Matta 14
14
Məc tə Yahwana mə ɗal batem
(Markus 6:14-29; Luka 9:7-9)
1Əŋ pis ta mba, Hirudus Antipas, a kəsla a talaŋ hayak tə Galili, a zlim i kəzlap a talaŋ Yesu. 2A zlapaŋta əŋ hedi ŋga mə ɗalaŋ kəzəɗ iyi, a zla: «Hedi ta seh, ar Yahwana mə ɗal batem mə garaha mar tə əŋ faŋw tə hedi maməc iyi. Ehe, məŋgəvday a ɗek, mbiŋ abə fagay ley ɗal mazla iyi.»
3Hirudus kəzlap za ley məl Yahwana, i jawu amba ley nahaw əŋ daŋgay, ar seh, məŋgəvday Hirudiya, wala tə zliŋgeŋ Filip#14:3 Markus 6:17.. 4Məŋgəvday Yahwana kəzlapaŋ za əŋ Hirudus, a zla: «Hwa abə kataf ley ɓət Hirudiya əŋ wala seh halla.» 5Hirudus a mba seh ley ja Yahwana, ama kələndəŋ za a hedi makwas iyi, məŋgəvday i kəɗiy Yahwana mənaŋ hedi mə giz ma abə miya tə Bizlaf.
6Əŋ pis tə gugway tə səŋ kenek tə waŋ ley mbuwaha tə Hirudus, hazləma tə Hirudiya a zlay a ma tə hedi maɗaf ma iyi tə əŋ gugway ta. Kəŋgəmaŋ za mbeh səku əŋ Hirudus. 7A zlapaŋ əŋ hazləma ta abə meɗ, a zla: «Sa vəlah məsəkəŋ hwa mə ɗəp fuk za.» 8Mama ŋga a ɗalaŋ yawa, ɓa, hazləma ta a zlapaŋ əŋ Hirudus, a zla: «Vəlaka talaŋ tə Yahwana mə ɗal batem mbehmbeh wa a paranti.»
9Ma ta kəjaŋ wucum tə bay Hirudus za, ama məŋgəvday mbiŋ kəmeɗ cuza a ma tə hedi maɗaf ma iyi tə əŋ gugway sey, a zlapaŋta əŋ hedi iyi i mə vəlaŋ talaŋ ta. 10Ɓa, a ləɓ hedi əŋ daŋgay, ley rəslaha talaŋ tə Yahwana mə ɗal batem. 11A daha talaŋ ta a paranti, a vəlaŋgu əŋ hazləma sey, hazləma ta, a deɓeŋgu əŋ mama ŋga. 12Gula tə Yahwana iyi, i ndaha, i ɓət məce ta, i pəsu. Abə dawaŋ ta, i nda i gizeŋ məsəkəŋ mataŋ ta əŋ Yesu.
Yesu a vəlaŋta məsəkəŋ kə zəm əŋ hedi makwas iyi gabal juɓum
(Markus 6:30-44; Luka 9:10-17; Yahwana 6:1-14)
13Əŋ Yesu mə zlim ma tə məc tə Yahwana mə ɗal batem seh, a gar ŋga za a lay ta, ɓa, a təɗ əŋ kambuwal, a nda əŋ təp damu, mbiŋ taataɗ ŋga. Ama hedi makwas sə mbeh səku iyi i zlim ma ta, i təɗaha əŋ berne sə mbehmbeh iyi, i ziberʉ abə ŋgas kəɗi meɗek lakwat. 14Əŋ Yesu mə təɗaha əŋ kambuwal seh, a gər hedi makwas sə mbeh səku iyi, a səŋgaŋta nje həhər a talaŋ tata, ɓa, a mbəlaŋta hedi mə dal iyi.
15Əŋ məcukahw kwata seh, gula tə Yesu iyi, i kərəɗaha əŋ kelek ŋga, ɓa, i zlapaŋgu, i zla: «Mənjawa, məcukahw kwata, nakwa mbə əŋ təp damu. Zlapaŋta əŋ hedi iyi wa, i mə nda əŋ wuta iyi amba ley səkəmaha məsəkəŋ kə zəm iyi əŋ tata.» 16Yesu a ziŋgeŋta zlap, a zla: «I mba i nda tata səku, heni abə talaŋ təheni, hi vəlaŋta məsəkəŋ kə zəm.» 17Ama i ziŋgeŋ zlap, i zla: «A ndəra tini a nawa seh, sey peŋ juɓum abə kəlif iyi bək dap.» 18Yesu a ziŋgeŋta zlap, a zla: «Hi dahakta əŋ nawa.»
19Ɓa, a zlapaŋta əŋ hedi makwas iyi fuk ley nja a teyek a ŋgusawf. A ɓət peŋ juɓum abə kəlif iyi sə bək sey, a kaf talaŋ əŋ wuzlaf, a ɗalaŋ sʉse əŋ Bizlaf. Abə dawaŋ ta, a ŋgata, ɓa, a vəlaŋta əŋ gula ŋga iyi amba gula ŋga iyi i wuɗakaŋta əŋ hedi makwas iyi. 20Tata fuk i kəzəm za ha i gwaɗ. Gula ŋga iyi i kəcakal peŋ dakayta mayak iyi ta kəgwaɗ gadakar iyi wam a meɗek bək. 21Hedi mə zəm peŋ iyi ta a ɗal gabal juɓum za muwul iyi. Wala iyi abə wuziyi i mə tak ŋgəɗ.
Yesu a nda a talaŋ yim abə ŋgas
(Markus 6:45-52; Yahwana 6:15-21)
22Mbehmbeh mba, abə dawaŋ ta, Yesu a takaŋta wula əŋ gula ŋga iyi ley tap əŋ kambuwal, i mə taŋ məpər kəɗi kəv tə lakwat məzəwindi, əŋ mbamba, a kəzlapaŋta əŋ hedi makwas iyi i mə nda tata. 23Abə dawaŋ ta, kəzlapaŋta kwata əŋ hedi makwas iyi seh, a tap əŋ wuzum ley ɗalaha mbuh mbiŋ taataɗ ŋga. Məcukahw kwata, mbə a namba, taataɗ ŋga. 24Kambuwal guduk mbeh səku abə bəra zəzay, vaŋgwala tə yim a kəhuɓəl kambuwal ta, məŋgəvday mimiɗ a kəgbamaŋta talaŋ. 25Abə zlalay, Yesu a kənda əŋ kelek gula ŋga iyi abə ŋgas a talaŋ yim. 26Əŋ gula ŋga iyi i mə limʉ a kənda abə ŋgas a talaŋ yim seh, i kələndəŋ za, i zlap, i zla: «Ar hedi mə təɗaha tə jiɓ!» Ɓa, i ja varay abə fagay məŋgəvday ləndəŋ a kəɗalaŋta. 27Ama mbehmbeh mba, Yesu a zlapaŋta, a zla: «Hi səɓ nəf, ar sa, hi mba i ləndəŋ səku!» 28Piyer a zlapaŋgu, a zla: «Waa Bay Bayta, əŋgah ar hwa məndiwiŋ seh, vəlaka kataf amba sa nda əŋ kelek təkwa a talaŋ yim bahayim.» 29Yesu a zlapaŋgu, a zla: «Ndaha.»
Piyer a bəreŋgehe əŋ kambuwal, a mar ley nda a talaŋ yim amba ley gwar əŋ kelek Yesu. 30Ama əŋ mbiŋ mə gər mimiɗ a kəhuɓəl abə fagay, kələndəŋ za. A mar ley təɗ əŋ yim, ɓa, a ja varay, a zla: «Waa Bay Bayta, reheke!» 31Mbehmbeh mba, Yesu a ɗef ndəra, a məlahaw, a zlapaŋgu, a zla: «Hwa seh, hedi mə kuw ma ɓəraŋ, hwa abə wulək bək bək seh, məŋgəvday a mey?» 32Abə dawaŋ ta, i təɗ bək tata iyi əŋ kambuwal, ɓa, mimiɗ a bes. 33Hedi dakayta iyi tə əŋ kambuwal i dar malakw a ma tə Yesu, i zlapaŋgu, i zla: «Məndiwiŋ, hwa Mbu tə Bizlaf!»
Yesu a mbəl hedi mə dal iyi tə əŋ hayak tə Genesaret
(Markus 6:53-56)
34Abə dawaŋ ta, i kətaŋgaha gaw cuza seh, i gwar əŋ hayak tə Genesaret. 35Hedi tə a namba iyi ta i kəsəŋ Yesu za, ɓa, i giz əŋ hayak ta Yesu mbə a nawa, abə dawaŋ ta izey, i dahaŋ hedi mə dal iyi. 36I ɗalaŋ mbuh amba mə yakaŋta kataf əŋ hedi mə dal iyi ley ges ndəra kwa a meɗek tə rukut ŋga dap. Hedi mə ges ndəra iyi a ɗek fuk, i kəmbəl za.
Àwon tá yàn lọ́wọ́lọ́wọ́ báyìí:
Matta 14: xmd
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Matta 14
14
Məc tə Yahwana mə ɗal batem
(Markus 6:14-29; Luka 9:7-9)
1Əŋ pis ta mba, Hirudus Antipas, a kəsla a talaŋ hayak tə Galili, a zlim i kəzlap a talaŋ Yesu. 2A zlapaŋta əŋ hedi ŋga mə ɗalaŋ kəzəɗ iyi, a zla: «Hedi ta seh, ar Yahwana mə ɗal batem mə garaha mar tə əŋ faŋw tə hedi maməc iyi. Ehe, məŋgəvday a ɗek, mbiŋ abə fagay ley ɗal mazla iyi.»
3Hirudus kəzlap za ley məl Yahwana, i jawu amba ley nahaw əŋ daŋgay, ar seh, məŋgəvday Hirudiya, wala tə zliŋgeŋ Filip#14:3 Markus 6:17.. 4Məŋgəvday Yahwana kəzlapaŋ za əŋ Hirudus, a zla: «Hwa abə kataf ley ɓət Hirudiya əŋ wala seh halla.» 5Hirudus a mba seh ley ja Yahwana, ama kələndəŋ za a hedi makwas iyi, məŋgəvday i kəɗiy Yahwana mənaŋ hedi mə giz ma abə miya tə Bizlaf.
6Əŋ pis tə gugway tə səŋ kenek tə waŋ ley mbuwaha tə Hirudus, hazləma tə Hirudiya a zlay a ma tə hedi maɗaf ma iyi tə əŋ gugway ta. Kəŋgəmaŋ za mbeh səku əŋ Hirudus. 7A zlapaŋ əŋ hazləma ta abə meɗ, a zla: «Sa vəlah məsəkəŋ hwa mə ɗəp fuk za.» 8Mama ŋga a ɗalaŋ yawa, ɓa, hazləma ta a zlapaŋ əŋ Hirudus, a zla: «Vəlaka talaŋ tə Yahwana mə ɗal batem mbehmbeh wa a paranti.»
9Ma ta kəjaŋ wucum tə bay Hirudus za, ama məŋgəvday mbiŋ kəmeɗ cuza a ma tə hedi maɗaf ma iyi tə əŋ gugway sey, a zlapaŋta əŋ hedi iyi i mə vəlaŋ talaŋ ta. 10Ɓa, a ləɓ hedi əŋ daŋgay, ley rəslaha talaŋ tə Yahwana mə ɗal batem. 11A daha talaŋ ta a paranti, a vəlaŋgu əŋ hazləma sey, hazləma ta, a deɓeŋgu əŋ mama ŋga. 12Gula tə Yahwana iyi, i ndaha, i ɓət məce ta, i pəsu. Abə dawaŋ ta, i nda i gizeŋ məsəkəŋ mataŋ ta əŋ Yesu.
Yesu a vəlaŋta məsəkəŋ kə zəm əŋ hedi makwas iyi gabal juɓum
(Markus 6:30-44; Luka 9:10-17; Yahwana 6:1-14)
13Əŋ Yesu mə zlim ma tə məc tə Yahwana mə ɗal batem seh, a gar ŋga za a lay ta, ɓa, a təɗ əŋ kambuwal, a nda əŋ təp damu, mbiŋ taataɗ ŋga. Ama hedi makwas sə mbeh səku iyi i zlim ma ta, i təɗaha əŋ berne sə mbehmbeh iyi, i ziberʉ abə ŋgas kəɗi meɗek lakwat. 14Əŋ Yesu mə təɗaha əŋ kambuwal seh, a gər hedi makwas sə mbeh səku iyi, a səŋgaŋta nje həhər a talaŋ tata, ɓa, a mbəlaŋta hedi mə dal iyi.
15Əŋ məcukahw kwata seh, gula tə Yesu iyi, i kərəɗaha əŋ kelek ŋga, ɓa, i zlapaŋgu, i zla: «Mənjawa, məcukahw kwata, nakwa mbə əŋ təp damu. Zlapaŋta əŋ hedi iyi wa, i mə nda əŋ wuta iyi amba ley səkəmaha məsəkəŋ kə zəm iyi əŋ tata.» 16Yesu a ziŋgeŋta zlap, a zla: «I mba i nda tata səku, heni abə talaŋ təheni, hi vəlaŋta məsəkəŋ kə zəm.» 17Ama i ziŋgeŋ zlap, i zla: «A ndəra tini a nawa seh, sey peŋ juɓum abə kəlif iyi bək dap.» 18Yesu a ziŋgeŋta zlap, a zla: «Hi dahakta əŋ nawa.»
19Ɓa, a zlapaŋta əŋ hedi makwas iyi fuk ley nja a teyek a ŋgusawf. A ɓət peŋ juɓum abə kəlif iyi sə bək sey, a kaf talaŋ əŋ wuzlaf, a ɗalaŋ sʉse əŋ Bizlaf. Abə dawaŋ ta, a ŋgata, ɓa, a vəlaŋta əŋ gula ŋga iyi amba gula ŋga iyi i wuɗakaŋta əŋ hedi makwas iyi. 20Tata fuk i kəzəm za ha i gwaɗ. Gula ŋga iyi i kəcakal peŋ dakayta mayak iyi ta kəgwaɗ gadakar iyi wam a meɗek bək. 21Hedi mə zəm peŋ iyi ta a ɗal gabal juɓum za muwul iyi. Wala iyi abə wuziyi i mə tak ŋgəɗ.
Yesu a nda a talaŋ yim abə ŋgas
(Markus 6:45-52; Yahwana 6:15-21)
22Mbehmbeh mba, abə dawaŋ ta, Yesu a takaŋta wula əŋ gula ŋga iyi ley tap əŋ kambuwal, i mə taŋ məpər kəɗi kəv tə lakwat məzəwindi, əŋ mbamba, a kəzlapaŋta əŋ hedi makwas iyi i mə nda tata. 23Abə dawaŋ ta, kəzlapaŋta kwata əŋ hedi makwas iyi seh, a tap əŋ wuzum ley ɗalaha mbuh mbiŋ taataɗ ŋga. Məcukahw kwata, mbə a namba, taataɗ ŋga. 24Kambuwal guduk mbeh səku abə bəra zəzay, vaŋgwala tə yim a kəhuɓəl kambuwal ta, məŋgəvday mimiɗ a kəgbamaŋta talaŋ. 25Abə zlalay, Yesu a kənda əŋ kelek gula ŋga iyi abə ŋgas a talaŋ yim. 26Əŋ gula ŋga iyi i mə limʉ a kənda abə ŋgas a talaŋ yim seh, i kələndəŋ za, i zlap, i zla: «Ar hedi mə təɗaha tə jiɓ!» Ɓa, i ja varay abə fagay məŋgəvday ləndəŋ a kəɗalaŋta. 27Ama mbehmbeh mba, Yesu a zlapaŋta, a zla: «Hi səɓ nəf, ar sa, hi mba i ləndəŋ səku!» 28Piyer a zlapaŋgu, a zla: «Waa Bay Bayta, əŋgah ar hwa məndiwiŋ seh, vəlaka kataf amba sa nda əŋ kelek təkwa a talaŋ yim bahayim.» 29Yesu a zlapaŋgu, a zla: «Ndaha.»
Piyer a bəreŋgehe əŋ kambuwal, a mar ley nda a talaŋ yim amba ley gwar əŋ kelek Yesu. 30Ama əŋ mbiŋ mə gər mimiɗ a kəhuɓəl abə fagay, kələndəŋ za. A mar ley təɗ əŋ yim, ɓa, a ja varay, a zla: «Waa Bay Bayta, reheke!» 31Mbehmbeh mba, Yesu a ɗef ndəra, a məlahaw, a zlapaŋgu, a zla: «Hwa seh, hedi mə kuw ma ɓəraŋ, hwa abə wulək bək bək seh, məŋgəvday a mey?» 32Abə dawaŋ ta, i təɗ bək tata iyi əŋ kambuwal, ɓa, mimiɗ a bes. 33Hedi dakayta iyi tə əŋ kambuwal i dar malakw a ma tə Yesu, i zlapaŋgu, i zla: «Məndiwiŋ, hwa Mbu tə Bizlaf!»
Yesu a mbəl hedi mə dal iyi tə əŋ hayak tə Genesaret
(Markus 6:53-56)
34Abə dawaŋ ta, i kətaŋgaha gaw cuza seh, i gwar əŋ hayak tə Genesaret. 35Hedi tə a namba iyi ta i kəsəŋ Yesu za, ɓa, i giz əŋ hayak ta Yesu mbə a nawa, abə dawaŋ ta izey, i dahaŋ hedi mə dal iyi. 36I ɗalaŋ mbuh amba mə yakaŋta kataf əŋ hedi mə dal iyi ley ges ndəra kwa a meɗek tə rukut ŋga dap. Hedi mə ges ndəra iyi a ɗek fuk, i kəmbəl za.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀