मर्कुस 3
3
येशुले आकुई राङन्या रुजन आसबेलौ
मत्ती १२:९-१४; लूका ६:६-११
1फरि येशु आराधना झिमल हिनौ। नल आकुई राङन्या तोलोअ रु लेऊ। 2किगर्दाङ शबाथ-छिम्क येशुले नाजन आसबेलौ सन् आमासबेलौ लेस्यु, येशुजन दोस लाहौ नाल्ट रुयाङ काङ्काङ आचेवाल लिज्यावाङ। 3तब ओले आकुई राङन्या वाला रुजन ऐआढोव, “रुयाङ खार्ल च्याङनते।” 4ओले नकाङजन ऐआढोवाङ, ब्यबस्थाला नियाम अनुसार “शबाथ-छिम्क भलाई ढान्या ठिक लेऊसन? माचान्या ढान्या, परान जोगाइन्या सन् नास जाएन्या?” नै ठिक लेऊ? तर नकाङ छपक्कै दिङवाङ।
लूका १४:३
5नकाङ यिङला कठोरताले गर्दा दुख मानिस्यु नकाङजन आयिङ चोस्यु चारवर आखिमौ, ओटन नका रुजन ऐआढोव, “न कुई पसारते” नकाले आकुई आपसारिऊ ओटन नाल कुई बेल्दा। 6तब फरिसीयाङ आराधना झिमलन पलिईस्यु पाखाल हिन्वाङ, ओटन येशुजन सटौ नाल्ट ओचोएटै हेरोदीयाङ सकाए सल्ला ढाऔ तअसिवाङ।
(समुन्दर वङल रुयाङल हुल)
मत्ती १२:१-१६; लूका ६:१०-१९
7नाल छिन्ट येशु आ सिइयाङ सकाए समुन्दर वङल हिन्वाङ, गालील प्रदेस सनर यहूदाला पोलन, रुयाङल घिन्या हुल येशुल छिन्ट लागिवाङ। 8यरुशलेम सहरङन, इदुमिआला, यर्दन भईल पुर्बङन टुरोस सनर सीदोनल नावङला पोलन सोगल रुयाङल घिन्या हुल येशु ल्योङ रांवाङ, ओटन नकाङै थएस्यु रांनाटौ कि नाले अचम्मला काम ढाज्याऔ। 9हुलले ङाजन तामिचिङरत्या ऐलेस्यु येशुले आ सिइयाङजन आ नाल्ट तोलोअ इङन्या डोङ्गा तयार जाटौ आपरिङवाङ।#मर्कुस ४:१; लूका ५:१-३ 10येशुले तबर रुयाङजन आसबेलौकाले, रोगियाङ सोगलैले ओलजन छुङा लेस्यु रांहिनौक थुईसिवाङ। 11जब दुस्टआत्मायाङै ओलजन रङर, तब आहाक गोम लेस्यु ऐलेस्यु कलिऊरा, “कि नङ परमेस्वरलं ज़ा ज्या।”
12तर येशुले दुस्टआत्माङजन कडा चेताउनी आयोवाङ, कि ङा काङ्का ऐलेस्यु तापानच्यो।
येशुले आछेलन्या बारंगोटा सिइयाङ
मत्ती १०:१-४; लूका ६:१२-१६
13नकाल छिन्ट येशु डान्डाल वूमौ, ओटन येशुले आचाहिन्या भरिजन आखुल्वाङ, ओटन नकाङ येशु ल्योङ रांवाङ। 14ओटन येशुले बारं सिइयाङजन आछेल्वाङ, ओटन नकाङजन प्रेरित मिन आनाएस्योवाङ, ओटन नकाङजन आढोवाङ, जे ङासै लिज्यान्याल नाल्ट सनर ङा जेजन परमेस्वरलं चान्याथाई प्रचार ढाऔ नाल्ट ङाछेल्चिऊ, 15ओटन नकाङजन दुस्टआत्माङजन पलिईन्या “अढिकार बै आयोवाङ।” 16नका बारं प्रेरितयाङ इकाङ हो सिमोन, जोल मिन येशुले पत्रुस आनाटौ। 17जब्दियाल ज़ा याकूब सनर याकूबल भाई यहुन्ना। ओले नकानेलोअजन बोअनर्गेश अथाबा “गर्जनल ज़ानें” ओमनलेन्या मिन आयोवने। 18अन्द्रियास, फिलिप, बारथोलोमाइ, मत्ती, थोमा, अल्फयसलं आज़ा याकूब, सनर थेदियस, सिमोन कनानी, 19ओटन यहूदा इस्करियोत जोले येशुजन धोखा यांस्यु कोलोकौ आपरिङौ।
येशु सनर बालजिबुल
मत्ती १२:२२-३२; लूका ११:१४-२२
20तब येशु फरि झिमदेए हिनौ। नल फरि तपाला आवाए घिन्या रुयाङ हुल दुउसिवाङ, कि येशुले ज्यान्या ज्यावनाम बै माडोएदा। 21जब येशुल जाहानयाङै ईका राथटौ तब ओलजन लाङन्या लेस्युकने नकाङ झिमलन पलिइवाङ, दानाङभन्या रुयाङै येशुल यिङ आथअल माल्दी ऐलेवाङ। 22ब्यबस्थाला ख्वाएयाए शास्त्रीयाङ जो यरुशलेम सहरङन रा:स्यु लेवाङ, नकाङै ऐलेवाङ, “नकात बालजिबुल भूत लेया, ओटन भूतयाङल खसमलं बलले ज भूतयाङजन पलिटौरा।”#मत्ती ९:३४; १०:२५ 23तर नकाङजन आल्योङ खुल्स्यु आहानङन छ्योङौ तअसिऊ, “सैतानले कैलेस्यु सैतानजन पलिटौ ढुदुऊ?” 24यदि काङ्का राज्ययाङ रारां बिरोद ढास्यु च्याङदुरा भन्या नका राज्यले कैलेस्यु बोलोङ लिज्याऔ ढुदुऊका। 25ओटन यदि काङ्का झिमल बै रारांल मामिलिरकन नका झिमल बै तनस्यु लिज्याऔ माढुदुरदी। 26ओटन यदि सैतानले सैतानले बिरोदत च्याङस्यु मामिलिरकन ओयाङ बै टनौ माढुदुरदी, तर नकाङ बाठए-बाठए ताइस्युई मांरा।
27जो कोबाअले बलल्या रुल झिमल पसिस्यु नकाल धनसम्पत लुटिऊ माढुदुऊदी। नैताइस्यु जब समन नाले पहेला नकाले नका बलल्याजन मापोकौ। तब समन नाले झिम लुटिऊ माढुदुऊदी।
28“ङा जेजन मछ्यु ऐढाच्या, सोगलै रुयाङल पाप सनर ईस्वर बिरोदल छेमा ढान्यालेसिया, 29तर पबित्र आत्माल बिरोदत यदि बाए ढोच्योकन ना खकै बै छेमा ढान्यामाल्सिदी। मानकन्ता नका अनन्त पापल अपरादि ठहराइसिया।”#लूका १२:१० 30येशुले ईका बचन ऐलेस्यु छ्योङौ, ओटन ना शास्त्रीयाङै “नका ल्योङ अशुद्दआत्मा लेऊ” ऐलेस्यु नकाङै ऐलेवाङ।
येशुल आअमा सनर आभाईयाङ
मत्ती १२:४६-५०; लूका ८:१९-२१
31तब येशुल आअमा सनर आभाईयाङ नल रांवाङ, ओटन बाहेरलै च्याङस्यु ओलजन खुलौ रांपरिङौ। 32रुयाङल हुल येशुल नावङल, चुङज्यावाङ ओटन नकाङै येशुजन ऐराढोव, “खिम्ते, नाअमा सनर नभाईयाङ पाखाल नङजन रोअज्यावाङ।” 33येशुले नकाङजन जबाक आयोवाङ, “ङाअमा सनर ङा भाईयाङ काङ्काङ?” 34ओटन ओले चारवर खिमस्यु ऐआढोव, “ब्याएचिते, इकाङ ज्या ङाअमा सनर ङा भाईयाङ। 35दानाङभन्या जोले परमेस्वरलं इच्छ्या पालन ढोव नकाङज ज्या ङा भाईयाङ सनर ङा बैनाङ ओटन ङाअमाङ ज्या?”
Àwon tá yàn lọ́wọ́lọ́wọ́ báyìí:
मर्कुस 3: NTSKm25
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मर्कुस 3
3
येशुले आकुई राङन्या रुजन आसबेलौ
मत्ती १२:९-१४; लूका ६:६-११
1फरि येशु आराधना झिमल हिनौ। नल आकुई राङन्या तोलोअ रु लेऊ। 2किगर्दाङ शबाथ-छिम्क येशुले नाजन आसबेलौ सन् आमासबेलौ लेस्यु, येशुजन दोस लाहौ नाल्ट रुयाङ काङ्काङ आचेवाल लिज्यावाङ। 3तब ओले आकुई राङन्या वाला रुजन ऐआढोव, “रुयाङ खार्ल च्याङनते।” 4ओले नकाङजन ऐआढोवाङ, ब्यबस्थाला नियाम अनुसार “शबाथ-छिम्क भलाई ढान्या ठिक लेऊसन? माचान्या ढान्या, परान जोगाइन्या सन् नास जाएन्या?” नै ठिक लेऊ? तर नकाङ छपक्कै दिङवाङ।
लूका १४:३
5नकाङ यिङला कठोरताले गर्दा दुख मानिस्यु नकाङजन आयिङ चोस्यु चारवर आखिमौ, ओटन नका रुजन ऐआढोव, “न कुई पसारते” नकाले आकुई आपसारिऊ ओटन नाल कुई बेल्दा। 6तब फरिसीयाङ आराधना झिमलन पलिईस्यु पाखाल हिन्वाङ, ओटन येशुजन सटौ नाल्ट ओचोएटै हेरोदीयाङ सकाए सल्ला ढाऔ तअसिवाङ।
(समुन्दर वङल रुयाङल हुल)
मत्ती १२:१-१६; लूका ६:१०-१९
7नाल छिन्ट येशु आ सिइयाङ सकाए समुन्दर वङल हिन्वाङ, गालील प्रदेस सनर यहूदाला पोलन, रुयाङल घिन्या हुल येशुल छिन्ट लागिवाङ। 8यरुशलेम सहरङन, इदुमिआला, यर्दन भईल पुर्बङन टुरोस सनर सीदोनल नावङला पोलन सोगल रुयाङल घिन्या हुल येशु ल्योङ रांवाङ, ओटन नकाङै थएस्यु रांनाटौ कि नाले अचम्मला काम ढाज्याऔ। 9हुलले ङाजन तामिचिङरत्या ऐलेस्यु येशुले आ सिइयाङजन आ नाल्ट तोलोअ इङन्या डोङ्गा तयार जाटौ आपरिङवाङ।#मर्कुस ४:१; लूका ५:१-३ 10येशुले तबर रुयाङजन आसबेलौकाले, रोगियाङ सोगलैले ओलजन छुङा लेस्यु रांहिनौक थुईसिवाङ। 11जब दुस्टआत्मायाङै ओलजन रङर, तब आहाक गोम लेस्यु ऐलेस्यु कलिऊरा, “कि नङ परमेस्वरलं ज़ा ज्या।”
12तर येशुले दुस्टआत्माङजन कडा चेताउनी आयोवाङ, कि ङा काङ्का ऐलेस्यु तापानच्यो।
येशुले आछेलन्या बारंगोटा सिइयाङ
मत्ती १०:१-४; लूका ६:१२-१६
13नकाल छिन्ट येशु डान्डाल वूमौ, ओटन येशुले आचाहिन्या भरिजन आखुल्वाङ, ओटन नकाङ येशु ल्योङ रांवाङ। 14ओटन येशुले बारं सिइयाङजन आछेल्वाङ, ओटन नकाङजन प्रेरित मिन आनाएस्योवाङ, ओटन नकाङजन आढोवाङ, जे ङासै लिज्यान्याल नाल्ट सनर ङा जेजन परमेस्वरलं चान्याथाई प्रचार ढाऔ नाल्ट ङाछेल्चिऊ, 15ओटन नकाङजन दुस्टआत्माङजन पलिईन्या “अढिकार बै आयोवाङ।” 16नका बारं प्रेरितयाङ इकाङ हो सिमोन, जोल मिन येशुले पत्रुस आनाटौ। 17जब्दियाल ज़ा याकूब सनर याकूबल भाई यहुन्ना। ओले नकानेलोअजन बोअनर्गेश अथाबा “गर्जनल ज़ानें” ओमनलेन्या मिन आयोवने। 18अन्द्रियास, फिलिप, बारथोलोमाइ, मत्ती, थोमा, अल्फयसलं आज़ा याकूब, सनर थेदियस, सिमोन कनानी, 19ओटन यहूदा इस्करियोत जोले येशुजन धोखा यांस्यु कोलोकौ आपरिङौ।
येशु सनर बालजिबुल
मत्ती १२:२२-३२; लूका ११:१४-२२
20तब येशु फरि झिमदेए हिनौ। नल फरि तपाला आवाए घिन्या रुयाङ हुल दुउसिवाङ, कि येशुले ज्यान्या ज्यावनाम बै माडोएदा। 21जब येशुल जाहानयाङै ईका राथटौ तब ओलजन लाङन्या लेस्युकने नकाङ झिमलन पलिइवाङ, दानाङभन्या रुयाङै येशुल यिङ आथअल माल्दी ऐलेवाङ। 22ब्यबस्थाला ख्वाएयाए शास्त्रीयाङ जो यरुशलेम सहरङन रा:स्यु लेवाङ, नकाङै ऐलेवाङ, “नकात बालजिबुल भूत लेया, ओटन भूतयाङल खसमलं बलले ज भूतयाङजन पलिटौरा।”#मत्ती ९:३४; १०:२५ 23तर नकाङजन आल्योङ खुल्स्यु आहानङन छ्योङौ तअसिऊ, “सैतानले कैलेस्यु सैतानजन पलिटौ ढुदुऊ?” 24यदि काङ्का राज्ययाङ रारां बिरोद ढास्यु च्याङदुरा भन्या नका राज्यले कैलेस्यु बोलोङ लिज्याऔ ढुदुऊका। 25ओटन यदि काङ्का झिमल बै रारांल मामिलिरकन नका झिमल बै तनस्यु लिज्याऔ माढुदुरदी। 26ओटन यदि सैतानले सैतानले बिरोदत च्याङस्यु मामिलिरकन ओयाङ बै टनौ माढुदुरदी, तर नकाङ बाठए-बाठए ताइस्युई मांरा।
27जो कोबाअले बलल्या रुल झिमल पसिस्यु नकाल धनसम्पत लुटिऊ माढुदुऊदी। नैताइस्यु जब समन नाले पहेला नकाले नका बलल्याजन मापोकौ। तब समन नाले झिम लुटिऊ माढुदुऊदी।
28“ङा जेजन मछ्यु ऐढाच्या, सोगलै रुयाङल पाप सनर ईस्वर बिरोदल छेमा ढान्यालेसिया, 29तर पबित्र आत्माल बिरोदत यदि बाए ढोच्योकन ना खकै बै छेमा ढान्यामाल्सिदी। मानकन्ता नका अनन्त पापल अपरादि ठहराइसिया।”#लूका १२:१० 30येशुले ईका बचन ऐलेस्यु छ्योङौ, ओटन ना शास्त्रीयाङै “नका ल्योङ अशुद्दआत्मा लेऊ” ऐलेस्यु नकाङै ऐलेवाङ।
येशुल आअमा सनर आभाईयाङ
मत्ती १२:४६-५०; लूका ८:१९-२१
31तब येशुल आअमा सनर आभाईयाङ नल रांवाङ, ओटन बाहेरलै च्याङस्यु ओलजन खुलौ रांपरिङौ। 32रुयाङल हुल येशुल नावङल, चुङज्यावाङ ओटन नकाङै येशुजन ऐराढोव, “खिम्ते, नाअमा सनर नभाईयाङ पाखाल नङजन रोअज्यावाङ।” 33येशुले नकाङजन जबाक आयोवाङ, “ङाअमा सनर ङा भाईयाङ काङ्काङ?” 34ओटन ओले चारवर खिमस्यु ऐआढोव, “ब्याएचिते, इकाङ ज्या ङाअमा सनर ङा भाईयाङ। 35दानाङभन्या जोले परमेस्वरलं इच्छ्या पालन ढोव नकाङज ज्या ङा भाईयाङ सनर ङा बैनाङ ओटन ङाअमाङ ज्या?”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025