Matiɔ Kumu əpʉ
Kumu əpʉ
Âdâ kə ta fraka səke də̂ yea
Ə̂rɔ̂ Əpʉ ə̂në Matiɔ tâ kɔ səye. Matiɔ nə sə̂ tə aworɔ ngendja lapɔ ə̂në Jezu ê ətshə gâ ye ndə kə pa tshə do ətshə tə trawaya nə̂ ye kɔ. Matiɔ nə sə tə̂ ə̈bə̈ əzü-awla bale lə takpa tə̂ əndje morofo amanə bishi ə̂në Jezu wlâ əndje ə pa kə əndje ə pa əndje na na ye ə mʉ Ə̂rɔ̂ Əpʉ kə azü ə mbrə azü nə tə azü nə̂ əne kɔ.
Matiɔ nə pâ ndə äwä ə̂në əndje zû Jezu də nə kɔ lə fraka səke, də ərə ə̂në Jezu nə mbrə̂ pâ ashɔ səke kɔ, də ərə ə̂në tshə yîsə̂ nə kə azü kɔ, ndje ndə kuzu ye də kə she ətshə. Jezu yîsə̂ ərə kə azü ə kâ gâ pâ nə nge nge nge, ə grɔ̂ arəka tə̂ azü, ə grɔ̂ aafrɔ ayirə̂ lə azü, ə mbrə̂ aərə ngbatshe ə̂në ə rô pâ kumu azü gâ ye kɔ.
Matiɔ nə tâ fraka səke mbrə agbɔbəngâ nə də̂ Ajuwufu, ndə kə pa tshə yisə̂ nə kə əndje ə pa tə djatra əpʉ Jezu sə tə Awoshe azü ə̂në aawopandəma Ndjapä pâ ndə ye pə tə̂ amanə lə Fraka nə̂ Ndjapä kɔ. Â əpʉ nɔ̂ ə̂në əndje pâ gâ pâ ye angbʉlînə ndə kə pa tshə na gâ pâ ashɔ səke kɔ, tə djatra əpʉ ərə səkɔ wûtu dââ gâ ye. Ətshə də̂ əyïngerə ə̂në tshə lï kəmə ndə kə na nə kɔ. Ərə səkɔ sə rə â azü ngbatshe kâtə̂ əɨrɨ ye gâ ye ə ê ətshə ə pa «Ɨrɨ Davidə» kɔ, mbrə ə̂në Davidə nə kə sə̂ tə âgbɔ̂ əyïngerə nə̂ azü əgɔ Isərayalə nɔ̂, ə̂në əndje sə̂ tə azü nə̂ Ndjapä kɔ. Bale ə̂në Jezu yîsə̂ əpʉ gâ pâ Əgɔngerə nə̂ Ndjapä kə azü əgɔ Isərayalə nə gâ ye kɔ, aâgbɔ̂ azü nə̂ əndje nə də ə̂tə̂ əndje kə wəra tə̂ əndje tə̂ ye. Alɔ ə̂në Jezu tshû gâ ye kɔ, aâgbɔ̂ azü səkɔ grɔ̂ atrawaya nə̂ ye nə ə shêra əndje ndə kə pa əndje li gâ lə aanda aangbɔ nə̂ əndje. Atrawaya nə, ənə̂ əndje, əndje ndjɔ̂ tshelə əndje na na ye pâ ashɔ səke ə mʉ̂ Ə̂rɔ̂ Əpʉ kə azü nɔ̂.
Əpʉ tshelə fraka səke na rəke
1. (1.1–2.23) Angwa ə̂në Jezu Kristə wûtu lə nə də əpʉ kə zu ətshə
2. (3.1-12) Kə mʉ əpʉ nə̂ Zââ Batistə
3. (3.13–4.11) Batamo nə̂ Jezu, də äwä ə̂në Sataa pra ndə kə pa tshə mbrə ka Jezu mbrə nyaka kɔ
4. (4.12–18.35) Jezu nâ ə dâka mâ Galile
5. (19.1–20.34) Jezu wûtu lə ashɔ Galile ə nâ mâ lə gala Jeruzalamə
6. (21.1–27.66) Bale dəmashi Jezu pâ ashɔ səye: ngbanga nə̂ ye, də kuzu ye
7. (28.1-20) Jezu shê
Àwon tá yàn lọ́wọ́lọ́wọ́ báyìí:
Matiɔ Kumu əpʉ: liy
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
2025 Association Centrafricaine pour la Traduction de la Bible et l'Alphabétisation