Mata 26
26
Lezen zlap ma ata mbal Yesu ŋ ja aza
1Maa Yesu kátuwaɗza lasasərak anta ege aza tewtew ca, a zlepetene ŋ madarlaŋw anta ege, a ŋgaya: 2«Hune kasanaw, kémenha wan gbak gwaygwaya Paska mala Yahudu ege, a naja. Əy nasəkam Mba Ɗala aza, ŋ ja aza ata mpe gafaŋgal.» 3Aya, madakal dakal mala kwakwas ege ey madakal dakal ma a tama mala Yahudu ege, əy jav a wata Kayafas, madakal mala mala kwakwas ege. 4Əy jav ma tata aka ŋ mpam taf ma ata mbal Yesu a werwer ŋ ja aza. 5A təwse ca, əy zlap, əy ŋgaya: «Heje ɗaw ŋ mbalaw, a pes gwaygwaya səkwaw, mavəday hejəye, əy naɗa gham.»
Wala wende a zah mel ma kenjef feŋfeŋ ata ha Yesu
6Maa Yesu mbəy ŋ Baytanəya, a wata Səymawn, ɗala maa fagwalakw kámbalaw ca, 7wala wende aka, a ndaha ara mbe, zlaɓa gajak albatəra, mel ma kenjef feŋfeŋ ŋma maa lasəkam anta səlay dakala. A zahza ata ha Yesu lec maa a kazam uda. 8Maa madarlaŋw ege, əy gəre ca, əy kághwaɗ tata, əy zlap, əy ŋgaya: «A gayza ka bəse ŋ vay? 9Mada keɗe, əy səkam mel anta aza ca, əy nelem səlay dakala, əy neveletene ŋ metetekw ege.» 10Yesu ca, kásan ledeŋ ŋkwaɓ tata aza, a zlepetene, a ŋgaya: «Hune ŋgene ŋkwaɓ ka ŋ wala ŋgha anta ata vemey? Zlan maa a lekey ŋghe ca, tuwah mambaza. 11Metetekw ege ca, əy ara hune ata pes ata pes, cemey, sa ca, sa kananja ara hune kaw vepey, askwaw. 12A zahza mel ŋghe ata kusam naka ca, a slekey kusam aka, ma ata nda ŋ jeɓ. 13Sa kazlapahune njenjəwen, ata la maa əy kanaghwal Ma Mewe ma Taŋtaŋ a manhayak tewtew ca, əy nazlap ata wala ŋgha anta, mavəday səkan maa a law, aya, hejəye əy nesenzene ata wala anta.»
Yahuda a valza Yesu ŋ ja aza
14Aya, ɗala teŋguleŋ ŋ taba madarlaŋw anta ege ma wam a gbak, zlam anta Yahuda Əyskarəyawt, a nda ara madakal dakal mala kwakwas ege. 15A zlepetene, a ŋgaya: «Mada sa kavalahune Yesu aza ca, hune nevelekey vemey?» Aya, əy velene səlay ramahkaɗ. 16Mar aka ata a pes wese ca, Yahuda a mpam vah ma taŋtaŋ ma ata velzetene Yesu aza.
Yesu a zam uda gwaygwaya Paska a madarlaŋw anta ege
17Aya, ata wan ma mpar mala gwaygwaya peŋ maa səkan ma ata hafza ŋma askwaw ca, madarlaŋw Yesu ege, əy ndaha, əy zlepene, əy ŋgaya: «Hwa ɗaw nene slahwaw la ma ata zam uda gwaygwaya Paska mala Yahudu ege aka ca, a katay?» 18A təwse ca, Yesu a zenetene, a ŋgaya: «Hune nda ŋ uzam, a wata manaŋ, hune zlepene ca: “Masasərak, a ŋgaya: Vah naka hwas, a wata ŋkwa ana maa sa kaɗaw ŋ zam uda gwaygwaya Paska, zlaɓa madarlaŋw naka ege.”» 19Madarlaŋw ege, əy la ana maa Yesu a zlepetene wese, əy sla uda gwaygwaya Paska aka.
20Maa mackwahw a la anta ca, Yesu a nja ŋ zam uda ey madarlaŋw anta ege wam aha gbak tata. 21Maa əy kazam uda ca, Yesu a zlap, a ŋgaya: «Njenjəwen, sa kazlapahune, ɗala teŋguleŋ ŋ taba ŋkune a nesəkemekey aza.» 22Ŋkwaɓ kéŋgetene aza ŋ madarlaŋw anta ege, əy ɗawza Yesu a meɗeɗe a meɗeɗe, əy ŋgaya: «Ara sa vaw, Bay Madakal?» 23Yesu a zenetene, a ŋgaya: «Ɗala maa nene kaca ra ŋ la anta ŋ takazuda ŋghe ca, ara mbe ma kenesəkemekey aza. 24Mba Ɗala a namac ana maa kéŋtereye a heɗe. Cemey, gef a nambal ɗala ma səkamza mambaza, zukwan ca, kámbawha, askwaw.» 25Yahuda, ɗala ma kanasəkamza Yesu aza wese, a ɗawza, a ŋgaya: «Masasərak, ara sa vaw?» Yesu a zenene, a ŋgaya: «Ana maa hwa zlap!»
Kusam ey mbambaz Yesu
26Maa əy kazam uda ca, Yesu a ŋta peŋ a lene wasay ŋ Gazlavay, a ɓez ka, a veletene ŋ madarlaŋw anta ege, a zlepetene, a ŋgaya: «Hune ŋtaw, hune zamaw, ebe ŋghe ca, ara kusam naka.» 27A dəwze anta, a ŋta tekeɗ mavaw, a lene wasay ŋ Gazlavay, a zlepetene, a ŋgaya: «Hune saw, hune tewtew ŋkune, 28mavəday ebe ŋghe ca, ara mbambaz naka, ma zahaha ŋ pal gay mala hejəye vəram, ara mbambaz laŋkan ma mala Gazlavay. 29Sa kazlapahune njenjəwen, kaw sa kanasa mavaw ŋghe anta zeney, askwaw, ha a pes ma heje kanasa mavaw mewe ŋ Lazam bay mala Vana mgba ata uzlaf.» 30A təwse ca, əy həmanza Gazlavay a dəraf, a dəwze anta, əy nda tata ŋ barla Jaytun.
Ata Yesu ey Pəyer
31Maa əy kanda ata taf ca, Yesu a zlepetene ŋ madarlaŋw anta ege, a ŋgaya: «A zaɗaw ŋgha, hune neyekzekey ka, mavəday heje kéjəŋge ŋ Ɗerewel ma keweɗ ege, ende ŋghe: “Sa naja mba njəwen aza, aya, ŋtəməye ma ŋ bezle ege yam, əy neweɗ.” 32Cemey, mada sa kágwarzamha aza ata lamac ca, sa nanda ŋ həbarahune ŋ hayak Galəyləy.»
33A təwse ca, Pəyer a ŋta zlap, a ŋgaya: «Mada hejəye tewtew əy kayakzahwaw aka teŋguleŋ ŋkwa ca, sa ca, sa kanayakzahwaw aka, askwaw.» 34Yesu a zenene, a ŋgaya: «Sa kazlapahwaw, njenjəwen, a zaɗaw ŋgha, mar gamzakw a naja ula ca, hwa nazlap gas mahkaɗ, hwa kesenekey səkwaw.» 35Pəyer a zenene, a ŋgaya: «Kaw mama namac ŋ la anta, sa kanazlap, sa kasanahwaw səkwaw ca, askwaw.» Aya, madarlaŋw ege vedəye, əy zlap tewtew, ana mbe.
Yesu a rak Gazlavay ŋ Gecemane
36Aya, Yesu a nda zlaɓa madarlaŋw anta ege ata la maa əy kayaɓa Gecemane. A təwse ca, a zlepetene, a ŋgaya: «Hune nja ka ata la ŋgha, sa nda a ŋge ŋghe ŋ rak Gazlavay.» 37A dəwze anta ca, a ŋta ata ata Pəyer leŋ uzəye Zebede ege gbak, aya, a lalak, unaf anta a zla. 38Aya, a zlepetene, a ŋgaya: «Lalak ma ŋ unaf naka a kenejekey aza. Hune nja ka ete ŋghe, hune ɗaw ŋ wan ŋkune səkwaw.» 39Aya, a nda a tama cekuɗe, a ndav mananakw dac, ata hayak, a rak Gazlavay, a ŋgaya: «Vana, mada a lem anta ca, kesza tekeɗ gef ŋghe aza gədak a sa. A mbe anta tewtew ca, hwa ɗaw ŋ law, ana maa sa kaɗaw səkwaw, cemey, law, ana ma hwa kaɗawaw.» 40Yesu a zenha ara madarlaŋw ege, kəɗe ca, a ndewzetene ca, əy káwan tata. A zlepene ŋ Pəyer, a ŋgaya: «Hune kula ŋ nja ka a nje a sa kaw ler teŋguleŋ səkwaw vaw? 41Hune ɗaw ŋ wan ŋkune səkwaw, hune rak Gazlavay, ndar hune ɗaw ŋ ndav ŋ gay səkwaw. Unaf ɗala a kaɗaw ŋ la səkan ma taŋtaŋ, cemey, kusam anta ŋtəɓal.» 42A nda magbak anta zeney, a rak Gazlavay, a ŋgaya: «Vana, mada tekeɗ gef anta a kenelem ŋ kesza səkwaw ca, wese ca, səy sa saw, law, ana ma hwa kaɗawaw.» 43A zenha ara madarlaŋw anta ege zeney, a ndewzetene, əy kawan tata, mavəday əy kula ŋ tak wan aka ŋ nje tata, səkwaw. 44A təwse ca, a yakzata aka zeney, a nda anta a rak Gazlavay mamahkaɗ anta, a zlap ana ma ŋcəne anta. 45Aya, a zenha ara madarlaŋw anta ege zeney, a zlepetene, a ŋgaya: «Ha na ŋgha ca, hune kawan, hune kazazak war vaw? Ŋghe vah kála anta, əy nasəkam Mba Ɗala aza ara hejəye mala gay ege. 46Hune gwarzam kazakwaw aza! Ŋghe heje ma kenesəkemekey aza wese, mbəy cakwa.»
Lambal Yesu
47Maa Yesu káŋtakwza zlap anta kwagwa səkwaw ca, Yahuda, ɗala teŋguleŋ ŋ taba malaɓ anta ege ma wam aha gbak wese, a ndaha zlaɓa hejəye vəram, ŋgezle masalam zlaɓa zlambay ege ara tata aka. Ara madakal dakal mala kwakwas ege ey madakal dakal ma a tama Yahudu ege, əy ma laɓata. 48Yahuda, ɗala ma səkam Yesu wese, kéghwelzetene səkan maa a kanalaw, aza, a ŋgaya: «Heje maa sa kanasəkawaw, ana ŋgama naka ca, ara mbe, hune mbalaw.» 49A təwse a təwse, Yahuda a nda kəɗe ara Yesu, a zlepene, a ŋgaya: «Sa kazlapzahwaw, Masasərak!» Aya, a səkawaw. 50Yesu a zlepene, a ŋgaya: «Səkan maa hwa ndaha ŋ la ca, laza.» Aya, hejəye wese ege əy ndaha əy mbal Yesu wese. 51A təwse ca, ɗala teŋguleŋ ŋ taba hejəye maa əy ata Yesu wese, a daɗaza ŋgezle masalam anta, a bal mala zlan mala madakal mala kwakwas, a zlene zlam aza. 52Cemey, Yesu a zlepene, a ŋgaya: «Zenza ŋgezle masalam ŋkwa ka a ujek anta, mavəday ɗala ma ɗa gham a ŋgezle masalam ca, ŋgezle masalam anta ma kanajaw. 53Hwa cakza ca, sa kula ŋ ɗaw lacak ara Vana, aya, mbe yam, a leɓekey malaɓ anta ege day aha leɓec ege wam aha gbak na na ŋgha səkwaw vaw? 54Cemey, mada ana ebe ŋghe ca, ɗerewel ma keweɗ maa, a ŋgaya: “Səy səkan anta mala anta ana ebe ŋghe”,» wese ca, a nasan ŋ la eze vaŋgay? 55A təwse ca, Yesu a zlepetene ŋ vəram hejəye, a ŋgaya: «Hune ndaha ŋ mbelekey a ŋgezle masalam leŋ a zlambay ege ca, sa ŋhel vaw? Ata pes ata pes, sa kénjeye a ujek kwakwas, sa kasasərakzata hejəye, ca, hune kémbelekey askwaw. 56Cemey, səkan anta ege tewtew əy laha ana ebe ŋghe ca, ndar zlap mala uzəye ma zlap ma mala Gazlavay ege ma kéŋtereye ŋ Ɗerewel ma keweɗ, əy la tata njenjəwen.» Aya, madarlaŋw anta ege tewtew tata, əy yakza aka, əy hey tata.
Yesu mbəy a tama lajav ma dakal ma ata ja guma
57Aya, hejəye ma mbal Yesu ege wese, əy jeɓza a wata Kayafas, madakal mala kwakwas. Ma maghwal ma maŋkanaŋkan ege ey madakal dakal ma a tama ege, əy kéjeveye, a təwse. 58Pəyer a kasəbar Yesu ara ata gədak, ha hwas a wata madakal mala kwakwas wese. A dam a ge, a nja ka a həzlar mala zlan ege ata varvara ge, ŋ gəre ma anta a nakəɗaŋ ca, vaŋgay. 59Madakal dakal mala kwakwas ege ey Lajav ma dakal ma ata ja guma, tewtew tata, ey mpam taf ma ata zla metəwle ata Yesu, ndar əy lem taf ŋ ja aza. 60A təwse ca, hejəye vəram, əy zla metəwle ege vedəye vedəye a heɗe, cemey, kaw əy kélemew, askwaw. Aya, hejəye vedəye gbak aka, əy ndaha, 61əy zlap, əy ŋgaya: «Heje ŋghe, a kázlap, a ŋgaya: “Sa kula ŋ ghwaramza ujek Gazlavay aza, aya, sa lam ka ata la anta ŋ wan mahkaɗ.”» 62Madakal mala kwakwas ege, a gwarzam, a zlepene ŋ Yesu, a ŋgaya: «Hwa kezenetene ŋ ma, askwaw vaw? Hejəye ŋghe anta ege, əy zlap ata hwa ca, ma vekey?» 63Cemey, kaw Yesu kezenene ŋ ma askwaw. A təwse ca, madakal mala kwakwas ege wese, a zlepene, a ŋgaya: «Sa meɗahwaw ma a zlam Gazlavay ma a nje, zlepeney, njenjəwen, hwa ca, hwa Almasəyhu, Mba Gazlavay vaw?» 64Yesu a zenene, a ŋgaya: «Ana maa hwa zlap. Cemey, sa kazlapahune, mar aka ma na ŋgha, hune negəre Mba Ɗala kénjeye ata ra zam Gazlavay maa mbəy a ɓarɓar ata səkan ege tewtew. A zeney, hune negəre a kandaha ŋ mahwabakw ma mgba ata uzlaf.» 65Aya, madakal mala kwakwas ege wese, a slah rəgwac anta aza, a zlap, a ŋgaya: «Káraɓa Gazlavay! Heje ɗaw hejəye ŋ ghwalzaheje ma a heɗe zeney ca, vekey? Hune kézləme maa a raɓa Gazlavay. 66Hune deŋza ca, vaŋgay?» Əy zenene, əy ŋgaya: «Kála gay, ata ja aza.» 67Aya, əy ŋtefene mejəkəne ata nje, əy mgbakwaw, vedəye əy gazlaw, ata barzlazlam, 68a təwse, əy zlepene, əy ŋgaya: «Hwa, Almasəyhu, san ɗala ma gazlahwaw, ŋ taba ŋcene ŋghe aza.»
Pəyer a zlap, a kasan Yesu səkwaw
69A təwse ca, Pəyer kénjeye ata varvara ge. Aya, wala ma kala zlan a wata madakal mala kwakwas ege wese, a ndaha ara mbe, a zlepene, a ŋgaya: «Hwa ca, hune kánjaha a Yesu ɗala Galəyləy.» 70Cemey, Pəyer a ja ma ata nje hejəye tewtew, a zlap, a ŋgaya: «Sa kasan ma maa hwa kaɗaw ŋ zlap ŋgha səkwaw.» 71Aya, a nda kəɗa a ma guɗakw, wala wende aka a gəre zeney, aya, a zlepetene ŋ hejəye ma a təwse ege, a ŋgaya: «Heje ŋghe ca, ara ɗala maa əy kánjaha a Yesu ɗala Nasaratu.» 72Pəyer a ja ma zeney, a ŋgaya: «Sa meɗ, sa kasan heje ŋghe anta səkwaw.» 73A dəwze anta cekuɗe, hejəye ma a təwse ege, əy ndaha ara Pəyer, əy zlepene, əy ŋgaya: «Njenjəwen, hwa ca, hwa ɗala ma ŋ taba tata, mavəday zlap ma ŋ pakam ŋkwa, a kaghwalza ata la maa hwa gwarzamaha.» 74Pəyer, a meɗ ma, a ŋgaya: «Mada sa la metəwle ca, Gazlavay meŋgwevekey. Njenjəwen, sa kasan heje ŋghe anta səkwaw.» A təwse a təwse ca, gamzakw a ja ula. 75Aya, Pəyer a senzene ata ma maa Yesu a zlepene, a ŋgaya: «Mar gamzakw a naja ula ca, hwa naja ma aza ata sa gas mahkaɗ, hwa kesenekey səkwaw wese.» A təwse ca, Pəyer a damha aza a bəza, a han mambaza.
Àwon tá yàn lọ́wọ́lọ́wọ́ báyìí:
Mata 26: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 26
26
Lezen zlap ma ata mbal Yesu ŋ ja aza
1Maa Yesu kátuwaɗza lasasərak anta ege aza tewtew ca, a zlepetene ŋ madarlaŋw anta ege, a ŋgaya: 2«Hune kasanaw, kémenha wan gbak gwaygwaya Paska mala Yahudu ege, a naja. Əy nasəkam Mba Ɗala aza, ŋ ja aza ata mpe gafaŋgal.» 3Aya, madakal dakal mala kwakwas ege ey madakal dakal ma a tama mala Yahudu ege, əy jav a wata Kayafas, madakal mala mala kwakwas ege. 4Əy jav ma tata aka ŋ mpam taf ma ata mbal Yesu a werwer ŋ ja aza. 5A təwse ca, əy zlap, əy ŋgaya: «Heje ɗaw ŋ mbalaw, a pes gwaygwaya səkwaw, mavəday hejəye, əy naɗa gham.»
Wala wende a zah mel ma kenjef feŋfeŋ ata ha Yesu
6Maa Yesu mbəy ŋ Baytanəya, a wata Səymawn, ɗala maa fagwalakw kámbalaw ca, 7wala wende aka, a ndaha ara mbe, zlaɓa gajak albatəra, mel ma kenjef feŋfeŋ ŋma maa lasəkam anta səlay dakala. A zahza ata ha Yesu lec maa a kazam uda. 8Maa madarlaŋw ege, əy gəre ca, əy kághwaɗ tata, əy zlap, əy ŋgaya: «A gayza ka bəse ŋ vay? 9Mada keɗe, əy səkam mel anta aza ca, əy nelem səlay dakala, əy neveletene ŋ metetekw ege.» 10Yesu ca, kásan ledeŋ ŋkwaɓ tata aza, a zlepetene, a ŋgaya: «Hune ŋgene ŋkwaɓ ka ŋ wala ŋgha anta ata vemey? Zlan maa a lekey ŋghe ca, tuwah mambaza. 11Metetekw ege ca, əy ara hune ata pes ata pes, cemey, sa ca, sa kananja ara hune kaw vepey, askwaw. 12A zahza mel ŋghe ata kusam naka ca, a slekey kusam aka, ma ata nda ŋ jeɓ. 13Sa kazlapahune njenjəwen, ata la maa əy kanaghwal Ma Mewe ma Taŋtaŋ a manhayak tewtew ca, əy nazlap ata wala ŋgha anta, mavəday səkan maa a law, aya, hejəye əy nesenzene ata wala anta.»
Yahuda a valza Yesu ŋ ja aza
14Aya, ɗala teŋguleŋ ŋ taba madarlaŋw anta ege ma wam a gbak, zlam anta Yahuda Əyskarəyawt, a nda ara madakal dakal mala kwakwas ege. 15A zlepetene, a ŋgaya: «Mada sa kavalahune Yesu aza ca, hune nevelekey vemey?» Aya, əy velene səlay ramahkaɗ. 16Mar aka ata a pes wese ca, Yahuda a mpam vah ma taŋtaŋ ma ata velzetene Yesu aza.
Yesu a zam uda gwaygwaya Paska a madarlaŋw anta ege
17Aya, ata wan ma mpar mala gwaygwaya peŋ maa səkan ma ata hafza ŋma askwaw ca, madarlaŋw Yesu ege, əy ndaha, əy zlepene, əy ŋgaya: «Hwa ɗaw nene slahwaw la ma ata zam uda gwaygwaya Paska mala Yahudu ege aka ca, a katay?» 18A təwse ca, Yesu a zenetene, a ŋgaya: «Hune nda ŋ uzam, a wata manaŋ, hune zlepene ca: “Masasərak, a ŋgaya: Vah naka hwas, a wata ŋkwa ana maa sa kaɗaw ŋ zam uda gwaygwaya Paska, zlaɓa madarlaŋw naka ege.”» 19Madarlaŋw ege, əy la ana maa Yesu a zlepetene wese, əy sla uda gwaygwaya Paska aka.
20Maa mackwahw a la anta ca, Yesu a nja ŋ zam uda ey madarlaŋw anta ege wam aha gbak tata. 21Maa əy kazam uda ca, Yesu a zlap, a ŋgaya: «Njenjəwen, sa kazlapahune, ɗala teŋguleŋ ŋ taba ŋkune a nesəkemekey aza.» 22Ŋkwaɓ kéŋgetene aza ŋ madarlaŋw anta ege, əy ɗawza Yesu a meɗeɗe a meɗeɗe, əy ŋgaya: «Ara sa vaw, Bay Madakal?» 23Yesu a zenetene, a ŋgaya: «Ɗala maa nene kaca ra ŋ la anta ŋ takazuda ŋghe ca, ara mbe ma kenesəkemekey aza. 24Mba Ɗala a namac ana maa kéŋtereye a heɗe. Cemey, gef a nambal ɗala ma səkamza mambaza, zukwan ca, kámbawha, askwaw.» 25Yahuda, ɗala ma kanasəkamza Yesu aza wese, a ɗawza, a ŋgaya: «Masasərak, ara sa vaw?» Yesu a zenene, a ŋgaya: «Ana maa hwa zlap!»
Kusam ey mbambaz Yesu
26Maa əy kazam uda ca, Yesu a ŋta peŋ a lene wasay ŋ Gazlavay, a ɓez ka, a veletene ŋ madarlaŋw anta ege, a zlepetene, a ŋgaya: «Hune ŋtaw, hune zamaw, ebe ŋghe ca, ara kusam naka.» 27A dəwze anta, a ŋta tekeɗ mavaw, a lene wasay ŋ Gazlavay, a zlepetene, a ŋgaya: «Hune saw, hune tewtew ŋkune, 28mavəday ebe ŋghe ca, ara mbambaz naka, ma zahaha ŋ pal gay mala hejəye vəram, ara mbambaz laŋkan ma mala Gazlavay. 29Sa kazlapahune njenjəwen, kaw sa kanasa mavaw ŋghe anta zeney, askwaw, ha a pes ma heje kanasa mavaw mewe ŋ Lazam bay mala Vana mgba ata uzlaf.» 30A təwse ca, əy həmanza Gazlavay a dəraf, a dəwze anta, əy nda tata ŋ barla Jaytun.
Ata Yesu ey Pəyer
31Maa əy kanda ata taf ca, Yesu a zlepetene ŋ madarlaŋw anta ege, a ŋgaya: «A zaɗaw ŋgha, hune neyekzekey ka, mavəday heje kéjəŋge ŋ Ɗerewel ma keweɗ ege, ende ŋghe: “Sa naja mba njəwen aza, aya, ŋtəməye ma ŋ bezle ege yam, əy neweɗ.” 32Cemey, mada sa kágwarzamha aza ata lamac ca, sa nanda ŋ həbarahune ŋ hayak Galəyləy.»
33A təwse ca, Pəyer a ŋta zlap, a ŋgaya: «Mada hejəye tewtew əy kayakzahwaw aka teŋguleŋ ŋkwa ca, sa ca, sa kanayakzahwaw aka, askwaw.» 34Yesu a zenene, a ŋgaya: «Sa kazlapahwaw, njenjəwen, a zaɗaw ŋgha, mar gamzakw a naja ula ca, hwa nazlap gas mahkaɗ, hwa kesenekey səkwaw.» 35Pəyer a zenene, a ŋgaya: «Kaw mama namac ŋ la anta, sa kanazlap, sa kasanahwaw səkwaw ca, askwaw.» Aya, madarlaŋw ege vedəye, əy zlap tewtew, ana mbe.
Yesu a rak Gazlavay ŋ Gecemane
36Aya, Yesu a nda zlaɓa madarlaŋw anta ege ata la maa əy kayaɓa Gecemane. A təwse ca, a zlepetene, a ŋgaya: «Hune nja ka ata la ŋgha, sa nda a ŋge ŋghe ŋ rak Gazlavay.» 37A dəwze anta ca, a ŋta ata ata Pəyer leŋ uzəye Zebede ege gbak, aya, a lalak, unaf anta a zla. 38Aya, a zlepetene, a ŋgaya: «Lalak ma ŋ unaf naka a kenejekey aza. Hune nja ka ete ŋghe, hune ɗaw ŋ wan ŋkune səkwaw.» 39Aya, a nda a tama cekuɗe, a ndav mananakw dac, ata hayak, a rak Gazlavay, a ŋgaya: «Vana, mada a lem anta ca, kesza tekeɗ gef ŋghe aza gədak a sa. A mbe anta tewtew ca, hwa ɗaw ŋ law, ana maa sa kaɗaw səkwaw, cemey, law, ana ma hwa kaɗawaw.» 40Yesu a zenha ara madarlaŋw ege, kəɗe ca, a ndewzetene ca, əy káwan tata. A zlepene ŋ Pəyer, a ŋgaya: «Hune kula ŋ nja ka a nje a sa kaw ler teŋguleŋ səkwaw vaw? 41Hune ɗaw ŋ wan ŋkune səkwaw, hune rak Gazlavay, ndar hune ɗaw ŋ ndav ŋ gay səkwaw. Unaf ɗala a kaɗaw ŋ la səkan ma taŋtaŋ, cemey, kusam anta ŋtəɓal.» 42A nda magbak anta zeney, a rak Gazlavay, a ŋgaya: «Vana, mada tekeɗ gef anta a kenelem ŋ kesza səkwaw ca, wese ca, səy sa saw, law, ana ma hwa kaɗawaw.» 43A zenha ara madarlaŋw anta ege zeney, a ndewzetene, əy kawan tata, mavəday əy kula ŋ tak wan aka ŋ nje tata, səkwaw. 44A təwse ca, a yakzata aka zeney, a nda anta a rak Gazlavay mamahkaɗ anta, a zlap ana ma ŋcəne anta. 45Aya, a zenha ara madarlaŋw anta ege zeney, a zlepetene, a ŋgaya: «Ha na ŋgha ca, hune kawan, hune kazazak war vaw? Ŋghe vah kála anta, əy nasəkam Mba Ɗala aza ara hejəye mala gay ege. 46Hune gwarzam kazakwaw aza! Ŋghe heje ma kenesəkemekey aza wese, mbəy cakwa.»
Lambal Yesu
47Maa Yesu káŋtakwza zlap anta kwagwa səkwaw ca, Yahuda, ɗala teŋguleŋ ŋ taba malaɓ anta ege ma wam aha gbak wese, a ndaha zlaɓa hejəye vəram, ŋgezle masalam zlaɓa zlambay ege ara tata aka. Ara madakal dakal mala kwakwas ege ey madakal dakal ma a tama Yahudu ege, əy ma laɓata. 48Yahuda, ɗala ma səkam Yesu wese, kéghwelzetene səkan maa a kanalaw, aza, a ŋgaya: «Heje maa sa kanasəkawaw, ana ŋgama naka ca, ara mbe, hune mbalaw.» 49A təwse a təwse, Yahuda a nda kəɗe ara Yesu, a zlepene, a ŋgaya: «Sa kazlapzahwaw, Masasərak!» Aya, a səkawaw. 50Yesu a zlepene, a ŋgaya: «Səkan maa hwa ndaha ŋ la ca, laza.» Aya, hejəye wese ege əy ndaha əy mbal Yesu wese. 51A təwse ca, ɗala teŋguleŋ ŋ taba hejəye maa əy ata Yesu wese, a daɗaza ŋgezle masalam anta, a bal mala zlan mala madakal mala kwakwas, a zlene zlam aza. 52Cemey, Yesu a zlepene, a ŋgaya: «Zenza ŋgezle masalam ŋkwa ka a ujek anta, mavəday ɗala ma ɗa gham a ŋgezle masalam ca, ŋgezle masalam anta ma kanajaw. 53Hwa cakza ca, sa kula ŋ ɗaw lacak ara Vana, aya, mbe yam, a leɓekey malaɓ anta ege day aha leɓec ege wam aha gbak na na ŋgha səkwaw vaw? 54Cemey, mada ana ebe ŋghe ca, ɗerewel ma keweɗ maa, a ŋgaya: “Səy səkan anta mala anta ana ebe ŋghe”,» wese ca, a nasan ŋ la eze vaŋgay? 55A təwse ca, Yesu a zlepetene ŋ vəram hejəye, a ŋgaya: «Hune ndaha ŋ mbelekey a ŋgezle masalam leŋ a zlambay ege ca, sa ŋhel vaw? Ata pes ata pes, sa kénjeye a ujek kwakwas, sa kasasərakzata hejəye, ca, hune kémbelekey askwaw. 56Cemey, səkan anta ege tewtew əy laha ana ebe ŋghe ca, ndar zlap mala uzəye ma zlap ma mala Gazlavay ege ma kéŋtereye ŋ Ɗerewel ma keweɗ, əy la tata njenjəwen.» Aya, madarlaŋw anta ege tewtew tata, əy yakza aka, əy hey tata.
Yesu mbəy a tama lajav ma dakal ma ata ja guma
57Aya, hejəye ma mbal Yesu ege wese, əy jeɓza a wata Kayafas, madakal mala kwakwas. Ma maghwal ma maŋkanaŋkan ege ey madakal dakal ma a tama ege, əy kéjeveye, a təwse. 58Pəyer a kasəbar Yesu ara ata gədak, ha hwas a wata madakal mala kwakwas wese. A dam a ge, a nja ka a həzlar mala zlan ege ata varvara ge, ŋ gəre ma anta a nakəɗaŋ ca, vaŋgay. 59Madakal dakal mala kwakwas ege ey Lajav ma dakal ma ata ja guma, tewtew tata, ey mpam taf ma ata zla metəwle ata Yesu, ndar əy lem taf ŋ ja aza. 60A təwse ca, hejəye vəram, əy zla metəwle ege vedəye vedəye a heɗe, cemey, kaw əy kélemew, askwaw. Aya, hejəye vedəye gbak aka, əy ndaha, 61əy zlap, əy ŋgaya: «Heje ŋghe, a kázlap, a ŋgaya: “Sa kula ŋ ghwaramza ujek Gazlavay aza, aya, sa lam ka ata la anta ŋ wan mahkaɗ.”» 62Madakal mala kwakwas ege, a gwarzam, a zlepene ŋ Yesu, a ŋgaya: «Hwa kezenetene ŋ ma, askwaw vaw? Hejəye ŋghe anta ege, əy zlap ata hwa ca, ma vekey?» 63Cemey, kaw Yesu kezenene ŋ ma askwaw. A təwse ca, madakal mala kwakwas ege wese, a zlepene, a ŋgaya: «Sa meɗahwaw ma a zlam Gazlavay ma a nje, zlepeney, njenjəwen, hwa ca, hwa Almasəyhu, Mba Gazlavay vaw?» 64Yesu a zenene, a ŋgaya: «Ana maa hwa zlap. Cemey, sa kazlapahune, mar aka ma na ŋgha, hune negəre Mba Ɗala kénjeye ata ra zam Gazlavay maa mbəy a ɓarɓar ata səkan ege tewtew. A zeney, hune negəre a kandaha ŋ mahwabakw ma mgba ata uzlaf.» 65Aya, madakal mala kwakwas ege wese, a slah rəgwac anta aza, a zlap, a ŋgaya: «Káraɓa Gazlavay! Heje ɗaw hejəye ŋ ghwalzaheje ma a heɗe zeney ca, vekey? Hune kézləme maa a raɓa Gazlavay. 66Hune deŋza ca, vaŋgay?» Əy zenene, əy ŋgaya: «Kála gay, ata ja aza.» 67Aya, əy ŋtefene mejəkəne ata nje, əy mgbakwaw, vedəye əy gazlaw, ata barzlazlam, 68a təwse, əy zlepene, əy ŋgaya: «Hwa, Almasəyhu, san ɗala ma gazlahwaw, ŋ taba ŋcene ŋghe aza.»
Pəyer a zlap, a kasan Yesu səkwaw
69A təwse ca, Pəyer kénjeye ata varvara ge. Aya, wala ma kala zlan a wata madakal mala kwakwas ege wese, a ndaha ara mbe, a zlepene, a ŋgaya: «Hwa ca, hune kánjaha a Yesu ɗala Galəyləy.» 70Cemey, Pəyer a ja ma ata nje hejəye tewtew, a zlap, a ŋgaya: «Sa kasan ma maa hwa kaɗaw ŋ zlap ŋgha səkwaw.» 71Aya, a nda kəɗa a ma guɗakw, wala wende aka a gəre zeney, aya, a zlepetene ŋ hejəye ma a təwse ege, a ŋgaya: «Heje ŋghe ca, ara ɗala maa əy kánjaha a Yesu ɗala Nasaratu.» 72Pəyer a ja ma zeney, a ŋgaya: «Sa meɗ, sa kasan heje ŋghe anta səkwaw.» 73A dəwze anta cekuɗe, hejəye ma a təwse ege, əy ndaha ara Pəyer, əy zlepene, əy ŋgaya: «Njenjəwen, hwa ca, hwa ɗala ma ŋ taba tata, mavəday zlap ma ŋ pakam ŋkwa, a kaghwalza ata la maa hwa gwarzamaha.» 74Pəyer, a meɗ ma, a ŋgaya: «Mada sa la metəwle ca, Gazlavay meŋgwevekey. Njenjəwen, sa kasan heje ŋghe anta səkwaw.» A təwse a təwse ca, gamzakw a ja ula. 75Aya, Pəyer a senzene ata ma maa Yesu a zlepene, a ŋgaya: «Mar gamzakw a naja ula ca, hwa naja ma aza ata sa gas mahkaɗ, hwa kesenekey səkwaw wese.» A təwse ca, Pəyer a damha aza a bəza, a han mambaza.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL