Akpaar-aponga 5
5
Emạng ch'ekhema ch'Debọra ọttạra Barak akkọhnọ
1Ma iwu njọ ch'ekpong ẹsa, Debọra ọttạra Barak kw'ode nnwa kw'Abinoam akkọhnọ emạng nja:
2“K'okpe kw'ade echo ade atim-eden k'Israẹl,
k'okpe kw'anạng atte ifor sabẹ ọbọhk anạng k'ekpong,
atọhnga Ọvaar Ubinọkpabyi!
3“Avaar o, abạnga abhaanga udik ngwa e!
Adạbhẹ o, abạnga akhọhmọ itọhng e!
Amma, amma oyeni ẹwọ m'nkkọhn ẹmạng nnạng Ọvaar Ubinọkpaabyi;
Amma m'ntima ọkkọhna ntọhnga Ọvaar Ubinọkpaabyi kw'ode Ubinọkpaabyi kw'Israẹl.
4“O Ọvaar Ubinọkpaabyi, masẹ abin kha akpecho p'Seir,
masẹ abin k'ẹkhạma ch'Edom,
isisek inyengi, ọrạngkpakpa otebh asi,
ebona ẹbạra isi ipọhrọ.
5Akpecho anyengi k'ititikha s'Ọvaar Ubinọkpaabyi, tạrr oseng k'Sinai,
enyengi k'ititikha s'Ọvaar Ubinọkpaabyi, kw'ode Ubinọkpaabyi kw'Israẹl,
6“K'okpe kw'Shamgar kw'ode nnwa kw'Anat,
ọttạra k'okpe kw'Jayẹl, wa anạng dạkhẹ osenga k'náta;
wa anạng n'ata aseng kha ẹkhạbha-khạbha-den.
7Akkemkpa aworu-owor k'Israẹl,
tạrr, amma Debọra ntạkha ẹfa,
nkkeri anạng p'Israẹl masẹ ọkka okkeri iva.
8Ubinọkpaabyi otek adecho abhapẹ,
k'okpe kw'ekpong ikpir k'mbaakha-mma s'efhon-diden,
ọkhọhnkpa wạnọ-wạnọ tạrr, oseng k'ọkhọhn f'ọnạng ose k'ichen kòde,
k'ikhaana s'arim-mkpong nnọhna arạbh asen k'Israẹl.
9Ettem chaam ining adecho p'Israẹl abẹ,
ọttạra anạng p'acher bẹ́, atte ifor sabẹ ọbọhk k'ikhaana s'anạng p'Israẹl.
Ẹtọhnga iyim ẹnạng Ọvaar Ubinọkpaabyi!
10Abạnga ma p'ayaarẹ k'nyạnyaang-wuru,
abạnga ma p'aning ẹyạr k'nnọhmakpa ikkasẹ,
ọttạra abạnga ma ayok p'aseng k'mfhok, akhọhmọ itọhng
11k'ẹmạng ch'akkọhnọ-ẹmạng akkọhnọ k'asipe.
Abẹ n'akpaak nkhema s'Ọvaar Ubinọkpaabyi,
abẹ n'akpaak nkhema s'itor-otor k'ifhon s'anạng p'Israẹl.
“Anạng p'Ọvaar Ubinọkpaabyi,
abin asạkha k'mbaakhamma s'efhon-diden, aben bẹ́,
12‘Bina be, bina be, Debọra!
Bina be, bina be, atima mạna akkọhn ẹmạng ch'ekhema!
Barak, bina!
Ọma nnwa kw'Abinoam o, tạkha awawuna-nạng pọ p'avạk k'ẹmmạri e.’
13“Adecho p'arikhi-urik asạk, akwu;
anạng p'Ọvaar Ubinọkpaabyi asạk, akwu akhebh-m bẹ́, anta annima afanạng abẹ.
14Ayok bạnọ abin k'ẹkhạma ch'Ephraim, kw'immaanabyi sabẹ ining k'Amalẹk;
anạng p'Bẹnjamin attạr k'ikhaana s'anạng p'atwạnọ abọ.
Adecho p'arim-ekpong abin kha Makir,
anạng p'atim ẹvaar-chi ch'odecho kw'arim-ekpong abina kha Zebulun.
15Wa adecho p'Isaaka aning ator Debọra;
k'udik ọkka, Isaaka otoru Barak,
kw'abẹ atọhmọ bẹ́, ukhubh-ẹ ukpira k'ipekhuma.
Okhenkha, k'nkhạma s'Reubẹn, nkka isaabhẹ bẹ iseng eden.
16Abạnga aseng yạn attạra k'ikhaana s'avu-kpokha bẹ́,
abạnga abhaanga eyera ch'arạkhạmaan?
K'nkhạma s'Reubẹn, nkka isaabhẹ bẹ iseng eden.
17Anạng p'Gilead aning kha Jọrdan ukhubha.
Anạng p'Dan asi yạn aninga k'ọraanga ọkhaan-ọkhaan o?
Anạng p'Ashẹr akpong k'ẹraangamma,
aninga k'abẹ k'ẹkha.
18Anạng p'Zebulun age akpen p'abẹ ma oyeni k'eboden, k'akpong-chen;
mạnna wọ kw'anạng p'ẹkhạma ch'Naphtali abạra age akpen pabẹ k'eboden, k'akpong-chen.
19Avaar akwu, abẹ arima,
avaar p'Kenaan arima,
kha Taanak ọbaanga mfhobh s'Megido,
okhenka, abẹ silva wạnọ-wạnọ nátạkha.
20Ndudoru ining k'ọrạngkpakpa n'irima irima,
masẹ asẹ n'isenga k'ọrạngkpakpa, asẹ n'irima Sisẹra abẹ.
21Ọraanga kw'Kishọn ofhobhu bẹ abẹ ofona,
abokhada p'ọraanga kw'Kishọn abubhu bẹ, atwạrọ bẹ phyi-phyibh atima afona.
Ọkpakpa kwaam, kpọhkhọ ifor fona ororo!
22Ntwạkhọ s'nnyạnyaang n'immun k'isisek,
nnyạnyaang s'Sisẹra s'ẹfa idwukh-udwukha.
23Itọhmọ s'Ọvaar Ubinọkpaabyi ibeni bẹ́, ‘M'upyibh ọnạng Meroz.’
‘M'upyibh ọnạng anạng p'Meroz kidam-kidam,
ukwuru s'uwa abẹ nạn Ọvaar Ubinọkpaabyi náttạra arima Sisẹra abẹ,
abẹ Ọvaar Ubinọkpaabyi náttạra arima awawunanạng p'ẹfa abẹ.’
24“Ijibha ch'Jayẹl ẹbạrẹ ẹyọhnga ch'ayok-ipanạng,
Jayẹl kw'ode ikwanạng kw'Heber kw'ubin Ken,
ijibha chẹ ẹbạrẹ ẹyọhnga ch'ipanạng p'arukhu k'ukkira.
25Sisẹra ophyem-ẹ asi, Jayẹl ọnạng-ẹ abasi;
utim nkkọbh kw'ọbaan avaar ọnạng-ẹ abasi p'amaang-ọmaang.
26Jayẹl onemi ọbọhk ọtạkha ubhina,
utima udimbọhk udira ọtabọhk.
utima ukhum Sisẹra, ọvọhkh-ẹ echo,
ummun-ẹ k'ochobem, udwu ukhubha, ọchẹkh-ẹ bẹ́ chẹk-chẹk-chẹk.
27Sisẹra ubikhi otto,
uyima Jayẹl ma k'ntwạkhọ;
otto uyima Jayẹl ma k'ntwạkhọ;
okponga ma s'otto, ope.
28“Ọkka kw'Sisẹra obe k'ufhum-ma n'umyinga,
uninga k'ufhum-mma nnạm-nnạm n'ọgạma;
‘Ode yạn kw'ijaar sẹ s'nnyạnyaang n'itwạr ikpeni kwukwuna ẹkpa nja o?’
29Oyokh-umina kwẹ wạnọ kw'osong udik ubhin-ẹ,
k'udik ọkka, n'ọbạra oben ifor sẹ bẹ́,
30‘Nse bẹ́, abẹ n'agwọhngọ ekpo py'abẹ achi k'ekpong, akhebh,
ikwanạng wạnọ oyongu ma ẹfa k'ujunung kwidede,
abẹ n'akhebh ekpo masẹ anọhma-baba akkapyẹ py'abẹ achi k'ekpong anạng Sisẹra,
anọhma-baba akkapyẹ afa,
idik nna phyibh ide s'ekpong.
31“O Ovaar Ubinọkpaabyi, tte awaawuna-nạng pọ phyibh adimi!
Okhenkha, tte anạng p'adaakhẹ amaanẹ masẹ ekkekhạra
k'okpe kw'achẹ iyini k'ẹfa chẹ.”
Mạnna wọ kw'uwa ẹkhạma njọ ẹkhaam ẹmẹm k'icho arạbh afa.
Àwon tá yàn lọ́wọ́lọ́wọ́ báyìí:
Akpaar-aponga 5: mfn-x-os
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 West Africa Christian Mission