Sáŋa 1
1
Gugál gá gise na gusɔ́d
1Agá nidúmín ná manda mem, gugál mabá gúganyɛ kɔ́. Ewe bábɛ́laná ká gugál mabá na Gɔdányá, uwɔ́ nɔ́ Gɔdányá. 2Umabá na Gɔdányá agá nidúmín. 3Gɔdányá uwalɔŋa manda mem naga, ta buanda bá búmoom dɛmabiál kand uwɔ́. 4Agagá gusɔ́d nyá, uwɔ́ gise góbusió bá band. 5Gise gúségéde agá mbíne, iyɛ́ ta gugɛ́ndɛ́gɛn gɛ́. 6Gɔdányá uwadɔ́m mɔnd ɔfɛ́n ká Sáŋa#1.6 Búnyɛ Sáŋa umáabá udénenyinyi. Bómodió gúbɛ́laan wɔ́ ká: Yuŋánɛsa Edényé. 7Uwuúl anyɛ eŋél gɛ́laluá wa gise, nɛnama nɛ́nyá ká band ádáb manda wɔyɔnɔ́ mábɛ́lɛŋaná gise. 8Udɛmabá gise uwɔ́ muát, ta anaány, umabá eŋél gɛ́laluá wa gɛ́. 9Gise igiány nyɛ mbanda gise, gímóol egegus gá gúsegenyi band bá gus gidigid. 10Umóol egegus, Gɔdányá madɔ́mbɛ́n agagá ká úbɔ́nd manda gidigid, ta anaány, band bá gus ebébud wɔ́. 11Umabá aga buɔbɔ, abábɔ́nda wɔ́. 12Ta anaány, ebe gidigid bámáagɛ́ndɛ́gɛ́n wɔ́, ebéŋin wɔ́ ɛdɛm sɔ́b, uwafá bɔ́ bugaga ká bɛɛ́y baan bá Gɔdányá. 13Bédimebíbién gá niɔy ná mɔnd, gúmén agá nɛnama ɛnɛ́ band bíbiénené, ta gá gubílén gá agánd na anɔ́mandɔ, Gɔdányá umiíyí bɔ́ baan bág. 14Ewe ubɛ́bɛ́laná ká gugál uwɛɛ́y mɔnd, uwɔsɔ́dɔɔ́n gadágadá wasɔ na nubo, na meliŋítas. Idiánaán nugúm nág, nugúm ímoósió yá Mɔɔn dáŋábaná aga Sié. 15Sáŋa mɔyɔ́ manda mábɛ́lɛ́ŋaná gise, umɔyɔ́ mɔ́ ekelu magɔ́gɔ́n ká: «Gá gɛ́ imáabá ngálágal yɔyɔ ká gá medug mólonó, gígɔngɔ́l gélem, gígúndúmbaan gágual ká gímakɛ́n guúl gám.» 16Umadífɔ́n basuá gidigid agá bese waga, uwand guɔ́yɛ́kɛnɛn bɛsɛgɛl ta nɛbanɛn. 17Gɔdányá agá gélem gá Moyíso medídúmbínyí bisele, bese na meliŋítas guúlenin agá Yésu Kilíse. 18Mɔnd mabása udián Gɔdányá ta buɔ́s, asiá ímoósió yág yá Mɔɔn ínyá Gɔdányá ínyá egúy naga, ɛ́yɛ́ ímáal ká band lɛns Gɔdányá.
Manda Sáŋa umáabá uduenenin mɔ́ɔyɔ́
19Bagɔn bá Beyúdɛn bá Yelúsalɛm madɔ́m bɔgɔ́gɔ na band bá nigúl ná Léfi bédílígené ká bófún Sáŋa Ká: «Anyɛ ányá e?» 20Udimeen guondinyi, uganyɛ saáŋŋ ká: «Ndɛbá Kilíse.» 21Abád guófún wɔ́ ká: «Anyɛ ányá gɔg e? Anyɛ Elí e?» Uganyɛ ká «Ágó.» «Anyɛ ibús dibídenyé e»? Uwondinyi ká: «Buákó.» 22Bágányɛ gág sɔ́n ká: «Diɔ́yɛ́dɛ́n buanda ányá, anaány ká dɛɛ́b diɔ́yɛ́dɛ́n band básaágɔdɛ́dɔ́m, nuɔwɔ nyá giág e?» 23Sáŋa guondinyi ká: «Inyɛ
Ewe ugálaná ekelu magɔ́gɔ́n agá gɛsɛɛ́sɛ yɔyɔ ká:
“Ánudábɔ́ná nŋili yá Ɔgúnɔ́.”
Anaány ibús Esayí mɔ́ɔyɛ́d.»
(Mat 3.11-12; Mál 1.7-8; Lúk 3.15-18)
24Bafalisiɛ́ŋ mabá agá ɔlɔŋɔ wá band bámáadɔ́mɛ́n Sáŋa. 25Bágányɛ gág ká: «Ímábá adɛbá Kilíse, Ɔ́gɔ ká Elí, gúmén ká ibús, góbusió bágiág eduenin e?» 26Usɛ ká: «Nŋúduenin na madɛ́ga, mɔnd gɔg nyɛ gadágadá wanɔ nunɔmɔnɔmá, 27waád mɔnd ugɔnúngɔ́l gélem; ndɛbá na bugaga bégúsuŋun duoli dá imfaŋáŋá ság.» 28Manda amaány gidigid mabɛ́dɔ́mbaán Betaní, negúné wa nɔbɔmɔ ná Yuludɛ́ŋ, kɔɔ́m Sáŋa máabá uduenen band.
Yésu ɛdɔ́dɔ́mbá yá Gɔdányá
(Mat 3.13-17; Mál 1.9-11; Lúk 3.21-22)
29Gúbélénenyi, Sáŋa guán Yésu umáabá wuúlenin wɔ́. Sáŋa ganyɛ ká: «Ɛdɔ́dɔ́mbá yá Gɔdányá eye yélenyé bɛfal bá band bá gus. 30Gág góbusió inyá gubá yɔyɔ ká: “Mɔnd gɔngɔ́l gélem, ugúndúmbaan, gágual ká umakɛ́n gám.” 31Ndiígubá nlɛnsaan wɔ́, nguúl gá gúduenen band na madɛ́ga ká band bá Ísalayɛ́l lɛns wɔ́.» 32Sáŋa guand guɔyɛd ká: «Nsaán Ɛsámb yá Mefúny yílenin ugumuana niaŋ ná nuleŋ ímɔ́lɔbɛ́n agagá. 33Ndɛɛ́gɔbá ɛlɛnsaan wɔ́, Gɔdányá umáandɔ́m ká nduenen band na madɛ́ga máal gám ká: “Mɔnd aganuán Ɛsámb yá Mefúny méselín wɔ́, yónd ílɔ́bɛn agagá, ɔwɔ́ ugenúduenen band na Ɛsámb yá Mefúny.” 34Yaŋuá muát nguán manda amaány, ngúlɛnsan ká mɔnd uwaány nyɛ Mɔɔn wá Gɔdányá.»
Bafɔ́nɔfɔ́n bá busió
35Mémbelibél, Sáŋa máand gúbá ány na bafɔ́nɔfɔ́n bág bómodió bándɛ. 36Anyɛ́ umáan Yésu dɔ́mbaan uganyɛ ká: «Ɛdɔ́dɔ́mbá yá Gɔdányá eye.» 37Bafɔ́nɔfɔ́n bá Sáŋa abaány ɔbɔɔ́b gugál uguány, abálád Yésu. 38Yésu uwabɛ́guagalɛd, uwaán ká báfɔ́nɔ́fɔɔ́n abaány mabá báládaan wɔ́, uganyɛ gɔ́b ká: «Giág nuambaná?» Bágányɛ ká: «Lábi, agúbába nány e? Lábi, anaány gúnyɛ ká Ofúnyifúny». 39Uganyɛ gɔ́b ká: «Énuúl, nugaguán.» Abáb, abaán kɔɔ́m umáabá ubába, ebédúmbi giéns gá buɔ́s igiány naga. Búmabá búgányɛ buanda bá bɛsɛgɛl bíní bá niɔ́b. 40Omoom wá band bándɛ abaány bɔ́mɔ́ɔb buanda Sáŋa máabá wɔyɔ obónd abálád Yésu mabá ɔfɛ́n ká Andelé, umabá endimen Símune Piéle. 41Mɔnd wobusió Andelé umáakɛ́n gulumen naga mabá endimen waga Símune; uganyɛ gá Símune ká: «Disaán Mesí!» Anaány gúnyɛ ká Kilíse Bɔ́dɔ́búnɔ. 42Uwuban Símune agá Yésu. Yésu uwalɛ́ŋɛ́d wɔ́, uganyɛ ká: «Anyɛ Símune, ɔfɛ́n wá tiɔ́ únyɛ ká Sáŋa. Bágagubɛ́laan ká Séfasa.» Anaány gúnyɛ ká Piéle.
43Anyɛ́, Yésu máambá gɔb Galilé mémbelibeli. Uwelumen ná Fílibe, Yésu ganyɛ gág ká: «Ɛ́lad.» 44Fílibe waád mabá wá tísɔn wa Bɛ́tɛ́sayída unyá sɔ́n wa Andelé nɔbɔ na Piéle. 45Fílibe gɔb aga Natanayɛ́la, uganyɛ gág ká: «Diselumen na mɔnd uwɔ́ Moyíso mɔ́ɔyɔ́ agá mbɔbɔnɔ ya bisele. Wád mɔnd mubús má Gɔdányá máand guɔyɔ sɔ́n. Yésu wa tísɔn wa Násalɛd wɔ́, mɔɔn wá Yɔ́sɛba.» 46Natanayɛ́la ganyɛ gág ká: «Buanda bá bese nyɛ báguámɛ́n ány e?» Fílibe guondinyi wɔ́ ká: «Oól, án.» 47Yésu guán Natanayɛ́la wúlenin wɔ́, uganyɛ ká: «Ɛ́nɛ́ mbanda mɔnd wa Ísalayɛ́l ewe, udɛba na gɛsɔbɔ.» 48Natanayɛ́la guófún wɔ́ ká: «Nanyá alɛnsaan e?» Uwondinyi wɔ́ ká: «Nsaguán anyɛ́ aságubá gúsigúsié wa bɔdɛ́d bábɛ́laná ká figiyé gisiósio ká Fílibe gɔbɛ́lɛ́gɛn.» 49Natanayɛla ganyɛ gág ká: «Ofúnyifúny anyɛ ofuŋ wá Ísalayɛ́la, aŋuá nɔ́ Mɔɔn wá Gɔdányá.» 50Yésu guondinyi ká: «Aguádábaan gágual ká mmaál gɔ́w ká nsaguán gúsigúsié wa figiyé. Agánaán bianta bá manda gudɔ́mb ubuány.» 51Uwand guɔ́yɛ́kɛnɛn ká: «Agá meliŋítas ngúnuɔ́yɔɔn, nugaán muana mufuúnén nuónd nuán ɛngɛlɛs bá Gɔdányá bábɔ́lɛ́gaan, béséleen agá ɔduɔ́ wá Mɔɔn wá mɔnd.»
Àwon tá yàn lọ́wọ́lọ́wọ́ báyìí:
Sáŋa 1: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Sáŋa 1
1
Gugál gá gise na gusɔ́d
1Agá nidúmín ná manda mem, gugál mabá gúganyɛ kɔ́. Ewe bábɛ́laná ká gugál mabá na Gɔdányá, uwɔ́ nɔ́ Gɔdányá. 2Umabá na Gɔdányá agá nidúmín. 3Gɔdányá uwalɔŋa manda mem naga, ta buanda bá búmoom dɛmabiál kand uwɔ́. 4Agagá gusɔ́d nyá, uwɔ́ gise góbusió bá band. 5Gise gúségéde agá mbíne, iyɛ́ ta gugɛ́ndɛ́gɛn gɛ́. 6Gɔdányá uwadɔ́m mɔnd ɔfɛ́n ká Sáŋa#1.6 Búnyɛ Sáŋa umáabá udénenyinyi. Bómodió gúbɛ́laan wɔ́ ká: Yuŋánɛsa Edényé. 7Uwuúl anyɛ eŋél gɛ́laluá wa gise, nɛnama nɛ́nyá ká band ádáb manda wɔyɔnɔ́ mábɛ́lɛŋaná gise. 8Udɛmabá gise uwɔ́ muát, ta anaány, umabá eŋél gɛ́laluá wa gɛ́. 9Gise igiány nyɛ mbanda gise, gímóol egegus gá gúsegenyi band bá gus gidigid. 10Umóol egegus, Gɔdányá madɔ́mbɛ́n agagá ká úbɔ́nd manda gidigid, ta anaány, band bá gus ebébud wɔ́. 11Umabá aga buɔbɔ, abábɔ́nda wɔ́. 12Ta anaány, ebe gidigid bámáagɛ́ndɛ́gɛ́n wɔ́, ebéŋin wɔ́ ɛdɛm sɔ́b, uwafá bɔ́ bugaga ká bɛɛ́y baan bá Gɔdányá. 13Bédimebíbién gá niɔy ná mɔnd, gúmén agá nɛnama ɛnɛ́ band bíbiénené, ta gá gubílén gá agánd na anɔ́mandɔ, Gɔdányá umiíyí bɔ́ baan bág. 14Ewe ubɛ́bɛ́laná ká gugál uwɛɛ́y mɔnd, uwɔsɔ́dɔɔ́n gadágadá wasɔ na nubo, na meliŋítas. Idiánaán nugúm nág, nugúm ímoósió yá Mɔɔn dáŋábaná aga Sié. 15Sáŋa mɔyɔ́ manda mábɛ́lɛ́ŋaná gise, umɔyɔ́ mɔ́ ekelu magɔ́gɔ́n ká: «Gá gɛ́ imáabá ngálágal yɔyɔ ká gá medug mólonó, gígɔngɔ́l gélem, gígúndúmbaan gágual ká gímakɛ́n guúl gám.» 16Umadífɔ́n basuá gidigid agá bese waga, uwand guɔ́yɛ́kɛnɛn bɛsɛgɛl ta nɛbanɛn. 17Gɔdányá agá gélem gá Moyíso medídúmbínyí bisele, bese na meliŋítas guúlenin agá Yésu Kilíse. 18Mɔnd mabása udián Gɔdányá ta buɔ́s, asiá ímoósió yág yá Mɔɔn ínyá Gɔdányá ínyá egúy naga, ɛ́yɛ́ ímáal ká band lɛns Gɔdányá.
Manda Sáŋa umáabá uduenenin mɔ́ɔyɔ́
19Bagɔn bá Beyúdɛn bá Yelúsalɛm madɔ́m bɔgɔ́gɔ na band bá nigúl ná Léfi bédílígené ká bófún Sáŋa Ká: «Anyɛ ányá e?» 20Udimeen guondinyi, uganyɛ saáŋŋ ká: «Ndɛbá Kilíse.» 21Abád guófún wɔ́ ká: «Anyɛ ányá gɔg e? Anyɛ Elí e?» Uganyɛ ká «Ágó.» «Anyɛ ibús dibídenyé e»? Uwondinyi ká: «Buákó.» 22Bágányɛ gág sɔ́n ká: «Diɔ́yɛ́dɛ́n buanda ányá, anaány ká dɛɛ́b diɔ́yɛ́dɛ́n band básaágɔdɛ́dɔ́m, nuɔwɔ nyá giág e?» 23Sáŋa guondinyi ká: «Inyɛ
Ewe ugálaná ekelu magɔ́gɔ́n agá gɛsɛɛ́sɛ yɔyɔ ká:
“Ánudábɔ́ná nŋili yá Ɔgúnɔ́.”
Anaány ibús Esayí mɔ́ɔyɛ́d.»
(Mat 3.11-12; Mál 1.7-8; Lúk 3.15-18)
24Bafalisiɛ́ŋ mabá agá ɔlɔŋɔ wá band bámáadɔ́mɛ́n Sáŋa. 25Bágányɛ gág ká: «Ímábá adɛbá Kilíse, Ɔ́gɔ ká Elí, gúmén ká ibús, góbusió bágiág eduenin e?» 26Usɛ ká: «Nŋúduenin na madɛ́ga, mɔnd gɔg nyɛ gadágadá wanɔ nunɔmɔnɔmá, 27waád mɔnd ugɔnúngɔ́l gélem; ndɛbá na bugaga bégúsuŋun duoli dá imfaŋáŋá ság.» 28Manda amaány gidigid mabɛ́dɔ́mbaán Betaní, negúné wa nɔbɔmɔ ná Yuludɛ́ŋ, kɔɔ́m Sáŋa máabá uduenen band.
Yésu ɛdɔ́dɔ́mbá yá Gɔdányá
(Mat 3.13-17; Mál 1.9-11; Lúk 3.21-22)
29Gúbélénenyi, Sáŋa guán Yésu umáabá wuúlenin wɔ́. Sáŋa ganyɛ ká: «Ɛdɔ́dɔ́mbá yá Gɔdányá eye yélenyé bɛfal bá band bá gus. 30Gág góbusió inyá gubá yɔyɔ ká: “Mɔnd gɔngɔ́l gélem, ugúndúmbaan, gágual ká umakɛ́n gám.” 31Ndiígubá nlɛnsaan wɔ́, nguúl gá gúduenen band na madɛ́ga ká band bá Ísalayɛ́l lɛns wɔ́.» 32Sáŋa guand guɔyɛd ká: «Nsaán Ɛsámb yá Mefúny yílenin ugumuana niaŋ ná nuleŋ ímɔ́lɔbɛ́n agagá. 33Ndɛɛ́gɔbá ɛlɛnsaan wɔ́, Gɔdányá umáandɔ́m ká nduenen band na madɛ́ga máal gám ká: “Mɔnd aganuán Ɛsámb yá Mefúny méselín wɔ́, yónd ílɔ́bɛn agagá, ɔwɔ́ ugenúduenen band na Ɛsámb yá Mefúny.” 34Yaŋuá muát nguán manda amaány, ngúlɛnsan ká mɔnd uwaány nyɛ Mɔɔn wá Gɔdányá.»
Bafɔ́nɔfɔ́n bá busió
35Mémbelibél, Sáŋa máand gúbá ány na bafɔ́nɔfɔ́n bág bómodió bándɛ. 36Anyɛ́ umáan Yésu dɔ́mbaan uganyɛ ká: «Ɛdɔ́dɔ́mbá yá Gɔdányá eye.» 37Bafɔ́nɔfɔ́n bá Sáŋa abaány ɔbɔɔ́b gugál uguány, abálád Yésu. 38Yésu uwabɛ́guagalɛd, uwaán ká báfɔ́nɔ́fɔɔ́n abaány mabá báládaan wɔ́, uganyɛ gɔ́b ká: «Giág nuambaná?» Bágányɛ ká: «Lábi, agúbába nány e? Lábi, anaány gúnyɛ ká Ofúnyifúny». 39Uganyɛ gɔ́b ká: «Énuúl, nugaguán.» Abáb, abaán kɔɔ́m umáabá ubába, ebédúmbi giéns gá buɔ́s igiány naga. Búmabá búgányɛ buanda bá bɛsɛgɛl bíní bá niɔ́b. 40Omoom wá band bándɛ abaány bɔ́mɔ́ɔb buanda Sáŋa máabá wɔyɔ obónd abálád Yésu mabá ɔfɛ́n ká Andelé, umabá endimen Símune Piéle. 41Mɔnd wobusió Andelé umáakɛ́n gulumen naga mabá endimen waga Símune; uganyɛ gá Símune ká: «Disaán Mesí!» Anaány gúnyɛ ká Kilíse Bɔ́dɔ́búnɔ. 42Uwuban Símune agá Yésu. Yésu uwalɛ́ŋɛ́d wɔ́, uganyɛ ká: «Anyɛ Símune, ɔfɛ́n wá tiɔ́ únyɛ ká Sáŋa. Bágagubɛ́laan ká Séfasa.» Anaány gúnyɛ ká Piéle.
43Anyɛ́, Yésu máambá gɔb Galilé mémbelibeli. Uwelumen ná Fílibe, Yésu ganyɛ gág ká: «Ɛ́lad.» 44Fílibe waád mabá wá tísɔn wa Bɛ́tɛ́sayída unyá sɔ́n wa Andelé nɔbɔ na Piéle. 45Fílibe gɔb aga Natanayɛ́la, uganyɛ gág ká: «Diselumen na mɔnd uwɔ́ Moyíso mɔ́ɔyɔ́ agá mbɔbɔnɔ ya bisele. Wád mɔnd mubús má Gɔdányá máand guɔyɔ sɔ́n. Yésu wa tísɔn wa Násalɛd wɔ́, mɔɔn wá Yɔ́sɛba.» 46Natanayɛ́la ganyɛ gág ká: «Buanda bá bese nyɛ báguámɛ́n ány e?» Fílibe guondinyi wɔ́ ká: «Oól, án.» 47Yésu guán Natanayɛ́la wúlenin wɔ́, uganyɛ ká: «Ɛ́nɛ́ mbanda mɔnd wa Ísalayɛ́l ewe, udɛba na gɛsɔbɔ.» 48Natanayɛ́la guófún wɔ́ ká: «Nanyá alɛnsaan e?» Uwondinyi wɔ́ ká: «Nsaguán anyɛ́ aságubá gúsigúsié wa bɔdɛ́d bábɛ́laná ká figiyé gisiósio ká Fílibe gɔbɛ́lɛ́gɛn.» 49Natanayɛla ganyɛ gág ká: «Ofúnyifúny anyɛ ofuŋ wá Ísalayɛ́la, aŋuá nɔ́ Mɔɔn wá Gɔdányá.» 50Yésu guondinyi ká: «Aguádábaan gágual ká mmaál gɔ́w ká nsaguán gúsigúsié wa figiyé. Agánaán bianta bá manda gudɔ́mb ubuány.» 51Uwand guɔ́yɛ́kɛnɛn ká: «Agá meliŋítas ngúnuɔ́yɔɔn, nugaán muana mufuúnén nuónd nuán ɛngɛlɛs bá Gɔdányá bábɔ́lɛ́gaan, béséleen agá ɔduɔ́ wá Mɔɔn wá mɔnd.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL