Nnwẹr s'Osenga 15
15
Ẹmạng ch'Mosẹs ọttạra Miriyam akkọhnọ
1Ma wọ, Mosẹs ọttạra anạng p'Israẹl akkọhnọ ẹmạng anạng Ọvaar Ubinọkpaabyi aben bẹ́,
“Amma m'nkkọhn nnạng Ọvaar Ubinọkpaabyi
ukwuru ekhema-bạrada chẹ.
Kk'ẹnyạnyaang ọttạra ọyaar-ẹnyạnyaang,
udira uribhi k'ẹraanga-diden.
2Ọvaar Ubinọkpaabyi wọ ode ẹfa chaam, ọttạra ẹmạng ch'm'nkkọhn.
Ẹma wọ ode ẹnnaanga chaam.
Ẹma wọ ode Ubinọkpaabyi kwaam. Amma m'ntọhng-ẹ.
M'ndira Ubinọkpaabyi kw'otte kwaam okpobh k'ẹrạng.
3Ọvaar Ubinọkpaabyi wọ ode okkemkpa kw'ekpong,
ẹma okpen Ọvaar Ubinọkpaabyi.
4Ẹma kk'ijaar s'Phero s'nnyạnyaang n'itwạr, ọttạra akpongnạng pẹ,
ọtạkha uribhi k'ẹraanga-diden.
Ọtạkha akpongnạng p'Phero p'abạrẹ udik ọtạm,
uribhi k'Ẹraanga-khora.
5Asi p'adong-odong afhạrọ bẹ,
abẹ aribhi k'isiyạr masẹ ẹta.
6O Ọvaar Ubinọkpaabyi, udimbọhk kwọ,
ọkhaam ẹfa ch'ididen.
O Ọvaar Ubinọkpaabyi, atim udimbọhk kwọ asi
awawunanạng araama.
7K'abạrada p'ẹvaar chọ,
akhem anạng p'awun-ọ.
Atte ottem-khạm kwọ ọbọhk,
ọkkạmọ awawunanạng pọ masẹ achi-bukhu.
8Agum ọyọhng kwọ,
asi atobha, abe bẹ gbẹng,
asi p'afhobhu ikwu ittima, ẹkpọhkhọ masẹ udimokpon.
Asi mbọ p'adong-odong n'abhạkhẹ akpọhkhọ-ọkpọhkhọ k'ẹraangattem.
9Ọwawunanạng usi ẹmma oben bẹ́,
“Amma m'nkubh bẹ, mbạra nkạbha bẹ oro.
M'nkkema ẹkhaama chabẹ;
m'nchi pyẹ igwọhr-igwọhra.
M'ntima ọkkangkkang-kkro kwaam mfhọ bẹ,
m'ntima mbọhk saam ndimi bẹ.”
10Agum ọyọhng kwọ,
asi anwa ẹfhạra bẹ,
abẹ atem k'isiyạr,
masẹ opo otemi k'isiyạr k'ọraanga-diden.
11“O Ọvaar Ubinọkpaabyi, k'ikhaana s'idik s'anạng n'akpobha phyibh, mbạng vọ obeng abọ?
Anẹ wọ obeng abọ?
K'ẹvaar, awurada pọ ayọhng bẹ phyibh,
abẹ akhaam ojora pfọ k'ikpukpobha sabẹ n'anạng-ọ,
n'asi idik s'ipe anạng ifor.
12Annemi ọbọhk kwọ kw'ẹfa,
isek imyi awawunanạng pọ.
13Atoru k'idạdaakha sọ s'nạ́n itwuna ikhaam,
atima anạng p'kk'abhekha eden,
atima bẹ eden k'ẹfa chọ,
afona k'ibyi irukhasẹ sọ s'awurada.
14Idifhon ibhaang idik nnọ, itạma fạfạnọ;
attem-fạfạnọ kk'aPhilistiya avạkha.
15Ojora kk'avaar p'Edom umyia,
opoma kk'achonạng p'Moab ọnwa.
Ẹfa kk'akkemkpa p'Kenaan ẹsa;
16opoma ọttạra ojora f'ididen ọnwa bẹ.
K'ẹfa chọ,
abẹ ammunu k'ibyi rạnẹ masẹ ẹtakpa,
tạrr anạng pọ aseng afona, O Ọvaar Ubinọkpaabyi,
tạrr anạng p'kk'abhekha aseng afona.
17M'atima bẹ anwa ma, abạra attima bẹ arạnga k'okpecho kwọ oyeni,
O Ọvaar Ubinọkpaabyi, k'ibyi s'atim asi ibyirukhasẹ sọ,
k'awurada-chọhm kw'atim mbọhk sọ asi.
18Ẹvaar ch'Ọvaar Ubinọkpaabyi m'ininga
tạrr ipimmanitor.”
19Masẹ nnyạnyaang s'Phero ọttạra ijaar sẹ s'nnyạnyaang n'itwạr, ọttạra ayaar-nnyạnyaang pẹ anwa k'asi, Ọvaar Ubinọkpaabyi usi asi p'ẹraaga-diden anwa akpora bẹ. Okhenka, usi anạng p'Israẹl aseng k'isisek ajakha k'ottemkwẹ kw'ọraanga. 20Ma wọ, Miriyam kw'uwa ode usi-ẹyaakha kw'Ubinọkpaabyi, kw'ọbạra ode nwọkka kw'Aarọn, ọtạk ibin ikhirachẹ, utima ipanạng p'Israẹl eden abẹ akhir mbin, abạra atubh. 21Miriam ọkkọhn ẹmạng ọnạng bẹ, ọbẹ́
“Akkọhn ẹmạng anạng Ọvaar Ubinọkpaabyi,
ukwuru ekhema-bạrada chẹ,
ẹma k'ẹnyạnyaang ọttạra ọyaar-ẹnyạnyaang
udira otem k'ẹraangadiden.”
Asi p'ajobh-ojobhu
22Ma wọ, Mosẹs utim anạng p'Israẹl eden abẹ abina arik Ẹraanga-khora, afona k'ibyi s'owor k'Shur. Abẹ asi osenga k'iwu ittaan ma ibyi s'owor, abẹ asi násia. 23Masẹ abẹ akpir k'Mara, abẹ asi p'Mara kákke agwo, ukwuru s'apyẹ ejobh-ojobhu. Ẹgwọ usi wa abẹ ayeri ibyi nnọ Mara (kw'uyini ejobhu). 24Ma wọ, anạng p'Israẹl ammọhnọ anạng Mosẹs, aben bẹ́, “M'angwo mbạng o?”
25Mạnna wọ Mosẹs ọgạma ọkpẹkhẹ Ọvaar Ubinọkpaabyi, Ubinọkpaabyi utibh-ẹ uchinwa, kw'Mosẹs udwung ọbhạrẹ k'asi. Asi p'ajobh-ojobhu n'abhạkhẹ arebh-orebh.
Ma Mara wọ Ọvaar Ubinọkpaabyi ọnạngẹ anạng p'Israẹl inyina ọttạra ntọhna k'oche kw'abẹ m'aruk atena, ọbạra ọnạng bẹ eyoma, ọfha ose de abẹ m'akke inyina chẹ achok.
26Oben bẹ́, “Ode abạnga m'atạkha okpe akhọhmọ amma Ọvaar Ubinọkpaabyi kw'ode Ubinọkpaabyi kwabạnga itọhng, abạnga asi idik s'itor-otor k'akhaam k'achen, abạnga achok nnyina saam, abạnga abạra ator nden saam phyi-phyibh, amma ọkhạnkhạmọ wạnọ-wạnọ kw'nnạng anạng p'Ijip bạnga mạ́nnạng, ukwuru bẹ́, amma wọ nde Ọvaar Ubinọkpaabyi nwọ kw'n'ogwengi bạnga ikhạmana.”
27Ma wọ, anạng p'Israẹl abin k'Mara afona k'Ẹlim, k'ibyi s'mfhobh jobh-kamfa aning, ọttạra k'arạngji arạbh attaan ukuma jobh. Wa anạng p'Israẹl abhingi abaanga mfhobh nnọ.
Àwon tá yàn lọ́wọ́lọ́wọ́ báyìí:
Nnwẹr s'Osenga 15: mfn-x-os
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 West Africa Christian Mission
Nnwẹr s'Osenga 15
15
Ẹmạng ch'Mosẹs ọttạra Miriyam akkọhnọ
1Ma wọ, Mosẹs ọttạra anạng p'Israẹl akkọhnọ ẹmạng anạng Ọvaar Ubinọkpaabyi aben bẹ́,
“Amma m'nkkọhn nnạng Ọvaar Ubinọkpaabyi
ukwuru ekhema-bạrada chẹ.
Kk'ẹnyạnyaang ọttạra ọyaar-ẹnyạnyaang,
udira uribhi k'ẹraanga-diden.
2Ọvaar Ubinọkpaabyi wọ ode ẹfa chaam, ọttạra ẹmạng ch'm'nkkọhn.
Ẹma wọ ode ẹnnaanga chaam.
Ẹma wọ ode Ubinọkpaabyi kwaam. Amma m'ntọhng-ẹ.
M'ndira Ubinọkpaabyi kw'otte kwaam okpobh k'ẹrạng.
3Ọvaar Ubinọkpaabyi wọ ode okkemkpa kw'ekpong,
ẹma okpen Ọvaar Ubinọkpaabyi.
4Ẹma kk'ijaar s'Phero s'nnyạnyaang n'itwạr, ọttạra akpongnạng pẹ,
ọtạkha uribhi k'ẹraanga-diden.
Ọtạkha akpongnạng p'Phero p'abạrẹ udik ọtạm,
uribhi k'Ẹraanga-khora.
5Asi p'adong-odong afhạrọ bẹ,
abẹ aribhi k'isiyạr masẹ ẹta.
6O Ọvaar Ubinọkpaabyi, udimbọhk kwọ,
ọkhaam ẹfa ch'ididen.
O Ọvaar Ubinọkpaabyi, atim udimbọhk kwọ asi
awawunanạng araama.
7K'abạrada p'ẹvaar chọ,
akhem anạng p'awun-ọ.
Atte ottem-khạm kwọ ọbọhk,
ọkkạmọ awawunanạng pọ masẹ achi-bukhu.
8Agum ọyọhng kwọ,
asi atobha, abe bẹ gbẹng,
asi p'afhobhu ikwu ittima, ẹkpọhkhọ masẹ udimokpon.
Asi mbọ p'adong-odong n'abhạkhẹ akpọhkhọ-ọkpọhkhọ k'ẹraangattem.
9Ọwawunanạng usi ẹmma oben bẹ́,
“Amma m'nkubh bẹ, mbạra nkạbha bẹ oro.
M'nkkema ẹkhaama chabẹ;
m'nchi pyẹ igwọhr-igwọhra.
M'ntima ọkkangkkang-kkro kwaam mfhọ bẹ,
m'ntima mbọhk saam ndimi bẹ.”
10Agum ọyọhng kwọ,
asi anwa ẹfhạra bẹ,
abẹ atem k'isiyạr,
masẹ opo otemi k'isiyạr k'ọraanga-diden.
11“O Ọvaar Ubinọkpaabyi, k'ikhaana s'idik s'anạng n'akpobha phyibh, mbạng vọ obeng abọ?
Anẹ wọ obeng abọ?
K'ẹvaar, awurada pọ ayọhng bẹ phyibh,
abẹ akhaam ojora pfọ k'ikpukpobha sabẹ n'anạng-ọ,
n'asi idik s'ipe anạng ifor.
12Annemi ọbọhk kwọ kw'ẹfa,
isek imyi awawunanạng pọ.
13Atoru k'idạdaakha sọ s'nạ́n itwuna ikhaam,
atima anạng p'kk'abhekha eden,
atima bẹ eden k'ẹfa chọ,
afona k'ibyi irukhasẹ sọ s'awurada.
14Idifhon ibhaang idik nnọ, itạma fạfạnọ;
attem-fạfạnọ kk'aPhilistiya avạkha.
15Ojora kk'avaar p'Edom umyia,
opoma kk'achonạng p'Moab ọnwa.
Ẹfa kk'akkemkpa p'Kenaan ẹsa;
16opoma ọttạra ojora f'ididen ọnwa bẹ.
K'ẹfa chọ,
abẹ ammunu k'ibyi rạnẹ masẹ ẹtakpa,
tạrr anạng pọ aseng afona, O Ọvaar Ubinọkpaabyi,
tạrr anạng p'kk'abhekha aseng afona.
17M'atima bẹ anwa ma, abạra attima bẹ arạnga k'okpecho kwọ oyeni,
O Ọvaar Ubinọkpaabyi, k'ibyi s'atim asi ibyirukhasẹ sọ,
k'awurada-chọhm kw'atim mbọhk sọ asi.
18Ẹvaar ch'Ọvaar Ubinọkpaabyi m'ininga
tạrr ipimmanitor.”
19Masẹ nnyạnyaang s'Phero ọttạra ijaar sẹ s'nnyạnyaang n'itwạr, ọttạra ayaar-nnyạnyaang pẹ anwa k'asi, Ọvaar Ubinọkpaabyi usi asi p'ẹraaga-diden anwa akpora bẹ. Okhenka, usi anạng p'Israẹl aseng k'isisek ajakha k'ottemkwẹ kw'ọraanga. 20Ma wọ, Miriyam kw'uwa ode usi-ẹyaakha kw'Ubinọkpaabyi, kw'ọbạra ode nwọkka kw'Aarọn, ọtạk ibin ikhirachẹ, utima ipanạng p'Israẹl eden abẹ akhir mbin, abạra atubh. 21Miriam ọkkọhn ẹmạng ọnạng bẹ, ọbẹ́
“Akkọhn ẹmạng anạng Ọvaar Ubinọkpaabyi,
ukwuru ekhema-bạrada chẹ,
ẹma k'ẹnyạnyaang ọttạra ọyaar-ẹnyạnyaang
udira otem k'ẹraangadiden.”
Asi p'ajobh-ojobhu
22Ma wọ, Mosẹs utim anạng p'Israẹl eden abẹ abina arik Ẹraanga-khora, afona k'ibyi s'owor k'Shur. Abẹ asi osenga k'iwu ittaan ma ibyi s'owor, abẹ asi násia. 23Masẹ abẹ akpir k'Mara, abẹ asi p'Mara kákke agwo, ukwuru s'apyẹ ejobh-ojobhu. Ẹgwọ usi wa abẹ ayeri ibyi nnọ Mara (kw'uyini ejobhu). 24Ma wọ, anạng p'Israẹl ammọhnọ anạng Mosẹs, aben bẹ́, “M'angwo mbạng o?”
25Mạnna wọ Mosẹs ọgạma ọkpẹkhẹ Ọvaar Ubinọkpaabyi, Ubinọkpaabyi utibh-ẹ uchinwa, kw'Mosẹs udwung ọbhạrẹ k'asi. Asi p'ajobh-ojobhu n'abhạkhẹ arebh-orebh.
Ma Mara wọ Ọvaar Ubinọkpaabyi ọnạngẹ anạng p'Israẹl inyina ọttạra ntọhna k'oche kw'abẹ m'aruk atena, ọbạra ọnạng bẹ eyoma, ọfha ose de abẹ m'akke inyina chẹ achok.
26Oben bẹ́, “Ode abạnga m'atạkha okpe akhọhmọ amma Ọvaar Ubinọkpaabyi kw'ode Ubinọkpaabyi kwabạnga itọhng, abạnga asi idik s'itor-otor k'akhaam k'achen, abạnga achok nnyina saam, abạnga abạra ator nden saam phyi-phyibh, amma ọkhạnkhạmọ wạnọ-wạnọ kw'nnạng anạng p'Ijip bạnga mạ́nnạng, ukwuru bẹ́, amma wọ nde Ọvaar Ubinọkpaabyi nwọ kw'n'ogwengi bạnga ikhạmana.”
27Ma wọ, anạng p'Israẹl abin k'Mara afona k'Ẹlim, k'ibyi s'mfhobh jobh-kamfa aning, ọttạra k'arạngji arạbh attaan ukuma jobh. Wa anạng p'Israẹl abhingi abaanga mfhobh nnọ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 West Africa Christian Mission