Joani 13
13
Jesu aa sanza amatende go bazigigwa bakwe
1Umukiti go Mpaseka sekaguli afuwi, Jesu ka zekelele buti inako jakwe jilasiki jo kuleka lelino ilonga no kaja kwa Tata. Kashakite bakwe aba kabali mwi longa, kaba shaka kutwala ku mamanino.
2Umulalilo aa seka gukokelele, mi Satana aa salangini mu mojo gwa Judasi Isikalioti mwana Simoni, buti alegeze Jesu. 3Jesu ka zekelele buti, Tata nagatula ibintu byonse mwinsi lyo nguzu jakwe, ukuti kazwa kwa Nyambe mi kajelele uku bogola kwa Nyambe. 4Mi kale aleka kulya, no kujabula ici zwato cakwe cagulu, no kuzinga intaulo mu munda gwakwe. 5Mi kale asintila amenzi menzi mu kasuba, no kutatika uku sanza amatende go bazigigwa bakwe, no kuga jumisa ne ntaulo iji naa lizinga. 6Kale akeza kwa Simoni Pitolosi, mi Pitolosi kale atyo kwakwe buti, “Mfumwangu, kuti usanze amatende gangu?”
7Jesu kale amwitaba buti, “To shugwisisi ano ici ni tenda, kono kuti no shugwisise.”
8Pitolosi kale atyo kwakwe buti, “Tali usanze amatende gangu!” Jesu kale amwi taba buti, “Ati tani kusanzi tano gwane ulubazu kwangu.” 9Simoni Pitolosi kale atyo kwakwe, “Mfumwangu uleke kusanza bulyo amatende gangu kono usanze amaganja no mutwi gwangu bobo!”
10Jesu kale etaba buti, “Babo naba shamba balibotele bulyo ku sanza amatende gabo, imibili jabo jonse jili cenite. Mi mulicenite kono tali mwense mu cenite.” 11Ukuti ka zekelele uju saka mulegeze, mi mpaa katyo tali mwense mu cenite.
12Aa salamani uku sanza amatende go bazigigwa, kale ajabala umukanjo gwakwe no kubogola mwikalilo lyakwe ku tanfule. Jesu kale atyo kwabo buti, “Mula shugwisisa ibi nilatendi kwenu?” 13“Mwasa ni kuga Umuzigi ne Mfumu, mulagamba nenja ukuti nime wawa. 14Ati nime Umfumu no Muzigi, nila sanzi amatende genu, nenwe kamu jelele uku lisanza-sanza ku matende mwacenu. 15Ime nila miwi umwanza, buti nenwe muli jelele uku tenda ibi nila tendi kwenu. 16Nicote nasa milugwila, takuli mwika uju aita Umfumwe ku bunene, kame takuli mutumigwa uju aita uju ala mutumi ku bunene. 17Ati namu zekelela byebi bintu, imfwija guzi jeni ati namu bitenda.
Jesu atungununa byo kulegezwa kwakwe
18“Tali kwenu mwense ni gamba, kono nili zekelele aba nana shala. Kono bumbiliza bulyo ubu ku ng’olelwe buti, ‘Uju alya neme icinkwa, ala nizokeli.’ 19“Nasa mi gambaguza aa no nabi sinia kusini ku tendala, cwale buti aa nabi tendaale kuti namu zumine ime nimeni. 20“Niwawa nasa milugwila buti, muntu gense uju atambula uju nana tuma neme asa ni tambula, mi gense uju asa tambula uju naa ni tuma.”
(Mateu26.20-25; Maleka14.17-21; Luka22.21-23)
21Aa salamani ku gamba bobo, Jesu kale aa esumuka mu moya no kuwa ubumpaki buti, “Niwawa nasa milugwila jumwinya gwa kwenu kuti anilegeze.”
22Abazigigwa bakwe kale batatika kuli lola lola, ukuti ta kabezi uju katalusa wawa mukati kabo. 23Jumwinya kwa babo, umuzigigwa uju ka shakigwa kwa Jesu, kakele ku mbali na Jesu. 24Simoni Pitolosi kale alabiza jojo muzigigwa no kutyo kwakwe buti, “Mubuze Jesu nini uju ka gamba?”
25Mi ka zendamine acizuba ca Jesu, mi kale amubuza buti, “Mfumwngu, nini wawa?”
26Jesu kale etaba buti, “Uju saka niwe aka gomoto ko icinkwa aa senila kasunsi mu kasuba.” Cwale kale asunsa aka gomoto ko cinkwa no ku kawa Judasi, mwana Simoni Isikslioti. 27Ao bulyo Judasi aa salaindi bulyo insima, Satani kale angina kwakwe. Mi Jesu kale atyo kwakwe buti, “Ici ujelele kutenda, uci tende wangu.” 28Kono takuli uju na shugwisisa ici ka gamba Jesu aa kabali amulalilo. 29Bamwinya kaba gaja buti, ukuti Judasi neje kabikanga amashelen’i, Jesu kame kamuta buti, ukuje ukagule ibi bishakala amukiti kampa buti alijelele ukuwa abampale cimwinya.
30Ao bulyo Judasi asala mani kutambula insima, kale aja kungi, mi ka kusili masiku.
Umulao umuya
31Judasi aa sala kaji, Jesu kale atyo buti, “Aano Mwana Muntu asa lumbekigwa mi na Nyambe asa lumbekigwa kakwe. 32Ati Nyambe na lumbekigwa kakwe, Nyambe kuti amulumbe Mwana kakwe lwini mi kuti amulumbe wawa, 33Banangu, nisikele nenwe mwi nako imfuwi bulyo, kuti na muni shake sinagwe aa nana gamba ku Majuda mi na kwenu nasa gamba bobo, uku nija tamu goli keza ko. 34Nasa miwa umulao umuya, muli shake mwacenu. Sinagwe ubu nana mishakila, cwale nenwe muli jelele uku li shaka mwacenu. 35Abantu bonse kuti naba zekelele buti muli bazigigwa bangu, ati namu lishaka mwacenu.”
(Mateu26.31-35; Maleka14.27-31; Luka22.31-34)
36Simoni Pitolosi kale atyo kwakwe buti, “Mfumwangu, uku uja kwibo?” Jesu kale etaba buti, “Uku nija aano ta mugoli uku ni umpilila, kono kwaja majuba kuti namu ni umpilile.”
37Pitolosi kale ge buza buti, “Umfumwangu, cinzi aa tani ku umpilili aano? Kuti na niwe ubumi bwangu kwako.”
38Mi Cwale Jesu kale etaba buti, “Kuti nowe ubumi bwako kwangu? Nasa ku lugwila wawa silukombwe nasini uku tungula, kuti no ni shampule kotatwe buti toni zekelele.”
Àwon tá yàn lọ́wọ́lọ́wọ́ báyìí:
Joani 13: TBTP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International
Joani 13
13
Jesu aa sanza amatende go bazigigwa bakwe
1Umukiti go Mpaseka sekaguli afuwi, Jesu ka zekelele buti inako jakwe jilasiki jo kuleka lelino ilonga no kaja kwa Tata. Kashakite bakwe aba kabali mwi longa, kaba shaka kutwala ku mamanino.
2Umulalilo aa seka gukokelele, mi Satana aa salangini mu mojo gwa Judasi Isikalioti mwana Simoni, buti alegeze Jesu. 3Jesu ka zekelele buti, Tata nagatula ibintu byonse mwinsi lyo nguzu jakwe, ukuti kazwa kwa Nyambe mi kajelele uku bogola kwa Nyambe. 4Mi kale aleka kulya, no kujabula ici zwato cakwe cagulu, no kuzinga intaulo mu munda gwakwe. 5Mi kale asintila amenzi menzi mu kasuba, no kutatika uku sanza amatende go bazigigwa bakwe, no kuga jumisa ne ntaulo iji naa lizinga. 6Kale akeza kwa Simoni Pitolosi, mi Pitolosi kale atyo kwakwe buti, “Mfumwangu, kuti usanze amatende gangu?”
7Jesu kale amwitaba buti, “To shugwisisi ano ici ni tenda, kono kuti no shugwisise.”
8Pitolosi kale atyo kwakwe buti, “Tali usanze amatende gangu!” Jesu kale amwi taba buti, “Ati tani kusanzi tano gwane ulubazu kwangu.” 9Simoni Pitolosi kale atyo kwakwe, “Mfumwangu uleke kusanza bulyo amatende gangu kono usanze amaganja no mutwi gwangu bobo!”
10Jesu kale etaba buti, “Babo naba shamba balibotele bulyo ku sanza amatende gabo, imibili jabo jonse jili cenite. Mi mulicenite kono tali mwense mu cenite.” 11Ukuti ka zekelele uju saka mulegeze, mi mpaa katyo tali mwense mu cenite.
12Aa salamani uku sanza amatende go bazigigwa, kale ajabala umukanjo gwakwe no kubogola mwikalilo lyakwe ku tanfule. Jesu kale atyo kwabo buti, “Mula shugwisisa ibi nilatendi kwenu?” 13“Mwasa ni kuga Umuzigi ne Mfumu, mulagamba nenja ukuti nime wawa. 14Ati nime Umfumu no Muzigi, nila sanzi amatende genu, nenwe kamu jelele uku lisanza-sanza ku matende mwacenu. 15Ime nila miwi umwanza, buti nenwe muli jelele uku tenda ibi nila tendi kwenu. 16Nicote nasa milugwila, takuli mwika uju aita Umfumwe ku bunene, kame takuli mutumigwa uju aita uju ala mutumi ku bunene. 17Ati namu zekelela byebi bintu, imfwija guzi jeni ati namu bitenda.
Jesu atungununa byo kulegezwa kwakwe
18“Tali kwenu mwense ni gamba, kono nili zekelele aba nana shala. Kono bumbiliza bulyo ubu ku ng’olelwe buti, ‘Uju alya neme icinkwa, ala nizokeli.’ 19“Nasa mi gambaguza aa no nabi sinia kusini ku tendala, cwale buti aa nabi tendaale kuti namu zumine ime nimeni. 20“Niwawa nasa milugwila buti, muntu gense uju atambula uju nana tuma neme asa ni tambula, mi gense uju asa tambula uju naa ni tuma.”
(Mateu26.20-25; Maleka14.17-21; Luka22.21-23)
21Aa salamani ku gamba bobo, Jesu kale aa esumuka mu moya no kuwa ubumpaki buti, “Niwawa nasa milugwila jumwinya gwa kwenu kuti anilegeze.”
22Abazigigwa bakwe kale batatika kuli lola lola, ukuti ta kabezi uju katalusa wawa mukati kabo. 23Jumwinya kwa babo, umuzigigwa uju ka shakigwa kwa Jesu, kakele ku mbali na Jesu. 24Simoni Pitolosi kale alabiza jojo muzigigwa no kutyo kwakwe buti, “Mubuze Jesu nini uju ka gamba?”
25Mi ka zendamine acizuba ca Jesu, mi kale amubuza buti, “Mfumwngu, nini wawa?”
26Jesu kale etaba buti, “Uju saka niwe aka gomoto ko icinkwa aa senila kasunsi mu kasuba.” Cwale kale asunsa aka gomoto ko cinkwa no ku kawa Judasi, mwana Simoni Isikslioti. 27Ao bulyo Judasi aa salaindi bulyo insima, Satani kale angina kwakwe. Mi Jesu kale atyo kwakwe buti, “Ici ujelele kutenda, uci tende wangu.” 28Kono takuli uju na shugwisisa ici ka gamba Jesu aa kabali amulalilo. 29Bamwinya kaba gaja buti, ukuti Judasi neje kabikanga amashelen’i, Jesu kame kamuta buti, ukuje ukagule ibi bishakala amukiti kampa buti alijelele ukuwa abampale cimwinya.
30Ao bulyo Judasi asala mani kutambula insima, kale aja kungi, mi ka kusili masiku.
Umulao umuya
31Judasi aa sala kaji, Jesu kale atyo buti, “Aano Mwana Muntu asa lumbekigwa mi na Nyambe asa lumbekigwa kakwe. 32Ati Nyambe na lumbekigwa kakwe, Nyambe kuti amulumbe Mwana kakwe lwini mi kuti amulumbe wawa, 33Banangu, nisikele nenwe mwi nako imfuwi bulyo, kuti na muni shake sinagwe aa nana gamba ku Majuda mi na kwenu nasa gamba bobo, uku nija tamu goli keza ko. 34Nasa miwa umulao umuya, muli shake mwacenu. Sinagwe ubu nana mishakila, cwale nenwe muli jelele uku li shaka mwacenu. 35Abantu bonse kuti naba zekelele buti muli bazigigwa bangu, ati namu lishaka mwacenu.”
(Mateu26.31-35; Maleka14.27-31; Luka22.31-34)
36Simoni Pitolosi kale atyo kwakwe buti, “Mfumwangu, uku uja kwibo?” Jesu kale etaba buti, “Uku nija aano ta mugoli uku ni umpilila, kono kwaja majuba kuti namu ni umpilile.”
37Pitolosi kale ge buza buti, “Umfumwangu, cinzi aa tani ku umpilili aano? Kuti na niwe ubumi bwangu kwako.”
38Mi Cwale Jesu kale etaba buti, “Kuti nowe ubumi bwako kwangu? Nasa ku lugwila wawa silukombwe nasini uku tungula, kuti no ni shampule kotatwe buti toni zekelele.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International