Sáŋa 4
4
Yésu na agánd wa Samalí
1Bafalisiɛ́ŋ mɔ́ɔbɔɔ́n bɔ́yɔ ká Yésu mabiánán bafɔ́nɔfɔ́n giod wond uduenin gɔdɔ́mb Sáŋa.#4.1 Búnyɛ Sáŋa umáabá uduenenin. 2Gá guán, Yésu muát dimeduenenin, bafɔ́nɔfɔ́n bág bámáabá béduenenin. 3Anyɛ́ Yésu mɔ́ɔb ubú bɔ́mɔ́ɔyɔ́ gág, uwadɔg Yudé uwond Galilé. 4Ká wɔ́b, umabiánán ká úyɔɔg giéns gá gus gá Samalí. 5Uwanaám agá tísɔn wa Samalí bábɛ́laná ká Sisál udiábáná ayáyá na giéns gá kɔɔ́m ɛgɛ́ Yákɔba méeŋín mɔɔn wág Yɔ́sɛba. 6Agá kɔɔ́m agany nuúy ná Yákɔba nyáa. Na gɛdɔmbɔ gá ɔŋɛnd Yésu uwelukumin agá buáy bá nuúy, búmabá bágubá ɔdɛm wá buɔ́s. 7Agánd wá Samalí móol gá gúsinuú madɛ́ga. Yésu ganyɛ gág ká: «Mfá madɛ́ga mbúwá.» 8Gá gɛsɛgɛl igiány, bafɔ́nɔfɔ́n bág mabá aga tísɔn gá guɔ́nd buanda bágúnyá. 9Agánd uwaány ganyɛ gá Yésu ká: «Nanyá aŋuá wa Beyúdɛn oŋófonó madɛ́ga yaŋuá agánd wa Samalí e?» Beyúdɛn diguɔ́bɔnɛn na band bá Samalí. 10Yésu guondinyi wɔ́ ká: «Ímábá agúlɛnsaan mfaán yá Gɔdányá, ond alɛnsaan ewe uguófonó madɛ́ga, búnyɛ aŋuá aságubá woguófún mɔ́, “ngufá madɛ́ga,” madɛ́ga méŋené gusɔ́d.» 11Agánd ganyɛ gág ká: «Ɔgúnɔ́, adɛbá na buanda bégúnu madɛ́ga kɔ́, nuúy nyɛ guyuum, nány ɔgɔgúnúgɔ́l madɛ́ga méŋené gusɔ́d e? 12Agúbɛ́dága ká anyɛ ɔgɔn gudɔ́mb sié ɔgúnɔ́ wasɔ Yákɔba umáadɛ́fá nuúy, uwɔ́ sɔ́n uwabúwánan kɔ́ na baan bág na bidug bág e?» 13Yésu guondinyi wɔ́ ká: «Ewe gidigid ubúwánaná madɛ́ga amaány, gand gubianan nɛɛ́da. 14Ewe unúbúwánaná madɛ́ga ɔmɔ́ ngenuéŋin wɔ́, udɛ́nuánd gubia nɛɛ́da ta buɔ́s; madɛ́ga ɔmɔ́ ngenuéŋin wɔ́ gabá agagá nubɛ́liá, núdandalaná madɛ́ga ma gusɔ́d má kand nɛmanɛ́ná.» 15Agánd uwaány ganyɛ gág ká: «Ɔgúnɔ́, mfá madɛ́ga amaány ká ndiánd gúbia nɛɛ́da, ndiánd guúl sɔ́n gá gúsinú aya.» 16Yésu ganyɛ gág ká: «Ɛmbɛ, bɛ́lɛ́gɛ́n ɔnɛ́m wɔ́w ósiondo aya.» 17Agánd guondinyi wɔ́ ká: «Ndɛbá na ɔnɛ́m.» Yésu ganyɛ ká: «Ɔguɔ́yɔ bese ká: “Ndɛbá na ɔnɛ́m”; 18asaman gubia banɛ́m bátán. Mɔnd abiananá nɛ́nuán dɛbá ɔnɛ́m wɔ́w. Gá ubuány, ɔmɔ́yɛ́d meliŋítas.» 19Agánd ganyɛ gág ká: «Ɔgúnɔ́, nguánan ká anyɛ omoom wa mubús má Gɔdányá. 20Besié bás mebúlígényí Gɔdányá agá nɔgɔnd enue. Banuá nuguɔ́yɔ ká Yelúsalɛm buófonó gubúlígenyi Gɔdányá.» 21Yésu ganyɛ gá agánd ká: «Lɛnsɛ ká gɛsɛgɛl gesiége ɛgɛ́ ta agá nɔgɔnd, ta Yelúsalɛm nudɛgand gubúlígenyi Babá kɔ́. 22Nugúbúlígenyi ubú nudiálɛnsáná, basuá digúbúlígenyi ubú dilɛnsaná gágual ká Gɔdányá agúdɔ́mbɛ́n aga basuá Beyúdɛn ká úsódi band. 23Gɛsɛgɛl guúlen, gíganyɛ kɔ́, ány imbanda beédéb genúbúlígenyi Babá agá ɛdany na agá meliŋítas. Anaány Babá ámbaná ká band búlígenyi wɔ́. 24Gɔdányá nyɛ Mefúny, buád buanda ebe bébúlígenyé wɔ́ biananá ká bébúlígenyi wɔ́ agá meliŋítas anyɛ́ Ɛsámb yá Mefúny díyenyé bɔ́.» 25Agánd ganyɛ gág ká: «Ngúlɛnsaan ká Mesí gúbianan ká wuúl, ewe bábɛ́laná ká Kilíse. Anyɛ́ ugenuúl, ugedíbúlúnin buanda gidigid.» 26Yésu ganyɛ gág ká: «Yaŋuá waád ewe, ngálaná gɔ́w.»
27Agá gɛsɛgɛl igiány bafɔ́nɔfɔ́n bág méesiég. Ebéméŋémeŋ anyɛ́ Yésu máabá ugála na agánd. Ta mɔnd udimoófún Yésu ká: «Giág ambaná e!» gúmén, «Gá giág ɔyɔnɔ́ moóny naga e?» 28Agánd guyiy isény yág yá nuúy ány, uwond aga tísɔn, uganyɛ gá band ká: 29«Ánusián mɔnd umɔ́núŋɔyɛ́dɛ́n buanda gidigid ubɔ́ imáal. Udɛbá Kilíse wɔ́ e?» 30Bɔ́bɔ́ guám tísɔn gá gɔb buáy bá Yésu. 31Gá gɛsɛgɛl igiány, bafɔ́nɔfɔ́n mɔnɔdígɔ́nɔ́n Yésu bɔ́yɔ ká: «Lábi, nyá buanda!» 32Uganyɛ gɔ́b ká: «Ngúbianan buanda bágúnyá ubú nudiálɛnsáná.» 33Obóbiófoon bɔ́bɔ́ na bɔ́bɔ́ ká: «Mɔnd séŋin wɔ́ buanda bágunyá e?» 34Uganyɛ gɔ́b ká: «Manyán mám nyɛ guala ɔbɔ́ ewe umáandɔ́m ambaná, na guala buol bág gidigid. 35Nuguɔ́yɔ banuá muát ká: “And sɔ́n iyól íní, magaya bányɛg.” Yaŋuá gɔg ngúnuɔ́yɔɔn ká énuedúgí eŋís, núlɛ́ŋɛ́d bisién, masamɔ saman gugɔ́nɛ́n ká núgáya. 36Egeéyi gányá gúdáŋába bɛnama bág, wond ugímbe masamɔ má gusɔ́d gá kand nɛmanɛ́ná. Anaány mɔnd ugúnaná na egeéyi dayabaná beme wɔbɔ. 37Búnyɛ meliŋítas nsab yɔyɔnɔ́ ká: “Ewe gúgúna, ondodi gáya.” 38Imanúdɔ́m gá magaya agá gisién ɛgɛ́ numáal nudɛyɔgɔ. Bɔsɔ́gɔ́ bómodió mɔyɔgɔ́, banuá unuadáŋáb ɔgɔ́b gá giík.» 39Basamalitɛ́ŋ giod bámáabá agá tísɔn uwaány máadáb Yésu gágual ká agánd mɔyɛ́dɛ́n bɔ́ ká: «Umɔ́ŋɔyɛ́dɛ́n manda gidigid imáal.» 40Anyɛ́ band bá Samalí mésiég agá buáy bá Yésu, obóbísógólonyi wɔ́ ká úlɔ́bɛn nɔbɔ medug mándɛ. 41Band bámaádábaán Yésu gá gugál gág mabá giod gɔdɔ́mb ebe bɔ́mɔɔ́bɛdɔ́lɛ́gɔɔ́n gugál gá agánd uwaány; 42bɔ́mɔyɔ́ gá agánd uwaány sɔ́n ká: «Budɛ́bá kɔɔ́kɔ gɔ́w gá gugál diádábaná, dɛsɔbɛ́dɔ́lɛ́gɔɔn wɔ́ basuá muát. Dɛgɔ́lɛnsaan ká unyɛ meliŋítas, osód band bá gus.»
Gisey gá gándɛ gá Yésu Kána
(Mat 8.5-13; Lúk 7.1-10)
43Yésu máal úmédúmbi medug mándɛ ány Samalí, uwɔb Galilé. 44Umɔ́yɛ́d ɔwɔ́ muát ká: Ibús digúgúme agágá. 45Umáal wámaán Galilé, band bá Galilé obógóli wɔ́ bese. Bɔ́bɔ́ sɔ́n bámabá Yelúsalɛm gá budɔ́mb bá Beyúdɛn bá guyɔɔg, abaán buanda gidigid Yésu máal. 46Yésu guond Kána gɛdɔŋ gá Galilé kɔɔ́m umíiyí madɛ́ga magɛ́b. Gianta gá eŋél buol wa ngɔ́mɔnɔ mabá kɔ́, mɔɔn waga mabá ubɛ́dáŋɔ́na agá tísɔn wa Kapɛlɛnahúm. 47Anyɛ́ eŋél buol wa ngɔ́mɔnɔ uwaány mɔ́ɔb ká Yésu sanadɔ́g Yudé ká wuúl Galilé. Uwɔbɛn Yésu uganyɛ gág ká: Sígol ólo Kapɛlɛnahúm ká ésiéŋúgí mɔɔn wám uganyá wa nigú. 48Yésu ganyɛ gág ká: «Nuguámba ká nuál guánaan mesey na bienyibienyé bá manda ká núbád guádáb e?» 49Mɔnd uwaány ganyɛ gág ká: «Ɔgúnɔ́, ólo agám gá nuyá mɔɔn wám aál umányɛ udigu.» 50Yésu ganyɛ gág ká: «Ɛmbɛ́ ɔgɔwɔ, mɔɔn wɔ́w saman guéŋúg.» Mɔnd uwaány uwádáb gugál uguány, uwond agagá. 51Anyɛ́ umáabá uganyá gubaan agagá, uwelumen na bél buol bág, bágányɛ gág ká: «Mɔɔn wɔ́w saman guéŋúg.» 52Uwófún bɔ́ gɛsɛgɛl ɛgɛ́ mɔ́nɔmbɔ méeŋúg. Obóndinyi ká: «Búyo gá gɛsɛgɛl gímoom gá buɔ́s niyo nyá gɔnɛn wɔ́.» 53Mɔnd uwaány uwabɛ́dágɛd ká agá gɛsɛgɛl igiány Yésu nyá gual gág ká: «Mɔɔn wɔ́w saman guéŋúg.» Mɔnd guádáb Yésu na nuyá nág gidigid gubanyɛg ány. 54Gisey gá gándɛ igiány Yésu máal gɛsɛgɛl ɛgɛ́ umáab guadɔ́g Yudé gá gúsɛɛ́b Galilé.
Àwon tá yàn lọ́wọ́lọ́wọ́ báyìí:
Sáŋa 4: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Sáŋa 4
4
Yésu na agánd wa Samalí
1Bafalisiɛ́ŋ mɔ́ɔbɔɔ́n bɔ́yɔ ká Yésu mabiánán bafɔ́nɔfɔ́n giod wond uduenin gɔdɔ́mb Sáŋa.#4.1 Búnyɛ Sáŋa umáabá uduenenin. 2Gá guán, Yésu muát dimeduenenin, bafɔ́nɔfɔ́n bág bámáabá béduenenin. 3Anyɛ́ Yésu mɔ́ɔb ubú bɔ́mɔ́ɔyɔ́ gág, uwadɔg Yudé uwond Galilé. 4Ká wɔ́b, umabiánán ká úyɔɔg giéns gá gus gá Samalí. 5Uwanaám agá tísɔn wa Samalí bábɛ́laná ká Sisál udiábáná ayáyá na giéns gá kɔɔ́m ɛgɛ́ Yákɔba méeŋín mɔɔn wág Yɔ́sɛba. 6Agá kɔɔ́m agany nuúy ná Yákɔba nyáa. Na gɛdɔmbɔ gá ɔŋɛnd Yésu uwelukumin agá buáy bá nuúy, búmabá bágubá ɔdɛm wá buɔ́s. 7Agánd wá Samalí móol gá gúsinuú madɛ́ga. Yésu ganyɛ gág ká: «Mfá madɛ́ga mbúwá.» 8Gá gɛsɛgɛl igiány, bafɔ́nɔfɔ́n bág mabá aga tísɔn gá guɔ́nd buanda bágúnyá. 9Agánd uwaány ganyɛ gá Yésu ká: «Nanyá aŋuá wa Beyúdɛn oŋófonó madɛ́ga yaŋuá agánd wa Samalí e?» Beyúdɛn diguɔ́bɔnɛn na band bá Samalí. 10Yésu guondinyi wɔ́ ká: «Ímábá agúlɛnsaan mfaán yá Gɔdányá, ond alɛnsaan ewe uguófonó madɛ́ga, búnyɛ aŋuá aságubá woguófún mɔ́, “ngufá madɛ́ga,” madɛ́ga méŋené gusɔ́d.» 11Agánd ganyɛ gág ká: «Ɔgúnɔ́, adɛbá na buanda bégúnu madɛ́ga kɔ́, nuúy nyɛ guyuum, nány ɔgɔgúnúgɔ́l madɛ́ga méŋené gusɔ́d e? 12Agúbɛ́dága ká anyɛ ɔgɔn gudɔ́mb sié ɔgúnɔ́ wasɔ Yákɔba umáadɛ́fá nuúy, uwɔ́ sɔ́n uwabúwánan kɔ́ na baan bág na bidug bág e?» 13Yésu guondinyi wɔ́ ká: «Ewe gidigid ubúwánaná madɛ́ga amaány, gand gubianan nɛɛ́da. 14Ewe unúbúwánaná madɛ́ga ɔmɔ́ ngenuéŋin wɔ́, udɛ́nuánd gubia nɛɛ́da ta buɔ́s; madɛ́ga ɔmɔ́ ngenuéŋin wɔ́ gabá agagá nubɛ́liá, núdandalaná madɛ́ga ma gusɔ́d má kand nɛmanɛ́ná.» 15Agánd uwaány ganyɛ gág ká: «Ɔgúnɔ́, mfá madɛ́ga amaány ká ndiánd gúbia nɛɛ́da, ndiánd guúl sɔ́n gá gúsinú aya.» 16Yésu ganyɛ gág ká: «Ɛmbɛ, bɛ́lɛ́gɛ́n ɔnɛ́m wɔ́w ósiondo aya.» 17Agánd guondinyi wɔ́ ká: «Ndɛbá na ɔnɛ́m.» Yésu ganyɛ ká: «Ɔguɔ́yɔ bese ká: “Ndɛbá na ɔnɛ́m”; 18asaman gubia banɛ́m bátán. Mɔnd abiananá nɛ́nuán dɛbá ɔnɛ́m wɔ́w. Gá ubuány, ɔmɔ́yɛ́d meliŋítas.» 19Agánd ganyɛ gág ká: «Ɔgúnɔ́, nguánan ká anyɛ omoom wa mubús má Gɔdányá. 20Besié bás mebúlígényí Gɔdányá agá nɔgɔnd enue. Banuá nuguɔ́yɔ ká Yelúsalɛm buófonó gubúlígenyi Gɔdányá.» 21Yésu ganyɛ gá agánd ká: «Lɛnsɛ ká gɛsɛgɛl gesiége ɛgɛ́ ta agá nɔgɔnd, ta Yelúsalɛm nudɛgand gubúlígenyi Babá kɔ́. 22Nugúbúlígenyi ubú nudiálɛnsáná, basuá digúbúlígenyi ubú dilɛnsaná gágual ká Gɔdányá agúdɔ́mbɛ́n aga basuá Beyúdɛn ká úsódi band. 23Gɛsɛgɛl guúlen, gíganyɛ kɔ́, ány imbanda beédéb genúbúlígenyi Babá agá ɛdany na agá meliŋítas. Anaány Babá ámbaná ká band búlígenyi wɔ́. 24Gɔdányá nyɛ Mefúny, buád buanda ebe bébúlígenyé wɔ́ biananá ká bébúlígenyi wɔ́ agá meliŋítas anyɛ́ Ɛsámb yá Mefúny díyenyé bɔ́.» 25Agánd ganyɛ gág ká: «Ngúlɛnsaan ká Mesí gúbianan ká wuúl, ewe bábɛ́laná ká Kilíse. Anyɛ́ ugenuúl, ugedíbúlúnin buanda gidigid.» 26Yésu ganyɛ gág ká: «Yaŋuá waád ewe, ngálaná gɔ́w.»
27Agá gɛsɛgɛl igiány bafɔ́nɔfɔ́n bág méesiég. Ebéméŋémeŋ anyɛ́ Yésu máabá ugála na agánd. Ta mɔnd udimoófún Yésu ká: «Giág ambaná e!» gúmén, «Gá giág ɔyɔnɔ́ moóny naga e?» 28Agánd guyiy isény yág yá nuúy ány, uwond aga tísɔn, uganyɛ gá band ká: 29«Ánusián mɔnd umɔ́núŋɔyɛ́dɛ́n buanda gidigid ubɔ́ imáal. Udɛbá Kilíse wɔ́ e?» 30Bɔ́bɔ́ guám tísɔn gá gɔb buáy bá Yésu. 31Gá gɛsɛgɛl igiány, bafɔ́nɔfɔ́n mɔnɔdígɔ́nɔ́n Yésu bɔ́yɔ ká: «Lábi, nyá buanda!» 32Uganyɛ gɔ́b ká: «Ngúbianan buanda bágúnyá ubú nudiálɛnsáná.» 33Obóbiófoon bɔ́bɔ́ na bɔ́bɔ́ ká: «Mɔnd séŋin wɔ́ buanda bágunyá e?» 34Uganyɛ gɔ́b ká: «Manyán mám nyɛ guala ɔbɔ́ ewe umáandɔ́m ambaná, na guala buol bág gidigid. 35Nuguɔ́yɔ banuá muát ká: “And sɔ́n iyól íní, magaya bányɛg.” Yaŋuá gɔg ngúnuɔ́yɔɔn ká énuedúgí eŋís, núlɛ́ŋɛ́d bisién, masamɔ saman gugɔ́nɛ́n ká núgáya. 36Egeéyi gányá gúdáŋába bɛnama bág, wond ugímbe masamɔ má gusɔ́d gá kand nɛmanɛ́ná. Anaány mɔnd ugúnaná na egeéyi dayabaná beme wɔbɔ. 37Búnyɛ meliŋítas nsab yɔyɔnɔ́ ká: “Ewe gúgúna, ondodi gáya.” 38Imanúdɔ́m gá magaya agá gisién ɛgɛ́ numáal nudɛyɔgɔ. Bɔsɔ́gɔ́ bómodió mɔyɔgɔ́, banuá unuadáŋáb ɔgɔ́b gá giík.» 39Basamalitɛ́ŋ giod bámáabá agá tísɔn uwaány máadáb Yésu gágual ká agánd mɔyɛ́dɛ́n bɔ́ ká: «Umɔ́ŋɔyɛ́dɛ́n manda gidigid imáal.» 40Anyɛ́ band bá Samalí mésiég agá buáy bá Yésu, obóbísógólonyi wɔ́ ká úlɔ́bɛn nɔbɔ medug mándɛ. 41Band bámaádábaán Yésu gá gugál gág mabá giod gɔdɔ́mb ebe bɔ́mɔɔ́bɛdɔ́lɛ́gɔɔ́n gugál gá agánd uwaány; 42bɔ́mɔyɔ́ gá agánd uwaány sɔ́n ká: «Budɛ́bá kɔɔ́kɔ gɔ́w gá gugál diádábaná, dɛsɔbɛ́dɔ́lɛ́gɔɔn wɔ́ basuá muát. Dɛgɔ́lɛnsaan ká unyɛ meliŋítas, osód band bá gus.»
Gisey gá gándɛ gá Yésu Kána
(Mat 8.5-13; Lúk 7.1-10)
43Yésu máal úmédúmbi medug mándɛ ány Samalí, uwɔb Galilé. 44Umɔ́yɛ́d ɔwɔ́ muát ká: Ibús digúgúme agágá. 45Umáal wámaán Galilé, band bá Galilé obógóli wɔ́ bese. Bɔ́bɔ́ sɔ́n bámabá Yelúsalɛm gá budɔ́mb bá Beyúdɛn bá guyɔɔg, abaán buanda gidigid Yésu máal. 46Yésu guond Kána gɛdɔŋ gá Galilé kɔɔ́m umíiyí madɛ́ga magɛ́b. Gianta gá eŋél buol wa ngɔ́mɔnɔ mabá kɔ́, mɔɔn waga mabá ubɛ́dáŋɔ́na agá tísɔn wa Kapɛlɛnahúm. 47Anyɛ́ eŋél buol wa ngɔ́mɔnɔ uwaány mɔ́ɔb ká Yésu sanadɔ́g Yudé ká wuúl Galilé. Uwɔbɛn Yésu uganyɛ gág ká: Sígol ólo Kapɛlɛnahúm ká ésiéŋúgí mɔɔn wám uganyá wa nigú. 48Yésu ganyɛ gág ká: «Nuguámba ká nuál guánaan mesey na bienyibienyé bá manda ká núbád guádáb e?» 49Mɔnd uwaány ganyɛ gág ká: «Ɔgúnɔ́, ólo agám gá nuyá mɔɔn wám aál umányɛ udigu.» 50Yésu ganyɛ gág ká: «Ɛmbɛ́ ɔgɔwɔ, mɔɔn wɔ́w saman guéŋúg.» Mɔnd uwaány uwádáb gugál uguány, uwond agagá. 51Anyɛ́ umáabá uganyá gubaan agagá, uwelumen na bél buol bág, bágányɛ gág ká: «Mɔɔn wɔ́w saman guéŋúg.» 52Uwófún bɔ́ gɛsɛgɛl ɛgɛ́ mɔ́nɔmbɔ méeŋúg. Obóndinyi ká: «Búyo gá gɛsɛgɛl gímoom gá buɔ́s niyo nyá gɔnɛn wɔ́.» 53Mɔnd uwaány uwabɛ́dágɛd ká agá gɛsɛgɛl igiány Yésu nyá gual gág ká: «Mɔɔn wɔ́w saman guéŋúg.» Mɔnd guádáb Yésu na nuyá nág gidigid gubanyɛg ány. 54Gisey gá gándɛ igiány Yésu máal gɛsɛgɛl ɛgɛ́ umáab guadɔ́g Yudé gá gúsɛɛ́b Galilé.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL