Mata 17
17
Yesu tambaɗ zlikusəm tə bəza
(Mrk 9.2-9; Luk 9.28-36)
1Wan ŋkwah a diwzha tə, Yesu daŋ a yaha tiw Piyer, Yakuba abə zliŋgin Yahwana, aa tsaa kanda ta aha wəzəm gagagha ta. 2Mbaɗ a mbaɗ tə ata nja ta, wənək tə dəba a aɓal andza pish, rəkuts tə aagi tabəw ta tizlizli andza weɗ la. 3A tsutsa a tsutsa, magəli tə ma mahkaɗ watsa aagi gəra tiw Musa abə Iliya, aa kazlap abə Yesu. 4Piyer zlap a zlapanə a Yesu, iŋgaya: «Bay Madagal, kadək həji ndza takwa ma ndza a ɗi. Andza hwa tamayə, sa her jak ta nəp aka mahkaɗ a ɗi, ŋtaguleŋ ataa aŋkwa, ŋtaguleŋ ataa Musa, zhana ŋtaguleŋ ataa Iliya,» iy. 5Ndə a ɗa, ndza tə a kazlap ikwa kwagwa, gwazlavay ma peɗek taa tə aha təmta, a gwazlavay watsa, zlap minja, a kazlapha, iŋgaya: «Watsə ana Mbə naka ndə sa kamayə a guɗaŋ, deŋ naka tiwtiw a ndza a heɗe. Huni tehanə ma tə,» iy. 6Ndə aa zlima zlap watsa ana magəli tə aagi, ɓərak aa tandəv ta, wənək ta a hayak, ŋzliŋ a dzata bəza a guɗaŋ. 7Ama, tsaw Yesu a ndaha ara təmta, kusah a kusahata, zlap a zlapatana, iŋgaya: «Huni gar kuni a wəzəm, huni ɗal ŋzliŋ səku,» iy. 8Kaf aa kaf nja ya, Yesu ŋtaɗ tə ana ndə aa gəra.
9Tiɗa ndə aa katadukha a wəzəm a bərla, Yesu dəba a aŋgəzata bəza, iŋgaya: «Ara huni aghalanə səkən ndə huni gəra watsə, a kwa vaye, a gwar ata vah ndə Mbə həji ma dəgnak a kaazhina tə a bəza a jiɓ a taba həji ma bazl ta aagi,» iy.
Zlap ma ndza ata Iliya
(Mrk 9.11, 13)
10Magəli tə aagi, dəba aagi aɗiwzə, aagi iŋgaya: «Mbara ara veme ndə masərək ma ma garagar aagi kazlap: Səy Iliya ma diw a ndaha bəza mpər kwagwa?» aagiy. 11Zhin Yesu a zhinatana, iŋgaya: «Njiwin ci, Iliya a andaha, aska a zhin səkən aagi ka a heɗe a heɗe. 12Ama, sa, sa zlapahuni: Iliya taha bəza tiw, həji aagi, aa tasənəs, ama aa taɗalə andza ndə ꞌunəf ta a mayə a heɗe. Ikwa yəm abə aagi asanə yaka a Mbə həji ma dəgnak.»
13Azha, magəli tə aagi, aa zlima həna a zlapatana ata Yahwana maɗal batem.
Yesu a kareh mbə kaɓərəzl
(Mrk 9.14-29; Luk 9.37-43)
14Ndə aa ɗa peteŋ ata la ndə ŋgaɓa həji aagi a tsutsa, ala minja kərəɗ a kərəɗakənə, gəliɓ a gəliɓakənə atama tə. 15Iŋgaya: «Bay Madagal, za hahər kwa ata mbə naka. A kaɓərəzl, a kasa yaka a guɗaŋ, vah ndiɓi aagi, a ndəv a kwahu, aka səku a yəm. 16Sa tadaatana a magəli kwa aagi, ama reh takum ara təmta.» 17Yesu zlap a zlap abə ɓərɓər tə, iŋgaya: «Həji ndə ɗal awa a ɗa ɓəraŋ aagi, ma ŋkula ɗa dəlili atama Bizlaf aagi! Sa azhin a ndza abə huni zhana wan vana? Sa asəwahuni ma kuni a gwar a vata? Huni daaka mbə watsa a ɗi,» iy. 18Yesu dəba a agulak miɗ ma gamak, tsaw a ndaa tə a bəza a zlikusəm mbə, a tsutsa a tsutsa reh ana mbə watsa.
19Azha, magəli ataa Yesu aagi tsaw aa ndaha a ɗiwzə abə ŋhil, aagi iŋgaya: «Mbara ara veme abə miɗ ma gamak watsa a ɗa gam takum ara ni yəm?» 20Yesu zhin a zhinatana, iŋgaya: «Ara ndə ɗal awa kuni a ɗa ɓəraŋ a guɗaŋ. Sa zlapahuni, a ɗa ŋter: Andza kwa ɗal awa kuni kajik aka, riy abə mbə magəy guma ya, huni azlapanə bəza a bərla watsə: “Nda kwa a bəza a ɗi, hwa nda kwa a ŋge a ɗi,” huniy, a anda. Səkən ma kaŋkula ɗal ara huni akas. 21Ama, abə tarha zhana ɓew dalyam abə həji kalima a gam shiŋ miɗ ma həna watsə.»
Yesu a kaghal mci tə abə gara tə a wəzəm a jiɓ
(Mrk 9.30-32; Luk 9.43-45)
22Vah minja aka, magəli aagi tadzam ta ka tiwtiw a Galili, dəba Yesu a azlapatana, iŋgaya: «Mbə həji ma dəgnak a avəla ka aska ra a həji aagi, 23aagi adzə ka, ata vah ma mahkaɗ tə, a agara tə a wəzəm a jiɓ a taba həji ma bazl ta aagi.» Azha, magəli tə aagi taŋgaɗ nja bəza a guɗaŋ, aa kaghuɗek.
Ŋtəra jamargwal ataa jak kwakus Bizlaf
24Ndə Yesu abə magəli tə aagi ɗa vaŋ a hayak Kafarnahum, həji ma tsak jamargwal ataa jak kwakus Bizlaf aagi, kərəɗ aa kərəɗha abəra Piyer, dəba aagi aɗiwzə, aagi iŋgaya: «Masərək kuni, a kaŋtəra jamargwal ataa jak kwakus aka wəra?» aagiy. 25Piyer iŋgaya: «Ayəw, a kaŋtərə,» iy. Ndə Piyer a nda tə a gi, Yesu leŋ a ji zlap mpər, iŋgaya: «Deŋ kwa avaŋga, Simun?» iy. «Ma kaŋtəranə jamargwal a bay ma ndza ata manahayak vaya? Həji ma ndza a hayak tə aagi vəw? Aka səku mbələm ma ndaha a ndaha aagi vəw?» iy.
26Piyer i kəsha iŋgaya: «Mbələm ma ndaha a ndaha aagi,» iy. Azha, Yesu i kəsha iŋgaya: «Andza ikwa ci, həji ma ndza a hayak watsə aagi kaŋtərə aka səku wəra?» iy. 27«Ama, həji ɗiw a mgbekwatana ꞌunəf akas. Sha ana ndə, nda ata mtil, fak ŋgeli, hwa njiwazə ara hwa, ŋkilif ma kadiw a mbəla a heɗe, dəɗ ma tə. Hwa agəra dala a takam tə, vəlatana, a ɗa ga a ŋtəra jamargwal naka abə ataa aŋkwa,» iy.
Àwon tá yàn lọ́wọ́lọ́wọ́ báyìí:
Mata 17: GOU
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Mata 17
17
Yesu tambaɗ zlikusəm tə bəza
(Mrk 9.2-9; Luk 9.28-36)
1Wan ŋkwah a diwzha tə, Yesu daŋ a yaha tiw Piyer, Yakuba abə zliŋgin Yahwana, aa tsaa kanda ta aha wəzəm gagagha ta. 2Mbaɗ a mbaɗ tə ata nja ta, wənək tə dəba a aɓal andza pish, rəkuts tə aagi tabəw ta tizlizli andza weɗ la. 3A tsutsa a tsutsa, magəli tə ma mahkaɗ watsa aagi gəra tiw Musa abə Iliya, aa kazlap abə Yesu. 4Piyer zlap a zlapanə a Yesu, iŋgaya: «Bay Madagal, kadək həji ndza takwa ma ndza a ɗi. Andza hwa tamayə, sa her jak ta nəp aka mahkaɗ a ɗi, ŋtaguleŋ ataa aŋkwa, ŋtaguleŋ ataa Musa, zhana ŋtaguleŋ ataa Iliya,» iy. 5Ndə a ɗa, ndza tə a kazlap ikwa kwagwa, gwazlavay ma peɗek taa tə aha təmta, a gwazlavay watsa, zlap minja, a kazlapha, iŋgaya: «Watsə ana Mbə naka ndə sa kamayə a guɗaŋ, deŋ naka tiwtiw a ndza a heɗe. Huni tehanə ma tə,» iy. 6Ndə aa zlima zlap watsa ana magəli tə aagi, ɓərak aa tandəv ta, wənək ta a hayak, ŋzliŋ a dzata bəza a guɗaŋ. 7Ama, tsaw Yesu a ndaha ara təmta, kusah a kusahata, zlap a zlapatana, iŋgaya: «Huni gar kuni a wəzəm, huni ɗal ŋzliŋ səku,» iy. 8Kaf aa kaf nja ya, Yesu ŋtaɗ tə ana ndə aa gəra.
9Tiɗa ndə aa katadukha a wəzəm a bərla, Yesu dəba a aŋgəzata bəza, iŋgaya: «Ara huni aghalanə səkən ndə huni gəra watsə, a kwa vaye, a gwar ata vah ndə Mbə həji ma dəgnak a kaazhina tə a bəza a jiɓ a taba həji ma bazl ta aagi,» iy.
Zlap ma ndza ata Iliya
(Mrk 9.11, 13)
10Magəli tə aagi, dəba aagi aɗiwzə, aagi iŋgaya: «Mbara ara veme ndə masərək ma ma garagar aagi kazlap: Səy Iliya ma diw a ndaha bəza mpər kwagwa?» aagiy. 11Zhin Yesu a zhinatana, iŋgaya: «Njiwin ci, Iliya a andaha, aska a zhin səkən aagi ka a heɗe a heɗe. 12Ama, sa, sa zlapahuni: Iliya taha bəza tiw, həji aagi, aa tasənəs, ama aa taɗalə andza ndə ꞌunəf ta a mayə a heɗe. Ikwa yəm abə aagi asanə yaka a Mbə həji ma dəgnak.»
13Azha, magəli tə aagi, aa zlima həna a zlapatana ata Yahwana maɗal batem.
Yesu a kareh mbə kaɓərəzl
(Mrk 9.14-29; Luk 9.37-43)
14Ndə aa ɗa peteŋ ata la ndə ŋgaɓa həji aagi a tsutsa, ala minja kərəɗ a kərəɗakənə, gəliɓ a gəliɓakənə atama tə. 15Iŋgaya: «Bay Madagal, za hahər kwa ata mbə naka. A kaɓərəzl, a kasa yaka a guɗaŋ, vah ndiɓi aagi, a ndəv a kwahu, aka səku a yəm. 16Sa tadaatana a magəli kwa aagi, ama reh takum ara təmta.» 17Yesu zlap a zlap abə ɓərɓər tə, iŋgaya: «Həji ndə ɗal awa a ɗa ɓəraŋ aagi, ma ŋkula ɗa dəlili atama Bizlaf aagi! Sa azhin a ndza abə huni zhana wan vana? Sa asəwahuni ma kuni a gwar a vata? Huni daaka mbə watsa a ɗi,» iy. 18Yesu dəba a agulak miɗ ma gamak, tsaw a ndaa tə a bəza a zlikusəm mbə, a tsutsa a tsutsa reh ana mbə watsa.
19Azha, magəli ataa Yesu aagi tsaw aa ndaha a ɗiwzə abə ŋhil, aagi iŋgaya: «Mbara ara veme abə miɗ ma gamak watsa a ɗa gam takum ara ni yəm?» 20Yesu zhin a zhinatana, iŋgaya: «Ara ndə ɗal awa kuni a ɗa ɓəraŋ a guɗaŋ. Sa zlapahuni, a ɗa ŋter: Andza kwa ɗal awa kuni kajik aka, riy abə mbə magəy guma ya, huni azlapanə bəza a bərla watsə: “Nda kwa a bəza a ɗi, hwa nda kwa a ŋge a ɗi,” huniy, a anda. Səkən ma kaŋkula ɗal ara huni akas. 21Ama, abə tarha zhana ɓew dalyam abə həji kalima a gam shiŋ miɗ ma həna watsə.»
Yesu a kaghal mci tə abə gara tə a wəzəm a jiɓ
(Mrk 9.30-32; Luk 9.43-45)
22Vah minja aka, magəli aagi tadzam ta ka tiwtiw a Galili, dəba Yesu a azlapatana, iŋgaya: «Mbə həji ma dəgnak a avəla ka aska ra a həji aagi, 23aagi adzə ka, ata vah ma mahkaɗ tə, a agara tə a wəzəm a jiɓ a taba həji ma bazl ta aagi.» Azha, magəli tə aagi taŋgaɗ nja bəza a guɗaŋ, aa kaghuɗek.
Ŋtəra jamargwal ataa jak kwakus Bizlaf
24Ndə Yesu abə magəli tə aagi ɗa vaŋ a hayak Kafarnahum, həji ma tsak jamargwal ataa jak kwakus Bizlaf aagi, kərəɗ aa kərəɗha abəra Piyer, dəba aagi aɗiwzə, aagi iŋgaya: «Masərək kuni, a kaŋtəra jamargwal ataa jak kwakus aka wəra?» aagiy. 25Piyer iŋgaya: «Ayəw, a kaŋtərə,» iy. Ndə Piyer a nda tə a gi, Yesu leŋ a ji zlap mpər, iŋgaya: «Deŋ kwa avaŋga, Simun?» iy. «Ma kaŋtəranə jamargwal a bay ma ndza ata manahayak vaya? Həji ma ndza a hayak tə aagi vəw? Aka səku mbələm ma ndaha a ndaha aagi vəw?» iy.
26Piyer i kəsha iŋgaya: «Mbələm ma ndaha a ndaha aagi,» iy. Azha, Yesu i kəsha iŋgaya: «Andza ikwa ci, həji ma ndza a hayak watsə aagi kaŋtərə aka səku wəra?» iy. 27«Ama, həji ɗiw a mgbekwatana ꞌunəf akas. Sha ana ndə, nda ata mtil, fak ŋgeli, hwa njiwazə ara hwa, ŋkilif ma kadiw a mbəla a heɗe, dəɗ ma tə. Hwa agəra dala a takam tə, vəlatana, a ɗa ga a ŋtəra jamargwal naka abə ataa aŋkwa,» iy.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀