Mata 22
22
Laslaŋgal ma ata laca dəma
1Aya, Yesu a zlepetene, a laslaŋgal ma zeney, a ŋgaya: 2«Lazam bay ma mgba ata uzlaf ca, a nja ana bay wende aka, ma la gwaygwaya laca dəma mba anta. 3A təwse ca, a laɓazata mala zlan anta ege ŋ yahata hejəye mayaya ege ŋ zam uda gwaygwaya anta. Cemey, hejəye anta ege, əy kaɗaw ŋ ndaha səkwaw. 4Aya, a laɓzata mala zlan anta ege vedəye zeney, ŋ zlepetene ŋ hejəye mayaya ege, ana ebe ŋghe: “Ŋghe, sa kásla səkan ta zam aza, mere naka ege ey ŋhwəye naka ege magapagap ege, əy kéfeteye aza, səkan ege tewtew, əy késleye aza, hune ndaha ŋ gwaygwaya laca dəma.” 5Cemey, hejəye mayaya anta ege, əy kécecefza ma anta səkwaw, əy nda tata, heje wende ŋ la anta, wende ŋ fəlew anta. 6Hejəye vedəye əy mbalata mala zlan a bay ege wese, əy setene gef, əy jata aza. 7Bay wese, a ghwaɗ anta, aya, a laɓzata sawje anta ege, əy jata hejəye ma əy jata madarlaŋw anta ege wese aza leŋ əy ŋkəɗaw uzam tata aza. 8Aya, a zlepetene ŋ mala zlan anta ege wese a ŋgaya: “Uda gwaygwaya kédeye aza, cemey hejəye mayaya ege, əy káhwas ŋ zam uda anta səkwaw. 9Cemey, hune nda ata lajav taf ege tewtew, hune yahata hejəye tewtew maa hune kenendewzetene ege, a təwse.” 10Mala zlan ege wese, əy nda ŋ taf ege, əy yahata hejəye tewtew maa əy ndewzetene, hejəye ma kala dadawar ege ey ma kala taŋtaŋ ege tewtew. Aya, ujek mala gwaygwaya laca dəma wese ghef a hejəye mayaya ege. 11Aya, bay wese a dam a ujek ŋ sarzata hejəye mayaya ege ca, a gəre ca, heje wende kácaha rəgwac gwaygwaya laca dəma anta, askwaw. 12A zlepene, a ŋgaya: “Ŋgama naka, hwa san ŋ damha ete ŋghe, rəgwac mala gwaygwaya mala laca dəma ata hwa, askwaw ca, vaŋgay?” Heje wese kézenene askwaw. 13Aya, bay wese, a zlepetene a mala zlan anta ege a ŋgaya: “Hune jewene ŋgas ege ey ra anta ege aka, hune nahza a bəza ŋ kuzle, a təwse, mahan, maɓam zləɗeŋ anta ege.”» 14Yesu a zlap zeney, a ŋgaya: «Hejəye mayaya ege vəram, cemey, mamayamay ege ca, vəram askwaw.»
Lacak budaw ŋ bay Rawma
15Aya, Farəysa ege əy nda, əy jav ma tata aka ŋ mpam werwer ŋ mbal Yesu ta ŋ zlap anta ege. 16Əy laɓzata madarlaŋw tata ege leŋ hejəye Həyrudus ege ara Yesu, ŋ zlepene ende ŋghe: «Masasərak, nene kasan ca, hwa ɗala ma kazlap ma ma njenjəwen, hwa kasasərakzata hejəye ata taf Gazlavay a heɗe a heɗe, kaw hwa kalalak ata kaw vayay askwaw, hwa sarzata hejəye tewtew ca, ma teŋguleŋ a tama ŋkwa. 17Ca, zlepeney səkan maa hwa kedeŋza: Taf képeleye ŋ nene ŋ ŋterene budaw ŋ Bay Rawma vaw, askwaw vaw?» 18Cemey, Yesu a kasan ledeŋ ŋkwaɓ tata ma kadak səkwaw, aya, a zlepetene, a ŋgaya: «Hune hejəye ma a ganana gbak gbak ege! Hune mpam taf ŋ mbelekey ŋ zlap ca, ŋ vay? 19Hune ghwelzekey səlay maa əy kaŋtar budaw a mbe.» A təwse ca, əy dene səlay anta teŋguleŋ. 20Yesu a zlepetene, a ŋgaya: «Tama ey zlam ma a heɗe ŋghe ca, a vecey?» 21A təwse ca, əy zenene, əy ŋgaya: «Mala Kaysara, Bay Rawma.» Aya, a zlepetene, a ŋgaya: «Ana ebe ŋghe ca, səkan mala Kaysara ca, hune velene ŋ Kaysara. Səkan mala Gazlavay ca, hune velene ŋ Gazlavay.» 22Maa əy zləme ma maa Yesu a zenetene ana ebe ŋghe wese ca, ma anta kéŋgetene ŋkwaɓ aza tewtew tata, aya, əy yakza ka, əy nda tata.
Laɗaw ata lagwarzamha hejəye aza ata lamac
23A pes wese ca, Sadukəy ege əy ndaha mbermber ara Yesu. Sadukəy anta ege ca, ara hejəye ma əy kazlap ca, hejəye ma mac tata ege ca, əy kanagwarzamha aza ata lamac askwaw. Aya, əy ɗawza, əy ŋgaya: 24«Masasərak, Musa a ŋgaya: “Mada ɗala a kámac anta, kaw əy kámbawha uzəye a wala anta askwaw ca, zlaŋgan a naŋta wala mce wese, ndar əy mbewene uzəye ŋ zlaŋgan ma mac anta wese.” 25Cemey, hejəye vedəye əy ata zlaŋgan tata ege, tata ŋsəleɗ ara nene aka. Zlaŋgan tata ma dakal káca wala, kámac anta, əy kámbawha uzəye, askwaw. A təwse ca, kégeɓzene wala anta ka ŋ zlaŋgan. 26A la ana mbe ŋghe, a zlaŋgan magbak, mamahkaɗ, ha hwas ata meŋsəleɗ. 27A dəwze tata tewtew ca, wala yam mac a mac anta. 28Ana ebe ŋghe eze ca, a pes maa hejəye əy kanagwarzamha aza ata lamac ca, wala ŋgha anta ca, a nala ŋ wala vecey? Mavəday, tata ŋsəleɗ tata tewtew, əy káŋta aza ŋ wala.»
29Yesu a zenetene, a ŋgaya: «Hune kédeder ŋkune ŋ zlap ŋkune ege, mavəday kaw hune kasan ɗerewel ma keweɗ, səkwaw, hune kasan ɓardakw mala Gazlavay səkwaw. 30Cemey, a vah maa hejəye əy nagwarzamha aza ata lamac ca, ata mawal ey wala əy kanaca kusam, askwaw. Əy nanja ana malaɓ Gazlavay ma mgba ata uzlaf ege. 31Ma ma ata lagwarzamha hejəye aza ata lamac ca, hune kéjəŋge ma maa Gazlavay, a zlap, 32a ŋgaya: “Sa ca, sa Gazlavay mala Əybərahəyma, Gazlavay mala Əysəyaku leŋ Gazlavay mala Yakubu,” askwaw vaw? Gazlavay ca, mala hejəye ma a nje ege səkwaw ca, mala hejəye ma mac tata ege səkwaw.» 33Ma hejəye tewtew əy zləme ana ebe ŋghe ca, ŋkwaɓ kéŋgetene aza ata lasasərak Yesu.
Ma maŋkanaŋkan ma pa ma day
34Maa Farəysa ege əy zləme Yesu kémpeketene ma mala Sadukəy ege aza ŋ zlap ca, əy jav. 35Aya, ɗala teŋguleŋ ŋ taba tata aka, ara maghwal ma maŋkanaŋkan, a ɗaw ŋ mbal Yesu a zlap anta, a ɗawza, a ŋgaya: 36«Masasərak, ma ma ŋ ma maŋkanaŋkan ma pa ma day ca, vekey?» 37Yesu a zenene, a ŋgaya: «Ɗaw Gazlavay, Bay Madakal ŋkwa, a unaf ŋkwa tewtew, a zəwet ŋkwa tewtew leŋ a ŋkwaɓ ŋkwa tewtew. 38Ebe ŋghe ca, ara ma maŋkanaŋkan ma pa ma day, ma mpar. 39Ŋghe magbak anta ma kasəbar zeney: Ɗaw mesleje ŋkwa ana ha ŋkwa. 40Ma maŋkanaŋkan mala Musa tewtew ey lasasərak mala uzəye ma zlap ma mala Gazlavay ege tewtew kéjeveye ŋ ma maŋkanaŋkan ma gbak ŋghe ege.»
Ata Almasəyhu ey Dawuda
41Maa Farəysa ege, əy kéɓeceye wese ca, Yesu a ɗawzata, a ŋgaya: 42«Hune deŋza ata Almasəyhu ca, vaŋgay? Ara mba dəmas vecey?» Əy zenene, əy ŋgaya: «Ara mba dəmas Dawuda.» 43Yesu, a zlepetene, a ŋgaya: «Ana ebe ŋghe ca, Dawuda ma ghef a Zəwet ma keweɗ, a yaɓa a “Bay Madakal ca,” ŋ vay? Mavəday, Dawuda kázlap, a ŋgaya:
44“Gazlavay, Bay Madakal a zlepene ŋ Bay Madakal naka:
Nja ka ata ra zam naka
ha a pes maa sa ma cata hejəye ma kaɗaw ŋ gərehwaw ata nje səkwaw ege, aza asa ŋgas ŋkwa.”
45Ca, mada Dawuda a yaɓa a “Bay Madakal ca,” a nasan ŋ la mba dəmas anta ca, vaŋgay?» 46A təwse ca, hejəye əy mpak ma tata ege ka, əy kula ŋ zenene zlap, səkwaw. Aya, mar aka a pes wese ca, kaw vayay a kalalak ŋ ɗawaza ata ma ege.
Àwon tá yàn lọ́wọ́lọ́wọ́ báyìí:
Mata 22: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 22
22
Laslaŋgal ma ata laca dəma
1Aya, Yesu a zlepetene, a laslaŋgal ma zeney, a ŋgaya: 2«Lazam bay ma mgba ata uzlaf ca, a nja ana bay wende aka, ma la gwaygwaya laca dəma mba anta. 3A təwse ca, a laɓazata mala zlan anta ege ŋ yahata hejəye mayaya ege ŋ zam uda gwaygwaya anta. Cemey, hejəye anta ege, əy kaɗaw ŋ ndaha səkwaw. 4Aya, a laɓzata mala zlan anta ege vedəye zeney, ŋ zlepetene ŋ hejəye mayaya ege, ana ebe ŋghe: “Ŋghe, sa kásla səkan ta zam aza, mere naka ege ey ŋhwəye naka ege magapagap ege, əy kéfeteye aza, səkan ege tewtew, əy késleye aza, hune ndaha ŋ gwaygwaya laca dəma.” 5Cemey, hejəye mayaya anta ege, əy kécecefza ma anta səkwaw, əy nda tata, heje wende ŋ la anta, wende ŋ fəlew anta. 6Hejəye vedəye əy mbalata mala zlan a bay ege wese, əy setene gef, əy jata aza. 7Bay wese, a ghwaɗ anta, aya, a laɓzata sawje anta ege, əy jata hejəye ma əy jata madarlaŋw anta ege wese aza leŋ əy ŋkəɗaw uzam tata aza. 8Aya, a zlepetene ŋ mala zlan anta ege wese a ŋgaya: “Uda gwaygwaya kédeye aza, cemey hejəye mayaya ege, əy káhwas ŋ zam uda anta səkwaw. 9Cemey, hune nda ata lajav taf ege tewtew, hune yahata hejəye tewtew maa hune kenendewzetene ege, a təwse.” 10Mala zlan ege wese, əy nda ŋ taf ege, əy yahata hejəye tewtew maa əy ndewzetene, hejəye ma kala dadawar ege ey ma kala taŋtaŋ ege tewtew. Aya, ujek mala gwaygwaya laca dəma wese ghef a hejəye mayaya ege. 11Aya, bay wese a dam a ujek ŋ sarzata hejəye mayaya ege ca, a gəre ca, heje wende kácaha rəgwac gwaygwaya laca dəma anta, askwaw. 12A zlepene, a ŋgaya: “Ŋgama naka, hwa san ŋ damha ete ŋghe, rəgwac mala gwaygwaya mala laca dəma ata hwa, askwaw ca, vaŋgay?” Heje wese kézenene askwaw. 13Aya, bay wese, a zlepetene a mala zlan anta ege a ŋgaya: “Hune jewene ŋgas ege ey ra anta ege aka, hune nahza a bəza ŋ kuzle, a təwse, mahan, maɓam zləɗeŋ anta ege.”» 14Yesu a zlap zeney, a ŋgaya: «Hejəye mayaya ege vəram, cemey, mamayamay ege ca, vəram askwaw.»
Lacak budaw ŋ bay Rawma
15Aya, Farəysa ege əy nda, əy jav ma tata aka ŋ mpam werwer ŋ mbal Yesu ta ŋ zlap anta ege. 16Əy laɓzata madarlaŋw tata ege leŋ hejəye Həyrudus ege ara Yesu, ŋ zlepene ende ŋghe: «Masasərak, nene kasan ca, hwa ɗala ma kazlap ma ma njenjəwen, hwa kasasərakzata hejəye ata taf Gazlavay a heɗe a heɗe, kaw hwa kalalak ata kaw vayay askwaw, hwa sarzata hejəye tewtew ca, ma teŋguleŋ a tama ŋkwa. 17Ca, zlepeney səkan maa hwa kedeŋza: Taf képeleye ŋ nene ŋ ŋterene budaw ŋ Bay Rawma vaw, askwaw vaw?» 18Cemey, Yesu a kasan ledeŋ ŋkwaɓ tata ma kadak səkwaw, aya, a zlepetene, a ŋgaya: «Hune hejəye ma a ganana gbak gbak ege! Hune mpam taf ŋ mbelekey ŋ zlap ca, ŋ vay? 19Hune ghwelzekey səlay maa əy kaŋtar budaw a mbe.» A təwse ca, əy dene səlay anta teŋguleŋ. 20Yesu a zlepetene, a ŋgaya: «Tama ey zlam ma a heɗe ŋghe ca, a vecey?» 21A təwse ca, əy zenene, əy ŋgaya: «Mala Kaysara, Bay Rawma.» Aya, a zlepetene, a ŋgaya: «Ana ebe ŋghe ca, səkan mala Kaysara ca, hune velene ŋ Kaysara. Səkan mala Gazlavay ca, hune velene ŋ Gazlavay.» 22Maa əy zləme ma maa Yesu a zenetene ana ebe ŋghe wese ca, ma anta kéŋgetene ŋkwaɓ aza tewtew tata, aya, əy yakza ka, əy nda tata.
Laɗaw ata lagwarzamha hejəye aza ata lamac
23A pes wese ca, Sadukəy ege əy ndaha mbermber ara Yesu. Sadukəy anta ege ca, ara hejəye ma əy kazlap ca, hejəye ma mac tata ege ca, əy kanagwarzamha aza ata lamac askwaw. Aya, əy ɗawza, əy ŋgaya: 24«Masasərak, Musa a ŋgaya: “Mada ɗala a kámac anta, kaw əy kámbawha uzəye a wala anta askwaw ca, zlaŋgan a naŋta wala mce wese, ndar əy mbewene uzəye ŋ zlaŋgan ma mac anta wese.” 25Cemey, hejəye vedəye əy ata zlaŋgan tata ege, tata ŋsəleɗ ara nene aka. Zlaŋgan tata ma dakal káca wala, kámac anta, əy kámbawha uzəye, askwaw. A təwse ca, kégeɓzene wala anta ka ŋ zlaŋgan. 26A la ana mbe ŋghe, a zlaŋgan magbak, mamahkaɗ, ha hwas ata meŋsəleɗ. 27A dəwze tata tewtew ca, wala yam mac a mac anta. 28Ana ebe ŋghe eze ca, a pes maa hejəye əy kanagwarzamha aza ata lamac ca, wala ŋgha anta ca, a nala ŋ wala vecey? Mavəday, tata ŋsəleɗ tata tewtew, əy káŋta aza ŋ wala.»
29Yesu a zenetene, a ŋgaya: «Hune kédeder ŋkune ŋ zlap ŋkune ege, mavəday kaw hune kasan ɗerewel ma keweɗ, səkwaw, hune kasan ɓardakw mala Gazlavay səkwaw. 30Cemey, a vah maa hejəye əy nagwarzamha aza ata lamac ca, ata mawal ey wala əy kanaca kusam, askwaw. Əy nanja ana malaɓ Gazlavay ma mgba ata uzlaf ege. 31Ma ma ata lagwarzamha hejəye aza ata lamac ca, hune kéjəŋge ma maa Gazlavay, a zlap, 32a ŋgaya: “Sa ca, sa Gazlavay mala Əybərahəyma, Gazlavay mala Əysəyaku leŋ Gazlavay mala Yakubu,” askwaw vaw? Gazlavay ca, mala hejəye ma a nje ege səkwaw ca, mala hejəye ma mac tata ege səkwaw.» 33Ma hejəye tewtew əy zləme ana ebe ŋghe ca, ŋkwaɓ kéŋgetene aza ata lasasərak Yesu.
Ma maŋkanaŋkan ma pa ma day
34Maa Farəysa ege əy zləme Yesu kémpeketene ma mala Sadukəy ege aza ŋ zlap ca, əy jav. 35Aya, ɗala teŋguleŋ ŋ taba tata aka, ara maghwal ma maŋkanaŋkan, a ɗaw ŋ mbal Yesu a zlap anta, a ɗawza, a ŋgaya: 36«Masasərak, ma ma ŋ ma maŋkanaŋkan ma pa ma day ca, vekey?» 37Yesu a zenene, a ŋgaya: «Ɗaw Gazlavay, Bay Madakal ŋkwa, a unaf ŋkwa tewtew, a zəwet ŋkwa tewtew leŋ a ŋkwaɓ ŋkwa tewtew. 38Ebe ŋghe ca, ara ma maŋkanaŋkan ma pa ma day, ma mpar. 39Ŋghe magbak anta ma kasəbar zeney: Ɗaw mesleje ŋkwa ana ha ŋkwa. 40Ma maŋkanaŋkan mala Musa tewtew ey lasasərak mala uzəye ma zlap ma mala Gazlavay ege tewtew kéjeveye ŋ ma maŋkanaŋkan ma gbak ŋghe ege.»
Ata Almasəyhu ey Dawuda
41Maa Farəysa ege, əy kéɓeceye wese ca, Yesu a ɗawzata, a ŋgaya: 42«Hune deŋza ata Almasəyhu ca, vaŋgay? Ara mba dəmas vecey?» Əy zenene, əy ŋgaya: «Ara mba dəmas Dawuda.» 43Yesu, a zlepetene, a ŋgaya: «Ana ebe ŋghe ca, Dawuda ma ghef a Zəwet ma keweɗ, a yaɓa a “Bay Madakal ca,” ŋ vay? Mavəday, Dawuda kázlap, a ŋgaya:
44“Gazlavay, Bay Madakal a zlepene ŋ Bay Madakal naka:
Nja ka ata ra zam naka
ha a pes maa sa ma cata hejəye ma kaɗaw ŋ gərehwaw ata nje səkwaw ege, aza asa ŋgas ŋkwa.”
45Ca, mada Dawuda a yaɓa a “Bay Madakal ca,” a nasan ŋ la mba dəmas anta ca, vaŋgay?» 46A təwse ca, hejəye əy mpak ma tata ege ka, əy kula ŋ zenene zlap, səkwaw. Aya, mar aka a pes wese ca, kaw vayay a kalalak ŋ ɗawaza ata ma ege.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL