Luka 22
22
OYuda akwikiriza okuliirana oYesu
(Mat 26:1-5,14-16; Mak 14:1-2,10-11; Yok 11:45-53)
1Obugenyi bwa migaati egitatumbisiibwe obwetebwa okwakalibwaku bwali bwigereire, 2Abakabona abakulu nʼabeegesya bʼamateeka ga diini baatoolyanga engeri ya kwitamu oYesu, kubba baatiinanga abantu. 3OSitaani naingira omu Yuda Isikariyooti, omwei okwikumi nʼababiri. 4Nayaba egiri abakabona abakulu nʼabaakuuranga abalindi ba iramyo, nateesa nabo engeri gyeyabaweeryamu oYesu. 5Nibasemereerwa muno era nibaikiriza okumuweerya empiiya. 6OYuda nʼaikiriza, era nʼatandika okutoolya awambula bantu, we yamuweerayo gyebali.
Ekyaigolo ekyerereireyo
(Mat 26:17-30; Mak 14:12-26; Yok 13:21-30)
7Ekiro kya Bugenyi bwa Migaati Egitatumbisiibwe kwe baasaranga ontaama omutomuto owa kwakalibwaku ni bwika. 8OYesu nʼatuma oPeetero nʼoYokaana, nʼabakoba ati, “Mwabe muteekanize ekiibulo kyakwakalibwaku leke tukiriire amwei.”
9Ni bamubuulya, “Okwendya tukiteekanirize ayi?”
10Nʼabairamu nti, “Nimwabba mwakaingira omu kibuga Yerusalemu, mwaitirana omusaiza eyeetiikire ensuwa ya maizi. Mumusengeerye okwika oku nyumba gyeyaingiramu, 11Omukama wa nyumba mumukobe muti ‘OMwegesya akwendya ekisiika kya bagenyi wayinza okuliira nʼabeegesebwa baamwe ekiibulo ekyakwakalibwaku.’ 12Akwiza okubalanga ekisiika ekikooto ekyʼaiguru omu kalina ekirumu ebyakukolesya byona. Eyo nijo muteekanirize.”
13Ni baaba era ni baaja byona byona nibiri nkʼoYesu niyabibakobere, ni bateekaniza ekiibulo kyakwakalibwaku.
14Awo esaawa niyaikire, oYesu nʼabakwenda baamwe ni baikala oku meeza. 15Nʼabakoba ati, “Ntakire muno okulya naanywe ekiibulo kyakwakalibwaku kini nincaali kubonaabona. 16Mazima nkubakoba nti tindiiramu kukirya kyekikumanyisya kitakaikiriire omu bukama bwa Kanca.”
17Niyamaare nʼaimula ekikopo kya viini nʼagyebaarya oKanca nʼabakoba ati, “Mukwate eviini gini leke buli omwei anyweku. 18Mazima nkubakoba tindinywa ku nsande ya byana bya zabbibbu okwikya obukama bwa Kanca nibwizire.”
19Nʼaimula omugaati, ni yeebalya oKanca. Nʼagwendayenda, nʼagubaweerya, nakukoba ati, “Guni nigwo mubiri gwange oguweereibweyo oku lwanywe. Kini mukikolenge olwa kunyizukiranga.”
20Omu ngeri nigyo gimwei, nibamaare okulya ekiibulo, nʼakwata ekipo nʼakoba ati, “Eviini egiri omu kikopo kini niko kabonero ka ndagaano egiyaaka oKanca gyʼakukola nʼabantu ngʼakwakala omu musaayi gwange ogwasenseka oku lwanywe. 21Baitu oyo akwaba okumpeeryayo omu banyanzugu bange akukozya amwei nanje. 22OMwana wa Muntu akwiza okufa nkʼoKanca niyateekanize baitu zimwagirye oyo akumuliirana.” 23Ni batandika okwebuulya bonkai na bonkai naani oku bo akwaba okukola kini.
24Era ni batandika okukubba empaka bonkai na bonkai nti okubo omukulu naani. 25OYesu nʼabakoba ati, “Abakama ba manga ga nsi bafuga kubbi abantu baabwe; baitu bebafuga babalowozesya nambu basai. 26Baitu Nywe mutalibba mutyo. Leka omukulu omu nywe abbe nkʼomuto; nʼoyo omwebembezi abbe nkʼomuweereza. 27Obwo ati naani akusinga obukulu, oyo aikaire okulya oku meeza oba oyo akuweereza? Tiniye oyo ali oku meeza? Baitu nje ndi nkʼomuweereza omu nywe. 28Nywe mwemereire amwei nanje omu kugezesebwa kwange: 29Era nkubalaamira okufuga omu bukama nkʼoitewange njeena bweyandaamire okufuga, 30leke muliirenge era munywerenge oku meeza amwei nanje, omu bukama bwange era mwikalenge oku ntebe ya bukama nimukulamula enganda za Isirairi ekumi neibiri.”
OYesu akulanga okwegaanibwa oPeetero
(Mat 26:31-35; Mak 14:27-31; Yok 13:36-38)
31OYesu nʼakoba ati, “Simooni, Simooni, oSetaani asabire okubasegenya nywe nkʼeŋaano 32Baitu nkusabiire okwikiriza kwamu kuleke okukeeya era niwaalibba omaare okuyinduka ogumyanga abairaawo.”
33OSimooni nʼamwiramu ati, “Mukama, neeteekaniize okubbwebwa nʼokufeera amwei naawe.”
34OYesu nʼamwiramu ati, “Peetero kankukobere, ekiro kyaleero onkoko atakakookere wanyeegaana emirundi esatu nambu ‘tinkumaite.’”
35OYesu nʼababuulya, “Ninabatumire nimutalina mpiiya, gonze ensawu oba enkaito aliwo kye mwabuurweku?”
Ni bamwiramu nti, “Ndoowo.”
36Nʼairamu nʼabakoba, “Baitu ati buni nimwabba mulina empiiya nʼensawu mubitwalane; nʼoyo atalina mpirima atunde olugoye lwamwe agigule. 37Kyawandiikiibwe nti, ‘Yabalibwe nkʼomwei oku bakoli ba bibbi,’#Isa 53:12 era nkubakoba nti obulangi buni buteekwa okwikiira oku nje, buli kyona ekyampandiikiibweku kiri ampi okwikiira.”
38Abeegesebwa baamwe ni bamukoba “Mukama bona ebiso mbini bibiri.” Nairamu, “Ebyo bikumala”.
39Nkʼobulinca oYesu nʼayaba oku Lusozi lwa Misaale gyʼOliva, nʼabeegesebwa baamwe nibamusengeerya. 40Nibaikire omu kifo ekyo, nʼabakoba, “Musabe muleke kwingira mu kwoyeerwa.” 41Nʼabeesorooraku akabbanga, nʼafukamira nʼasaba, 42“Taata niwaabba nʼosiimire ntoolaku ekikopo kini, ti mu kwendya kwange, baitu kyokwendya nikyo kikolebwe.” 43Omalaika okuzwa omwiguru nʼamubonekera nʼamugumya. 44Omu kulumwa okwingi nʼasaba muno nʼatuuya era entuuyo ni zisenseka nkʼomusaayi.
45Niyamaare okusaba nʼairayo weyalekere abeegesebwa baamwe, nʼabaaja nibawungukire nibakeerwe olwa bujune.
46Nʼababuulya, “Lwaki muwungukire? Mwimuke musabe muleke kugwa mu kwoyeerebwa.”
Okukwatibwa kwa Yesu
(Mat 26:47-56; Mak 14:43-50; Yok 18:3-11)
47Niyaali nacabaza, abantu abaali nibeebembeirwe omusaiza eyayetebwanga oYuda, omwei okwikumi nʼababiri, nibaiza. OYuda niyaigereire oYesu, nʼamugwa omu kisubba. 48OYesu nʼamubuulya “Yuda, oMwana wa Muntu okumugwa omu kisubba ege okumuliirana?”
49Abeegesebwa baamwe nibaaboine ekyali kikwaba okubbaawo ni bakoba, “Mukama twaizire nʼempirima zaiswe, tubateme?” 50Era omwei oku bo nʼatema omwei oku baweereza ba kabona asinga obukulu, nʼamwiyaku okutwi okwa gulyo.
51Baitu oYesu nʼakoba, “Lekera awo!” Nakwata oku kutwi kwa musaiza nakutamba! 52OYesu nʼakoba abakabona abakulu, nʼabakulu ba balindi ba iramyo nʼabakaire, abaizire okumukwata, “Okunyizira nʼempirima nʼenkubbo ndi munyagi? 53Ebiro byona bye naali naanywe omu mbuga za iramyo, ka mutankwaite? Baitu ati mukunkwata kubba nibwo bwire bwanywe ngʼekiiruuma kikufuga.”
OPeetero akwegaana oYesu
(Mat 26:57,58,69-75; Mak 14:53,54,66-72; Yok 18:12-18,25-27)
54Ni bakwata oYesu, ni bamutwala omu maka ga kabona akusinga obukulu. OPeetero nʼasengeerya niyeenagireku akabbanga. 55Nibaali bamaare okuwemba omuuro akati omu lubuga nibaikaliire amwei, oPeetero yeena nʼaikala nabo. 56Akazyana ni kamubona oku kyengeezi kya muuro naikaliire, ni kamulingaasira ni kakoba, “Nʼomusaiza oni yaali naye.”
57OPeetero ni yeegaana nʼakoba, “Mukali we timmumanyiire kaakimwei!”
58Niwaayakairewo akaire, omuntu owondi nʼabona oPeetero, nʼamukoba, “Weena oli omwei okubo.” OPeetero nʼairamu, “Musaiza we, nje tindi omwei oku bo.”
59Niwaayakairewo esaawa nkʼemwei, omuntu owondi nʼakigumya, “Mazima oni yeena yaali amwei naye, kubba yeena Mugaliraaya.” OPeetero nʼairamu, “Musaiza we byokubaza timbimaite!” 60Niyaali nacabaza, amangu ago onkoko nʼakooka. 61OMukama oYesu nayinduka nʼarola oku Peetero obwo oPeetero nʼaizukira ekigambo oMukama kyeyamukobere; “Ekiro kya leero onkoko atakakookere waneegaana emirundi esatu.” 62OPeetero nʼazwa omu lubuga nʼakunga muno.
Abalindi nibajeejeera oYesu nʼokumukubba
(Mat 26:67-68; Mak 14:65)
63Abasirikale abaali bakulinda oYesu ni bamujeejeera nʼokumukubba. 64Ni bamubbwa akagoye oku maiso ni bamukoba, “Ale baza! Naani akukubbire?” 65Ni bamuzuma muno.
OYesu omu maiso ga Lukiiko lwʼaBayudaaya
(Mat 26:59-66; Mak 14:55-64; Yok 18:19-24)
66Obwire nibwakeire olukiiko lwa bakaire: abakabona abakulu nʼabeegesya bʼamateeka ga diini, ni lwikaara, oYesu nʼaleetebwa omu maiso gaalwo. 67Ni bamukoba, “Niwaabba niiwe Kurisito, tukobere.” OYesu nʼairamu, “Ninabakobera timwaikirize, 68era ninababuulya, timwairemu. 69Baitu okuliga ati OMwana wa Muntu akwiza okwikaara oku mukono ogulyo ogwa Kanca Akira byona.”
70Boona boona ni babazira aiguru, “We oli Mwana wa Kanca?” Nʼabairamu, “Kyemukobere nikyo.”
71Ni bakoba, “Tukyayenderyaki obujuurwa obundi? Tumwewuliriire omwenyenere nakubaza.”
Àwon tá yàn lọ́wọ́lọ́wọ́ báyìí:
Luka 22: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 22
22
OYuda akwikiriza okuliirana oYesu
(Mat 26:1-5,14-16; Mak 14:1-2,10-11; Yok 11:45-53)
1Obugenyi bwa migaati egitatumbisiibwe obwetebwa okwakalibwaku bwali bwigereire, 2Abakabona abakulu nʼabeegesya bʼamateeka ga diini baatoolyanga engeri ya kwitamu oYesu, kubba baatiinanga abantu. 3OSitaani naingira omu Yuda Isikariyooti, omwei okwikumi nʼababiri. 4Nayaba egiri abakabona abakulu nʼabaakuuranga abalindi ba iramyo, nateesa nabo engeri gyeyabaweeryamu oYesu. 5Nibasemereerwa muno era nibaikiriza okumuweerya empiiya. 6OYuda nʼaikiriza, era nʼatandika okutoolya awambula bantu, we yamuweerayo gyebali.
Ekyaigolo ekyerereireyo
(Mat 26:17-30; Mak 14:12-26; Yok 13:21-30)
7Ekiro kya Bugenyi bwa Migaati Egitatumbisiibwe kwe baasaranga ontaama omutomuto owa kwakalibwaku ni bwika. 8OYesu nʼatuma oPeetero nʼoYokaana, nʼabakoba ati, “Mwabe muteekanize ekiibulo kyakwakalibwaku leke tukiriire amwei.”
9Ni bamubuulya, “Okwendya tukiteekanirize ayi?”
10Nʼabairamu nti, “Nimwabba mwakaingira omu kibuga Yerusalemu, mwaitirana omusaiza eyeetiikire ensuwa ya maizi. Mumusengeerye okwika oku nyumba gyeyaingiramu, 11Omukama wa nyumba mumukobe muti ‘OMwegesya akwendya ekisiika kya bagenyi wayinza okuliira nʼabeegesebwa baamwe ekiibulo ekyakwakalibwaku.’ 12Akwiza okubalanga ekisiika ekikooto ekyʼaiguru omu kalina ekirumu ebyakukolesya byona. Eyo nijo muteekanirize.”
13Ni baaba era ni baaja byona byona nibiri nkʼoYesu niyabibakobere, ni bateekaniza ekiibulo kyakwakalibwaku.
14Awo esaawa niyaikire, oYesu nʼabakwenda baamwe ni baikala oku meeza. 15Nʼabakoba ati, “Ntakire muno okulya naanywe ekiibulo kyakwakalibwaku kini nincaali kubonaabona. 16Mazima nkubakoba nti tindiiramu kukirya kyekikumanyisya kitakaikiriire omu bukama bwa Kanca.”
17Niyamaare nʼaimula ekikopo kya viini nʼagyebaarya oKanca nʼabakoba ati, “Mukwate eviini gini leke buli omwei anyweku. 18Mazima nkubakoba tindinywa ku nsande ya byana bya zabbibbu okwikya obukama bwa Kanca nibwizire.”
19Nʼaimula omugaati, ni yeebalya oKanca. Nʼagwendayenda, nʼagubaweerya, nakukoba ati, “Guni nigwo mubiri gwange oguweereibweyo oku lwanywe. Kini mukikolenge olwa kunyizukiranga.”
20Omu ngeri nigyo gimwei, nibamaare okulya ekiibulo, nʼakwata ekipo nʼakoba ati, “Eviini egiri omu kikopo kini niko kabonero ka ndagaano egiyaaka oKanca gyʼakukola nʼabantu ngʼakwakala omu musaayi gwange ogwasenseka oku lwanywe. 21Baitu oyo akwaba okumpeeryayo omu banyanzugu bange akukozya amwei nanje. 22OMwana wa Muntu akwiza okufa nkʼoKanca niyateekanize baitu zimwagirye oyo akumuliirana.” 23Ni batandika okwebuulya bonkai na bonkai naani oku bo akwaba okukola kini.
24Era ni batandika okukubba empaka bonkai na bonkai nti okubo omukulu naani. 25OYesu nʼabakoba ati, “Abakama ba manga ga nsi bafuga kubbi abantu baabwe; baitu bebafuga babalowozesya nambu basai. 26Baitu Nywe mutalibba mutyo. Leka omukulu omu nywe abbe nkʼomuto; nʼoyo omwebembezi abbe nkʼomuweereza. 27Obwo ati naani akusinga obukulu, oyo aikaire okulya oku meeza oba oyo akuweereza? Tiniye oyo ali oku meeza? Baitu nje ndi nkʼomuweereza omu nywe. 28Nywe mwemereire amwei nanje omu kugezesebwa kwange: 29Era nkubalaamira okufuga omu bukama nkʼoitewange njeena bweyandaamire okufuga, 30leke muliirenge era munywerenge oku meeza amwei nanje, omu bukama bwange era mwikalenge oku ntebe ya bukama nimukulamula enganda za Isirairi ekumi neibiri.”
OYesu akulanga okwegaanibwa oPeetero
(Mat 26:31-35; Mak 14:27-31; Yok 13:36-38)
31OYesu nʼakoba ati, “Simooni, Simooni, oSetaani asabire okubasegenya nywe nkʼeŋaano 32Baitu nkusabiire okwikiriza kwamu kuleke okukeeya era niwaalibba omaare okuyinduka ogumyanga abairaawo.”
33OSimooni nʼamwiramu ati, “Mukama, neeteekaniize okubbwebwa nʼokufeera amwei naawe.”
34OYesu nʼamwiramu ati, “Peetero kankukobere, ekiro kyaleero onkoko atakakookere wanyeegaana emirundi esatu nambu ‘tinkumaite.’”
35OYesu nʼababuulya, “Ninabatumire nimutalina mpiiya, gonze ensawu oba enkaito aliwo kye mwabuurweku?”
Ni bamwiramu nti, “Ndoowo.”
36Nʼairamu nʼabakoba, “Baitu ati buni nimwabba mulina empiiya nʼensawu mubitwalane; nʼoyo atalina mpirima atunde olugoye lwamwe agigule. 37Kyawandiikiibwe nti, ‘Yabalibwe nkʼomwei oku bakoli ba bibbi,’#Isa 53:12 era nkubakoba nti obulangi buni buteekwa okwikiira oku nje, buli kyona ekyampandiikiibweku kiri ampi okwikiira.”
38Abeegesebwa baamwe ni bamukoba “Mukama bona ebiso mbini bibiri.” Nairamu, “Ebyo bikumala”.
39Nkʼobulinca oYesu nʼayaba oku Lusozi lwa Misaale gyʼOliva, nʼabeegesebwa baamwe nibamusengeerya. 40Nibaikire omu kifo ekyo, nʼabakoba, “Musabe muleke kwingira mu kwoyeerwa.” 41Nʼabeesorooraku akabbanga, nʼafukamira nʼasaba, 42“Taata niwaabba nʼosiimire ntoolaku ekikopo kini, ti mu kwendya kwange, baitu kyokwendya nikyo kikolebwe.” 43Omalaika okuzwa omwiguru nʼamubonekera nʼamugumya. 44Omu kulumwa okwingi nʼasaba muno nʼatuuya era entuuyo ni zisenseka nkʼomusaayi.
45Niyamaare okusaba nʼairayo weyalekere abeegesebwa baamwe, nʼabaaja nibawungukire nibakeerwe olwa bujune.
46Nʼababuulya, “Lwaki muwungukire? Mwimuke musabe muleke kugwa mu kwoyeerebwa.”
Okukwatibwa kwa Yesu
(Mat 26:47-56; Mak 14:43-50; Yok 18:3-11)
47Niyaali nacabaza, abantu abaali nibeebembeirwe omusaiza eyayetebwanga oYuda, omwei okwikumi nʼababiri, nibaiza. OYuda niyaigereire oYesu, nʼamugwa omu kisubba. 48OYesu nʼamubuulya “Yuda, oMwana wa Muntu okumugwa omu kisubba ege okumuliirana?”
49Abeegesebwa baamwe nibaaboine ekyali kikwaba okubbaawo ni bakoba, “Mukama twaizire nʼempirima zaiswe, tubateme?” 50Era omwei oku bo nʼatema omwei oku baweereza ba kabona asinga obukulu, nʼamwiyaku okutwi okwa gulyo.
51Baitu oYesu nʼakoba, “Lekera awo!” Nakwata oku kutwi kwa musaiza nakutamba! 52OYesu nʼakoba abakabona abakulu, nʼabakulu ba balindi ba iramyo nʼabakaire, abaizire okumukwata, “Okunyizira nʼempirima nʼenkubbo ndi munyagi? 53Ebiro byona bye naali naanywe omu mbuga za iramyo, ka mutankwaite? Baitu ati mukunkwata kubba nibwo bwire bwanywe ngʼekiiruuma kikufuga.”
OPeetero akwegaana oYesu
(Mat 26:57,58,69-75; Mak 14:53,54,66-72; Yok 18:12-18,25-27)
54Ni bakwata oYesu, ni bamutwala omu maka ga kabona akusinga obukulu. OPeetero nʼasengeerya niyeenagireku akabbanga. 55Nibaali bamaare okuwemba omuuro akati omu lubuga nibaikaliire amwei, oPeetero yeena nʼaikala nabo. 56Akazyana ni kamubona oku kyengeezi kya muuro naikaliire, ni kamulingaasira ni kakoba, “Nʼomusaiza oni yaali naye.”
57OPeetero ni yeegaana nʼakoba, “Mukali we timmumanyiire kaakimwei!”
58Niwaayakairewo akaire, omuntu owondi nʼabona oPeetero, nʼamukoba, “Weena oli omwei okubo.” OPeetero nʼairamu, “Musaiza we, nje tindi omwei oku bo.”
59Niwaayakairewo esaawa nkʼemwei, omuntu owondi nʼakigumya, “Mazima oni yeena yaali amwei naye, kubba yeena Mugaliraaya.” OPeetero nʼairamu, “Musaiza we byokubaza timbimaite!” 60Niyaali nacabaza, amangu ago onkoko nʼakooka. 61OMukama oYesu nayinduka nʼarola oku Peetero obwo oPeetero nʼaizukira ekigambo oMukama kyeyamukobere; “Ekiro kya leero onkoko atakakookere waneegaana emirundi esatu.” 62OPeetero nʼazwa omu lubuga nʼakunga muno.
Abalindi nibajeejeera oYesu nʼokumukubba
(Mat 26:67-68; Mak 14:65)
63Abasirikale abaali bakulinda oYesu ni bamujeejeera nʼokumukubba. 64Ni bamubbwa akagoye oku maiso ni bamukoba, “Ale baza! Naani akukubbire?” 65Ni bamuzuma muno.
OYesu omu maiso ga Lukiiko lwʼaBayudaaya
(Mat 26:59-66; Mak 14:55-64; Yok 18:19-24)
66Obwire nibwakeire olukiiko lwa bakaire: abakabona abakulu nʼabeegesya bʼamateeka ga diini, ni lwikaara, oYesu nʼaleetebwa omu maiso gaalwo. 67Ni bamukoba, “Niwaabba niiwe Kurisito, tukobere.” OYesu nʼairamu, “Ninabakobera timwaikirize, 68era ninababuulya, timwairemu. 69Baitu okuliga ati OMwana wa Muntu akwiza okwikaara oku mukono ogulyo ogwa Kanca Akira byona.”
70Boona boona ni babazira aiguru, “We oli Mwana wa Kanca?” Nʼabairamu, “Kyemukobere nikyo.”
71Ni bakoba, “Tukyayenderyaki obujuurwa obundi? Tumwewuliriire omwenyenere nakubaza.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀