Sáŋa 17
17
Mbísógol yá Yésu
1Yésu máal úmáagála anaány, uwedugi eŋís ugumuana uganyɛ ká: «Babá, gɛsɛgɛl mége, éŋín mɔɔn wɔ́w nugúm, uwɔ́ sɔ́n úgúfá nugúm. 2Amasɔ́gɛ́dɛ́n wɔ́ bugaga aga band gidigid ká wéŋin ebe amaáfá wɔ́ gusɔ́d gá kand nɛmanɛ́ná. 3Gusɔ́d gá kand nɛmanɛ́ná nyá ká, bágɔ́lɛns aŋuá ányá mbanda Gɔdányá, bónd bálɛ́ns ká, amandɔ́m yaŋuá Yésu Kilíse. 4Ngudíyé band bá gus nugúm nɔ́w, iyeyib buol amáamfá ká yaál. 5Nɛ́nuán Babá, mfá nugúm; nugúm imáabiánán ɔgɔ́w gá buáy gisiósio ká gus bɛ́bɔ́nd.
6«Imelinsí ɔfɛ́n wɔ́w gá ebe ɔmɔ́ɔgɔ́l egegus ayamfá, bámabá bɔ́w, ayamfá bɔ́, abábiádɛgɛnɛn gugál gɔ́w. 7Bágúlɛnsaan nɛ́nuán ká ebue gidigid amáamfá gúlenin ɔgɔwɔ, 8gágual ká gugál ugú imédúmbényínyí bɔ́ nyɛ gugál amáamfá, abálɛns gá meliŋítas ká ngúlenin ɔgɔwɔ, obónd abádáb ká aŋuá amáandɔ́m. 9Ngúbísógólonyi gɔ́b góbusió, ndigúbísógólonyi gá band bá gus, ngúbísógólonyi gá ebe amáamfá gágual ká bányɛ bɔ́w. 10Ebue gidigid búŋɔ́bɔnɛnɔ́ gúguɔ́bɔnɛn, nɛnám nímoom ebué gidigid búguɔ́bɔnɛnɔ́ ɔ́ŋɔ́bɔnɛnɔ́. Nugúm nám gúbídíyenyi gá ebe ɔbɔ́ amáamfá. 11Gubanyɛg nɛ́nuán, ndɛbá andɔ wa gus; bɔ́bɔ́, bɔ́gúlɔbɔɔn egegus, yaŋuá yiíleén ɔgɔwɔ. Babá, anyɛ ɛsámb, bɛ́dɛ́gaán bɔ́ agá bugaga bá ɔfɛ́n uwɔ́ amáamfá ká bábá omoom anyɛ́ nam nɔw dinyá omoom. 12Anyɛ́ imáabá nɔbɔ, imabɛ́dɛ́gaán bɔ́ na bugaga amáamfá. Iyanuna bɔ́, ta omoom wɔbɔ udɛmaab agá bunyím, gúmén gúdɛ́bá ewe umáabá ká ugenyím; anaány ká buánd búmɔɔ́biɔ́yɛ́d agá mbɔbɔnɔ bífuógidonyi. 13Nɛ́nuán ngúleén ɔgɔwɔ, nguɔ́yɔ manda amaány imányɛ egegus ká bɛdɔdɛn bám bá ɔgɔbɔ́ bifuógoón tás. 14Ngufúnyifunyi bɔ́ gugál gɔ́w, buád buanda band bá gus máafɛmá bɔ́ gágual ká bɔ́diguɔ́bɔnɛn gus anyɛ́ yaŋuá sɔ́n ndiɔ́bɔ́nɛ́nɔ́ gus. 15Ndigúgubísógólonyi ká éli bɔ́ egegus, ngúgubísógólonyi ká ánɔ́na bɔ́ ká ɔmbɛ́lɛmbɛ́l diál bɔ́ bɔbɛ. 16Bɔdɛguɔ́bɔnɛn gus anyɛ́ yaŋuá ndiɔ́bɔ́nɛ́nɔ́ gus. 17Aál ká bébiéŋin bɔ́bɔ́ gidigid ɔgɔwɔ, agá nŋili ya meliŋítas, gugál gɔ́w nyɛ meliŋítas. 18Anyɛ́ amáandɔ́m egegus, yaŋuá sɔ́n imádɔ́m bɔ́ kɔ́. 19Ngúbiéŋeén gidigid wam ɔgɔwɔ gɔ́b góbusió, ká agá meliŋítas bɔ́bɔ́ sɔ́n bábá gidigid wɔbɔ ɔgɔwɔ.
20«Saá gɔɔ́gɔ gɔ́b góbusió mbísógólonyó, ngúbísógólonyi sɔ́n gá ebe báganúŋádáb anyɛ́ bɔgɔnuɔ́b gugál gɔ́b. 21Babá, ngúbísógólonyi ká beme wɔbɔ bá omoom. Mɔnd omoom anyɛ́ aŋuá ányá agamia, yaŋuá ɔgɔwɔ, nsɛ́ bábá agasuá bɔ́bɔ́ sɔ́n, ká band bá gus lɛns ká aŋuá amáandɔ́m. 22Yaŋuá nguéŋin bɔ́ nugúm unú amáamfá, ká bábá omoom anyɛ́ basuá dinyá omoom, 23yaŋuá ɔgɔbɔ́, aŋuá agamia, búgaal ká bábá agá bulada busió buum. Band bá gus galɛns anaány ká aŋuá amáandɔ́m. Agúlɛ́ga bɔ́, anyɛ́ aŋlɛ́ganá. 24Babá ngúbíléne ká kɔɔ́m ɔgɔ́ inyá, ebe amáamfá bá nam, báyíkɛ́na nugúm amáamfá gágual ká amaŋlɛ́g gisiósio ká ábɔ́nd gus. 25Babá aŋuá andaná agá busi, anyɛ́ band bá gus máal bádɛ́gɔlɛnsɛ, yaŋuá gɔg iyagɔlɛns, ebe ɔbɔ́ amáamfá, abálɛns ká aŋuá amáandɔ́m. 26Imelinsí bɔ́ ɔfɛ́n wɔ́w, ngabaan nobusió na guala bú, ká ɛlɛ́ga ɛyɛ́ amáaŋlɛ́g na yɛ́ bá ɔgɔbɔ́, yaŋuá muát mbá ɔgɔbɔ́.»
Àwon tá yàn lọ́wọ́lọ́wọ́ báyìí:
Sáŋa 17: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Sáŋa 17
17
Mbísógol yá Yésu
1Yésu máal úmáagála anaány, uwedugi eŋís ugumuana uganyɛ ká: «Babá, gɛsɛgɛl mége, éŋín mɔɔn wɔ́w nugúm, uwɔ́ sɔ́n úgúfá nugúm. 2Amasɔ́gɛ́dɛ́n wɔ́ bugaga aga band gidigid ká wéŋin ebe amaáfá wɔ́ gusɔ́d gá kand nɛmanɛ́ná. 3Gusɔ́d gá kand nɛmanɛ́ná nyá ká, bágɔ́lɛns aŋuá ányá mbanda Gɔdányá, bónd bálɛ́ns ká, amandɔ́m yaŋuá Yésu Kilíse. 4Ngudíyé band bá gus nugúm nɔ́w, iyeyib buol amáamfá ká yaál. 5Nɛ́nuán Babá, mfá nugúm; nugúm imáabiánán ɔgɔ́w gá buáy gisiósio ká gus bɛ́bɔ́nd.
6«Imelinsí ɔfɛ́n wɔ́w gá ebe ɔmɔ́ɔgɔ́l egegus ayamfá, bámabá bɔ́w, ayamfá bɔ́, abábiádɛgɛnɛn gugál gɔ́w. 7Bágúlɛnsaan nɛ́nuán ká ebue gidigid amáamfá gúlenin ɔgɔwɔ, 8gágual ká gugál ugú imédúmbényínyí bɔ́ nyɛ gugál amáamfá, abálɛns gá meliŋítas ká ngúlenin ɔgɔwɔ, obónd abádáb ká aŋuá amáandɔ́m. 9Ngúbísógólonyi gɔ́b góbusió, ndigúbísógólonyi gá band bá gus, ngúbísógólonyi gá ebe amáamfá gágual ká bányɛ bɔ́w. 10Ebue gidigid búŋɔ́bɔnɛnɔ́ gúguɔ́bɔnɛn, nɛnám nímoom ebué gidigid búguɔ́bɔnɛnɔ́ ɔ́ŋɔ́bɔnɛnɔ́. Nugúm nám gúbídíyenyi gá ebe ɔbɔ́ amáamfá. 11Gubanyɛg nɛ́nuán, ndɛbá andɔ wa gus; bɔ́bɔ́, bɔ́gúlɔbɔɔn egegus, yaŋuá yiíleén ɔgɔwɔ. Babá, anyɛ ɛsámb, bɛ́dɛ́gaán bɔ́ agá bugaga bá ɔfɛ́n uwɔ́ amáamfá ká bábá omoom anyɛ́ nam nɔw dinyá omoom. 12Anyɛ́ imáabá nɔbɔ, imabɛ́dɛ́gaán bɔ́ na bugaga amáamfá. Iyanuna bɔ́, ta omoom wɔbɔ udɛmaab agá bunyím, gúmén gúdɛ́bá ewe umáabá ká ugenyím; anaány ká buánd búmɔɔ́biɔ́yɛ́d agá mbɔbɔnɔ bífuógidonyi. 13Nɛ́nuán ngúleén ɔgɔwɔ, nguɔ́yɔ manda amaány imányɛ egegus ká bɛdɔdɛn bám bá ɔgɔbɔ́ bifuógoón tás. 14Ngufúnyifunyi bɔ́ gugál gɔ́w, buád buanda band bá gus máafɛmá bɔ́ gágual ká bɔ́diguɔ́bɔnɛn gus anyɛ́ yaŋuá sɔ́n ndiɔ́bɔ́nɛ́nɔ́ gus. 15Ndigúgubísógólonyi ká éli bɔ́ egegus, ngúgubísógólonyi ká ánɔ́na bɔ́ ká ɔmbɛ́lɛmbɛ́l diál bɔ́ bɔbɛ. 16Bɔdɛguɔ́bɔnɛn gus anyɛ́ yaŋuá ndiɔ́bɔ́nɛ́nɔ́ gus. 17Aál ká bébiéŋin bɔ́bɔ́ gidigid ɔgɔwɔ, agá nŋili ya meliŋítas, gugál gɔ́w nyɛ meliŋítas. 18Anyɛ́ amáandɔ́m egegus, yaŋuá sɔ́n imádɔ́m bɔ́ kɔ́. 19Ngúbiéŋeén gidigid wam ɔgɔwɔ gɔ́b góbusió, ká agá meliŋítas bɔ́bɔ́ sɔ́n bábá gidigid wɔbɔ ɔgɔwɔ.
20«Saá gɔɔ́gɔ gɔ́b góbusió mbísógólonyó, ngúbísógólonyi sɔ́n gá ebe báganúŋádáb anyɛ́ bɔgɔnuɔ́b gugál gɔ́b. 21Babá, ngúbísógólonyi ká beme wɔbɔ bá omoom. Mɔnd omoom anyɛ́ aŋuá ányá agamia, yaŋuá ɔgɔwɔ, nsɛ́ bábá agasuá bɔ́bɔ́ sɔ́n, ká band bá gus lɛns ká aŋuá amáandɔ́m. 22Yaŋuá nguéŋin bɔ́ nugúm unú amáamfá, ká bábá omoom anyɛ́ basuá dinyá omoom, 23yaŋuá ɔgɔbɔ́, aŋuá agamia, búgaal ká bábá agá bulada busió buum. Band bá gus galɛns anaány ká aŋuá amáandɔ́m. Agúlɛ́ga bɔ́, anyɛ́ aŋlɛ́ganá. 24Babá ngúbíléne ká kɔɔ́m ɔgɔ́ inyá, ebe amáamfá bá nam, báyíkɛ́na nugúm amáamfá gágual ká amaŋlɛ́g gisiósio ká ábɔ́nd gus. 25Babá aŋuá andaná agá busi, anyɛ́ band bá gus máal bádɛ́gɔlɛnsɛ, yaŋuá gɔg iyagɔlɛns, ebe ɔbɔ́ amáamfá, abálɛns ká aŋuá amáandɔ́m. 26Imelinsí bɔ́ ɔfɛ́n wɔ́w, ngabaan nobusió na guala bú, ká ɛlɛ́ga ɛyɛ́ amáaŋlɛ́g na yɛ́ bá ɔgɔbɔ́, yaŋuá muát mbá ɔgɔbɔ́.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL