Mata 10
10
Yesu a laɓzata malaɓ anta ege wam aha gbak
1A dəwze anta, Yesu a yata madarlaŋw anta ege wam aha gbak. A təwse ca, a veletene ɓarɓar ŋ gam zəwet malula ege, ŋ rehzata hejəye ma kadawar ege leŋ hejəye ma halɓaya ege. 2Ŋghe, zlam malaɓ ma wam aha gbak anta ege: ɗala ma mpar ca, Səymawn maa əy kayaɓa Pəyer leŋ Andəyre, zlaŋgan. Ata Yakuba ey zlaŋgan Yuhana, tata uzəye Zebede ege. 3Ata Fəyləyp ey Bartawlawme, Tawmas ey Mata, heje macak budaw, Yakuba, mba Alfa ey Tade, 4Səymawn, ɗala ma ɓarɓar, ma kampam taf ŋ rehzata hejəye anta ege aza ey Yahuda Əyskarəyawt, heje ma kanavalza Yesu aza, ŋ ja.
Zlan mala malaɓ ege
5Yesu a laɓzata malaɓ anta ma wam aha gbak ege, a zlepetene, a ŋgaya: «Hune ɗaw ŋ nda ata la maa hejəye ma tata Yahudu ege səkwaw a təwse aka səkwaw, hune ɗaw ŋ dam ŋ uzam mala hejəye Samarəya ege səkwaw yam. 6Cemey, hune nda ara hejəye Əysərayəyla maa əy nja ana ŋtəməye ma fətek tata ege. 7Mada hune kanda ata taf ca, hune ghwelzetene, hune zlepetene ca, lazam Bay ma mgba ata uzlaf, mbəy slaɓ. 8Hune rehzata hejəye ma kadawar ege aza, hune gwarzamata hejəye ma mac tata ege aza ata lamac, hune rehzata hejəye maa fagwalakw ata tata ege aza, hune gamata zəwet malula ege aza. Ɓarɓar anta ca, hune lem mala bəse, hune valza mala bəse yam. 9Hune ɗaw ŋ slak kaw bənaɓ, kaw ɓarzlam, kaw səlay ara ŋ bakatar ŋkune ege səkwaw. 10Hune ɗaw ŋ ŋta bakatar ma ata ŋcəwer ara asa ra səkwaw, kaw hune ɗaw ŋ ca rəgwac ara gbak səkwaw, kaw hune ɗaw ŋ ca ŋte ara ata ŋgas səkwaw, kaw zlambay ara asa ra səkwaw, cemey, mala zlan ca, a nelem səkan ta zam anta.
11Mada hune hwas ŋ uzam, askwaw ca, ata kəva kaw vekey ca, hune mpam ɗala ma kula aza ŋ lamzahune a wata anta. Hune nja ka a təwse ha hwas ata vah maa hune kaɗaw ŋ nda ŋkune. 12Mada hune kadam a wata ɗala ca, hune zlepzetene ŋ hejəye ma ŋma ege, hune: “Zəhay manja ata hune.” 13Mada hejəye ma a wata wese ege, əy kálamzahune aza ca, wese ca, əy hwas ŋ lem zəhay, aya, zəhay ŋkune manja ata tata. Cemey, mada əy kálamzahune askwaw ca, wese ca, zəhay ŋkune anta mezenha aza ata hune. 14Mada hune dam a wata ɗala, askwaw ca ŋ uzam, əy kaɗaw ŋ lamzahune səkwaw, askwaw ca əy kaɗaw ŋ tehzahune zlam səkwaw ca, hune damha aza a təwse, aya, hune ŋtewetene berdeberde ma ata ŋgas ŋkune ege aka. 15Sa kazlapahune njenjəwen, vah maa manhayak a kanatuwaɗ ca, guma tata a nala pa ŋ madadawar aha guma hejəye ma ŋ uzam Sawdawma ey ma ŋ uzam Gawmawra ege.»
Gef ma kanandaha ata hejəye ma lamza ma mala Yesu aza ege
16Yesu a zlepetene ŋ malaɓ anta ege wese, a ŋgaya: «Ŋghe, sa laɓzahune ana ŋtəməye ŋ taba menjernjer ege. Hune sla ka kadak kadak ata ha ŋkune ege ana zezekw, hune nja tuwah a tama hejəye ana məyɗanak ege. 17Cemey, hune həbar ha ŋkune ege aka a tama hejəye, mavəday əy nejeɓzahune ata laja guma ege, əy naŋtawahune a ujek tata ege ma ata rak Gazlavay. 18Əy nejeɓzahune a tama mambal hayak ege leŋ a tama bay ege mavəday sa, ndar hune ghwal zlap ata sa a tama tata leŋ a tama hejəye maa tata Yahudu ege səkwaw. 19Mada əy kéjeɓzahune aza ata laja guma ca, hune ɗaw ŋ ŋga ŋkwaɓ ata səkan maa hune kanazlap, askwaw ca, hune nazlap vaŋgay, səkwaw. Ma maa hune kanazlap ca, a nandaha ata vah anta. 20Cemey, hune ma kanazlap səkwaw, ara Zəwet Cehw ŋkune Gazlavay ma kanazlap ŋ hune. 21Hejəye əy navalzata zlaŋgan tata ege ŋ jata aza. Cen mbaw, a nelene ŋ mba anta ana mbe yam, uzəye əy naɗa gham a mambaw tata ege, əy najata aza. 22Hejəye tewtew, əy kanaɗaw ŋ gərehune ata nje səkwaw mavəday zlam naka. Cemey, ɗala ma sew gef anta aza ha hwas ata laŋtakw ca, a nereh. 23Mada əy kampam ŋgwesem asa hune ata kəva wende ca, hune nda ŋkune ata kəva matakan. Sa kazlapahune njenjəwen, mar Mba Ɗala a nandaha ca, hune kanala kula ŋ ŋtakwzata uzam ma ŋ hayak Əysərayəyla ege aza a leŋcəwer səkwaw. 24Ɗala ma kasasərak ca, kula ŋ san səkan aza day aha masasərak anta səkwaw. Mala zlan yam ca, kula ŋ dayza təwjek anta aza ca, askwaw. 25Mada ɗala ma kasasərak a san səkan ana masasərak anta, mala zlan yam, a nja ana təwjek anta ca, wese ca, tew. Mada əy yaɓa təwjek a Beyelzebul ca, əy narata hejəye ma a wata anta ege day zeney askwaw vaw?»
Ɗala ma ata lalak a heɗe ca, vayay?
26Yesu a zlepetene ŋ malaɓ anta ege zeney, a ŋgaya: «Hune ɗaw ŋ lalak ata hejəye səkwaw, mavəday, səkan maɓahaɓah a naghwalaha aza, səkan ma hejəye əy kasan səkwaw ca, a nasan anta. 27Səkan maa əy kazlapahune ŋ kuzle ca, hune ghwalza ata la ma keweɗ. Səkan maa əy kesesekwahune ŋ zlam ca, hune ghwalza ŋ varvara. 28Hune ɗaw ŋ lalak ata hejəye ma kula ŋ ja zleykusam ŋkune ege aza, səkwaw, cemey, əy kula ŋ ja zəwet ŋkune ege aza səkwaw. Hune lalak ata Gazlavay ma kula ŋ fətekzata ata zleykusam ey zəwet aza ŋ kwahwaw ma kaŋtakw səkwaw kaw vepey. 29Heje kula aza ŋ səkam uzəye vəgem ege gbak a səlay teŋguleŋ səkwaw vaw? Cemey, mada Cehw ŋkune Gazlavay káɗaw askwaw ca, kaw mba vəgem teŋguleŋ a kanah ata hayak, askwaw. 30Hune yam, jukwaɗ ma ata ha ŋkune ege əy kéŋgeɗeye tewtew tata teŋguleŋ teŋguleŋ. 31Mavəday anta, kaw hune ɗaw ŋ lalak səkwaw, hune ca, hune pa ma day aha vəgem ma cercer ege vəram.»
Laghwal zlap ata Yesu a tama hejəye
32«Kaw vayay ma kazlap a tama hejəye, a ŋgaya: “Sa ɗala mala Yesu” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka.” 33Cemey, Kaw vayay ma kazlap a tama hejəye, a ŋgaya: “Sa ɗala mala Yesu səkwaw” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka səkwaw.”»
Yesu a daha ca, zəhay səkwaw, cemey, a daha ca, gham
34Yesu a zlepetene zeney, a ŋgaya: «Hune ɗaw ŋ deŋza ca, sa ndaha ca, sa daha zəhay ŋ manhayak səkwaw. Sa kándaha mavəday, sa daha zəhay a manhayak ca, askwaw, cemey, sa daha ca, gham. 35Sa ndaha ca, ŋ ŋtezata ata mba mawal ey cen, ata haldəma ey maman, ata wala mbaw, ey man mawal anta. 36Hejəye ma a ge ma teŋguleŋ ege əy kanaɗaw ŋ gəre kusam ata nje səkwaw. 37Ɗala ma kaɗaw cen, askwaw ca maman day aha sa ca, káhwas ŋ la ŋ ɗala naka səkwaw. Ɗala ma kaɗaw mba anta, sakwaw ca, həla anta, day aha sa ca, káhwas ŋ la ŋ ɗala naka səkwaw. 38Ɗala ma ketew mpe gafaŋgal anta ŋ səberekey askwaw ca, káhwas ŋ la ŋ ɗala naka səkwaw. 39Ɗala ma kaɗaw ŋ rehza ha anta aza ca, a nefətekza aza. Cemey, ɗala ma fətekza ha anta aza mavəday sa ca, a nendewzene aza.»
Laŋtar mavəday lala taŋtaŋ
40Yesu a zlepetene ŋ malaɓ anta ege zeney a ŋgaya: «Kaw vayay, ma lamzahune ca, kélemzekey aza. Ɗala ma lemzekey ca, kálamza ɗala ma leɓekey aza. 41Ɗala ma lamza mba ma zlap ma mala Gazlavay mavəday maa ara mba ma zlap ma mala Gazlavay ca, a nelem laŋtar mba ma zlap ma mala Gazlavay. Ɗala ma lamza ɗala ma kala səkan a heɗe a heɗe aza mavəday ara ɗala ma kala səkan a heɗe a heɗe ca, a nelem laŋtar ana ɗala ma kala səkan a heɗe a heɗe. 42Sa kazlapahune njenjəwen: ɗala ma velene yam ma kamaɗ ŋ ɗala ma pa ma pəzekw ŋ taba madarlaŋw naka ŋghe ege mavəday ara madarlaŋw naka ca, heje anta a nelem laŋtar anta.»
Àwon tá yàn lọ́wọ́lọ́wọ́ báyìí:
Mata 10: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Mata 10
10
Yesu a laɓzata malaɓ anta ege wam aha gbak
1A dəwze anta, Yesu a yata madarlaŋw anta ege wam aha gbak. A təwse ca, a veletene ɓarɓar ŋ gam zəwet malula ege, ŋ rehzata hejəye ma kadawar ege leŋ hejəye ma halɓaya ege. 2Ŋghe, zlam malaɓ ma wam aha gbak anta ege: ɗala ma mpar ca, Səymawn maa əy kayaɓa Pəyer leŋ Andəyre, zlaŋgan. Ata Yakuba ey zlaŋgan Yuhana, tata uzəye Zebede ege. 3Ata Fəyləyp ey Bartawlawme, Tawmas ey Mata, heje macak budaw, Yakuba, mba Alfa ey Tade, 4Səymawn, ɗala ma ɓarɓar, ma kampam taf ŋ rehzata hejəye anta ege aza ey Yahuda Əyskarəyawt, heje ma kanavalza Yesu aza, ŋ ja.
Zlan mala malaɓ ege
5Yesu a laɓzata malaɓ anta ma wam aha gbak ege, a zlepetene, a ŋgaya: «Hune ɗaw ŋ nda ata la maa hejəye ma tata Yahudu ege səkwaw a təwse aka səkwaw, hune ɗaw ŋ dam ŋ uzam mala hejəye Samarəya ege səkwaw yam. 6Cemey, hune nda ara hejəye Əysərayəyla maa əy nja ana ŋtəməye ma fətek tata ege. 7Mada hune kanda ata taf ca, hune ghwelzetene, hune zlepetene ca, lazam Bay ma mgba ata uzlaf, mbəy slaɓ. 8Hune rehzata hejəye ma kadawar ege aza, hune gwarzamata hejəye ma mac tata ege aza ata lamac, hune rehzata hejəye maa fagwalakw ata tata ege aza, hune gamata zəwet malula ege aza. Ɓarɓar anta ca, hune lem mala bəse, hune valza mala bəse yam. 9Hune ɗaw ŋ slak kaw bənaɓ, kaw ɓarzlam, kaw səlay ara ŋ bakatar ŋkune ege səkwaw. 10Hune ɗaw ŋ ŋta bakatar ma ata ŋcəwer ara asa ra səkwaw, kaw hune ɗaw ŋ ca rəgwac ara gbak səkwaw, kaw hune ɗaw ŋ ca ŋte ara ata ŋgas səkwaw, kaw zlambay ara asa ra səkwaw, cemey, mala zlan ca, a nelem səkan ta zam anta.
11Mada hune hwas ŋ uzam, askwaw ca, ata kəva kaw vekey ca, hune mpam ɗala ma kula aza ŋ lamzahune a wata anta. Hune nja ka a təwse ha hwas ata vah maa hune kaɗaw ŋ nda ŋkune. 12Mada hune kadam a wata ɗala ca, hune zlepzetene ŋ hejəye ma ŋma ege, hune: “Zəhay manja ata hune.” 13Mada hejəye ma a wata wese ege, əy kálamzahune aza ca, wese ca, əy hwas ŋ lem zəhay, aya, zəhay ŋkune manja ata tata. Cemey, mada əy kálamzahune askwaw ca, wese ca, zəhay ŋkune anta mezenha aza ata hune. 14Mada hune dam a wata ɗala, askwaw ca ŋ uzam, əy kaɗaw ŋ lamzahune səkwaw, askwaw ca əy kaɗaw ŋ tehzahune zlam səkwaw ca, hune damha aza a təwse, aya, hune ŋtewetene berdeberde ma ata ŋgas ŋkune ege aka. 15Sa kazlapahune njenjəwen, vah maa manhayak a kanatuwaɗ ca, guma tata a nala pa ŋ madadawar aha guma hejəye ma ŋ uzam Sawdawma ey ma ŋ uzam Gawmawra ege.»
Gef ma kanandaha ata hejəye ma lamza ma mala Yesu aza ege
16Yesu a zlepetene ŋ malaɓ anta ege wese, a ŋgaya: «Ŋghe, sa laɓzahune ana ŋtəməye ŋ taba menjernjer ege. Hune sla ka kadak kadak ata ha ŋkune ege ana zezekw, hune nja tuwah a tama hejəye ana məyɗanak ege. 17Cemey, hune həbar ha ŋkune ege aka a tama hejəye, mavəday əy nejeɓzahune ata laja guma ege, əy naŋtawahune a ujek tata ege ma ata rak Gazlavay. 18Əy nejeɓzahune a tama mambal hayak ege leŋ a tama bay ege mavəday sa, ndar hune ghwal zlap ata sa a tama tata leŋ a tama hejəye maa tata Yahudu ege səkwaw. 19Mada əy kéjeɓzahune aza ata laja guma ca, hune ɗaw ŋ ŋga ŋkwaɓ ata səkan maa hune kanazlap, askwaw ca, hune nazlap vaŋgay, səkwaw. Ma maa hune kanazlap ca, a nandaha ata vah anta. 20Cemey, hune ma kanazlap səkwaw, ara Zəwet Cehw ŋkune Gazlavay ma kanazlap ŋ hune. 21Hejəye əy navalzata zlaŋgan tata ege ŋ jata aza. Cen mbaw, a nelene ŋ mba anta ana mbe yam, uzəye əy naɗa gham a mambaw tata ege, əy najata aza. 22Hejəye tewtew, əy kanaɗaw ŋ gərehune ata nje səkwaw mavəday zlam naka. Cemey, ɗala ma sew gef anta aza ha hwas ata laŋtakw ca, a nereh. 23Mada əy kampam ŋgwesem asa hune ata kəva wende ca, hune nda ŋkune ata kəva matakan. Sa kazlapahune njenjəwen, mar Mba Ɗala a nandaha ca, hune kanala kula ŋ ŋtakwzata uzam ma ŋ hayak Əysərayəyla ege aza a leŋcəwer səkwaw. 24Ɗala ma kasasərak ca, kula ŋ san səkan aza day aha masasərak anta səkwaw. Mala zlan yam ca, kula ŋ dayza təwjek anta aza ca, askwaw. 25Mada ɗala ma kasasərak a san səkan ana masasərak anta, mala zlan yam, a nja ana təwjek anta ca, wese ca, tew. Mada əy yaɓa təwjek a Beyelzebul ca, əy narata hejəye ma a wata anta ege day zeney askwaw vaw?»
Ɗala ma ata lalak a heɗe ca, vayay?
26Yesu a zlepetene ŋ malaɓ anta ege zeney, a ŋgaya: «Hune ɗaw ŋ lalak ata hejəye səkwaw, mavəday, səkan maɓahaɓah a naghwalaha aza, səkan ma hejəye əy kasan səkwaw ca, a nasan anta. 27Səkan maa əy kazlapahune ŋ kuzle ca, hune ghwalza ata la ma keweɗ. Səkan maa əy kesesekwahune ŋ zlam ca, hune ghwalza ŋ varvara. 28Hune ɗaw ŋ lalak ata hejəye ma kula ŋ ja zleykusam ŋkune ege aza, səkwaw, cemey, əy kula ŋ ja zəwet ŋkune ege aza səkwaw. Hune lalak ata Gazlavay ma kula ŋ fətekzata ata zleykusam ey zəwet aza ŋ kwahwaw ma kaŋtakw səkwaw kaw vepey. 29Heje kula aza ŋ səkam uzəye vəgem ege gbak a səlay teŋguleŋ səkwaw vaw? Cemey, mada Cehw ŋkune Gazlavay káɗaw askwaw ca, kaw mba vəgem teŋguleŋ a kanah ata hayak, askwaw. 30Hune yam, jukwaɗ ma ata ha ŋkune ege əy kéŋgeɗeye tewtew tata teŋguleŋ teŋguleŋ. 31Mavəday anta, kaw hune ɗaw ŋ lalak səkwaw, hune ca, hune pa ma day aha vəgem ma cercer ege vəram.»
Laghwal zlap ata Yesu a tama hejəye
32«Kaw vayay ma kazlap a tama hejəye, a ŋgaya: “Sa ɗala mala Yesu” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka.” 33Cemey, Kaw vayay ma kazlap a tama hejəye, a ŋgaya: “Sa ɗala mala Yesu səkwaw” ca, sa yam, sa nazlap a heɗe a tama Vana ma mgba ata uzlaf, sa ya: “Ara ɗala naka səkwaw.”»
Yesu a daha ca, zəhay səkwaw, cemey, a daha ca, gham
34Yesu a zlepetene zeney, a ŋgaya: «Hune ɗaw ŋ deŋza ca, sa ndaha ca, sa daha zəhay ŋ manhayak səkwaw. Sa kándaha mavəday, sa daha zəhay a manhayak ca, askwaw, cemey, sa daha ca, gham. 35Sa ndaha ca, ŋ ŋtezata ata mba mawal ey cen, ata haldəma ey maman, ata wala mbaw, ey man mawal anta. 36Hejəye ma a ge ma teŋguleŋ ege əy kanaɗaw ŋ gəre kusam ata nje səkwaw. 37Ɗala ma kaɗaw cen, askwaw ca maman day aha sa ca, káhwas ŋ la ŋ ɗala naka səkwaw. Ɗala ma kaɗaw mba anta, sakwaw ca, həla anta, day aha sa ca, káhwas ŋ la ŋ ɗala naka səkwaw. 38Ɗala ma ketew mpe gafaŋgal anta ŋ səberekey askwaw ca, káhwas ŋ la ŋ ɗala naka səkwaw. 39Ɗala ma kaɗaw ŋ rehza ha anta aza ca, a nefətekza aza. Cemey, ɗala ma fətekza ha anta aza mavəday sa ca, a nendewzene aza.»
Laŋtar mavəday lala taŋtaŋ
40Yesu a zlepetene ŋ malaɓ anta ege zeney a ŋgaya: «Kaw vayay, ma lamzahune ca, kélemzekey aza. Ɗala ma lemzekey ca, kálamza ɗala ma leɓekey aza. 41Ɗala ma lamza mba ma zlap ma mala Gazlavay mavəday maa ara mba ma zlap ma mala Gazlavay ca, a nelem laŋtar mba ma zlap ma mala Gazlavay. Ɗala ma lamza ɗala ma kala səkan a heɗe a heɗe aza mavəday ara ɗala ma kala səkan a heɗe a heɗe ca, a nelem laŋtar ana ɗala ma kala səkan a heɗe a heɗe. 42Sa kazlapahune njenjəwen: ɗala ma velene yam ma kamaɗ ŋ ɗala ma pa ma pəzekw ŋ taba madarlaŋw naka ŋghe ege mavəday ara madarlaŋw naka ca, heje anta a nelem laŋtar anta.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL