Sáŋa 21
21
Agá nsɔ́l ya manáŋ abɔ́sa
1Agá gélem gá giod gá medug, Yésu guand gubídíye gá bafɔ́nɔfɔ́n bág agá nsɔ́l ya manáŋ abɔ́sa wa Tibeliád#21.1 Manáŋ abɔ́sa wa Tibeliad nyá sɔ́n wa Galilé.. Nanyá búmáabɛ́dɔ́mbaán? 2Símune Piéle, Tómasia bábɛ́laná sɔ́n ká Didime, Natanahɛ́la umáabá wá gɛdɔŋ gá Kána agá giéns gá gus gá Galilé, baan bá Sebedé na bafɔ́nɔfɔ́n bá Yésu bómodió bándɛ, bámáabá ɔlɔŋ. 3Símune Piéle ganyɛ gɔ́b ká: «Yɛ́b yɔ́sɔgɔ́ muɔbɔ.» Bágányɛ gág ká: «Nsɛ́ dɛɛ́b ɔlɔŋ.» Kányɛ bámáab, abábɔ́lɛ́g agá gilu. Na budug ubuány, bádɛmadɛgɛn buanda. 4Kɔɔ́m máal na gubála, Yésu mabá ndényé agá nsɔ́l ya manáŋ abɔ́sa, bafɔ́nɔfɔ́n bág gɔg dɛmalɛns ká búmabá uwɔ́. 5Uwófún bɔ́ gɔg ká: «Begúl bám, nudɛmádɛgɛn muɔbɔ e?» Obóndinyi wɔ́ ká: «Dɛdɛmádɛgɛn ta onkól.» 6Uganyɛ gɔ́b ká: «Énuétí buoli ɔmbɔ́g ɔnɛ́m wá gilu, nugaguádɛgɛn muɔbɔ.» Ebéti gɔg buoli, bámáal néguéti, guyɔɔn bú uguáyág bɔ́ gágual ká búmadɛ́gɛ́n muɔbɔ giod. 7Ɔfɔ́nɔfɔɔ́n Yésu máabá ubíléne giod ganyɛ gá Piéle ká: «Mɔnd ugálaná gás nyɛ Ɔgúnɔ́!» Símune Piéle máal nɔ́guɔ́b anaány, uwabiág gɛla gág gá gúmuána, gágual ká uméelí gɛ́ gá gúnɔ́bɔ, uwedúmbi uwebiéti agá madɛ́ga. 8Bafɔ́nɔfɔ́n bómodió ebéndenyi gilu gá gɔ́b agá nsɔ́l boól bɔ́gɔ́gɔ́ buoli bumáabá na muɔbɔ giod. Bádɛmabá ayáyá na nsɔ́l, búmófónín bɔ́ efide duged nɔgɔ́n ká bege. 9Bámáal bámáam agá gilu, abaán yoóg ány, muɔbɔ mabá gá yɛ́, na bɛnyɔka. 10Yésu ganyɛ gɔ́b ká: «Énuúlén gɛdam gá muɔbɔ numánuadɛ́gɛ́n nɛ́nuán.» 11Símune Piéle guand gɔbɔ́lɛ́g agá gilu, uwɔgɔ́gɛ́d buoli. Búmabiánán bianta bá muɔbɔ giod, múmabá nɔgɔ́n na etín ándɛ na muát na múdadɔ. Ta anyɛ́ múmáabá giod anaány, múdimalaf buoli. 12Yésu guɔyɛd gɔ́b ká: «Ánusínyánaán.» Ta omoom ɔgɔ́b gá ɔlɔŋ udɛmabia bugaga bágual ká wófún wɔ́ ká: «Aŋuá ányá?» Gágual ká bámalɛnsaán ká búmabá Ɔgúnɔ́. 13Uwabɛ́nyɛkɛnɛn gɔg bɔ́, uwɔgɔ́l gɛnyɔka, uwefenyi bɔ́, uwaal buanda búmoom ná muɔbɔ. 14Búmabá gɛsɛgɛl gá gádadɔ Yésu máamɛ́n bɔ́ agá gélem gá guanyɔg gág aga ebeguén.
Na Yésu na Piéle
15Bámáal bámányánaan, Yésu guófún Símune Piéle ká: «Símune mɔɔn wá Sáŋa, egúmbíléne gɔdɔ́mb nɛnama bɔsɔ́gɔ́ ebe émbílénené a?» Uwondinyi ká: «Ɛ́ɛŋ, Ɔgúnɔ́ agúlɛnsaan ká ngúgubíléne.» Yésu ganyɛ gág ká: «Nɔná dɔdɔ́dɔ́mbá bám.» 16Uwand guófún wɔ́ gá gɛsɛgɛl gá gándɛ ká: «Símune, mɔɔn wá Sáŋa, egúmbíléne a?» Uwondinyi ká: «Ɛ́ɛŋ, Ɔgúnɔ́ agúlɛnsaan ká ngúgubíléne.» Yésu ganyɛ gág ká: «Nɔná bɛdɔ́mbá bám.» 17Uwand guófún gá gádadɔ ká: «Símune, mɔɔn wá Sáŋa, egúmbíléne a?»
Piéle guond gɔsɔ́g gágual ká Yésu móofún wɔ́ gá gádadɔ ká: «Egúmbíléne a?» Uwondinyi wɔ́ ká: «Ɔgúnɔ́ agúlɛnsaan buanda gidigid; agúlɛnsaan ká ngúgubíléne!» Yésu guand guɔyɛdɛn wɔ́ ká: «Nɔná bɛdɔ́mbá bám. 18Gá meliŋítas, ngúguɔyɔɔn ká, gɛsɛgɛl amáabá amaány ndɔ́mbuɔ́, amabá abiágaán kandá wɔ́w aŋuá muát, abaán kɔɔ́m amáabá ebíléne; anyɛ́ egenúlún, agabá edugi ɛmbɔ́g sɔ́w, mɔnd omodió guág kanda, wɔbaan nɔ́w kɔɔ́m aganúbá edibíléné gɔb.» 19Yésu magálá anaány gá gudíye nɛnama ná nigú Piéle énúgúenené, ká údíye nanyá Gɔdányá gúmené. Ɔwɔ́ gág sɔ́n ká: «Ɛ́ládaán.»
Yésu na ɔfɔ́nɔfɔ́n umáabá ubíléne giod
20Piéle máal úmábɛ́guagalɛd, uwaán ɔfɔ́nɔfɔ́n Yésu máabá ubíléne giod, ɔwɔ́ umáagɛ́ŋɛ́g ɔduɔ́ wág giáy gá Yésu gɛsɛgɛl bámáabá bányánan uwɔyɛd ká: «Ɔgúnɔ́ ányá ugenúgúdú?» 21Piéle máal úmáan Yésu, uganyɛ gá Yésu ká: «Ɔgúnɔ́, Ɔwɔ́, nanyá band ganuál nága e?» 22Uwondinyi Piéle ká: «Ímábá ngúbíléne ká yaál ká úsɔ́dɔɔn gɔb águám agá gusiondo gám, giág gígúbɛ́lɛ́ŋaná kɔ́ e? Aŋuá ɛ́lád.» 23Agá gugál uguány, bafɔ́nɔfɔ́n abábanyɛg gubɛ́dága ká ɔfɔ́nɔfɔ́n uwaány digegú. Nánié, Yésu dimɔyɛd gá ɔfɔ́nɔfɔ́n uwaány udigegú, umɔyɛ́d gɔg ká: «Ímábá ka ngúbíléne ká yál ká úsɔ́dɔn gɔɔbá guám agá gusiondo gám, giág gígúbɛ́lɛ́ŋaná kɔ́#21.23 «Giág gígúbɛ́lɛ́ŋaná kɔ́» dɛbá giɔ́ŋɔ́n kɔɔ́m gómodió. e?»
24Ɔfɔ́nɔfɔɔ́n waád uwaány umɔ́ɔyɔ́, uwond uwɔ́ŋɔ́ manda eme. Digúlɛnsaan ká buanda gidigid wɔyɔnɔ́ nyɛ meliŋítas. 25Yésu malá giod gá manda mómodió. Ímábá bɔ́mɔ́ɔŋɔ́ mɔ́ gidigid búmoom búmoomó, ngúbɛ́dága ká gus gidigid dɛbá bɔ́guɔ́d gugɔ́l imbɔbɔnɔ bɔ́gɔnuɔ́ŋɔ.
Àwon tá yàn lọ́wọ́lọ́wọ́ báyìí:
Sáŋa 21: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Sáŋa 21
21
Agá nsɔ́l ya manáŋ abɔ́sa
1Agá gélem gá giod gá medug, Yésu guand gubídíye gá bafɔ́nɔfɔ́n bág agá nsɔ́l ya manáŋ abɔ́sa wa Tibeliád#21.1 Manáŋ abɔ́sa wa Tibeliad nyá sɔ́n wa Galilé.. Nanyá búmáabɛ́dɔ́mbaán? 2Símune Piéle, Tómasia bábɛ́laná sɔ́n ká Didime, Natanahɛ́la umáabá wá gɛdɔŋ gá Kána agá giéns gá gus gá Galilé, baan bá Sebedé na bafɔ́nɔfɔ́n bá Yésu bómodió bándɛ, bámáabá ɔlɔŋ. 3Símune Piéle ganyɛ gɔ́b ká: «Yɛ́b yɔ́sɔgɔ́ muɔbɔ.» Bágányɛ gág ká: «Nsɛ́ dɛɛ́b ɔlɔŋ.» Kányɛ bámáab, abábɔ́lɛ́g agá gilu. Na budug ubuány, bádɛmadɛgɛn buanda. 4Kɔɔ́m máal na gubála, Yésu mabá ndényé agá nsɔ́l ya manáŋ abɔ́sa, bafɔ́nɔfɔ́n bág gɔg dɛmalɛns ká búmabá uwɔ́. 5Uwófún bɔ́ gɔg ká: «Begúl bám, nudɛmádɛgɛn muɔbɔ e?» Obóndinyi wɔ́ ká: «Dɛdɛmádɛgɛn ta onkól.» 6Uganyɛ gɔ́b ká: «Énuétí buoli ɔmbɔ́g ɔnɛ́m wá gilu, nugaguádɛgɛn muɔbɔ.» Ebéti gɔg buoli, bámáal néguéti, guyɔɔn bú uguáyág bɔ́ gágual ká búmadɛ́gɛ́n muɔbɔ giod. 7Ɔfɔ́nɔfɔɔ́n Yésu máabá ubíléne giod ganyɛ gá Piéle ká: «Mɔnd ugálaná gás nyɛ Ɔgúnɔ́!» Símune Piéle máal nɔ́guɔ́b anaány, uwabiág gɛla gág gá gúmuána, gágual ká uméelí gɛ́ gá gúnɔ́bɔ, uwedúmbi uwebiéti agá madɛ́ga. 8Bafɔ́nɔfɔ́n bómodió ebéndenyi gilu gá gɔ́b agá nsɔ́l boól bɔ́gɔ́gɔ́ buoli bumáabá na muɔbɔ giod. Bádɛmabá ayáyá na nsɔ́l, búmófónín bɔ́ efide duged nɔgɔ́n ká bege. 9Bámáal bámáam agá gilu, abaán yoóg ány, muɔbɔ mabá gá yɛ́, na bɛnyɔka. 10Yésu ganyɛ gɔ́b ká: «Énuúlén gɛdam gá muɔbɔ numánuadɛ́gɛ́n nɛ́nuán.» 11Símune Piéle guand gɔbɔ́lɛ́g agá gilu, uwɔgɔ́gɛ́d buoli. Búmabiánán bianta bá muɔbɔ giod, múmabá nɔgɔ́n na etín ándɛ na muát na múdadɔ. Ta anyɛ́ múmáabá giod anaány, múdimalaf buoli. 12Yésu guɔyɛd gɔ́b ká: «Ánusínyánaán.» Ta omoom ɔgɔ́b gá ɔlɔŋ udɛmabia bugaga bágual ká wófún wɔ́ ká: «Aŋuá ányá?» Gágual ká bámalɛnsaán ká búmabá Ɔgúnɔ́. 13Uwabɛ́nyɛkɛnɛn gɔg bɔ́, uwɔgɔ́l gɛnyɔka, uwefenyi bɔ́, uwaal buanda búmoom ná muɔbɔ. 14Búmabá gɛsɛgɛl gá gádadɔ Yésu máamɛ́n bɔ́ agá gélem gá guanyɔg gág aga ebeguén.
Na Yésu na Piéle
15Bámáal bámányánaan, Yésu guófún Símune Piéle ká: «Símune mɔɔn wá Sáŋa, egúmbíléne gɔdɔ́mb nɛnama bɔsɔ́gɔ́ ebe émbílénené a?» Uwondinyi ká: «Ɛ́ɛŋ, Ɔgúnɔ́ agúlɛnsaan ká ngúgubíléne.» Yésu ganyɛ gág ká: «Nɔná dɔdɔ́dɔ́mbá bám.» 16Uwand guófún wɔ́ gá gɛsɛgɛl gá gándɛ ká: «Símune, mɔɔn wá Sáŋa, egúmbíléne a?» Uwondinyi ká: «Ɛ́ɛŋ, Ɔgúnɔ́ agúlɛnsaan ká ngúgubíléne.» Yésu ganyɛ gág ká: «Nɔná bɛdɔ́mbá bám.» 17Uwand guófún gá gádadɔ ká: «Símune, mɔɔn wá Sáŋa, egúmbíléne a?»
Piéle guond gɔsɔ́g gágual ká Yésu móofún wɔ́ gá gádadɔ ká: «Egúmbíléne a?» Uwondinyi wɔ́ ká: «Ɔgúnɔ́ agúlɛnsaan buanda gidigid; agúlɛnsaan ká ngúgubíléne!» Yésu guand guɔyɛdɛn wɔ́ ká: «Nɔná bɛdɔ́mbá bám. 18Gá meliŋítas, ngúguɔyɔɔn ká, gɛsɛgɛl amáabá amaány ndɔ́mbuɔ́, amabá abiágaán kandá wɔ́w aŋuá muát, abaán kɔɔ́m amáabá ebíléne; anyɛ́ egenúlún, agabá edugi ɛmbɔ́g sɔ́w, mɔnd omodió guág kanda, wɔbaan nɔ́w kɔɔ́m aganúbá edibíléné gɔb.» 19Yésu magálá anaány gá gudíye nɛnama ná nigú Piéle énúgúenené, ká údíye nanyá Gɔdányá gúmené. Ɔwɔ́ gág sɔ́n ká: «Ɛ́ládaán.»
Yésu na ɔfɔ́nɔfɔ́n umáabá ubíléne giod
20Piéle máal úmábɛ́guagalɛd, uwaán ɔfɔ́nɔfɔ́n Yésu máabá ubíléne giod, ɔwɔ́ umáagɛ́ŋɛ́g ɔduɔ́ wág giáy gá Yésu gɛsɛgɛl bámáabá bányánan uwɔyɛd ká: «Ɔgúnɔ́ ányá ugenúgúdú?» 21Piéle máal úmáan Yésu, uganyɛ gá Yésu ká: «Ɔgúnɔ́, Ɔwɔ́, nanyá band ganuál nága e?» 22Uwondinyi Piéle ká: «Ímábá ngúbíléne ká yaál ká úsɔ́dɔɔn gɔb águám agá gusiondo gám, giág gígúbɛ́lɛ́ŋaná kɔ́ e? Aŋuá ɛ́lád.» 23Agá gugál uguány, bafɔ́nɔfɔ́n abábanyɛg gubɛ́dága ká ɔfɔ́nɔfɔ́n uwaány digegú. Nánié, Yésu dimɔyɛd gá ɔfɔ́nɔfɔ́n uwaány udigegú, umɔyɛ́d gɔg ká: «Ímábá ka ngúbíléne ká yál ká úsɔ́dɔn gɔɔbá guám agá gusiondo gám, giág gígúbɛ́lɛ́ŋaná kɔ́#21.23 «Giág gígúbɛ́lɛ́ŋaná kɔ́» dɛbá giɔ́ŋɔ́n kɔɔ́m gómodió. e?»
24Ɔfɔ́nɔfɔɔ́n waád uwaány umɔ́ɔyɔ́, uwond uwɔ́ŋɔ́ manda eme. Digúlɛnsaan ká buanda gidigid wɔyɔnɔ́ nyɛ meliŋítas. 25Yésu malá giod gá manda mómodió. Ímábá bɔ́mɔ́ɔŋɔ́ mɔ́ gidigid búmoom búmoomó, ngúbɛ́dága ká gus gidigid dɛbá bɔ́guɔ́d gugɔ́l imbɔbɔnɔ bɔ́gɔnuɔ́ŋɔ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL