MATTHEW 1
1
Jisu Khrista Laga Khandan Khisa
1Abraham laga putro David aru David laga putro Jisu Khrista, Tar laga purush-pitri khan kiman thakise eitu laga khandan khisa likha eneka ase.
2Abraham tu Isaac laga pitri, aru Isaac tu Jacob laga pitri, aru Jacob tu Judah aru tar bhai kokai khan laga pitri, 3aru Judah tu Perez aru Zerah laga pitri Tamar pora jonom hoise, aru Perez tu Hezron laga pitri, aru Hezron tu Ram laga pitri, 4aru Ram tu Amminadab laga pitri, aru Amminadab tu Nahshon laga pitri, aru Nahshon tu Salmon laga pitri, 5aru Salmon tu Boaz laga pitri Rahab pora jonom hoise, aru Boaz tu Obed laga pitri Ruth pora jonom hoise, aru Obed tu Jesse laga pitri, 6aru Jesse tu Raja David laga pitri.
Aru David tu Solomon laga pitri, Uriah laga patni pora jonom hoise, 7aru Solomon tu Rehoboam laga pitri, aru Rehoboam tu Abijah laga pitri, aru Abijah tu Asaph laga pitri, 8aru Asaph tu Jehoshaphat laga pitri, aru Jehoshaphat tu Jehoram laga pitri, aru Jehoram tu Uzziah laga pitri, 9aru Uzziah tu Jotham laga pitri, aru Jotham tu Ahaz laga pitri, aru Ahaz tu Hezekiah laga pitri, 10aru Hezekiah tu Manasseh laga pitri, aru Manasseh tu Amon laga pitri, aru Amon tu Josiah laga pitri, 11aru Babylon te dhori kene loi jua homoi te, Josiah tu Jeconiah aru tar laga bhai khan pitri asile.
12Babylon te dhori kene loi jua pasote: Jeconiah tu Shealtiel laga pitri, aru Shealtiel tu Zerubbabel laga pitri hoise, 13aru Zerubbabel tu Abiud laga pitri, aru Abiud tu Eliakim laga pitri, aru Eliakim tu Azor laga pitri, 14aru Azor tu Zadok laga pitri, aru Zadok tu Akim laga pitri, aru Akim tu Eliud laga pitri, 15aru Eliud tu Eleazer laga pitri, aru Eleazer tu Matthan laga pitri, aru Matthan tu Jacob laga pitri, 16aru Jacob tu Joseph laga pitri. Joseph laga patni Mary thakise, kon pora Jisu jonom korise, kon ke Khrista eneka mate.
17Eitu nisna Abraham pora David tak chaudo purush; aru David pora Babylon te dhori kene loi jua homoi tak chaudo purush, aru Babylon te loi jua homoi pora Khrista jonom kora tak chaudo purush thakise.
Jisu Khrista Jonom Laga
18Etiya Jisu Khrista jonom kora tu eneka hoise. Ketiya Tar laga amaa Mary he Joseph logote bondobos kori kene thakise, kintu taikhan eke logot nathaka aage te, tai Pobitro Atma darai bacha bukhi kene paise. 19Aru tai laga pati Joseph, ekjon dharmik manuh hua karne, aru Mary ke manuh khan aage te sorom nadibo karne, lukai kene sharibole mon te bhabna kori loise. 20Kintu ketiya eitu koribole tar mon te bhabna kori loise, sabi, ekjon Prabhu dut he sapna te ulaise aru koise, “Joseph, David laga putro, Mary tu tumi laga patni hobole ghor te loi jabole bhoi nakoribi, kilemane tai pora bukhi thaka bacha tu Pobitro Atma darai he ase. 21Tai ekta putro ke bukhibo, aru tumi tar laga nam Jisu eneka matibo lage, kilemane Tar pora nijor zati khan paap pora udhar koribo.” 22Eitu sob tu bhavobadi darai Prabhu he ki kotha koise eitu hidho hobo nimite hoise:
23“Sabi, koino tu bacha bukhibo aru putro ekjon jonom hobo,
aru taikhan pora Tar ke Immanuel eneka matibo”
(ki ortho hoise, amar logot te Isor ase). 24Ketiya Joseph uthise, Prabhu laga dut pora ki hukum dise eitu sob mani loise: aru tar pora patni tu loise, 25kintu putro ke jonom nadiya tak patni-pati nisna log kora nai. Aru tar he Tar laga nam tu Jisu eneka matise.
Àwon tá yàn lọ́wọ́lọ́wọ́ báyìí:
MATTHEW 1: NagaMe
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2014, The Bible Society of India
All rights reserved.
