Sáŋa 13
13
Manyán má gusúgúdenyi na gusɔga gá bɛgɔnd
1Anyɛ́ ɔmbɛd wá budug bá pásaka másiámá, Yésu malɛnsaán ká gɛsɛgɛl gág gá guélíki egegus gá gɔb agá Sié masiám, uwɔ́ Yésu umebíléné buɔbɔ bányá egegus. Umabaán nobusió na gubíléne bɔ́. 2Gɛsɛgɛl Yésu na bafɔ́nɔfɔ́n bág máabá bányánan manyán má niɔ́b, Sátan mabá umámán guág agá ɔdɛm wá Yúdasa Ísikalióto mɔɔn wá Simune ká wándɛn Yésu ɛdɔg. 3Yésu malɛnsaán ká umóolín aga Gɔdányá, ugond agagá. Umalɛnsaán sɔ́n ká Sié mafá wɔ́ bugaga gá manda mem. 4Yésu uwadɔg agá gɛdál, uwéli gɛla gág gá gúmuana, uwɔgɔ́l giéns gá gɛla, uwabɛ́sɔ́mbɛ́n agá nɛdal. 5Agá gélem ány, uwesugun madɛ́ga agá gɛsuá, uwedúm gusɔga bɔ́ bɛgɔnd, ufuóno bɔ́ bɛ́ na giéns gá gɛla ɛgɛ́ umáabɛ́sɔ́mbɛ́n agá nɛdál. 6Uwanaám aga Símune Piéle, uwaal gág ká: «Ɔgúnɔ́, aŋuá ánsuga bɛgɔnd e?» 7Yésu guondinyi wɔ́ ká: «Ubú yalaná, adɛ́bá bɔ́guɔ́b bú nɛ́nuán, ɔgɔɔ́b bú agá gélem.» 8Piéle sɛ gág ká: «Yaŋuá ambaná ká ánsuga bɛgɔnd e? Puágó!» Yésu guondinyi wɔ́ ká: «Ímáal ndigusɔ́gɛ́d bɛgɔnd, adɛgadáŋáb ta buanda agamia.» 9Símune Piéle uwaal gág ká: «Ɔgúnɔ́ edisúgín gɔ́g gá bɛgɔnd, nsugá sɔ́n ɛmbɔ́g na ɔduɔ́!» 10Yésu guondinyi wɔ́ ká: «Mɔnd uségudumb, gúsulunaan gá bɛgɔnd. Udɛgand gudumb góbusió ká nuɔ́l nág gidigid nyɛ begubeg. Banuá nunyɛ begubeg, saá banuá bem gɔg.» 11Umalɛnsaán mɔnd uganuándɛn wɔ́ ɛdɔg, buád buanda umɔ́ɔyɛ́d ká: «Banuá beem nudɛbá begubeg.»
12Yésu máal úmáman gusuga bɔ́ bɛgɔnd, uwɔgɔ́l gɛla gág, uwand gulukumin agá gɛdál, uganyɛ gɔ́b ká: «Numásɔ́ŋɔ́n ubú imánuál e? 13Nugúmbɛ́laan ká “Ofúnyifúny, na sɔ́n ká Ɔgúnɔ́”, nuguɔ́yɔ bú bese, gágual ká, inyɛ ɔwɔ́ inyá. 14Ɔ́gɔ yaŋuá inyá ofúnyifúnyi wanɔ, Ɔgúnɔ́ wanɔ, imánúsúga bɛgɔnd, banuá sɔ́n nugúbianan ká núsúganɛn bɛgɔnd. 15Imánúfá bulinsi ká banuá sɔ́n nuála anyɛ́ imánunuál. 16Agá meliŋítas ngúnuɔ́yɔɔn ká eŋél buol dɛgɔ́dɔ́mbaan ɔgɔ́n waga, ta ɔsɔ́mɔsɔm sɔ́n ɔdɛgɔ́dɔ́mbaan mɔnd uságɔdɔ́m wɔ́. 17Nɛ́nuán numálɛ́ns nɔ́, ánualá anaány, nugabá agá ɛbal. 18Ndɛgúgála nɔ́ gá banuá beem, ngúlɛnsaan ebe nságuman guéyid. Búguófoon gɔg ká buóny búnyá buɔ́ŋɔ́n agá mbɔbɔnɔ bífuɔ́gi, búguɔ́yɔ ká: Mɔnd unyánaná nam nyɛ ɔmbɛ́lɛmbɛ́l wám#13.18 Alɛ́ŋɛ́d Ɛsag 41.10; Mál 14.18. 19Ngúnuɔ́yɔɔn bú nɛ́nuán ká búmésién búbiál, nuádáb ká inyɛ ɔwɔ́ inyá. 20Ngúnuɔ́yɔɔn agá meliŋítas ká mɔnd umónugóli ɔsɔ́mɔsɔm wam nságɔdɔ́m, umóngólí yaŋuá sɔ́n, mɔnd umónúngólí, mógólí sɔ́n ewe umáandɔ́m.»
Yésu mɔ́yɛ́d ká Yúdasa gedú wɔ́
21Yésu máal úmágála anaány, ɔdɛm wág uwébíbueŋidi, uganyɛ ká: «Agá meliŋítas, mɔnd agán gá ɔlɔŋ gaŋandɛn ɛdɔg.» 22Bafɔ́nɔfɔ́n bág gudúm gɔlɛ́ŋanɛn, bóbiófoon ká: Ugúgála gány aya e? 23Ɔfɔ́nɔfɔɔ́n ɔwɔ́ Yésu máabá umeny gubíléne mabá agá masiá má Yésu. 24Símune Piéle gubásɛ́d ɔfɔ́nɔfɔ́n uwaány ká: «Wófún Yésu mɔnd Yésu gálaná gág.» 25Ɔfɔ́nɔfɔɔ́n uwaány uwagɛ́ŋɛ́g ɔduɔ́ wág giáy gá Yésu, uwófún ká: «Ɔgúnɔ́, ányá wɔ́ e?» 26Yésu sɛ gág ká: «Búnyɛ ewe ngegúnuéŋin wɔ́ giéns gá gɛnyɔka ɛgɛ́ ngegúnúyúb agám gá gibúdég.» Uweyub gɛ́, uwéŋin Yúdasa mɔɔn wá Símune Ísikalióto. 27Yúdasa máal umɔ́gɔ́l gɛ́, Sátan uwebíŋín agá ɔdɛm wá Yúdasa. Yésu ganyɛ gág ká: «Buanda ambaná gual, ál bú fiaŋ fiaŋ.» 28Ta omoom ɔgɔ́b gá ɔlɔŋ dimasɔ́ŋɔ́n gá giág Yésu máagálá gág nɛnama iniány. 29Anyɛ́ Yúdasa mábiánán gɛgad gá muonyi gɔ́b, giod mabɛ́dágá ká Yésu guɔ́yɔ gág ká wɔɔ́nd manda mófonó gá budɔ́mb ɔ́gɔ ká wéŋín basɔ́gasɔga buanda. 30Yúdasa máal ugɔ́lɔɔn giéns gá gɛnyɔka, uwedúmbi guám. Mbíne mabá iganyɛ kɔ́.
Okúl uwɔgɔn
31Yúdasa máal wámana, Yésu ganyɛ ká: «Nɛ́nuán, yaŋuá Mɔɔn wá mɔnd, Gɔdányá méngúmídí. Ngedíye sɔ́n band ká Gɔdányá gúgúme. 32Ngaal ímédíye nanyá Gɔdányá gúmené, Gɔdányá muát gedíye band nanyá Mɔɔn gúmené, ugaal bú dabɔdab. 33Baaná, ndɛbá sɔ́n nanɔ gá gianta gá gɛsɛgɛl, nugaŋamba, kɔɔ́kɔ́ anyɛ́ imɔ́ɔyɛ́dɛ́n Beyúdɛn bómodió ká: “kɔɔ́m yɛbaná, nudɛbá bégúsiege kɔ́”, nɔ́ sɔ́n inuɔ́yɔnɔ́ banuá nɛ́nuán.
34«Iménuéŋín gísele gɛgɔ́s: Ánulɛ́gánɛ́n banuá na banuá. Anyɛ́ imáanúlɛ́g, banuá sɔ́n ánulɛ́gánɛ́n banuá na banuá. 35Númálɛ́ganɛn banuá na banuá, ány mɔnd gidigid ganɔ́lɛns ká nunyɛ bafɔ́nɔfɔ́n bám.»
36Símune Piéle ganyɛ ká: «Ɔgúnɔ́, áb nány e?» Yésu guondinyi wɔ́ ká: «kɔɔ́m yɛbaná, adɛbá báguŋlád kɔ́ nɛ́nuán, mɔɔn wa gɛsɛgɛl, egesién álád.» 37Piéle guondinyi ká: «Ɔgúnɔ́, gá giág ɔyɔnɔ́ ká ndɛbá bágúgulád kɔ́ nɛ́nuán e? Inyɛ abɛ́dábɔ́nán ká yéŋin gusɔ́d gám gɔ́w góbusió.» 38Yésu guondinyi ká: «Eguéŋeen gusɔ́d gɔ́w gám góbusió a! Agá meliŋítas imɔ́guɔyɛ́dɛ́n ká: Ká gided sién gidádɛ́dɛ́, agagɔ́bá amámbɛ́sáŋɔ́n bɛsɛgɛl bɛ́dadɔ.»
Àwon tá yàn lọ́wọ́lọ́wọ́ báyìí:
Sáŋa 13: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Sáŋa 13
13
Manyán má gusúgúdenyi na gusɔga gá bɛgɔnd
1Anyɛ́ ɔmbɛd wá budug bá pásaka másiámá, Yésu malɛnsaán ká gɛsɛgɛl gág gá guélíki egegus gá gɔb agá Sié masiám, uwɔ́ Yésu umebíléné buɔbɔ bányá egegus. Umabaán nobusió na gubíléne bɔ́. 2Gɛsɛgɛl Yésu na bafɔ́nɔfɔ́n bág máabá bányánan manyán má niɔ́b, Sátan mabá umámán guág agá ɔdɛm wá Yúdasa Ísikalióto mɔɔn wá Simune ká wándɛn Yésu ɛdɔg. 3Yésu malɛnsaán ká umóolín aga Gɔdányá, ugond agagá. Umalɛnsaán sɔ́n ká Sié mafá wɔ́ bugaga gá manda mem. 4Yésu uwadɔg agá gɛdál, uwéli gɛla gág gá gúmuana, uwɔgɔ́l giéns gá gɛla, uwabɛ́sɔ́mbɛ́n agá nɛdal. 5Agá gélem ány, uwesugun madɛ́ga agá gɛsuá, uwedúm gusɔga bɔ́ bɛgɔnd, ufuóno bɔ́ bɛ́ na giéns gá gɛla ɛgɛ́ umáabɛ́sɔ́mbɛ́n agá nɛdál. 6Uwanaám aga Símune Piéle, uwaal gág ká: «Ɔgúnɔ́, aŋuá ánsuga bɛgɔnd e?» 7Yésu guondinyi wɔ́ ká: «Ubú yalaná, adɛ́bá bɔ́guɔ́b bú nɛ́nuán, ɔgɔɔ́b bú agá gélem.» 8Piéle sɛ gág ká: «Yaŋuá ambaná ká ánsuga bɛgɔnd e? Puágó!» Yésu guondinyi wɔ́ ká: «Ímáal ndigusɔ́gɛ́d bɛgɔnd, adɛgadáŋáb ta buanda agamia.» 9Símune Piéle uwaal gág ká: «Ɔgúnɔ́ edisúgín gɔ́g gá bɛgɔnd, nsugá sɔ́n ɛmbɔ́g na ɔduɔ́!» 10Yésu guondinyi wɔ́ ká: «Mɔnd uségudumb, gúsulunaan gá bɛgɔnd. Udɛgand gudumb góbusió ká nuɔ́l nág gidigid nyɛ begubeg. Banuá nunyɛ begubeg, saá banuá bem gɔg.» 11Umalɛnsaán mɔnd uganuándɛn wɔ́ ɛdɔg, buád buanda umɔ́ɔyɛ́d ká: «Banuá beem nudɛbá begubeg.»
12Yésu máal úmáman gusuga bɔ́ bɛgɔnd, uwɔgɔ́l gɛla gág, uwand gulukumin agá gɛdál, uganyɛ gɔ́b ká: «Numásɔ́ŋɔ́n ubú imánuál e? 13Nugúmbɛ́laan ká “Ofúnyifúny, na sɔ́n ká Ɔgúnɔ́”, nuguɔ́yɔ bú bese, gágual ká, inyɛ ɔwɔ́ inyá. 14Ɔ́gɔ yaŋuá inyá ofúnyifúnyi wanɔ, Ɔgúnɔ́ wanɔ, imánúsúga bɛgɔnd, banuá sɔ́n nugúbianan ká núsúganɛn bɛgɔnd. 15Imánúfá bulinsi ká banuá sɔ́n nuála anyɛ́ imánunuál. 16Agá meliŋítas ngúnuɔ́yɔɔn ká eŋél buol dɛgɔ́dɔ́mbaan ɔgɔ́n waga, ta ɔsɔ́mɔsɔm sɔ́n ɔdɛgɔ́dɔ́mbaan mɔnd uságɔdɔ́m wɔ́. 17Nɛ́nuán numálɛ́ns nɔ́, ánualá anaány, nugabá agá ɛbal. 18Ndɛgúgála nɔ́ gá banuá beem, ngúlɛnsaan ebe nságuman guéyid. Búguófoon gɔg ká buóny búnyá buɔ́ŋɔ́n agá mbɔbɔnɔ bífuɔ́gi, búguɔ́yɔ ká: Mɔnd unyánaná nam nyɛ ɔmbɛ́lɛmbɛ́l wám#13.18 Alɛ́ŋɛ́d Ɛsag 41.10; Mál 14.18. 19Ngúnuɔ́yɔɔn bú nɛ́nuán ká búmésién búbiál, nuádáb ká inyɛ ɔwɔ́ inyá. 20Ngúnuɔ́yɔɔn agá meliŋítas ká mɔnd umónugóli ɔsɔ́mɔsɔm wam nságɔdɔ́m, umóngólí yaŋuá sɔ́n, mɔnd umónúngólí, mógólí sɔ́n ewe umáandɔ́m.»
Yésu mɔ́yɛ́d ká Yúdasa gedú wɔ́
21Yésu máal úmágála anaány, ɔdɛm wág uwébíbueŋidi, uganyɛ ká: «Agá meliŋítas, mɔnd agán gá ɔlɔŋ gaŋandɛn ɛdɔg.» 22Bafɔ́nɔfɔ́n bág gudúm gɔlɛ́ŋanɛn, bóbiófoon ká: Ugúgála gány aya e? 23Ɔfɔ́nɔfɔɔ́n ɔwɔ́ Yésu máabá umeny gubíléne mabá agá masiá má Yésu. 24Símune Piéle gubásɛ́d ɔfɔ́nɔfɔ́n uwaány ká: «Wófún Yésu mɔnd Yésu gálaná gág.» 25Ɔfɔ́nɔfɔɔ́n uwaány uwagɛ́ŋɛ́g ɔduɔ́ wág giáy gá Yésu, uwófún ká: «Ɔgúnɔ́, ányá wɔ́ e?» 26Yésu sɛ gág ká: «Búnyɛ ewe ngegúnuéŋin wɔ́ giéns gá gɛnyɔka ɛgɛ́ ngegúnúyúb agám gá gibúdég.» Uweyub gɛ́, uwéŋin Yúdasa mɔɔn wá Símune Ísikalióto. 27Yúdasa máal umɔ́gɔ́l gɛ́, Sátan uwebíŋín agá ɔdɛm wá Yúdasa. Yésu ganyɛ gág ká: «Buanda ambaná gual, ál bú fiaŋ fiaŋ.» 28Ta omoom ɔgɔ́b gá ɔlɔŋ dimasɔ́ŋɔ́n gá giág Yésu máagálá gág nɛnama iniány. 29Anyɛ́ Yúdasa mábiánán gɛgad gá muonyi gɔ́b, giod mabɛ́dágá ká Yésu guɔ́yɔ gág ká wɔɔ́nd manda mófonó gá budɔ́mb ɔ́gɔ ká wéŋín basɔ́gasɔga buanda. 30Yúdasa máal ugɔ́lɔɔn giéns gá gɛnyɔka, uwedúmbi guám. Mbíne mabá iganyɛ kɔ́.
Okúl uwɔgɔn
31Yúdasa máal wámana, Yésu ganyɛ ká: «Nɛ́nuán, yaŋuá Mɔɔn wá mɔnd, Gɔdányá méngúmídí. Ngedíye sɔ́n band ká Gɔdányá gúgúme. 32Ngaal ímédíye nanyá Gɔdányá gúmené, Gɔdányá muát gedíye band nanyá Mɔɔn gúmené, ugaal bú dabɔdab. 33Baaná, ndɛbá sɔ́n nanɔ gá gianta gá gɛsɛgɛl, nugaŋamba, kɔɔ́kɔ́ anyɛ́ imɔ́ɔyɛ́dɛ́n Beyúdɛn bómodió ká: “kɔɔ́m yɛbaná, nudɛbá bégúsiege kɔ́”, nɔ́ sɔ́n inuɔ́yɔnɔ́ banuá nɛ́nuán.
34«Iménuéŋín gísele gɛgɔ́s: Ánulɛ́gánɛ́n banuá na banuá. Anyɛ́ imáanúlɛ́g, banuá sɔ́n ánulɛ́gánɛ́n banuá na banuá. 35Númálɛ́ganɛn banuá na banuá, ány mɔnd gidigid ganɔ́lɛns ká nunyɛ bafɔ́nɔfɔ́n bám.»
36Símune Piéle ganyɛ ká: «Ɔgúnɔ́, áb nány e?» Yésu guondinyi wɔ́ ká: «kɔɔ́m yɛbaná, adɛbá báguŋlád kɔ́ nɛ́nuán, mɔɔn wa gɛsɛgɛl, egesién álád.» 37Piéle guondinyi ká: «Ɔgúnɔ́, gá giág ɔyɔnɔ́ ká ndɛbá bágúgulád kɔ́ nɛ́nuán e? Inyɛ abɛ́dábɔ́nán ká yéŋin gusɔ́d gám gɔ́w góbusió.» 38Yésu guondinyi ká: «Eguéŋeen gusɔ́d gɔ́w gám góbusió a! Agá meliŋítas imɔ́guɔyɛ́dɛ́n ká: Ká gided sién gidádɛ́dɛ́, agagɔ́bá amámbɛ́sáŋɔ́n bɛsɛgɛl bɛ́dadɔ.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL