Esaburi 34
34
Okhufumia Owulayi wa Nyasaye
Esaburi ya Daudi olu kekhola omulalu emberi wa Abimeleki.
1Njia okhufumia OMWAMI evise viosi,
efuma yiye yiri okhuchianakana okhuva mumunwa kwange.
2Omwoyo kwange kwelayiranga mu OMWAMI;
avanyakhana vawulire mana vasangale.
3Enywe, fumie OMWAMI alala nange,
nundi lekhe khukingule elicha lilie alala!
4Natakhatakha OMWAMI, mana kanjipa,
nundi kananula okhuchula muwuchi wange wosi.
5Mulengerekho, mana musangale;
ne simuchia okhuambwa esoni ta.
6Omumanani ono kalira, ne OMWAMI kamuwulira,
mana kamuwonia okhuchula muwutinyu wuwe wosi.
7Engelosi ya OMWAMI yilindanga
avovosi avamuchichikana nokhuvananula.
8Enywe, temekho muwone mbo OMWAMI mulayi!
Ali nekhavi omunju wirukhira muniye!
9Muchichikane OMWAMI, enywe avasuvirwa vave,
sikira avo avamuchichikana sivakhaywanga siosisiosi ta!
10Etalang'i embere chikhaywanga nundi chiwulira enjala;
nausa avo avatakhatakhanga OMWAMI, sivakhaywanga esinju silayi ta.
11Yiche enywe avaraka, munjekerese,
njia okhuvekesa okhuchichikana OMWAMI.
12Njanu mwinywe owekomba owulamu,
nundi kekomba enyinga enyingi, mbo ave nasangalira evilayi?
13Olulimi lulwo luchawola amavi ta,
nundi omunwa kukwo kuchawola akowuveyi ta.
14Yirukha amavi mana okhole amalayi;
takhatakha omulembe mana okulonderere.
15Emoni chia OMWAMI chilengeranga avalungi,
ne amachwi kake kachekeresanga amaliro kawe.
16Oweni wa OMWAMI waleka avakholi vamavi,
mbo nivafwa vevirirwe lwangu khusialo.
17Avalungi nivalirira owuyeti, OMWAMI awuliranga,
mana avananula muwutinyu wawe wosi.
18OMWAMI aliambi navo avaverera emioyo,
nundi awonianga avafwiye emioyo.
19Omunju mulungi anyolanga amatinyu amangi;
nausa OMWAMI amunanulanga okhuchula mu kosi.
20Alindanga amakumba kake kosi;
silikhalikhangakho ata elala ta.
21Embi chichia khwicha avoni;
navo avaleka avalungi vachia okhukhalakirwa.
22OMWAMI ananulanga owulamu wavakhalavani vave;
sialikhoo khwavo vekisanga muniye ochia okhukhalakirwa ta.
Àwon tá yàn lọ́wọ́lọ́wọ́ báyìí:
Esaburi 34: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Esaburi 34
34
Okhufumia Owulayi wa Nyasaye
Esaburi ya Daudi olu kekhola omulalu emberi wa Abimeleki.
1Njia okhufumia OMWAMI evise viosi,
efuma yiye yiri okhuchianakana okhuva mumunwa kwange.
2Omwoyo kwange kwelayiranga mu OMWAMI;
avanyakhana vawulire mana vasangale.
3Enywe, fumie OMWAMI alala nange,
nundi lekhe khukingule elicha lilie alala!
4Natakhatakha OMWAMI, mana kanjipa,
nundi kananula okhuchula muwuchi wange wosi.
5Mulengerekho, mana musangale;
ne simuchia okhuambwa esoni ta.
6Omumanani ono kalira, ne OMWAMI kamuwulira,
mana kamuwonia okhuchula muwutinyu wuwe wosi.
7Engelosi ya OMWAMI yilindanga
avovosi avamuchichikana nokhuvananula.
8Enywe, temekho muwone mbo OMWAMI mulayi!
Ali nekhavi omunju wirukhira muniye!
9Muchichikane OMWAMI, enywe avasuvirwa vave,
sikira avo avamuchichikana sivakhaywanga siosisiosi ta!
10Etalang'i embere chikhaywanga nundi chiwulira enjala;
nausa avo avatakhatakhanga OMWAMI, sivakhaywanga esinju silayi ta.
11Yiche enywe avaraka, munjekerese,
njia okhuvekesa okhuchichikana OMWAMI.
12Njanu mwinywe owekomba owulamu,
nundi kekomba enyinga enyingi, mbo ave nasangalira evilayi?
13Olulimi lulwo luchawola amavi ta,
nundi omunwa kukwo kuchawola akowuveyi ta.
14Yirukha amavi mana okhole amalayi;
takhatakha omulembe mana okulonderere.
15Emoni chia OMWAMI chilengeranga avalungi,
ne amachwi kake kachekeresanga amaliro kawe.
16Oweni wa OMWAMI waleka avakholi vamavi,
mbo nivafwa vevirirwe lwangu khusialo.
17Avalungi nivalirira owuyeti, OMWAMI awuliranga,
mana avananula muwutinyu wawe wosi.
18OMWAMI aliambi navo avaverera emioyo,
nundi awonianga avafwiye emioyo.
19Omunju mulungi anyolanga amatinyu amangi;
nausa OMWAMI amunanulanga okhuchula mu kosi.
20Alindanga amakumba kake kosi;
silikhalikhangakho ata elala ta.
21Embi chichia khwicha avoni;
navo avaleka avalungi vachia okhukhalakirwa.
22OMWAMI ananulanga owulamu wavakhalavani vave;
sialikhoo khwavo vekisanga muniye ochia okhukhalakirwa ta.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024