Mata 28
28
Lagwarzamha Yesu aza ata lamac
1Aya, a dəwze pes ma ata zazak, a pes luma buwal mala mapat beŋ ca, ata Marəyama ma ŋ uzam Magdala ey Marəyama wende, əy nda ŋ saraza jeɓ. 2A təwse a təwse, hayak a həɓal a mazlazlay, aya, malaɓ Gazlavay Madakal a ndaha aka ta mgba ata uzlaf, a tatəŋgwalza beleler ma dakal ma a ma jeɓ wese, aya, a nja ka a heɗe. 3Malaɓ anta a keweɗ ana van ma kazam, rəgwac ma ata kusam anta pepeɗek ana urasl. 4Maa Sawje ma kahəbar jeɓ ege wese, əy gəre ca, ŋgəzleŋ kájata aza mambaza, əy nana mgbermgber, aya, əy baw tata ana hejəye mamacamac ege. 5Cemey, malaɓ Gazlavay wese a zlepetene ŋ weləye wese ege, a ŋgaya: «Hune ca, hune lalak səkwaw, sa kasan ca, hune mpam Yesu, ɗala maa əy dar ka ata mpe gafaŋgal. 6Mbəy ete ŋghe askwaw, kágwarzamha aza ata lamac ana ma a zlap. Hune ndaha, hune sarza la maa əy wanza mce anta. 7Hune nda kəcaŋ ŋ zlepetene ŋ madarlaŋw anta ege: “Kágwarzamha aza ata lamac, aya, a nahəbarahune na ŋgha ŋ Galəyləy, hune negəre a təwse.” Ma naka ŋ zlapahune ca, ebe ŋghe.» 8Weləye wese ege, əy gwarzam kəcaŋ a ma jeɓ, ŋgəzleŋ a kajata, əy kasasam ara, əy hey ŋ ghwelzetene ma anta ŋ madarlaŋw anta ege. 9A təwse a təwse, Yesu a ndaha a ŋgeletene ma, aya, a zlepetene, a ŋgaya: «Sa kazlapzahune!» A təwse ca, əy nda ara Yesu, aya, əy mbal ŋgas anta, əy həmanza. 10Aya, Yesu a zlepetene, a ŋgaya: «Hune lalak səkwaw. Hune nda, hune ghwelzetene ŋ zlana ege, əy manda ŋ Galəyləy. A təwse ana maa əy kenegərekey.»
Ma maa sawje ma həbar jeɓ ege əy ŋgaɗaw
11Maa weləye wese ege əy ata taf kwagwa ca, sawje ege vedəye ŋ taba mahəbar jeɓ ege, əy nda ŋ uzam, əy ghwelzetene səkan ma laha ege tewtew ŋ madakal dakal mala kwakwas ege. 12Madakal dakal mala kwakwas ege wese, əy jav a madakal dakal ma a tama ege. A dəwze maa əy kájav ma tata aza ca, əy veletene səlay dakala ŋ sawje ege wese. 13Əy zlepetene, əy ŋgaya: «Hune zlepetene ŋ hejəye ca, huney: “Madarlaŋw anta ege, əy kándaha a zaɗaw, əy kéŋhel mce anta aza, maa nene kawan.” 14Mada mambal hayak kézləme ma anta ca, nene neghwelzene ma anta, hune yam, hune nereh ŋkune ŋ ma anta.» 15Sawje ege, əy lamza səlay anta, əy nda əy ŋgaɗ ma anta ana maa əy ŋgazata aka wese. Ana ebe ŋghe, metəwle anta kéŋtez anta ŋ taba Yahudu ege, ha na ŋgha.
Yesu a ghwelzetene kusam ŋ madarlaŋw anta ege
16Madarlaŋw Yesu ma wam aha teŋguleŋ ege wese, əy nda ŋ hayak Galəyləy, əy tev ŋ barla maa Yesu a zlepetene ŋ nda a təwse, wese. 17Maa madarlaŋw ege əy gəre Yesu ca, əy həmanza. Cemey, vedəye ŋ taba tata əy ja səbakw, əy ŋgaya: Ara mbe səkwaw. 18Yesu a zen kəɗe ara tata, a zlepetene, a ŋgaya: «Gazlavay kévelekey ɓardakw ma mgba ata uzlaf ey ma ata hayak aza tewtew. 19Hune nda ara hejəye ma ŋ manhayak ege tewtew ndar əy la tata ŋ madarlaŋw naka ege. Hune banata a yam baptəysma a zlam Vana, a zlam Mbaw ey a zlam Zəwet ma keweɗ. 20Hune sasərakzata, ndar əy lamza ma maa sa ghwalzahune tewtew. Aya, hune san ka, sa nanja a hune ata pes ata pes, ha hwas ata laŋtakw manhayak.»
Àwon tá yàn lọ́wọ́lọ́wọ́ báyìí:
Mata 28: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 28
28
Lagwarzamha Yesu aza ata lamac
1Aya, a dəwze pes ma ata zazak, a pes luma buwal mala mapat beŋ ca, ata Marəyama ma ŋ uzam Magdala ey Marəyama wende, əy nda ŋ saraza jeɓ. 2A təwse a təwse, hayak a həɓal a mazlazlay, aya, malaɓ Gazlavay Madakal a ndaha aka ta mgba ata uzlaf, a tatəŋgwalza beleler ma dakal ma a ma jeɓ wese, aya, a nja ka a heɗe. 3Malaɓ anta a keweɗ ana van ma kazam, rəgwac ma ata kusam anta pepeɗek ana urasl. 4Maa Sawje ma kahəbar jeɓ ege wese, əy gəre ca, ŋgəzleŋ kájata aza mambaza, əy nana mgbermgber, aya, əy baw tata ana hejəye mamacamac ege. 5Cemey, malaɓ Gazlavay wese a zlepetene ŋ weləye wese ege, a ŋgaya: «Hune ca, hune lalak səkwaw, sa kasan ca, hune mpam Yesu, ɗala maa əy dar ka ata mpe gafaŋgal. 6Mbəy ete ŋghe askwaw, kágwarzamha aza ata lamac ana ma a zlap. Hune ndaha, hune sarza la maa əy wanza mce anta. 7Hune nda kəcaŋ ŋ zlepetene ŋ madarlaŋw anta ege: “Kágwarzamha aza ata lamac, aya, a nahəbarahune na ŋgha ŋ Galəyləy, hune negəre a təwse.” Ma naka ŋ zlapahune ca, ebe ŋghe.» 8Weləye wese ege, əy gwarzam kəcaŋ a ma jeɓ, ŋgəzleŋ a kajata, əy kasasam ara, əy hey ŋ ghwelzetene ma anta ŋ madarlaŋw anta ege. 9A təwse a təwse, Yesu a ndaha a ŋgeletene ma, aya, a zlepetene, a ŋgaya: «Sa kazlapzahune!» A təwse ca, əy nda ara Yesu, aya, əy mbal ŋgas anta, əy həmanza. 10Aya, Yesu a zlepetene, a ŋgaya: «Hune lalak səkwaw. Hune nda, hune ghwelzetene ŋ zlana ege, əy manda ŋ Galəyləy. A təwse ana maa əy kenegərekey.»
Ma maa sawje ma həbar jeɓ ege əy ŋgaɗaw
11Maa weləye wese ege əy ata taf kwagwa ca, sawje ege vedəye ŋ taba mahəbar jeɓ ege, əy nda ŋ uzam, əy ghwelzetene səkan ma laha ege tewtew ŋ madakal dakal mala kwakwas ege. 12Madakal dakal mala kwakwas ege wese, əy jav a madakal dakal ma a tama ege. A dəwze maa əy kájav ma tata aza ca, əy veletene səlay dakala ŋ sawje ege wese. 13Əy zlepetene, əy ŋgaya: «Hune zlepetene ŋ hejəye ca, huney: “Madarlaŋw anta ege, əy kándaha a zaɗaw, əy kéŋhel mce anta aza, maa nene kawan.” 14Mada mambal hayak kézləme ma anta ca, nene neghwelzene ma anta, hune yam, hune nereh ŋkune ŋ ma anta.» 15Sawje ege, əy lamza səlay anta, əy nda əy ŋgaɗ ma anta ana maa əy ŋgazata aka wese. Ana ebe ŋghe, metəwle anta kéŋtez anta ŋ taba Yahudu ege, ha na ŋgha.
Yesu a ghwelzetene kusam ŋ madarlaŋw anta ege
16Madarlaŋw Yesu ma wam aha teŋguleŋ ege wese, əy nda ŋ hayak Galəyləy, əy tev ŋ barla maa Yesu a zlepetene ŋ nda a təwse, wese. 17Maa madarlaŋw ege əy gəre Yesu ca, əy həmanza. Cemey, vedəye ŋ taba tata əy ja səbakw, əy ŋgaya: Ara mbe səkwaw. 18Yesu a zen kəɗe ara tata, a zlepetene, a ŋgaya: «Gazlavay kévelekey ɓardakw ma mgba ata uzlaf ey ma ata hayak aza tewtew. 19Hune nda ara hejəye ma ŋ manhayak ege tewtew ndar əy la tata ŋ madarlaŋw naka ege. Hune banata a yam baptəysma a zlam Vana, a zlam Mbaw ey a zlam Zəwet ma keweɗ. 20Hune sasərakzata, ndar əy lamza ma maa sa ghwalzahune tewtew. Aya, hune san ka, sa nanja a hune ata pes ata pes, ha hwas ata laŋtakw manhayak.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL