Mata 20
20
Laslaŋgal ma ata mala zlan ege ŋ la a mpe mavaw
1«Lazam bay ma mgba ata uzlaf ca, a nja ana laslaŋgal ma ŋgha. Heje la wende aka, a damha beŋ mala mapat, ŋ ŋta mala zlan ege ŋ la a mpe mavaw anta. 2Əy zlap a mala zlan anta ege, ŋ ŋteretene ata pes ca, səlay teŋguleŋ. Aya, a laɓzata ŋ la a mpe mavaw anta wese. 3A damha a bəza ata ler jafaɗ mala mapat zeney ca, a gəreta hejəye vedəye əy kégereye bəse ata la wese. 4Aya, a zlepetene, a ŋgaya: “Hune yam, hune nda ŋ la zlan ŋ la a mpe mavaw naka, sa naŋtarahune a heɗe a heɗe.” 5A təwse ca, əy nda ŋ la anta anta. A damha zeney, a pes wereywerey, a dəwze anta ata ler mahkaɗ mala mackwahw, a law, ana mbe zeney. 6Ma a damha mamaɗ ata ler jaɓan mala mackwahw ca, a ndew ata hejəye vedəye, əy təwse, aya, a zlepetene, a ŋgaya: “Hune nja ka ete ŋghe pes pes, hune kala zlan askwaw ca, ŋ vay?” 7Əy zenene, əy ŋgaya: “Kaw ɗala kéŋteney ŋ la zlan, askwaw.” A zlepetene, a ŋgaya: “Hune yam, hune nda ŋ la zlan ŋ la mpe mavaw naka.”»
8«Maa mackwahw a la anta ca, heje la mpe mavaw a zlepene ŋ madakal mala zlan ege, a ŋgaya: “Yahata mala zlan ege, ŋteretene ŋ kaw vayay səlay mala zlan anta. Hwa mar aza ata hejəye matakwaɗ ege, hwa maɗza ata hejəye ma mpar ege.” 9Hejəye ma ndaha ŋ la zlan ege ata ler jaɓan mala mackwahw, əy ndaha, kaw vayay a lem səlay teŋguleŋ teŋguleŋ. 10Maa hejəye ma mpar ege əy ndaha ca, əy cakza ca, əy nelem səlay pa ma day aha mala hejəye ma ndaha ma dəwze ege wese. Cemey, tata yam, əy lem kaw vayay səlay teŋguleŋ teŋguleŋ. 11Maa əy kalamza ca, əy kaŋgwaŋgwar ara ata heje la, 12əy ŋgaya: “Hejəye ma la zlan ma ndaha ma dəwze ege, əy la zlan ler teŋguleŋ ende ŋghe ca, hwa ŋteretene səlay rakrak a nene ma ŋtəɓal ŋ la zlan pes pes, ata pes ma kaŋkəɗaw ŋgha aza vaw!” 13Cemey, heje la, a zenene ŋ ɗala tata wende, a ŋgaya: “Ŋgama naka, sa kázamahwaw aza, askwaw. Mamaw kázlapaza ŋ ŋtarahwaw ata pes ca, səlay teŋguleŋ, askwaw, vaw? 14Ŋta səlay ŋkwa, nda ŋkwa. Sa ɗaw ŋ velene ŋ ɗala matakwaɗ ŋgha ca, ana maa sa ŋtarahwaw yam. 15Sa kula ŋ la səkan aza a səkan ma asa ra naka ana maa kaɗaw, səkwaw, vaw? Akwaw ca, hwa la sərah mavəday maa sa kála kadak vaw?” 16Ana ebe ŋghe, Yesu a ŋgaya: “Hejəye ma maɗ ege, əy nanda tata a tama, hejəye ma mpar ege yam, əy nezen tata a dəwze.”»
Yesu a ghwalza lamac anta leŋ lagwarzamha aza ata lamac anta mamahkaɗ anta
17Maa Yesu a kanda kəɗa ŋ Urusaləyma ca, a ŋta madarlaŋw anta ege ma wam aha gbak gagaha. Aya, maa əy ata taf ca, a zlepetene, a ŋgaya: 18«Ŋghe, heje kandakwaw ŋ Urusaləyma, əy navalza Mba Ɗala aza, asa ra madakal dakal mala kwakwas ege ey maghwal ma maŋkanaŋkan ege. Əy nejene guma ma ata jaw, aza. 19Əy navalza aza asa ra hejəye maa tata Yahudu ege səkwaw, əy naɓas a heɗe, əy naŋtawaw, əy nadar ka ata mpe gafaŋgal, aya, ata wan mamahkaɗ anta ca, a nagwarzamha aza ata lamac.»
Man ata Yakuba ey Yuhana a ɗawza Yesu
20Aya, maa man uzəye Zebede ege a ndaha ara Yesu zlaɓa uzəye anta ege ca, a gəleɓ a tama anta, a rakaw, ŋ cekzene. 21A təwse ca, Yesu a zlepene, a ŋgaya: «Hwa ɗaw ca, vemey?» Aya, Wala wese, a zenene, a ŋgaya: «Zlepekey aza na ŋgha, a ɗaw ca, uzəye naka ma gbak ŋghe ege, əy manja ŋ bay ŋkwa, teŋguleŋ, ata ra zam ŋkwa, wende, ata ra gula ŋkwa.» 22Yesu a zenene, a ŋgaya: «Hune kasan səkan ma hune kaɗawza səkwaw. Hune kula aza ŋ sa tekeɗ gef maa sa kanasa vaw?» Əy zenene, əy ŋgaya: «Nene kula aza.» 23Yesu a zlepetene, a ŋgaya: «Njenjəwen, hune nasa tekeɗ gef naka, cemey, ŋ nja ata ra zam naka, askwaw ca, ata ra gula naka ca, ara sa ma kavalza səkwaw. Cemey, lanja anta ca, mala hejəye maa Vana a slata ka ege.» 24Maa madarlaŋw ma wam ege, əy zləme ana ebe ŋghe ca, unaf tata ege, əy kághwaɗ tata ata zlaŋgan tata ma gbak ege wese. 25Cemey, Yesu a yahata tewtew tata, a zlepetene a ŋgaya: «Hune kasanaw, bay ege ma ŋ manhayak ege əy kazam bay ata hejəye a ɓarɓar, madakal dakal ege, əy kaghwalza ɓarɓar tata ege ata hejəye vedəye yam. 26Cemey, səkan ma da ebe ŋghe ca, a ɗaw ŋ la ŋ taba ŋkune səkwaw. Karba ca, mada ɗala a kaɗaw ŋ la anta a madakal ŋ taba ŋkune ca, mabaw anta a mala zlan ŋkune. 27Mada ɗala a kaɗaw ŋ la ŋ ɗala ma mpar ŋ taba ŋkune ca, mabaw anta ŋ mava ŋkune. 28Ana ebe ŋghe, Mba Ɗala a ndaha ca, ndar hejəye əy lene zlan səkwaw, cemey, ŋ letene zlan ŋ hejəye leŋ ŋ valza ha anta aza ŋ rehata hejəye aza vəram.»
Yesu a zlerzetene nje ulaf ege aza gbak
29Maa ata Yesu ey madarlaŋw anta ege, əy kadamha aza ŋ Uzam Yerəykaw ca, hejəye vəram əy səbaraw. 30Kəɗe ca, ulaf ege gbak əy kénjeye a ma taf. Maa əy zləme ara Yesu ma kanda ca, əy ja ula, əy ŋgaya: «Bay Madakal, Mba Dawuda, senzeney hahar!» 31A təwse ca, hejəye əy gulakzata, ŋ nja ka tete. Cemey, ulaf ege wese əy vas ŋ ja ula a mazlazlay zeney, əy ŋgaya: «Bay Madakal, Mba Dawuda, senzeney hahar!» 32Aya, Yesu a gar aka, a yahata, a zlepetene, a ŋgaya: «Səkan maa hune kaɗaw sa lahune ca, vemey?» 33Əy zlepene, əy ŋgaya: «Bay Madakal, nene ɗaw ca, hwa zlerzeney nje ŋcene ege aza!» 34Aya, Yesu a senzetene hahar, a ca ra anta ata nje tata ege. A təwse a təwse, nje tata ege wese, əy zlar tata. Aya, əy səbaraw.
Àwon tá yàn lọ́wọ́lọ́wọ́ báyìí:
Mata 20: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 20
20
Laslaŋgal ma ata mala zlan ege ŋ la a mpe mavaw
1«Lazam bay ma mgba ata uzlaf ca, a nja ana laslaŋgal ma ŋgha. Heje la wende aka, a damha beŋ mala mapat, ŋ ŋta mala zlan ege ŋ la a mpe mavaw anta. 2Əy zlap a mala zlan anta ege, ŋ ŋteretene ata pes ca, səlay teŋguleŋ. Aya, a laɓzata ŋ la a mpe mavaw anta wese. 3A damha a bəza ata ler jafaɗ mala mapat zeney ca, a gəreta hejəye vedəye əy kégereye bəse ata la wese. 4Aya, a zlepetene, a ŋgaya: “Hune yam, hune nda ŋ la zlan ŋ la a mpe mavaw naka, sa naŋtarahune a heɗe a heɗe.” 5A təwse ca, əy nda ŋ la anta anta. A damha zeney, a pes wereywerey, a dəwze anta ata ler mahkaɗ mala mackwahw, a law, ana mbe zeney. 6Ma a damha mamaɗ ata ler jaɓan mala mackwahw ca, a ndew ata hejəye vedəye, əy təwse, aya, a zlepetene, a ŋgaya: “Hune nja ka ete ŋghe pes pes, hune kala zlan askwaw ca, ŋ vay?” 7Əy zenene, əy ŋgaya: “Kaw ɗala kéŋteney ŋ la zlan, askwaw.” A zlepetene, a ŋgaya: “Hune yam, hune nda ŋ la zlan ŋ la mpe mavaw naka.”»
8«Maa mackwahw a la anta ca, heje la mpe mavaw a zlepene ŋ madakal mala zlan ege, a ŋgaya: “Yahata mala zlan ege, ŋteretene ŋ kaw vayay səlay mala zlan anta. Hwa mar aza ata hejəye matakwaɗ ege, hwa maɗza ata hejəye ma mpar ege.” 9Hejəye ma ndaha ŋ la zlan ege ata ler jaɓan mala mackwahw, əy ndaha, kaw vayay a lem səlay teŋguleŋ teŋguleŋ. 10Maa hejəye ma mpar ege əy ndaha ca, əy cakza ca, əy nelem səlay pa ma day aha mala hejəye ma ndaha ma dəwze ege wese. Cemey, tata yam, əy lem kaw vayay səlay teŋguleŋ teŋguleŋ. 11Maa əy kalamza ca, əy kaŋgwaŋgwar ara ata heje la, 12əy ŋgaya: “Hejəye ma la zlan ma ndaha ma dəwze ege, əy la zlan ler teŋguleŋ ende ŋghe ca, hwa ŋteretene səlay rakrak a nene ma ŋtəɓal ŋ la zlan pes pes, ata pes ma kaŋkəɗaw ŋgha aza vaw!” 13Cemey, heje la, a zenene ŋ ɗala tata wende, a ŋgaya: “Ŋgama naka, sa kázamahwaw aza, askwaw. Mamaw kázlapaza ŋ ŋtarahwaw ata pes ca, səlay teŋguleŋ, askwaw, vaw? 14Ŋta səlay ŋkwa, nda ŋkwa. Sa ɗaw ŋ velene ŋ ɗala matakwaɗ ŋgha ca, ana maa sa ŋtarahwaw yam. 15Sa kula ŋ la səkan aza a səkan ma asa ra naka ana maa kaɗaw, səkwaw, vaw? Akwaw ca, hwa la sərah mavəday maa sa kála kadak vaw?” 16Ana ebe ŋghe, Yesu a ŋgaya: “Hejəye ma maɗ ege, əy nanda tata a tama, hejəye ma mpar ege yam, əy nezen tata a dəwze.”»
Yesu a ghwalza lamac anta leŋ lagwarzamha aza ata lamac anta mamahkaɗ anta
17Maa Yesu a kanda kəɗa ŋ Urusaləyma ca, a ŋta madarlaŋw anta ege ma wam aha gbak gagaha. Aya, maa əy ata taf ca, a zlepetene, a ŋgaya: 18«Ŋghe, heje kandakwaw ŋ Urusaləyma, əy navalza Mba Ɗala aza, asa ra madakal dakal mala kwakwas ege ey maghwal ma maŋkanaŋkan ege. Əy nejene guma ma ata jaw, aza. 19Əy navalza aza asa ra hejəye maa tata Yahudu ege səkwaw, əy naɓas a heɗe, əy naŋtawaw, əy nadar ka ata mpe gafaŋgal, aya, ata wan mamahkaɗ anta ca, a nagwarzamha aza ata lamac.»
Man ata Yakuba ey Yuhana a ɗawza Yesu
20Aya, maa man uzəye Zebede ege a ndaha ara Yesu zlaɓa uzəye anta ege ca, a gəleɓ a tama anta, a rakaw, ŋ cekzene. 21A təwse ca, Yesu a zlepene, a ŋgaya: «Hwa ɗaw ca, vemey?» Aya, Wala wese, a zenene, a ŋgaya: «Zlepekey aza na ŋgha, a ɗaw ca, uzəye naka ma gbak ŋghe ege, əy manja ŋ bay ŋkwa, teŋguleŋ, ata ra zam ŋkwa, wende, ata ra gula ŋkwa.» 22Yesu a zenene, a ŋgaya: «Hune kasan səkan ma hune kaɗawza səkwaw. Hune kula aza ŋ sa tekeɗ gef maa sa kanasa vaw?» Əy zenene, əy ŋgaya: «Nene kula aza.» 23Yesu a zlepetene, a ŋgaya: «Njenjəwen, hune nasa tekeɗ gef naka, cemey, ŋ nja ata ra zam naka, askwaw ca, ata ra gula naka ca, ara sa ma kavalza səkwaw. Cemey, lanja anta ca, mala hejəye maa Vana a slata ka ege.» 24Maa madarlaŋw ma wam ege, əy zləme ana ebe ŋghe ca, unaf tata ege, əy kághwaɗ tata ata zlaŋgan tata ma gbak ege wese. 25Cemey, Yesu a yahata tewtew tata, a zlepetene a ŋgaya: «Hune kasanaw, bay ege ma ŋ manhayak ege əy kazam bay ata hejəye a ɓarɓar, madakal dakal ege, əy kaghwalza ɓarɓar tata ege ata hejəye vedəye yam. 26Cemey, səkan ma da ebe ŋghe ca, a ɗaw ŋ la ŋ taba ŋkune səkwaw. Karba ca, mada ɗala a kaɗaw ŋ la anta a madakal ŋ taba ŋkune ca, mabaw anta a mala zlan ŋkune. 27Mada ɗala a kaɗaw ŋ la ŋ ɗala ma mpar ŋ taba ŋkune ca, mabaw anta ŋ mava ŋkune. 28Ana ebe ŋghe, Mba Ɗala a ndaha ca, ndar hejəye əy lene zlan səkwaw, cemey, ŋ letene zlan ŋ hejəye leŋ ŋ valza ha anta aza ŋ rehata hejəye aza vəram.»
Yesu a zlerzetene nje ulaf ege aza gbak
29Maa ata Yesu ey madarlaŋw anta ege, əy kadamha aza ŋ Uzam Yerəykaw ca, hejəye vəram əy səbaraw. 30Kəɗe ca, ulaf ege gbak əy kénjeye a ma taf. Maa əy zləme ara Yesu ma kanda ca, əy ja ula, əy ŋgaya: «Bay Madakal, Mba Dawuda, senzeney hahar!» 31A təwse ca, hejəye əy gulakzata, ŋ nja ka tete. Cemey, ulaf ege wese əy vas ŋ ja ula a mazlazlay zeney, əy ŋgaya: «Bay Madakal, Mba Dawuda, senzeney hahar!» 32Aya, Yesu a gar aka, a yahata, a zlepetene, a ŋgaya: «Səkan maa hune kaɗaw sa lahune ca, vemey?» 33Əy zlepene, əy ŋgaya: «Bay Madakal, nene ɗaw ca, hwa zlerzeney nje ŋcene ege aza!» 34Aya, Yesu a senzetene hahar, a ca ra anta ata nje tata ege. A təwse a təwse, nje tata ege wese, əy zlar tata. Aya, əy səbaraw.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL