Bielínyélínyé 5
5
Na Ananiása na Safíla
1Kányɛ mɔnd anyɛ Ananiása méeduú giéns gág gá gus, uwɔ́ ekelu ómoom na agany waga Safíla. 2Ɔbɔ́bɔ́n na agany waga ká, anyɛ́ béménudú gus, básɔ́mb gɛdám gá muonyi bábɛ́dɛ́gɛn. Músiénené, béŋín gá bedúmeb. 3Piéle ganyɛ ká: «Ananiása, giág Sátan mánuág ɔgɔ́w gá ɔdɛm e? Eménéŋ Ɛsámb yá Méfuny, ɔmɔ́lɔbɔ́n giéns gá muonyi má gus. 4Águbá wa gutɛɛ́n giéns gɔ́w gá gus ta gudú, ɔ́gɔ ká émédú gɛ́ aal ubú ebílénené na muonyi. Nanyá buóny ubuány nyá gugúulín agá ɔdɛm e? Saá basuá band eménunéŋ, eménéŋ Gɔdányá.» 5Ananiása máal úmɔ́ɔb gugál uguány, uwagua, uwegú. Gianta gá buwa igiádɛgɛn ebe bɔ́mɔɔ́bɔɔ́n bú. 6Bɛndɔmbuɔ́ bá band ibiíl, ibiémúŋe gɛlɔŋ gág, obónonyó. 7Buanda anyɛ bɛsɛgɛl bɛ́dadɔ máal bɛ́mádɔ́mbɔ, agany Ananiása uwesiege, udɛlɛnsaán ubú búsiégusién búbɛ́dɔ́mb. 8Piéle ganyɛ gág ká: «Nŋɔyɛ́dɛ́n, numedú giéns gán gá gus gá muonyi ana e?» Uwondinyi ká: «Ɛ́ɛɛ, gá muonyi anaány.» 9Piéle guófún wɔ́ ká: «Nanyá nunyá guɔ́bɔ́n gá gúbɛɛ́ŋ Ɛsámb yá Mefúny yá Ɔgúnɔ́ e? Bɛ́dɔ́lɛ́gɛ́n, ebe básaágɔb gá guonyó ɔnɛ́m wɔw ganyɛ kɔ́. Bágaágɔdɔ́mbán aŋuá sɔ́n.» 10Kɔ́ nɔ kɔ́, uwagua agá bɛgɔnd bá Piéle, uwegú. Bɛndɔmbuɔ́ bá band ibiány gubíŋín, gufuɔg wɔ́ eguén. Abádɔ́mbán wɔ́, obónonyó wɔ́ agá buáy bá ɔnɛ́m. 11Beédéb gidigid na ebe gidigid bɔ́mɔ́ɔb buóny ubuány, abábia gianta gá buwa.
Bisey bá bedúmeb
12Bedúmeb malá giod gá bisey na bigégén bá manda agá giɔ́b igiány. Beédéb mabɛ́gɔ́sá bɔ́bɔ́ bem ɔdɛm ómoom agá balánda wa Salomɔ́ŋɔ. 13Ta mɔnd ondodió udɛmamag guɔbíɔyɛ́kɛ́nɛ́n bɔ́. Ta anaány giɔ́b igiány gɛ́gɛ́ gíbíléne bɔ́ giod. 14Biŋi bá band giodó giod méeŋín ɛdɛm sɔ́b aga Ɔgúnɔ́, na banɔ́mandɔ na bagánd mɔbíɔyɛ́kɔ́nɛ́n agá ɔlɔŋ wɔ́b. 15Abámaan na band bámáanɔ́má agá buáy bá bɛbala, abágaan bɔ́ agá bikund ká, gigúl Piéle dɔ́mbaná, gíliíndié gág bísíd omoom ɔgɔ́b gá ɔlɔŋ 16Biŋi bá band móolónín sɔ́n agá bɛdɔŋ bínyá agá masiá má Yelúsalɛm. Bómóoloón na ebe bámáanɔ́má, na bámáabiánán biád bá bíliíndié; béméeŋúg bɔ́bɔ́ bem.
Bóguóbígonyi bedúmeb
17Kányɛ ɔgɔ́gɔ na ebe gidigid bámáabá naga; anaány gúnyá ká band bá ɔlɔŋ wá Basaduseyɛ́ŋ#5.17 Basaduseyɛ́ŋ nyɛ band bádiádábáná guanyɔg gá ebeguén máabanyɛ́g gualaan bedúmeb yaág. 18Abádɛgɛn bedúmeb, ebéti bɔ́ agá gians gá mbíne, band ánaan. 19Na budug gɔ́g, ɛngɛlɛs ya Ɔgúnɔ́ gufuun eŋíd yá gians gá mbíne, uwémi bedúmeb uganyɛ gɔ́b ká: 20«Ánɔ́b agá ɔnyɛb wá Gɔdányá, núdélímin kɔ́, nuɔ́yɔɔn band gidigid gugál gá gusɔ́d ugugɔ́s!» 21Abaál anyɛ́ umɔ́ɔyɛ́dɛ́n bɔ́. Gubélénenyi, abáb agá ɔnyɛb wá Gɔdányá, abábanyɛg gufúnyifunyi kɔ́. 22Anyɛ́ musia máasiáma, múdimɔfuɔg bedúmeb. Umuónd, muámána, múgányɛ ká: 23«Dimɔ́fuɔ́gɛ́n gians gá mbíne gɛfɛlán ta bɔ́guɔyɔ, musia sabá ndényé agá eŋid yá bians gá afá. Anyɛ́ diseégufuun gɔg, dɛdɛmaán ta mɔnd.» 24Anyɛ́ ɔgɔn wa begiíg wa gians gá Gɔdányá, na bɔgɔ́gɔ mɔ́ɔb anaány, bádɛmalɛns báguand gual, abábanyɛg gubiófoon nanyá buóny ubuány gagúnúmán. 25Ta anaány, mɔnd uwɔsiɔyɛ́dɛ́n bɔ́ ká: «Band nusaáguág agá gians gá mbíne gúfunyifunyi band agá gians gá Gɔdányá.» 26Ɔgɔ́n wa begiíg na bɔsɔ́g bág abáb gá guadɛ́gɛ́n bedúmeb ká bósiondoón bɔ́. Bádimadɛgɛn bɔ́ agá ɔyɔ́g gágual ká bémedíné ká band geguétenyi bɔ́ adány.
27Bámáal ná gusiámán bɔ́, ebédéliminyi bɔ́ agá nɛgál ɛnɛgɔn, ɔgɔn wa bɔgɔ́gɔ gányɛ gɔ́b ká: 28«Dimenúlég busió bum ká nudiánd gúfúnyifunyi agá ɔfɛ́n uwaány, banuá abaány nusaáguman gufuógi Yelúsalɛm na gufúnyifunyi gán, nuguámba gudiáyɛ́gɛn nigú na mɔnd uwaány e?» 29Na Piéle na bedúmeb bóndodi guondinyi bɔ́ gɔg ká: «Búguófoon guala Gɔdányá nŋɔ́bɛnɔ gɔdɔ́mb ká band. 30Gɔdányá wa besié ɔgúnɔ́ bás menyí Yésu aga ebeguén, Yésu uwɔ́ banuá numɔ́ɔn gigúl numáadɔ́ŋ wɔ́ agá ɛgɔnɔ. 31Uwɔ́ waád Gɔdányá méebúlígí wɔ́ agág gá ɔmbɔ́g ɔnɛ́m anɛ ofuŋ na osód, ká nigúl ná Ísalayɛl núgi bielínyélínyé, nɛ́dáŋáb gɛnɛnɛna gá bɛfal bág. 32Dinyɛ bél bɛ́laluá bá manda amaány gidigid, nasɔ na Ɛsámb yá Mefúny ɛyɛ́ Gɔdányá méeŋín gá ebe bálaná wɔ́ nŋɔ́bɛnɔ.»
33Anyɛ́ band bá nɛgál mɔ́ɔb gugál uguány, ɔbɔ́b ilób giod, abámbɛd ká bɔɔ́n bedúmeb. 34Mɔnd agá ɔlɔŋ wá nɛgál ɛnɛgɔn ná Beyúdɛn guadɔg gɔg, umabá falisiɛ́ŋ ɔfɛ́n ká Gamaliɛ́la, olínsi bisele, nigúl ná Ísalayɛ́l gidigid mɔgɔ́lɔɔ́n wɔ́ gianta gá buanda. Uganyɛ ká bál guémi bedúmeb gá mɔɔn wá gɛsɛgɛl. 35Uwɔgɔ́l gugál uganyɛ ká: «Banuá band bá Ísalayɛl, ánubɛ́nyáŋanyáŋ na buand ubú nugagúnuál na band abaány. 36Búmányɛ búdiála gianta gá gɛsɛgɛl, dinyá guánaan mɔnd ondodi ɔfɛ́n ká Tédasa umɔ́ɔyɔ́ ká unyɛ mɔnd wa mfí, band buanda bá dɔgɔ́n dúni abálád wɔ́. Uwɔ́ muát ɔbɔɔ́n wɔ́, ebe gidigid bámáalád wɔ́ abásálámand, ta buand búdɛmand gulɔb. 37Idiand guán mɔnd anyɛ Yúdasa wá Galilé, uwɔ́, band giod máalád wɔ́, búmabá gá gɛ́sɛgɛl ɛgɛ́ ofuŋ uwɔgɔ́n méeŋín bugaga ká baál nɛláŋ ná gɛdɔŋ. Uwɔ́ sɔ́n uwegu, anaány ebe gidigid bámáabá naga máasálámánd. 38Nɛ́nuán gɔg ngúnuɔ́yɔɔn ká, nudiánd gúgɔ́l gɛsɛgɛl na band abaány, ánɔtɛɛ́n bɔ́ bádɔ́mb. Mmábá ká mbɛ́dágɛ́dɛ́n na bielínyélínyé bɔ́b nyɛ gá guɔyɛd gá band, mágaságɛ́n mɔ́mɔ́ muát. 39Ímábá gɔg búnyɛ́ guɔyɛd gá Gɔdányá, nudiínúségínyí mɔ́. Ánɔbɛ́nyáŋanyáŋ, búdiguófoon ká dɛ́bá agá ɔlɔŋ wá bambɛ́lɛmbɛ́l bá Gɔdányá, band abádáb mbɛ́dágɛ́dɛ́n yá Gamaliɛ́la.»
40Bɔ́bɔ́ gubɛ́lɛ́gɛn bedúmeb, ɔbɔyɛd ká bégíde bɔ́, abábɛ́dɛɛ́n bedúmeb ká bádiánd gúgálɛ́d agá ɔfɛ́n wá Yésu, abátɛɛ́n bɔ́. 41Bedúmeb guadɔg agá nɛgál ɛnɛgɔn ná Beyúdɛn agá bɛdɔdɛn gágual ká Gɔdányá máan bese ká bɔ́bɛ́g góbusió bá ɔfɛ́n wa Yésu. 42Sig buɔ́siɔ́, agá ɔnyɛ́b wá Gɔdányá na agá duyá, bɔ́dimɔdɔmb gufúnyifunyi, na guɔyɔ Ndág ya Nsɔ́m yá Yésu Kilíse.
Àwon tá yàn lọ́wọ́lọ́wọ́ báyìí:
Bielínyélínyé 5: MMU2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL
Bielínyélínyé 5
5
Na Ananiása na Safíla
1Kányɛ mɔnd anyɛ Ananiása méeduú giéns gág gá gus, uwɔ́ ekelu ómoom na agany waga Safíla. 2Ɔbɔ́bɔ́n na agany waga ká, anyɛ́ béménudú gus, básɔ́mb gɛdám gá muonyi bábɛ́dɛ́gɛn. Músiénené, béŋín gá bedúmeb. 3Piéle ganyɛ ká: «Ananiása, giág Sátan mánuág ɔgɔ́w gá ɔdɛm e? Eménéŋ Ɛsámb yá Méfuny, ɔmɔ́lɔbɔ́n giéns gá muonyi má gus. 4Águbá wa gutɛɛ́n giéns gɔ́w gá gus ta gudú, ɔ́gɔ ká émédú gɛ́ aal ubú ebílénené na muonyi. Nanyá buóny ubuány nyá gugúulín agá ɔdɛm e? Saá basuá band eménunéŋ, eménéŋ Gɔdányá.» 5Ananiása máal úmɔ́ɔb gugál uguány, uwagua, uwegú. Gianta gá buwa igiádɛgɛn ebe bɔ́mɔɔ́bɔɔ́n bú. 6Bɛndɔmbuɔ́ bá band ibiíl, ibiémúŋe gɛlɔŋ gág, obónonyó. 7Buanda anyɛ bɛsɛgɛl bɛ́dadɔ máal bɛ́mádɔ́mbɔ, agany Ananiása uwesiege, udɛlɛnsaán ubú búsiégusién búbɛ́dɔ́mb. 8Piéle ganyɛ gág ká: «Nŋɔyɛ́dɛ́n, numedú giéns gán gá gus gá muonyi ana e?» Uwondinyi ká: «Ɛ́ɛɛ, gá muonyi anaány.» 9Piéle guófún wɔ́ ká: «Nanyá nunyá guɔ́bɔ́n gá gúbɛɛ́ŋ Ɛsámb yá Mefúny yá Ɔgúnɔ́ e? Bɛ́dɔ́lɛ́gɛ́n, ebe básaágɔb gá guonyó ɔnɛ́m wɔw ganyɛ kɔ́. Bágaágɔdɔ́mbán aŋuá sɔ́n.» 10Kɔ́ nɔ kɔ́, uwagua agá bɛgɔnd bá Piéle, uwegú. Bɛndɔmbuɔ́ bá band ibiány gubíŋín, gufuɔg wɔ́ eguén. Abádɔ́mbán wɔ́, obónonyó wɔ́ agá buáy bá ɔnɛ́m. 11Beédéb gidigid na ebe gidigid bɔ́mɔ́ɔb buóny ubuány, abábia gianta gá buwa.
Bisey bá bedúmeb
12Bedúmeb malá giod gá bisey na bigégén bá manda agá giɔ́b igiány. Beédéb mabɛ́gɔ́sá bɔ́bɔ́ bem ɔdɛm ómoom agá balánda wa Salomɔ́ŋɔ. 13Ta mɔnd ondodió udɛmamag guɔbíɔyɛ́kɛ́nɛ́n bɔ́. Ta anaány giɔ́b igiány gɛ́gɛ́ gíbíléne bɔ́ giod. 14Biŋi bá band giodó giod méeŋín ɛdɛm sɔ́b aga Ɔgúnɔ́, na banɔ́mandɔ na bagánd mɔbíɔyɛ́kɔ́nɛ́n agá ɔlɔŋ wɔ́b. 15Abámaan na band bámáanɔ́má agá buáy bá bɛbala, abágaan bɔ́ agá bikund ká, gigúl Piéle dɔ́mbaná, gíliíndié gág bísíd omoom ɔgɔ́b gá ɔlɔŋ 16Biŋi bá band móolónín sɔ́n agá bɛdɔŋ bínyá agá masiá má Yelúsalɛm. Bómóoloón na ebe bámáanɔ́má, na bámáabiánán biád bá bíliíndié; béméeŋúg bɔ́bɔ́ bem.
Bóguóbígonyi bedúmeb
17Kányɛ ɔgɔ́gɔ na ebe gidigid bámáabá naga; anaány gúnyá ká band bá ɔlɔŋ wá Basaduseyɛ́ŋ#5.17 Basaduseyɛ́ŋ nyɛ band bádiádábáná guanyɔg gá ebeguén máabanyɛ́g gualaan bedúmeb yaág. 18Abádɛgɛn bedúmeb, ebéti bɔ́ agá gians gá mbíne, band ánaan. 19Na budug gɔ́g, ɛngɛlɛs ya Ɔgúnɔ́ gufuun eŋíd yá gians gá mbíne, uwémi bedúmeb uganyɛ gɔ́b ká: 20«Ánɔ́b agá ɔnyɛb wá Gɔdányá, núdélímin kɔ́, nuɔ́yɔɔn band gidigid gugál gá gusɔ́d ugugɔ́s!» 21Abaál anyɛ́ umɔ́ɔyɛ́dɛ́n bɔ́. Gubélénenyi, abáb agá ɔnyɛb wá Gɔdányá, abábanyɛg gufúnyifunyi kɔ́. 22Anyɛ́ musia máasiáma, múdimɔfuɔg bedúmeb. Umuónd, muámána, múgányɛ ká: 23«Dimɔ́fuɔ́gɛ́n gians gá mbíne gɛfɛlán ta bɔ́guɔyɔ, musia sabá ndényé agá eŋid yá bians gá afá. Anyɛ́ diseégufuun gɔg, dɛdɛmaán ta mɔnd.» 24Anyɛ́ ɔgɔn wa begiíg wa gians gá Gɔdányá, na bɔgɔ́gɔ mɔ́ɔb anaány, bádɛmalɛns báguand gual, abábanyɛg gubiófoon nanyá buóny ubuány gagúnúmán. 25Ta anaány, mɔnd uwɔsiɔyɛ́dɛ́n bɔ́ ká: «Band nusaáguág agá gians gá mbíne gúfunyifunyi band agá gians gá Gɔdányá.» 26Ɔgɔ́n wa begiíg na bɔsɔ́g bág abáb gá guadɛ́gɛ́n bedúmeb ká bósiondoón bɔ́. Bádimadɛgɛn bɔ́ agá ɔyɔ́g gágual ká bémedíné ká band geguétenyi bɔ́ adány.
27Bámáal ná gusiámán bɔ́, ebédéliminyi bɔ́ agá nɛgál ɛnɛgɔn, ɔgɔn wa bɔgɔ́gɔ gányɛ gɔ́b ká: 28«Dimenúlég busió bum ká nudiánd gúfúnyifunyi agá ɔfɛ́n uwaány, banuá abaány nusaáguman gufuógi Yelúsalɛm na gufúnyifunyi gán, nuguámba gudiáyɛ́gɛn nigú na mɔnd uwaány e?» 29Na Piéle na bedúmeb bóndodi guondinyi bɔ́ gɔg ká: «Búguófoon guala Gɔdányá nŋɔ́bɛnɔ gɔdɔ́mb ká band. 30Gɔdányá wa besié ɔgúnɔ́ bás menyí Yésu aga ebeguén, Yésu uwɔ́ banuá numɔ́ɔn gigúl numáadɔ́ŋ wɔ́ agá ɛgɔnɔ. 31Uwɔ́ waád Gɔdányá méebúlígí wɔ́ agág gá ɔmbɔ́g ɔnɛ́m anɛ ofuŋ na osód, ká nigúl ná Ísalayɛl núgi bielínyélínyé, nɛ́dáŋáb gɛnɛnɛna gá bɛfal bág. 32Dinyɛ bél bɛ́laluá bá manda amaány gidigid, nasɔ na Ɛsámb yá Mefúny ɛyɛ́ Gɔdányá méeŋín gá ebe bálaná wɔ́ nŋɔ́bɛnɔ.»
33Anyɛ́ band bá nɛgál mɔ́ɔb gugál uguány, ɔbɔ́b ilób giod, abámbɛd ká bɔɔ́n bedúmeb. 34Mɔnd agá ɔlɔŋ wá nɛgál ɛnɛgɔn ná Beyúdɛn guadɔg gɔg, umabá falisiɛ́ŋ ɔfɛ́n ká Gamaliɛ́la, olínsi bisele, nigúl ná Ísalayɛ́l gidigid mɔgɔ́lɔɔ́n wɔ́ gianta gá buanda. Uganyɛ ká bál guémi bedúmeb gá mɔɔn wá gɛsɛgɛl. 35Uwɔgɔ́l gugál uganyɛ ká: «Banuá band bá Ísalayɛl, ánubɛ́nyáŋanyáŋ na buand ubú nugagúnuál na band abaány. 36Búmányɛ búdiála gianta gá gɛsɛgɛl, dinyá guánaan mɔnd ondodi ɔfɛ́n ká Tédasa umɔ́ɔyɔ́ ká unyɛ mɔnd wa mfí, band buanda bá dɔgɔ́n dúni abálád wɔ́. Uwɔ́ muát ɔbɔɔ́n wɔ́, ebe gidigid bámáalád wɔ́ abásálámand, ta buand búdɛmand gulɔb. 37Idiand guán mɔnd anyɛ Yúdasa wá Galilé, uwɔ́, band giod máalád wɔ́, búmabá gá gɛ́sɛgɛl ɛgɛ́ ofuŋ uwɔgɔ́n méeŋín bugaga ká baál nɛláŋ ná gɛdɔŋ. Uwɔ́ sɔ́n uwegu, anaány ebe gidigid bámáabá naga máasálámánd. 38Nɛ́nuán gɔg ngúnuɔ́yɔɔn ká, nudiánd gúgɔ́l gɛsɛgɛl na band abaány, ánɔtɛɛ́n bɔ́ bádɔ́mb. Mmábá ká mbɛ́dágɛ́dɛ́n na bielínyélínyé bɔ́b nyɛ gá guɔyɛd gá band, mágaságɛ́n mɔ́mɔ́ muát. 39Ímábá gɔg búnyɛ́ guɔyɛd gá Gɔdányá, nudiínúségínyí mɔ́. Ánɔbɛ́nyáŋanyáŋ, búdiguófoon ká dɛ́bá agá ɔlɔŋ wá bambɛ́lɛmbɛ́l bá Gɔdányá, band abádáb mbɛ́dágɛ́dɛ́n yá Gamaliɛ́la.»
40Bɔ́bɔ́ gubɛ́lɛ́gɛn bedúmeb, ɔbɔyɛd ká bégíde bɔ́, abábɛ́dɛɛ́n bedúmeb ká bádiánd gúgálɛ́d agá ɔfɛ́n wá Yésu, abátɛɛ́n bɔ́. 41Bedúmeb guadɔg agá nɛgál ɛnɛgɔn ná Beyúdɛn agá bɛdɔdɛn gágual ká Gɔdányá máan bese ká bɔ́bɛ́g góbusió bá ɔfɛ́n wa Yésu. 42Sig buɔ́siɔ́, agá ɔnyɛ́b wá Gɔdányá na agá duyá, bɔ́dimɔdɔmb gufúnyifunyi, na guɔyɔ Ndág ya Nsɔ́m yá Yésu Kilíse.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
CABTAL