Matáyoso 16
16
Bafalisiɛ́ŋ na Basaduseyɛ́ŋ guófon gisey
(Mál 8.11-13; Mat 12.38-39; Lúk 11.16,29; 12.54-56)
1Bafalisiɛ́ŋ na basaduseyɛ́ŋ gubɛ́nyɛkɛnɛn Yésu ká bɔ́dɔ́lɛ́g wɔ́. Báganyɛ gág ká waál gisey gíleniné ugumuana. 2Uganyɛ gɔ́b ká: «Gɛsɛgɛl niɔ́b mánusiám, nuguɔ́yɔ ká: “Buɔ́s gagúbá bese gágual ká imelemend nyɛ kuéŋ kueŋe”; 3na budúdúg, nual ká: “Ínen, nɔbɔl gagúnua gágual ká imelemend nyɛ lindídididi. Anaány nulɛnsaná gudándɔ́n bɛsɛgɛl bá imelemend, nudɛlɛns gudándɔ́n bulinsi bá bɛsɛgɛl ebie#16.3 Imbɔbɔnɔ símodió digúbianan dulia 2-3..” 4Banuá band bá giád gá nɔgɔndɔ, band bá kand nuládádá, nuguɔ́foon gisey, ta onkól nudɛgaán, asiá gisey gimáabɛ́dɔ́mb ná Yónasa#16.4 Alɛ́ŋɛ́d Mat 12.39-40, uwanɛn bɔ́ babɛ́gɔ́nán ány, uwadɔ́mb.»
Ginudúgin gá Bafalisiɛ́ŋ
(Mál 8.14-21; Lúk 12.1-6)
5Bafɔ́nɔfɔ́n mebiélídí gugɔ́l bɛnyɔka anyɛ́ bámáyɔɔ́g buáy ebúné bá nsɔ́l. 6Yésu ganyɛ gɔ́b ká: «Ánubɛ́nyáŋanyáŋ bese na bese na ginudúgin gá Bafalisiɛ́ŋ na gá Basaduseyɛ́ŋ.» 7Ebédúm gubiɔ́yɔɔn bɔ́bɔ́ na bɔ́bɔ́ ká: «Uguɔ́yɔ anaány gágual ká didimɔ́gɔ́l bɛnyɔka.» 8Uwɔ́ gɔlɛns buanda ubú bámáabá bɔ́biɔ́yɔɔn, ugany gɔ́b ká: «Band bányá na nŋádáb fágɔfág, gá giág nubiɔ́yɔnɔ́ banuá muát ká nudɛmɔ́gɔ́l bɛnyɔka e? 9Numányɛ nudiadɛ́gɛ́n kɔ́ e? Nudɛgúbɛ́dága bɛnyɔka bɛ́tán numáafaán band dɔns dútáan e, insada íník numaádɔ́mbán? 10Ta bɛnyɔka bɛ́tɛ́ndád nomo numáafaán banɔ́mandɔ dɔ́ns dúní e, insada iník numáadɔ́mban? 11Nanyá numányáná nudiɔ́b ká saá gá bɛnyɔka nságubá ngála gán gɛsɛgɛl nsagubá inuɔ́yɔɔn ká: Ánubɛ́nyáŋanyáŋ na ginudúgin gá Bafalisiɛ́ŋ na Basaduseyɛ́ŋ!» 12Abád gusɔ́ŋɔ́n ká umɔyɔ́ gɔ́b ká bábɛ́nyáŋanyaŋ na gufúnyifunyi gá Bafalisiɛ́ŋ na gá Basaduseyɛ́ŋ, saá na ginudúgin gá bɛnyɔka.
Piéle mɔ́yɛ́d ká Yésu nyɛ Kilíse
(Mál 8.27-30; Lúk 9.18-21)
13Yésu gɔb agá giéns gá gus gá Sesalé wa Filíbe. Anyɛ́ umaáb guáma, uganyɛ gá bafɔ́nɔfɔ́n bág ká: «Giág band ɔ́yɔnɔ́ gám gá busió yaŋuá Mɔɔn wá mɔnd e?» 14Bágányɛ ká: «Gɛdam guɔyɔ ká anyɛ Sáŋa udueniné, ebe ɔ́yɔ ká anyɛ Elí; bómodió ɔ́yɔ ká anyɛ Selemí gúmén ibús yá Gɔdányá ímodió.» 15Uganyɛ gɔ́b ká: «Banuá gɔg nuguɔ́yɔ ká inyɛ ányá e?» 16Símune Piéle guondinyi ká: «Anyɛ Kilíse, Mɔɔn wá Gɔdányá usɔ́dɔnɔ́.» 17Yésu gany gág gɔg ká: «Bese giod nɔ́w Símun, mɔɔn wá Yónasa gágual ká saá mɔnd uségugulinsí buanda ubuány, Babá unyá ugumuana. 18Kányɛ yaŋuá gɔg nguɔyɔnɔ́ ká: Anyɛ Piéle#16.18 Piéle guámba guɔyɛd ká nɛdany na nugɛlɛ́k., agá nɛdany iniány, ngafuág yaŋuá giɔ́b gá béedeb. Ta nigú nɛ́dɛgal gɛ́ buanda. 19Ngeguéŋin dufúnín dá Bufuŋ bá muana; buand gidigid egenuén egegus, bégeen bɔ́ ugumuana. Ubú aganúgɛ́ndɛ́gɛn, bágagɛ́ndɛ́gɛn bú ugumuana.» 20Uwad gusásɛ́d bɔ́ ká bɔ́diɔyɛ́dɛ́n ta mɔnd ká unyɛ Kilíse.
Yésu mɔ́yɛ́d nigú na guanyɔg gág aga ebeguén
(Mál 8.31-33; Lúk 9.22)
21Gudúm ány, Yésu gubanyɛg guɔyɔɔn bafɔ́nɔfɔ́n bág ká búguófoon ká yɛɛ́b Yelúsalɛm ká bagɔn bá gɛdɔŋ na bɔgɔ́gɔ bá Gɔdányá na bóŋ bisele óŋóbígonyi giod, bɔ́ŋɔ́n, buɔ́s bá gádadɔ, yányɔg aga ebeguén. 22Piéle gugɔ́gɛ́d Yésu agá buáy uwedúm gugálan wɔ́, wɔyɔ ká: «Ɔgúnɔ́ nsɛ́ Gɔdányá gúbɛ́dɛ́gɛn, ágó, buanda anaány digúbianan ká búgúbiálɛn!» 23Yésu gubɛ́guagalɛd gɔg, ugany gá Piéle ká: «Nŋélíkínyí egúné! Sátan ewe, anyɛ ɛŋɛ́mb agá nŋili yám, gágual ká ɛmbɛ́dágɛ́dɛ́n sɔ́y dɛbá sá Gɔdányá, sɛ́nyɛ sá band.»
Buand buófonó gual gá gúlád Yésu
(Mál 8.34–9.1; Lúk 9.23-27)
24Yésu uwad guɔyɛd gá bafɔ́nɔfɔ́n bág ká: «Mɔnd mámba ká wúŋlád, nsɛ́ údɔ́mb gusɔ́dɔɔn gág góbusió bá bɛ́muát, úbɛ́dɔ́gɛn kolós wág wúŋlád. 25Búnyɛ nɔ́, mɔnd wambaná guansɛg gusɔ́d gág ugenyími gú; ewe gɔg ugenúnyími gusɔ́d gág gám gá busió gand gubia gú. 26Mɔnd mádáŋáb gus gidigid, kasɛ́ bɛnama udáŋábaná kɔ́ úmáyɛ́n gusɔ́d gág e? Gúméne, kásɛ́ buanda mɔnd nyá béguéŋin ká wáŋɔ́n gusɔ́d gág e? 27Yaŋuá Mɔɔn wá mɔnd ngoól agá nugúm ná Babá na ɛngɛlɛs bág; ány ugenuéŋeen sig mɔnd a bɛnama bá gubá gág. 28Agá meliŋítas ngúnuɔ́yɔɔn ká, gá band ebe bányá aya, gɛdám digegú kand ká bámáŋán yaŋuá Mɔɔn wá mɔnd, ofuŋ yiíleen.»
Àwon tá yàn lọ́wọ́lọ́wọ́ báyìí:
Matáyoso 16: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Matáyoso 16
16
Bafalisiɛ́ŋ na Basaduseyɛ́ŋ guófon gisey
(Mál 8.11-13; Mat 12.38-39; Lúk 11.16,29; 12.54-56)
1Bafalisiɛ́ŋ na basaduseyɛ́ŋ gubɛ́nyɛkɛnɛn Yésu ká bɔ́dɔ́lɛ́g wɔ́. Báganyɛ gág ká waál gisey gíleniné ugumuana. 2Uganyɛ gɔ́b ká: «Gɛsɛgɛl niɔ́b mánusiám, nuguɔ́yɔ ká: “Buɔ́s gagúbá bese gágual ká imelemend nyɛ kuéŋ kueŋe”; 3na budúdúg, nual ká: “Ínen, nɔbɔl gagúnua gágual ká imelemend nyɛ lindídididi. Anaány nulɛnsaná gudándɔ́n bɛsɛgɛl bá imelemend, nudɛlɛns gudándɔ́n bulinsi bá bɛsɛgɛl ebie#16.3 Imbɔbɔnɔ símodió digúbianan dulia 2-3..” 4Banuá band bá giád gá nɔgɔndɔ, band bá kand nuládádá, nuguɔ́foon gisey, ta onkól nudɛgaán, asiá gisey gimáabɛ́dɔ́mb ná Yónasa#16.4 Alɛ́ŋɛ́d Mat 12.39-40, uwanɛn bɔ́ babɛ́gɔ́nán ány, uwadɔ́mb.»
Ginudúgin gá Bafalisiɛ́ŋ
(Mál 8.14-21; Lúk 12.1-6)
5Bafɔ́nɔfɔ́n mebiélídí gugɔ́l bɛnyɔka anyɛ́ bámáyɔɔ́g buáy ebúné bá nsɔ́l. 6Yésu ganyɛ gɔ́b ká: «Ánubɛ́nyáŋanyáŋ bese na bese na ginudúgin gá Bafalisiɛ́ŋ na gá Basaduseyɛ́ŋ.» 7Ebédúm gubiɔ́yɔɔn bɔ́bɔ́ na bɔ́bɔ́ ká: «Uguɔ́yɔ anaány gágual ká didimɔ́gɔ́l bɛnyɔka.» 8Uwɔ́ gɔlɛns buanda ubú bámáabá bɔ́biɔ́yɔɔn, ugany gɔ́b ká: «Band bányá na nŋádáb fágɔfág, gá giág nubiɔ́yɔnɔ́ banuá muát ká nudɛmɔ́gɔ́l bɛnyɔka e? 9Numányɛ nudiadɛ́gɛ́n kɔ́ e? Nudɛgúbɛ́dága bɛnyɔka bɛ́tán numáafaán band dɔns dútáan e, insada íník numaádɔ́mbán? 10Ta bɛnyɔka bɛ́tɛ́ndád nomo numáafaán banɔ́mandɔ dɔ́ns dúní e, insada iník numáadɔ́mban? 11Nanyá numányáná nudiɔ́b ká saá gá bɛnyɔka nságubá ngála gán gɛsɛgɛl nsagubá inuɔ́yɔɔn ká: Ánubɛ́nyáŋanyáŋ na ginudúgin gá Bafalisiɛ́ŋ na Basaduseyɛ́ŋ!» 12Abád gusɔ́ŋɔ́n ká umɔyɔ́ gɔ́b ká bábɛ́nyáŋanyaŋ na gufúnyifunyi gá Bafalisiɛ́ŋ na gá Basaduseyɛ́ŋ, saá na ginudúgin gá bɛnyɔka.
Piéle mɔ́yɛ́d ká Yésu nyɛ Kilíse
(Mál 8.27-30; Lúk 9.18-21)
13Yésu gɔb agá giéns gá gus gá Sesalé wa Filíbe. Anyɛ́ umaáb guáma, uganyɛ gá bafɔ́nɔfɔ́n bág ká: «Giág band ɔ́yɔnɔ́ gám gá busió yaŋuá Mɔɔn wá mɔnd e?» 14Bágányɛ ká: «Gɛdam guɔyɔ ká anyɛ Sáŋa udueniné, ebe ɔ́yɔ ká anyɛ Elí; bómodió ɔ́yɔ ká anyɛ Selemí gúmén ibús yá Gɔdányá ímodió.» 15Uganyɛ gɔ́b ká: «Banuá gɔg nuguɔ́yɔ ká inyɛ ányá e?» 16Símune Piéle guondinyi ká: «Anyɛ Kilíse, Mɔɔn wá Gɔdányá usɔ́dɔnɔ́.» 17Yésu gany gág gɔg ká: «Bese giod nɔ́w Símun, mɔɔn wá Yónasa gágual ká saá mɔnd uségugulinsí buanda ubuány, Babá unyá ugumuana. 18Kányɛ yaŋuá gɔg nguɔyɔnɔ́ ká: Anyɛ Piéle#16.18 Piéle guámba guɔyɛd ká nɛdany na nugɛlɛ́k., agá nɛdany iniány, ngafuág yaŋuá giɔ́b gá béedeb. Ta nigú nɛ́dɛgal gɛ́ buanda. 19Ngeguéŋin dufúnín dá Bufuŋ bá muana; buand gidigid egenuén egegus, bégeen bɔ́ ugumuana. Ubú aganúgɛ́ndɛ́gɛn, bágagɛ́ndɛ́gɛn bú ugumuana.» 20Uwad gusásɛ́d bɔ́ ká bɔ́diɔyɛ́dɛ́n ta mɔnd ká unyɛ Kilíse.
Yésu mɔ́yɛ́d nigú na guanyɔg gág aga ebeguén
(Mál 8.31-33; Lúk 9.22)
21Gudúm ány, Yésu gubanyɛg guɔyɔɔn bafɔ́nɔfɔ́n bág ká búguófoon ká yɛɛ́b Yelúsalɛm ká bagɔn bá gɛdɔŋ na bɔgɔ́gɔ bá Gɔdányá na bóŋ bisele óŋóbígonyi giod, bɔ́ŋɔ́n, buɔ́s bá gádadɔ, yányɔg aga ebeguén. 22Piéle gugɔ́gɛ́d Yésu agá buáy uwedúm gugálan wɔ́, wɔyɔ ká: «Ɔgúnɔ́ nsɛ́ Gɔdányá gúbɛ́dɛ́gɛn, ágó, buanda anaány digúbianan ká búgúbiálɛn!» 23Yésu gubɛ́guagalɛd gɔg, ugany gá Piéle ká: «Nŋélíkínyí egúné! Sátan ewe, anyɛ ɛŋɛ́mb agá nŋili yám, gágual ká ɛmbɛ́dágɛ́dɛ́n sɔ́y dɛbá sá Gɔdányá, sɛ́nyɛ sá band.»
Buand buófonó gual gá gúlád Yésu
(Mál 8.34–9.1; Lúk 9.23-27)
24Yésu uwad guɔyɛd gá bafɔ́nɔfɔ́n bág ká: «Mɔnd mámba ká wúŋlád, nsɛ́ údɔ́mb gusɔ́dɔɔn gág góbusió bá bɛ́muát, úbɛ́dɔ́gɛn kolós wág wúŋlád. 25Búnyɛ nɔ́, mɔnd wambaná guansɛg gusɔ́d gág ugenyími gú; ewe gɔg ugenúnyími gusɔ́d gág gám gá busió gand gubia gú. 26Mɔnd mádáŋáb gus gidigid, kasɛ́ bɛnama udáŋábaná kɔ́ úmáyɛ́n gusɔ́d gág e? Gúméne, kásɛ́ buanda mɔnd nyá béguéŋin ká wáŋɔ́n gusɔ́d gág e? 27Yaŋuá Mɔɔn wá mɔnd ngoól agá nugúm ná Babá na ɛngɛlɛs bág; ány ugenuéŋeen sig mɔnd a bɛnama bá gubá gág. 28Agá meliŋítas ngúnuɔ́yɔɔn ká, gá band ebe bányá aya, gɛdám digegú kand ká bámáŋán yaŋuá Mɔɔn wá mɔnd, ofuŋ yiíleen.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL