'ta 'lɛ Laagɔ ‑glɩ na, 'la geyliin. 9‑Ma, a ‑cinɩ 'lɛ ‑pɔtɔnʋ Laagɔ na, ka n na n 'ka 'lɛ 'cla lebhe Laagɔ ‑cinɩ 'lɛ anyɩ na, 'nsasa a cɩ 'ka 'lɛ mino ɩya a 'ka ‑awlɛ lɩɩa ‑ɩ 'ta 'lɛ 'tɛtɩ ‑ylɛylɛ ‑ka na, 'ciincɔlɔ ɩya a 'ka 'lɛ wabha lebhe a 'ka ɩla geyliin kʋ bha? 10A falɩ clɩɩa, 'cɩa, lioklia ɩya liowlia pɔlɛ cɩ ‑gbɔɔn! 11A gba 'nyɩ lobholia n nʋnʋ 'lɛ anyɩ kpʋkpʋʋn na, ɩla 'kpɔkpɔplɩlɩɛ 'la pɔɔvʋ bhlaan.
12Bholiecɩnyɩ, n sla anyɩ 'wlu, sa n yanɩ 'lɛ 'plɩ le anyɩ na, a nʋ ‑amʋ 'bhisa. A 'ta ka 'na ‑ngasi bhlogbɩɩ tʋ. 13A ‑ci sɛɛ lebhe 'bhlabhlagu gba 'lɛ 'nyɩ n ya 'lɛ anyɩ ‑bɛkada Dɩnanɩa* ‑sa. 14'Na 'nyɛkɛa 'taa 'mamasa kʋ ‑ma 'bhlɩmɔɔn a 'taan 'gulu. A yaan kla le Laagɔ 'la 'bhlaandlee* 'bhisa, le Zozi Klisi 'bhisa. 15'Ndagbazɩ ala 'dɛ 'la 'bhlɛsʋa 'la pɔlɛkʋmɛnɔa ‑kʋa 'lɛ bha? Sa, n li ‑danʋfʋɛ lebhe ɩ ‑kaa ‑kʋ lebhe a kpɛa ala 'cia ɩya a 'nyɩa ‑amʋa mɩ na, a cɩa sɛɛ nʋ. 16Na, ka n 'plɩnɩ 'lɛ ‑pɔtɔnʋ ala ‑zɔbhɛlɩgbanyɔ, ‑nʋawlɛa n solu 'lɛ anyɩ na, 'la gbʋ bha?
17Mala nwɔviliɛa 'ta ‑nwɔvilie 'titi ‑glɩ. Ɩmɩa ‑tɛɛa ma 'matɩ 'lɛ na, ma 'ka n ‑ya ‑anyɩsɔ cɩsasalɩ ɩya ‑a 'kanɩ mala gbʋ ‑nwɔvi. 18Ɩmɩa ɩ nanɩ 'lɛ na, ɩmɩ ‑glɩ 'lɛ ‑nwɔa nclɔɔ ‑kalɩ 'lɛ wɔɔgugwie 'nanɛ 'nyɩ ɔ vi 'lɛ ɔ 'yʋ 'la pɔlɛcɩfalɩlɩɛ 'la gbʋ clɩɩa 'fɩan na, ‑ma n 'ta le daa n ‑kʋa 'lɛ anyɩ sidiin ‑naanɩa ‑tɛɛ. 19A ‑glɩ 'na 'cicʋa ala valʋ bhlaan 'lɛ, 'nyɩ n cɩ 'ka ‑awlɛ 'lɛ valɩda kʋa ‑aan ɩya Klisi 'ka 'lɛ anyɩ nɩkplaan ‑glɛɛlɩ na. 20N ‑waa ‑gbɔɔn lebhe n 'kaa anyɩ cɩ kʋ ‑pɔtɔnʋ ɩya n 'ka anyɩa solusa cibhlili, sa n 'lɩ 'ta saa 'titia n 'ka 'lɛ anyɩ klaklalɩ na.
Agalɩ ɩya Salaa palalɩ mɛnʋcia ‑mɔsɔa
21Anyɩa ‑ɔ ‑wa 'lɛ lebhe ‑ɔ cɩ ‑jlɩmaa ‑zɔn kʋ na, a solu kakaan, a, 'a 'nu 'ta ɩmɩa ‑jlɩmaa ‑naa bhli 'lɛ 'kʋ na, bha? 22Sa, ɩ ‑zieo lebhe Ablaamʋ ya 'cuo ‑mɔsɔ valɩ, ɔ ya gaaŋlɔa ya bhlo valɩ 'nyɩ ɔ ya ‑ncɩkalɩŋlɔa ya 'lɛ bhlo valɩ. 23‑Ma 'nyɛkɛa 'la 'sasʋʋn ma valɩ 'lɛ gaaŋlɔa 'la 'cʋa 'nyɩ ma ya 'lɛ ‑ncɩkalɩŋlɔa 'la 'cʋa Laagɔ 'la ‑ndanyɩtalɩɛa 'la 'sasʋʋn valɩ. 24Ɩmɩ ‑naa palalɩ wɔlɩ bhlo: 'Ŋwlɛ ‑naa ‑glɩ mɛnʋcɩa ‑mɔsɔa. Bhlo, ɔmɔa ‑ɔ 'wlʋlʋ 'lɛ Sinayii ‑kikea 'wlu na, valɩ geye: Ɔmɔ ‑ɔ ‑glɩ 'lɛ Agalɩ, 25sa Sinayii ‑kikea ‑kʋ Aghlabʋbhlɩa 'kʋ. 'Nyɩ Agalɩ 'la gbɩa palalɩ le ‑pɔtɔnʋ 'la Zolizalɛmʋdua, ‑masa ʋya ʋla 'cuoa ‑glɩ geye na. 26‑Ma ‑laagɔɔn 'la Zolizalɛmʋdua 'ta geyliin ‑kʋ 'nyɩ ʋmʋ ‑ʋ ‑glɩ 'lɛ ‑a 'nɔ. 27Sa ɩ ‑zieo lebhe:
«Nʋ ‑pɔpʋɛ, 'fifiŋlɔ,
‑mɔa ‑ɔ valɩ 'taa 'lɛ na.
‑Gaa nɩkplaan ɩya ‑n nʋ ‑pʋpʋɛ,
‑mɔa ‑ɔ 'ta 'lɛ 'civalʋ 'la kalɔa cibhlili na.
Sa ɔmɔa ŋodi falɩ 'ta 'lɛ pɔlɛ cɩ na,
ɔla 'cuoa ‑zu 'nyɩ ma zi ŋodikalɩŋlɔa 'nʋa 'kʋ.»
28'Nyɩ anyɩ bholiecɩnyɩ, Izakɩ 'bhisa ‑ndanyɩtalɩɛa 'la cuo a ‑glɩ 'lɛ. 29‑Ma, saa ‑tɛɛa ɔmɔa ma valɩa 'lɛ 'nyɛkɛa 'la 'sasʋʋn saa 'lɛ ɔmɔa ma valɩa 'lɛ 'Wugoa 'la 'sasʋʋn gbaylɩ na, sɛɛ ‑tɛɛ bhlogbɩɩ ɩ ‑kʋ ka 'lɛ ‑pɔtɔnʋ. 30'Nyɩ wɔɔsaa Ziziewɔlɩa bhli 'lɛ 'kʋ bha? Ka ɩ cla 'lɛ lebhe: 'Tli gaaŋlɔa ɩya ɔla 'cʋa, sa ɩ 'ta ‑fata lebhe gaaŋlɔa 'la 'cʋa ‑ya ‑ncɩkalɩŋlɔa 'la 'cʋa 'wlalɩ ‑aja 'kʋ. 31Na, bholiecɩnyɩ, ‑n 'ta gaaŋlɔa 'la 'cuo ‑a 'ta 'lɛ ‑glɩ, ‑ma ‑ncɩkalɩŋlɔa 'la 'cuo.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Dida New Testament © Bible Society of Côte d'Ivoire, 2013.