Matiu 16
16
Mektu taem Jisas no wiling fo mekem wanfala spesol saen
(Mak 8:11-13; Luk 12:54-56)
1Long#Matiu 12:38; Luk 11:16. wanfala taem, samfala Farasi an samfala Sadiusi olketa kam fo trikim Jisas. So olketa askem hem fo mekem wanfala saen fo somaot sapos hemi tru wea God nao hemi sendem hem fo kam. 2Bat Jisas hemi sei long olketa, “Yufala ya, taem hemi kolsap tudak, yufala sei, ‘Bae no eni ren hemi kam ya bikos skae hemi red.’ 3An long eli moning, yufala save sei, ‘Bae hemi ren ya bikos skae hemi red an hemi dak tumas.’ Yufala save hao fo luksave long olketa samting long skae, bat yufala nating save luksave long mining blong olketa saen blong disfala taem.#16:3 “Yufala ya …” Samfala olfala kopi long Matiu olketa no garem disfala toktok blong Jisas long ves 2 an 3.
4“Maewat,#Matiu 12:39; Luk 11:29. yufala olketa pipol blong distaem ya, wei blong yufala hemi ravis an yufala no kipim yufala seleva fo God. Yufala wande fo lukim wanfala spesol saen, bat bae mi no som eni spesol saen long yufala. Saen wea bae yufala save lukim nomoa, hemi disfala saen blong Jona.”
An hemi lusim olketa an hemi go moa.
Jisas tok agensim tising blong olketa lida blong Jiu
(Mak 8:14-21)
5Taem olketa go long narasaet long leik ya, olketa disaepol olketa nating tingim nomoa fo tekem go bred wetem olketa. Nao Jisas hemi tok olsem long olketa, 6“Yufala#Luk 12:1. mas lukaot long diskaen yist blong olketa Farasi an olketa Sadiusi.”
7Olketa disaepol olketa gohed fo stori tugeta long olketa seleva olsem, “Maet Jisas hemi tok olsem bikos yumi no tekem kam eni bred ya.”
8Bat Jisas hemi save nomoa long wanem olketa talem, so hemi sei, “!Biliv blong yufala hemi smolfala tumas ya! ?Waswe nao yufala wari tumas from diswan wea yufala no garem eni bred? 9?Yufala#Matiu 14:17-21. nating minim yet? ?Waswe, yufala fogetem finis haomas basket nao yufala fulumapem, taem mi searemaot faefala bred nomoa long 5,000 man ya? 10?Waswe,#Matiu 15:34-38. yufala fogetem finis tu haomas basket nao yufala fulumapem, taem mi searemaot sevenfala bred nomoa long 4,000 man ya? 11Mi no toktok long yufala abaotem bred ya. ?Waswe nao yufala nating minim? Diskaen yist blong olketa Farasi an olketa Sadiusi nao yufala mas lukaot long hem ya.”
12Olketa disaepol i jes save nao dat Jisas hemi no minim fo talem olketa fo lukaot long yist blong bred ya, bat long diskaen tising blong olketa Farasi an olketa Sadiusi ya.
Pita talemaot dat Jisas nao barava Mesaea
(Mak 8:27-30; Luk 9:18-21)
13Taem Jisas hemi kasem eria kolsap long taon long Sisaria Filipae, hemi askem olketa disaepol olsem, “?Waswe, olketa pipol tingse hu nao mi San Blong Man?”
14Nao#Matiu 14:1-2; Mak 6:14-15; Luk 9:7-8. olketa sei, “Samfala pipol olketa sei yu Jon Baptaes ya, an samfala sei yu profet Elaeja ya. An samfala moa, olketa sei yu nao profet Jeremaea o wanfala long olketa nara profet blong bifoa kam ya.”
15Nao Jisas hemi askem olketa moa olsem, “?Bat waswe long yufala? ?Yufala tingse hu nao mi?”
16So#Jon 6:68-69. long taem ya nomoa, Saemon Pita hemi sei nao, “Masta, yu nao disfala Mesaea ya. Yu ya, yu San Blong God hu hemi laef ya.”
17Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu. 18So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios. 19Bae#Matiu 18:18; Jon 20:23. mi givim yu olketa ki blong disfala kingdom long Heven. So wanem yu stopem long disfala wol, God hemi stopem tu, an wanem yu letem long disfala wol, God hemi letem tu.”
20Bihaen long diswan, Jisas hemi tokstrong long olketa disaepol fo no talemaot long eniwan wea hemi Mesaea ya.
Jisas tokabaotem dae blong hem
(Mak 8:31-34; Luk 9:22)
21Stat#Matiu 17:22-23; 20:18-19. long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”
22Long taem ya, Pita hemi tekem Jisas go seleva an hemi tokstrong long hem olsem, “!Ei, Masta! Yu no tok olsem. !God hemi mas no letem diswan fo hapen long yu!”
23Bat Jisas hemi taneraon nomoa, an hemi tok go long Pita olsem, “!Seitan, yu giraot! !Yu no trae fo stopem mi olsem! Wanem yu talem ya, hemi no tingting blong God ya bat hemi tingting blong man nomoa.”
Jisas talemaot dat olketa hu i falom hem mas wiling fo dae tu
(Mak 8:34—9:1; Luk 9:23-27)
24Bihaen,#Matiu 10:38; Luk 14:27. Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi. 25Eniwan#Matiu 10:39; Luk 17:33; Jon 12:25. hu hemi wande fo sevem laef blong hem seleva, bae hemi lusim tru laef blong hem ya. Bat eniwan hu hemi lusim laef blong hem fo mi, bae hem nao hemi sevem tru laef blong hem ya. 26?Nomata sapos eniwan hemi winim evrisamting long disfala wol, bat sapos hemi lusim tru laef blong hem from diswan ya, waswe, bae olketa samting ya save helpem hem? Nomoa ya. ?An wanem nao bae hemi givim, mekem hemi save tekembaek moa laef blong hem?
27“Bae#Matiu 25:31; Sams 62:12; Rom 2:6. mi San Blong Man, mi kambaek moa wetem saen blong bikfala paoa blong Dadi blong mi an wetem olketa enjel blong hem. Long taem ya, bae mi givim gudfala samting long evriwan fitim waka wea olketa bin duim. 28An mi talem yufala tru samting nao, samfala long yufala hu i stanap long hia, bifoa yufala dae, bae yufala lukim mi San Blong Man, mi kam long kingdom blong mi.”
Àwon tá yàn lọ́wọ́lọ́wọ́ báyìí:
Matiu 16: SIPB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Pijin Catholic Bible © Bible Society of the South Pacific, 2008.
Matiu 16
16
Mektu taem Jisas no wiling fo mekem wanfala spesol saen
(Mak 8:11-13; Luk 12:54-56)
1Long#Matiu 12:38; Luk 11:16. wanfala taem, samfala Farasi an samfala Sadiusi olketa kam fo trikim Jisas. So olketa askem hem fo mekem wanfala saen fo somaot sapos hemi tru wea God nao hemi sendem hem fo kam. 2Bat Jisas hemi sei long olketa, “Yufala ya, taem hemi kolsap tudak, yufala sei, ‘Bae no eni ren hemi kam ya bikos skae hemi red.’ 3An long eli moning, yufala save sei, ‘Bae hemi ren ya bikos skae hemi red an hemi dak tumas.’ Yufala save hao fo luksave long olketa samting long skae, bat yufala nating save luksave long mining blong olketa saen blong disfala taem.#16:3 “Yufala ya …” Samfala olfala kopi long Matiu olketa no garem disfala toktok blong Jisas long ves 2 an 3.
4“Maewat,#Matiu 12:39; Luk 11:29. yufala olketa pipol blong distaem ya, wei blong yufala hemi ravis an yufala no kipim yufala seleva fo God. Yufala wande fo lukim wanfala spesol saen, bat bae mi no som eni spesol saen long yufala. Saen wea bae yufala save lukim nomoa, hemi disfala saen blong Jona.”
An hemi lusim olketa an hemi go moa.
Jisas tok agensim tising blong olketa lida blong Jiu
(Mak 8:14-21)
5Taem olketa go long narasaet long leik ya, olketa disaepol olketa nating tingim nomoa fo tekem go bred wetem olketa. Nao Jisas hemi tok olsem long olketa, 6“Yufala#Luk 12:1. mas lukaot long diskaen yist blong olketa Farasi an olketa Sadiusi.”
7Olketa disaepol olketa gohed fo stori tugeta long olketa seleva olsem, “Maet Jisas hemi tok olsem bikos yumi no tekem kam eni bred ya.”
8Bat Jisas hemi save nomoa long wanem olketa talem, so hemi sei, “!Biliv blong yufala hemi smolfala tumas ya! ?Waswe nao yufala wari tumas from diswan wea yufala no garem eni bred? 9?Yufala#Matiu 14:17-21. nating minim yet? ?Waswe, yufala fogetem finis haomas basket nao yufala fulumapem, taem mi searemaot faefala bred nomoa long 5,000 man ya? 10?Waswe,#Matiu 15:34-38. yufala fogetem finis tu haomas basket nao yufala fulumapem, taem mi searemaot sevenfala bred nomoa long 4,000 man ya? 11Mi no toktok long yufala abaotem bred ya. ?Waswe nao yufala nating minim? Diskaen yist blong olketa Farasi an olketa Sadiusi nao yufala mas lukaot long hem ya.”
12Olketa disaepol i jes save nao dat Jisas hemi no minim fo talem olketa fo lukaot long yist blong bred ya, bat long diskaen tising blong olketa Farasi an olketa Sadiusi ya.
Pita talemaot dat Jisas nao barava Mesaea
(Mak 8:27-30; Luk 9:18-21)
13Taem Jisas hemi kasem eria kolsap long taon long Sisaria Filipae, hemi askem olketa disaepol olsem, “?Waswe, olketa pipol tingse hu nao mi San Blong Man?”
14Nao#Matiu 14:1-2; Mak 6:14-15; Luk 9:7-8. olketa sei, “Samfala pipol olketa sei yu Jon Baptaes ya, an samfala sei yu profet Elaeja ya. An samfala moa, olketa sei yu nao profet Jeremaea o wanfala long olketa nara profet blong bifoa kam ya.”
15Nao Jisas hemi askem olketa moa olsem, “?Bat waswe long yufala? ?Yufala tingse hu nao mi?”
16So#Jon 6:68-69. long taem ya nomoa, Saemon Pita hemi sei nao, “Masta, yu nao disfala Mesaea ya. Yu ya, yu San Blong God hu hemi laef ya.”
17Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu. 18So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios. 19Bae#Matiu 18:18; Jon 20:23. mi givim yu olketa ki blong disfala kingdom long Heven. So wanem yu stopem long disfala wol, God hemi stopem tu, an wanem yu letem long disfala wol, God hemi letem tu.”
20Bihaen long diswan, Jisas hemi tokstrong long olketa disaepol fo no talemaot long eniwan wea hemi Mesaea ya.
Jisas tokabaotem dae blong hem
(Mak 8:31-34; Luk 9:22)
21Stat#Matiu 17:22-23; 20:18-19. long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”
22Long taem ya, Pita hemi tekem Jisas go seleva an hemi tokstrong long hem olsem, “!Ei, Masta! Yu no tok olsem. !God hemi mas no letem diswan fo hapen long yu!”
23Bat Jisas hemi taneraon nomoa, an hemi tok go long Pita olsem, “!Seitan, yu giraot! !Yu no trae fo stopem mi olsem! Wanem yu talem ya, hemi no tingting blong God ya bat hemi tingting blong man nomoa.”
Jisas talemaot dat olketa hu i falom hem mas wiling fo dae tu
(Mak 8:34—9:1; Luk 9:23-27)
24Bihaen,#Matiu 10:38; Luk 14:27. Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi. 25Eniwan#Matiu 10:39; Luk 17:33; Jon 12:25. hu hemi wande fo sevem laef blong hem seleva, bae hemi lusim tru laef blong hem ya. Bat eniwan hu hemi lusim laef blong hem fo mi, bae hem nao hemi sevem tru laef blong hem ya. 26?Nomata sapos eniwan hemi winim evrisamting long disfala wol, bat sapos hemi lusim tru laef blong hem from diswan ya, waswe, bae olketa samting ya save helpem hem? Nomoa ya. ?An wanem nao bae hemi givim, mekem hemi save tekembaek moa laef blong hem?
27“Bae#Matiu 25:31; Sams 62:12; Rom 2:6. mi San Blong Man, mi kambaek moa wetem saen blong bikfala paoa blong Dadi blong mi an wetem olketa enjel blong hem. Long taem ya, bae mi givim gudfala samting long evriwan fitim waka wea olketa bin duim. 28An mi talem yufala tru samting nao, samfala long yufala hu i stanap long hia, bifoa yufala dae, bae yufala lukim mi San Blong Man, mi kam long kingdom blong mi.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Pijin Catholic Bible © Bible Society of the South Pacific, 2008.